هل هذا شي طبيعي إن لومينا SS 2005 تقوم عليها كابريس 2005 SS

[شخاط]

السلام عليكم .

كيف الحال ان شاء الله بخير

يا شباب أنا جربت مع كابريس 2005 SS قومة وأنا معي لومينا 2005 SS وكلنا شابكين البور وفاصلين التراكشن

أنا طلعت عليه قومة إلى 180 كلم وبعدين جابني وصار قدامي والفرق كان بيني وبينه تقريباً سيارة ونصف وكانت السرعة على 239 كلم .
وأنا معي ثلاثة والبنزين كان فل وهو كان واحد لحالة وما أدري عن البنزين الي معه .

أنا الصراحة أول مرة أسرع السرعة هذي لأني تقريباً هادي وإذا دست أوصل إلى 140 وبعدين أفك الدواسة وسيارتي ماشيه 5500 كلم بس .

ما أدري هل السيارة طبيعية أو انها توها يبيلها تمرين ولا العوامل الي قلتها لك هي الي أثرت .

أرجوا أن تردو علي لأني الصراحة تحطمت مرة ;) .


تحياتي .

[blue chevy]

مكينة اللومينا نفس مكينة الكابريس

بس الكابريس للناس الكبار يعني مو شبابيه مثل اللومينا

ووزن الكابريس اكبر من اللومينا.

بس عندك انت ثلاث اشخاص
وحسب اوزانهم
نقول الواحد وزنه 70
والوزن الزايد 70 + 70 + 70 + = 210 كجم زايد.
هذا اذا مو ازيد.

ولا تتحبط
شئ عادي

[المهنا بيك]

مكينة اللومينا نفس مكينة الكابريس

بس الكابريس للناس الكبار يعني مو شبابيه مثل اللومينا

ووزن الكابريس اكبر من اللومينا.

بس عندك انت ثلاث اشخاص
وحسب اوزانهم
نقول الواحد وزنه 70
والوزن الزايد 70 + 70 + 70 + = 210 كجم زايد.
هذا اذا مو ازيد.

ولا تتحبط
شئ عادي


100% كلامك :D

[mortally]

كلام الشباب صحيح وما عليه زود لا تخاف سيارتك طبيعية

[شخاط]

مشكووووووووووووورين يا شباب على الردود الي تشرح الصدر

وعلى فكرة ترى الأوزان هي :- 70 + 95 + 87 = 252 كجم


وراعي الكابريس تقريباً وزنة ما بن 70 و 80

أنا ما كتبت الموضوع إلا علشان إن شايف مقاطع فيديو للومينا تقوم على الكوابريس


تحياتي .

[SaDSmiLe]

مكينه الكابرس اس اس نفس مكينه اللومينا اس اس بالضبط لكن اللومينا اخف من الكابرس بكثيييير


و مفروض ما يطلع عليك في الاخر مفروووض اللومينا قدامه الين 240

لكن جرب معاه مره ثانيه و انت بلحالك في السياره و شوف الفرق

[TSS]

اخوي شخاط ..السبب انك ماتمشي على سرعات عاليه او بمعنى اصح ماتمسك خطوط ...السياره تكون ممرنه
على السرعه بين 0 الي 120 او بالكثير 160...انا قاومت اس اس كابرس 2005 قومه بيني وبينه 6 سيارات...
والله استغربت ماادري ليه اضعف اس اس قاومتها واتوقع السبب هو السياره جديده يبغالها وقت..
انت امسك خط مره مرتين وقاومه اذا ماقمت على ما اكون انا طلال..

[Blue Monaro]

الوزن يأثر

[راعي الكراون]

الوزن له تأثير كبير واعتقد انك طرحته عشان الوزن الي معاك
وترى شي طبيييييعي جدآ احيانآ تجيك كوابرس تطرح لومينات واحيانآ العكس

[الكويتي17]

والله تبي الصراحة مو شرط اللومينا تطوف الكابريس ...انا بعيني شايف أكثر من كابريس ss يطوف لومينات ..وواحد من ربعي المقربين عنده كابريس ss 2002 وما يطوفه الا الومينا كوبية ..

[$$عبدالعزيز$$]

الوزن اثر كثير بس ما عليك ترا عادي


الكابرس واللومينا عيال عم عادي يعني

[شخاط]

آآآآآآآآسف يا شباب على التأخير .

خلاص اقتنعت بكلامكم والي خلاني أقتنع أكثر لأن هو ممرنها صح والسبب انه يمسك روحة ورجعة كل اسبوع من الدمام إلى القصيم على 160كلم إلى 240 كلم أهم شي انه ما ينزل عن الـ 160 كلم .

وأيضاً هناك سبب ثاني الي هو انه ماشي أكثر من 20 ألف كلم .

أشكركم على تفاعلكم مع الموضوع .

تحياتي .