هل ستتغير اللوحات في السعودية ؟

[A L H A M O O R]

أنا ودي أعرف اذا انتهت الحروف في اللوحات ونحن الآن في حرف النون بقي فقط هـ و ي
يعني تقريبا سنتين وتنتهي ..
هل أحد منكم يعرف وش بيصير ؟

[حـائــر]

السلام عليكم
أخي دورية عندك في اللوحة 3حروف و3 ارقام وكل رقم وحرف يمثل 100.000 في ا لوحة
وعندك تقريبا 4 الوان خصوصي ابيض نقل ازرق نقل ثقيل أحمر .......

فهي محسوبة لتغطية 7 مليون لوحة تقريبا .........

واللوحات غير عملية فهي تحتوي على ارقام وحروف عربية فقط يعني الاجنبي ما يقدر يقراها ولا يستطيع يبلغ عن لوحة سيارة00


فيا ليت تتغير ؟

[T.N.T]

هلا فيك يخوي ..

اللوحات يقولون راح يغيرونها بحيث تضم المدينة في نفس اللوحة ..

بس اعتقد راح تكون فكرة بايخة لانه راح يصير حزازيات بين اصحاب السيارت ..

شوف هذا من الرياض ولا شوف هذاك من جدة ولا شوف هذاك من الدمام

مشكور يخوي

[M.A.D about u]

انا سمعت اشاعتين
وحده تقولك بتصير اربع حروف وثلاث ارقام

والثانيه تقولك ثلاث حروف واربع ارقام


وبالحالتين بايخه

على العموم ننتظر ونشوف

اخوووكم مرزوووق :)

[الوليد الطائر]

انا اشوف ان خطة اللوحات هذه ماكانت مجدية وعمرها مو طويل اللوحات الجديدة طلعت من عام 1996" 1416هـ ولو فرضنا ان كل حرف يستمر سنة واحد فيظل عندنا حرف ال " ن " و " هـ" و "و" واخيرا حرف ال" ي" يعني اللوحات خلال اربع سنوات وبالكثير 4 سنوات ونص وتنتهي بمعني في عام 1430 اللوحات هذه خلاص واكيد المرور حاليا يبحث عن ألية جديدة للوحات واشكال جديدة
اسلوب الحروف والارقام هو اسلوب امريكي ويطبق بنجاح في امريكا والسبب يرجع ان الحروف الانجليزية تستخدم كلها في اللوحات مو مثل السعودية تستبعد الحروف المتشابه المحتوية على نقطة مثل حرف "خ" و " ج" و "ز" لانها راح تكون فيها صعوبة في القراء او رصد اللوحة يعني احتمال تصير لخبطة بين حرف "ط" و "ظ"

[M O A Y A D]

المفروض اخوي انهم يتبهون لهذا العملية...
يعني لو تجي تحسبها من عام 1416 الى 1430 تقريبا 14 سنة



اين التخطيط هذا الذي لايدوم اكثر من 14 سنه تقريبا

اعتقد ان من الافضل تغيير اللوحات

الى حرف او حرفين يدلون على اسم المنطقة و4 او خمسة ارقام....



هذا مجرد راي شخصي....

[عمر الشهري]

أنا أقترح لو يخلون الحروف ملونة



يعني لو يجي يبلغ العسكري يصير يقول



أ أزرق- ب أحمر -ح لؤلؤي 8 8 8 ;)



هخخخخخخخخخخخ



والله يخوي ننتظر ونشوف



صعب التخمين هنا



ولك مني التحية,,,

[أعز إنسان]

على ما سمعت انهم بغيرونها

ويضيفون اللغة الانجليزيه في اللوحة

والله اعلم

[المتألق]

انا اقول يمكن يضيفون الصفر زي الاتصالات


هههههههههه

[bmw2002]

هذي فكرة اللوحات بايخة من اولها

وما تدوم طويل

انشاء الله يخلونها ارقام تبتدي من الصفر الى ما لا نهاية

:D

مع التحية

[ابوميس]

لا يا اخوي المتألق

انا اعتقد انهم بينزلون شركة مرور اماراتية منافسه

علشان يمنعون الاحتكار وتصير اللوحات المميزه ب100 ريال بس :D

[محبوب]

السلام عليكم

مشكور اخوي على المو ضوع الحلو

وانا سمعت انا اللوحات هدا بتتغير فعلاً

بس متى الله اعلم

اكتشفو بعد ما اتوزعت انه بدون اللغه انجليزيه

الخطء لم يكتشف الا بعد التوزيع.....

في بدايات التوزيع كانت بتتوقف بس اتوزعت لايش الله اعلم...........؟

والي اعرفه انها بتتغير وانشالله قريب

وشكراً

[MITSUBISHI2005]

انا اقول لو يحولون الحروف الي انجليزيه احسن ويتبعون النظام الامريكي احسن عشان الحروف الانجليزيه مافيها تشابه بالشكل بينما العربيه مثل ماقال احد الاعضاء فيها تشابه يمكن تصير مشاكل بعدين مثل حرف ظ يمكن تصير ط وحرف ج يمكن تصير ح وقس على ذاللك يعني لو يكون النظام الامريكي هنا احس وكل نظام امريكي يعتبر ناجح لانه مدروس بينما احنا يالعرب مافي شي اسمه دراسه ماعندهم فكر مايفكرون شي حش مش حالك سنه سنتين وخلاص بينما الامريكان .................الى 50 سنه قدام بعد
ووووووووودمتم سالمين

[noone]

اما بيغيروها ----------------------> رحنا وطي
والي قاعد يدفع الألوف عشان ثلاث حروف--------------------------->يستاهل
طيب والي حاط موضوع كامل عشان يحلم بلوحة----------------------->اسمها حلم
اما إذا صارت باللغة الانجليزيه ترى الرقم 9876543210 لي ترى حجزت من الحين----------------------------------->احد قالك عشرة رقام
والسلام عليكم------------------------> وعليكم السلام