كورفيت - موستنغ - GTO

[SVT]

السلام عليكم ياشباب

احب بهذه المشاركه البسيطه اشوف رايكم بين 3 من السياارات السبورت الامريكيه الي الكل يعرفها واسال نفسك هالسوال لو ربحت جائزه وقالو لك اختار طبعا بغض النظر عن السعر وشنو تختار بين :

1- كورفيت C6 2005
2-موستنغ GT 2005
3-بونتياك GTO 2005

واحب اشوف ارائكم وانشوف نتائج التصويت وذوق الشباب.

عن نفسي راح اختار الموستنغ :D لاني من عشاق الموستنغ.

[NYC]

SVT

وعليكم السلام ورحمة الله وبركاته

صار لك انقطاع عن المنتدى ولكن نتمنى استمرارك يالغالي

بالنسبه لي الكورفت 2005 ، ولكن اسمه C6 وليس C5 :)

ونشوف آراء الشباب

[Caprice]

مايبيلها كلام
كورفيت C6

حياك الله

[SS_CAMARO_SS]

اكيد كورفيت C6

[الكويتي17]

بدون أدنى شك c6 ...

ومشكور على الموضوع الجميل :)

[SVT]

السلام عليكم

هههههههههههه واضح الشباب من عشاق الكورفيت ويعطيكم العافيه على المشاركه واتمنى من كل الاعضاء يشاركون ووينكم يامحبين ال GTO نبي فزعتكم.

بالنسبه للكورفيت تعتبر فخر الصناعه الامريكيه لما تتميز به من روعه التصميم وقوه المحرك و سعرها التنافسي الذي يعتبر رخيص جدا بالمقارنه مع فئتها من السيارات الاخرى.

اما الموستنغ فيأتي موديل 2005 بشكله الجديد المميز وقوه المحرك 300 حصان.

ولعشاق الومينا فيعتبر البونتياك GTO نسخه لومينا اس اس في امريكا وهو يتميز بمحركه القوي وكذلك بشكله الرهيب.

وان شاء الله اضع صور للسيارات الثلاثه لكي تقارنون عدل بينهم وتحياتي .

[الوليد الطائر]

مشكور على الموضوع الجميل ..... ولكن انا عن نفسي ولا اراديا كورفيت C6

[بو العابد]

السلام عليكم في شي غلط في المقارنه !!!!!!!!
المفروض تصير المقارنه بين الموستنغ و GTO أو بين الكورفت والفايبر

دام الكورفت موجود راااحت على السيارات الثانيه

[SVT]

السلام عليكم

اخوي بوعابد نقطتك وايد حلوه بس انا احب اقولك شغله انه الفايبر سياره مو منتشره عندنا يعني تنعد بالاصابع ووالوكاله ماتجيبها بس بالنسبه للكورفيت فهي موجوده ومنتشره ولها وكاله وهذه سبب اختياري لها . ووانا احب اشوف اذواق الشباب ومبين الكورفيت اهو المسيطر وطبعا اكيد لو تاخذها من ناحيه القوه بس انا ابيها بشكل عام يعني الشكل تقدر تقول يعني اوضح لك اكثر شنو تختار لو تبيها حق تمشي يعني مو حق مقاوم ودوس وشكرا على مرورك الطيب.

الوليد الطائر ههههههههههههههههههههه حلوه مشاركتك وان شاء اللله يرزقك بكورفيت قول امين

[FAT JOE]

انا احترم الموستنغ GTO واظنها احسن من الكورفيت

ونشوف اراء الشباب

تحياتي

[أبوطه]

الكورفيت افضل من الجميع اخوي الغالي

[THE CORVETTE]

اقسم بالله عز يالكورفيت :)
من ناحية الشكل فهي احلاهم من قال انها حقت مقاوم وبس
بالعكس
وgto قويه لكن ماتصف عند الكورفيت والموستنج مايتقارن لا مع الكورفيت ولا مع ال GTO لانه بصراحه من يوم ماسمعت انه اللومينا تطير عنه بالخط وانا كرهته مع اني احب الموستنج واجد

[_GTO_]

انا من جهتي اقول GTO اولا لاني من عشاقها وثانيا محركها نفس الكورفيت LS2وشكلها بانسبة لي احلى وعملية

[بو العابد]

كاتب المشاركه الأصليه: SVT
السلام عليكم

اخوي بوعابد نقطتك وايد حلوه بس انا احب اقولك شغله انه الفايبر سياره مو منتشره عندنا يعني تنعد بالاصابع ووالوكاله ماتجيبها بس بالنسبه للكورفيت فهي موجوده ومنتشره ولها وكاله وهذه سبب اختياري لها . ووانا احب اشوف اذواق الشباب ومبين الكورفيت اهو المسيطر وطبعا اكيد لو تاخذها من ناحيه القوه بس انا ابيها بشكل عام يعني الشكل تقدر تقول يعني اوضح لك اكثر شنو تختار لو تبيها حق تمشي يعني مو حق مقاوم ودوس وشكرا على مرورك الطيب.
نفس الشي دام الكورفت موجود مافيها كلام من كل النواحي شكل +عزم+شعور+اسم+مكانه+شفر=كورفت

أفهم من كلامك انه التمشيه بالموستنغ أحسن من الكورفت:confused: وأنه الكورفت حق مقاوم بس|10|

أنا أحب الموستنغ بس زي ماقلتلك دام الكورفت موجود :cool:

شي ثاني تقول انه الفايبر ينعد بالأصابع والوكاله ما تجيبها طيب كم بونتياك GTO موجود عندنا وهل لها وكاله أصلا:D
المفروض تقول لومينا كوبيه وليس بونتياك GTO



شكلي سويت فوضه بس ما يخالف تحملني :D

[COBRA.S.V.T]

ياغالي لو وضعت بدل جي تي كوبرا 2004 مو2005

اقول مووووووووووووستنج وكوبرا والله هيبه

عندي مقطع موستنج كوبرا 2004 يقوم على كورفيت 2004 بفارق ثانية واحدة انشاءالله انزلة

ومقطع ثاني كوبرا 2003 تقوم على مرسيدس م 2005 AMG

TWIN TURBO كمان
الجي تي استعراااااااااضية من إلى

[SVT]

السلام عليكم

احب اشكر اخواني الاعضاء الي ساهموا بالموضوع واتمنى من كل الاعضاء المشاركه بالتصويت بس احب ارد على الاخوين بو عابد والاخcobra.s.v.t

بالنسبه للاخ cobra.s.v.t انا قصدت بالموضوع مقارنه اخر الموديلات يعني الموستنغ الشكل الجديد ومانزل الا جي تي و 6سلندر وطبعا الكورفيت c5 وال بونتياك GTO واحب اشوف الاذواق ووحاليا الكورفيت متربع على الصداره.

اخوي بوعااابد بالعكس مشاركتك حلوه والفوضه الي سويتها مطلوبه لانها اهي الي تخلي المناقشه حلوه وعلي العموم ترى وجه نظرك وصلت وبالنسبه لل بونتياك وهو الي يماثل لومينا اس اس بس انا حبيت اخليهم كلهم سيارات امريكيه مش استراليه .

وانا قصدت انه تختار اي سياره بغض النظر عن السعر يعني حق تمشي ومقوام وكل حاجه ولازم الاذواق تختلف من جذي وضعت الاسواق ويعطيك العافيه وكثر من الخبطه والفوض ووانطر ردك يا بوعابد :)

[بو العابد]

البونتياك GTO أسترالي وليس أمريكي المصنع اللي تطلع منه اللومينا هو نفسه اللي تطلع من البونتياك GTO الفرق انه ذي تروح الخليج والثانيه تروح امريكه. بعدين حتى لو

تبي تتأكد تفضل إقرا اول ثلاث سطور وتعرف كل شي
http://gmhightechperformance.com/features/0407htp_aussie/

بعدين حتى لو إفترضنا إنها امريكيه إشلون تبينا نقارنها على أساس إنه عندنا سياره تشبها بس من أستراليا:D كأن السالفه طويله ومالها داعي لأن السيارتين من استراليا

ثاني شي انت تقول بغض النظر عن السعر دام السعر مايهم مايبيلها الكورفت لو السعر يهم كان قلتلك الموستنغ

[THE CORVETTE]

احب اظيف شي على الموستنج كوبرا
يعني انا من عشاق الموستنج لكن فيه شي ظيق خلقي يوم شفته
عندي مقطع فديو فيه مقارنه بين فايبر acr وموستنج كوبرا وكورفيت z06

الفايبر : سعة المكينه 8 - عدد الاحصنه 460 - تسارعه من الصفر في خلال 4.3
الكورفيت : سعة المكينة 5.7 - عدد الاحصنه 385 - تسارعه من الصفر خلال 4.8
الكوبرا : سعة المكينة 5.4 - عدد الاحصنه 385 - تسارعه من الصفر في خلال 5.4 <<<< فرق بينه وبينهم
وثانيا ذكروا في المقطع انه الكوبرا تكييفه ظعيف ومسجل تعبان وبصفه عامه قال انه قوته في مكينته لكن داخليا تعبان
والله انا من عشاق الموستنج بس هذا ضيق خلقي

[COBRA.S.V.T]

احب اظيف شي على الموستنج كوبرا
يعني انا من عشاق الموستنج لكن فيه شي ظيق خلقي يوم شفته
عندي مقطع فديو فيه مقارنه بين فايبر acr وموستنج كوبرا وكورفيت z06

الفايبر : سعة المكينه 8 - عدد الاحصنه 460 - تسارعه من الصفر في خلال 4.3
الكورفيت : سعة المكينة 5.7 - عدد الاحصنه 385 - تسارعه من الصفر خلال 4.8
الكوبرا : سعة المكينة 5.4 - عدد الاحصنه 385 - تسارعه من الصفر في خلال 5.4 <<<< فرق بينه وبينهم
وثانيا ذكروا في المقطع انه الكوبرا تكييفه ظعيف ومسجل تعبان وبصفه عامه قال انه قوته في مكينته لكن داخليا تعبان
والله انا من عشاق الموستنج بس هذا ضيق خلقي


تأكد من كلامك الموستنج 2005 جي تي 300 حصان 5 ثواني فقط

كيف تبغى كوبرا 5,4 فية لبس

[بو العابد]

كاتب المشركه الأصليه COBRA.S.V.T

تأكد من كلامك الموستنج 2005 جي تي 300 حصان 5 ثواني فقط

كيف تبغى كوبرا 5,4 فية لبس


أهو مايتكلم عن 2005

هو يتكلم عن الكوبرا R 2003

صحيح كلامه الكوبرا أر ما في مسجل ولا مكيف ولا مقعد خلفي وسعرها:mad: نار ولا صنعو منها إلا 100 وحده

ومع ذالك الكورفت أقوى من مع انه في مسجل ومكيف وعلى كيفك :D

[THE CORVETTE]

اخوي الموستنج له هيبته لكن اهملوه والله لدرجة انه جي تي 2005 300 حصان بس !!!
اللومينا 320 على مااعتقد يعني معليش

والله مافيه غير السالين والشلبي
انا من عشاق السالين بصراحه
شكل وقوه وصوت

[بو العابد]

السالين غالي مررررره ماله داعي قيمته قريب من الفايبر وسمعت خبر إنه موديل 2005 ممنوع في ولاية كاليفورنيا لأنه ماأجتاز اختبارات انبعاثات العادم يعني رسب في الكربون

والموستنغ طول عمره موقوي مرره بس في عزم ويستقوي بسرعه كلها كم قطعه ويستوي طياره صحيح إنه 300 حصان بس الموستنغ يعجبك

أنا كان عندي 97 استاندرد يعني بالكثير 230 حصان قوته بس عليه عزم خيالي حتى خويي كان ما يشتهي الموستنغ لأنه راعي كورفتات ذيك اليوم عاد كان عنده بي ام 850 طلعت وياه قومه مشيت وياه لين الرابع بعدين طلع علي
يوم رجع قال لي الموستنغ إذا صار قير عادي في عزم <<<<<<<ركز على قير عادي لأنه الاتوماتيك مافي ذاك العزم
بعدين عدد الأحصنه ماله دخل في السالفه كم سياره طلعت وكانت عليها قوه وبعد فتره إختفت وأقرب مثال الكمارو كان المنافس للموستنغ ومن سنة 87 كان الكمارو متفوق في القوه على الموستنغ ولكن تم إستبعاد الكمارو سنة2002 لقلة البيع مع أنه كانت قوته 320 حصان وقير عادي 6 نمر ويجي منه أس أس بقوة 385 حصان تقريبا
أما الموستنغ فكانت قوته تتراوح بين 240 إلا 260 حصان وقير عادي 5 نمر مع ذالك لم يقل الطلب عليه ولم تتأثر مبيعاته في سنه من السنين
هل تعلم أننا في الشهر الثالث من سنة 2005 وفورد أغلقت باب الطلب على موستنغ 2005 فقد حجزت كلها كلها واللي يبي يصبر إلى 2006

[Night]

اكيد الكورفيت :)


بلا شك



night

[bashar_255]

مافي أي مجال للمقارنه !!

انت لو حاط الموستنج ستيديا كان فيه مقارنة أقل شي :D

الموستنج طبعا هي اللي انا اخترتها :D

[bashar_255]

اخوي الموستنج له هيبته لكن اهملوه والله لدرجة انه جي تي 2005 300 حصان بس !!!
اللومينا 320 على مااعتقد يعني معليش

والله مافيه غير السالين والشلبي
انا من عشاق السالين بصراحه
شكل وقوه وصوت

أخوي mustang LX من مديل 87 الى 92 يجي 225 hp و الـ 93 يجي 215 hp و ما شفت بعمري ان لومينا طلعت على LX

و ازيدك من الشعر بيت :D

ليومك الشباب مو مقتنعين ام الموستنج اللي بمحرك 4.6 الجديد أقوى من الـ5.0 القديم :rolleyes:

روح الله وياك |3|

[bashar_255]

السالين غالي مررررره ماله داعي قيمته قريب من الفايبر وسمعت خبر إنه موديل 2005 ممنوع في ولاية كاليفورنيا لأنه ماأجتاز اختبارات انبعاثات العادم يعني رسب في الكربون



بالنسبة للسالين ما تستاهل هالسعر علشان قوتها :rolleyes:

قوتها 325 حصان بس :eek: و من داخل بصراحة في منتهى الفخامة شي عجيب و غريب و من الخارج زوايد و جنوط حركات و عملو لها سسبنشن جديد قوي و أثبت من الموستنج الجيتي بمراحل ...

و بالنسبة للكربون انا ما اعتقد لسببين :
1. فرق بسيط في القوة بين الجيتي و السالين يعني ايش اللي غيروه علشان تتغير القوة ؟ 25 حصان تجي من اكزوز و فلتر هوا :)
2.كاليفورنيا هي أكبر ولاية يبيعو فيها سالين و كان اعتبرو لها

و في النهاية الكربون حله سهل :D

[bashar_255]

الكورفيت : سعة المكينة 5.7 - عدد الاحصنه 385 - تسارعه من الصفر خلال 4.8
الكوبرا : سعة المكينة 5.4 - عدد الاحصنه 385 - تسارعه من الصفر في خلال 5.4 <<<< فرق بينه وبينهم


انا شفت المقطع و ما أقول الا لاحول ولا قوة الا بالله :o

و اصرح بأن هذه المعلومات مغرضة بالفورد و شعب الفورد و نوجه الإتهامات الى كل من شركتي دوج و شفر و لدينا هذا التقرير :D

http://www.fast-autos.net/ford/fordmustangcobrar.html

|3|

[بو العابد]

كتبت بواسطةbashar_255
قوتها 325 حصان بس :eek: و من داخل بصراحة في منتهى الفخامة شي عجيب و غريب و من الخارج زوايد و جنوط حركات و عملو لها سسبنشن جديد قوي و أثبت من الموستنج الجيتي بمراحل ...


تأكد لأن اللي أعرفه إنه قوته 420 حصان وترى المكينه عليها بلور والقير ست نمر عادي اللي قوته 325 حصان هذا موستنغ روش

وأنا قلتلك مايستاهل قيمته لأن الجي تي ينباع حول 27 الف دولار تزيد او تنقص قليل أما السالين ينباع حول 45 الف دولار تزيد اوتنقص قليل يعني إذا نزل الكوبرا السنه الجايه بيسكت السالين أو يشوفون لهم حل :D

[راعي CL&الهمر]

اكيد كورفيت c6

[الكاسر_ss]

الكورفت اكييييييييييييييد

[bashar_255]

بو العابد :الموستنج الكوبرا شلبي اللي تجي 420 السالين 325 :)

على فكرة لا يغرك السالين يجي منه أنواع و هذا اللي نزلوه مو آخر واحد تلاقيهم يعملو stage2&3 و كذا :)

[بو العابد]

الكوبرا 450 حصان اندرريتد والمكينه عليها سوبر شارجر
http://www.fast-autos.net/ford/fordshelbycobra.html

والسالين في أثنين
extreme S281 قوته 500 حصان
http://www.fast-autos.net/saleen/saleens281extreme.html

S281 SC قوته 400 حصان:D لا أنا ولا أنت
http://www.fast-autos.net/saleen/05saleens281sc.html

[mortally]

يا شباب السالين مو اقل من 400 حصان كما ذكر بو عابد يمكن انتو تقصدون ماك ون

[bashar_255]

اظاهر ان النوع اللي أتكلم أنا عنه انت ما ذكرته :D
2005 SALEEN S281 3 Valve Coupe
http://www.saleen.com/s281_3v_specs.htm

السالين فيه ثلاثة و انا خبري قديم افتكرت ما فيه الا واحد حتى الآن :rolleyes:

[بو العابد]

أثر جذي

انا أول مره أدري عن هاالسالين اللي انت حاطه شكله هذا اقل درجه في السالين يعني شكل بس http://www.freeimagehosting.net/uploads/73e5713c1a.gif

[تويوتاوي]

والله انا ارشح وبقوة الموستنج الجي تي

تم التصويت 000

تحياتي للجميع00

[عاشق الومينا SS]

يالاخو انت وياه مستقوين بهالكم سياره وقاطين معاها الفايبر يابابا

لو فيه احد يجيبلي سياره ستاندر ستوك وكاله سبورت يقوم على كورفت لانق فلتر أو z06

يقابلني

اذا الموستنق gt الومينا وال gto تنتفها
يا شيخ طير مافيها مقارنه
واذا باختبار بين هالسيارات الي بالمقارنه بلا شك باخذ c6
شكل انسيابي جميع الخدمات متوفر فيها حتى في راحه ورحابها من الداخل

للمعلوميه فيه خدمه في امريكا للكورفت فقط وهي تركيب نظام nos ولا يعمل الا بعد سرعة 45 وبقيمة 35 الف وتعبئة السرندلات لمدة سنتين مجانا
وضمان على النظام كامل + المكينه والقير

[bashar_255]

لوووووووووووووووووووووووول

و الله انك واحد تضحك صدق ما تعرف من وين تجيب الكلام اللي قاعد تقوله :D

حبيب قلبي ترى الموستنج الـ LX مديل 93 يجي بساتم فورجد ألمنيوم و يستحمل الغاز و حتى التيربو و السوبر شارجر حتى 12psi على بساتم شد بلادها و ضغط المحرك 9.1 الى 1 و اتحداك اتحداك اتحداك تجيب لي مكينة مثلها ولا افضل من هالمواصفات على بساتم شد بلادها و بعد الـ 96 ضلو على الفورجد المنيوم مع محرك الـ 4.6 لليوم ما غيرو طريقة التصنيع للبساتم

بعدين سيارة بـ $32,500 عيب عليها تتقارن مع سيارة بـ $26,900 !!!!!!!!!!!!!!!!!!!!!!!!!!!!

جيب الفرق و انا اوريك :D

و عمري ما شفت لومينا طلعت على موستنج الا اذا انت تتكلم على الستة سلندر يمكن :)

[عاشق الومينا SS]

طيب سؤال الموستنق 8 سلندر يصمل على الخط بعد 60 مع الومينا ss او الكابرس ss

اضن مافيه مقارنه
اذا بترد بتقول انه يصمل انا مستعد انزلك فيديو كوماروا خط مع الموستنق الموستنق داس والكوماروا داس الموستنق كوبرا مو قادر يجيب الكومارو
اضن عيب اذا موستنق كوبرا مو قادر يجيب كوماروا

<<<<<<<< لما يتكلم يتكلم بادله وبشي شافه ولا عمره تكلم بشء جاهلي او ظاهري >>>>>>>>

واكبر دليل الصور الي منزله لولد عمي
بهال الموضوع

http://www.assayyarat.com/forums/showthread.php?t=59711

[bashar_255]

لووووووووووول

عجل الكميرو يصمد مع البورش GT2 ؟ لأن عندي فيديو لواحد من الشباب قام مع بورش البورش قدم سيارتين :D

تبي تعرف يعني ايش كوبرا 96 ستوك نظيف شالخ 6 كميروهات و 1 كورفت تكسي C5 ؟

اتفرج

http://www.racing4e.com/img1261.html

ههههههههههههههههههههه

قال كوبرا ما يقدر على كميرو :D

أكيد نزلو كوبرا تماتيك 4 سلندر :D

و بعدين الرجال الله يهديه باين أنه ما يفهم في الموستنج خير شر من شغلات عديدة و بعدين لو السسبنشن و الآيرو داينمك اللي في الشفر فيه خير ما تركه الطير

[عاشق الومينا SS]

أول شيء انت ما رديت على سؤالي الموستنق يصمل ولالا

ووش دخل البورش بينا

والله تسويه فورد تنزل 4 سلندر ليش لا

ومنهو الي ما يفهم ( وضح ))

وهذا رابط نتفتة الكوبرا الي قلتلك عنه

www.al-mdare.com/video/COMARO VS COPRA.zip

[bashar_255]

|10|

الفيديو فيه كوبرا شالخ 6 كميروهات و كورفت C5 ؟؟؟ ايش تبي تقول ؟؟ تبي تقول ان الكوبرا اللي شلخت ام الكميرو و الكورفت شلاخ هي مهي كوبرا يعني ولا ايش ؟ ولا الفيديو مو مالي عينك ؟


روح انت و يا الكوبرا ذي اللي عليها مكينة دتسن + سواق بالروضة ما يعرف يسوق لو وان القومة صحيحة كان ما اختلفت النتيجة عن الفيديو اللي انا حطيته لك و بعدين انت ما حطيت اللنك صحيح و هذا هو اللنك و جاري التحميل
http://www.al-mdare.com/video/COMARO%20VS%20COPRA.zip

الا اذا اللهم ان كوبرا 96 أقوى من الكوبرا 2003 !!! تعرف الفرق بينهم كم حصان ؟

و بعدين خير يا طير الرجال راعي الموستنج اللي عليه 454+ميجا شارجر ما يفهم بالموستنج أبد ايش العيب في ذا ؟ زي فهمي في الدبابات فرضاُ 5% ما افهم فيهم ، عيب يعني ؟

[vett2]

خلاصنا من اليابني طلع لينا الفورد :D

[blue chevy]

خلاصنا من اليابني طلع لينا الفورد :D

خخخخخخخخخخخخخخ :D

شفت شلون

انا دائما اتحرش برعاة الموستنق :D

اروح جمبهم وادوس ويسوون نفسهم ما يشوفوني :D

الكورفيت ستوك جابت 400 حصان
او الجي تي او (لومينا كوبيه)

اما الموستنق الكوبرا الجديده موديل 2003
عليها سوبر ويالله جابت 390 حصان

الموستنق كم مره بغيت اشتريه بسبب صوت اكزوزه ما يتقارن مع احد ابدا
وشكله الرهيب
شوفوها

http://www.hansenandyoung.com/library/2001%20Ford%20Mustang%20Black.jpg


ويقولي صاحبي شكل وصوت وأخر شئ يجيلك واحد عنده لومينا ويعطيك كم عامود :D

وانا عندي كابريس واي واحد عنده موستنق ستوك يبي يجرب يقولي
وانا قاعد ادور على الموستنق الجديده علشان اجرب معاها

[vett2]

^
^
^
^
^
لايسمعك بشار وتنشب الحرب العالميه الثالثه خخخخخخخ :D :D

[عاشق الومينا SS]

هههههههههههههههههههههههههههههههههههههههههه

بلاهي نزلوا الفيديو وشوفو تكفون والله رافعه على موقعي علشانكم يا سنايديه

[bashar_255]

روحو الله وياكم :D

[vett2]

روحو الله وياكم :D

:D :D :D :D

[عشاق الفراري]

أنا اصوت للموستنغ اللي عند خالي,,

اصوت الى الموستنغ لأن خالي عنده موستنغ سالين الجديد,,

رووووووووووووووعه,,

أخوكم

~®§§][][ عشاق الفراري ][][§§®~

[M-A-X]

موستنغ بدون ادنى شك
العضلات الامريكيه
والحصان الامريكي
والشكل الامريكي الكلاسيكي
تحياتي

[سعد44]

مشكوررررررررررررررررررررر

[bashar_255]

يكفي انكم حاطين مصل كار مع سوبر كار :)

[Don't try]

ولا نزعلك <<<<< نااخذ بخاطرك


انا با اختار الكورفت سي 6
وبختار الموستنج
وبختار الجي تو ارر

بس بتجي وحده منهاااااااا
ابي اي شي

[BAssAM ss]

|1|CHEVROLET CORVEET C6 2005 |1|

BAssAM ss

[سعد44]

مشكورررررررررررررررررررر

[THE CORVETTE]

احد يقارن الكورفيت مع هالسيارتين؟
ماتقدر تقارنها في الفخامه ولا الشكل
اما من ناحية القوه تبطي عظم الموستنج والجي تي او لو ينهبلون لاقومه ولا خط