المساعد الشخصي الرقمي

مشاهدة النسخة كاملة : اللومينا SS 2005 وهل عندي خلل في السيارة ...


الزاحف الدولي
15-03-2005, 10:05 PM
السلام عليكم ورحمة الله وبركاتة ....

كيف حال الشباب الغالييين ... وكيف الأعضاء الطيبين ....

بعد السلام يا الغالييييين ... وطرحي لموضوعي في قسم منتدى السيارات الأمريكية ....

آعذروني بس عندي كم نقطه حبيت أي شخص يملك لومينا أس أس يوضح لي 2005

على شان أكون على بييينه من إلي صار لي ...

ونبدى في موضوعي ....

قبل 3 أشهر أشتريت لومينا أس أس موديل 2005 والحمد لله جلست معي زي الفل

إلييييييين وصلت 5000 الآلف كيلو وديتها الصيانه ... وطلعتها وقالوا زي الفل وتوكل على الله

كان هذا يوم الأربعاء ويوم الخميس بالليل .... قدر الله ... وصار علي حادث ....

كان نتيجه شخص ظهر علي ... وأنا أمشي 140 وحذفته منه الجهة الثانية

ومع الحذفه زلقت السيارة .... وضربت في عمود الكهرب .... وأنقسمت نصفين ....

وكان نسبة الحيــــاه لي 1 % ... لأي شخص شاهد السيارة ...

أول شيء الفرامل ... يوم سحبت فرامل ,,, حسيتها زي الشيء إلي يقول شل الفرامل من رجليك

يعني مثل إلي فيها رجهه ,, ما أدري كيف ..,,

ثاني شيء الزلقه إلي زلقتها وأنا أمشي 140 هل هي طبييعه أم لا .....

وثالث شيء الأرباقات .... ما طلع إلا واحد مع الراكب على الجنب ,.,, ليش ..

وسيارة تنقسم نصفين ... بسرعه 140 هل هي طبيعية أم لا ,.

علما أني سحبت فرامل يعني أكيد السرعه خفت .....

هذي بعض الأستفسارات لدي ..... التي ودي أحصل إجابه عليها هل كان يوجد في السيارة

خلل مصنعي ,.,, أو فني أو فيه أخاطء وخرابات في السيارة من أول ما طلعتها أم لا


وأشكركم ........ وأقول الحمد لله رب العالمين ,,,,

http://nmanma125.jeeran.com/222.JPG
إيسوزاوي
15-03-2005, 10:37 PM
الحمدالله على سلامتك .. والله من شكل السياره واضح ان الحادث قوي مره...
لولا الله ثم البدي القوي للسياره كان اعتقد صار شي ثاني.

اما الزلقه الصراحه غريبه...على 140 اعتقد كان بامكانك تسيطر عليها .
Altima4ever
15-03-2005, 10:42 PM
الحمد لله اخوي الزاحف علي السلامه الحديد ماعليه حسوفه اهم شي النفس وسلامتها

انا صراحة ماجربت اللومينا لذلك ما اقدر افيدك

بس انا مره كنت مع اخوي سيارة اخوي نيسان 4x4 VTC المهم اخوي رقد وشاح الموتر وضرب عمود كهرب الوجه للوجه علي سرعة 120 سبحان الله والله السياراه اضنربت ضربات قويه بس الحمد لله الايرباق طلع الاثنين علي اخوي وعلي والحمد لله

كلها قضاء وقدر ةاهم شي نأخذ العضه والعبره
الزاحف الدولي
15-03-2005, 11:32 PM
إيسوزاوي هلا وغلا فيك .....

والله أنا معاااااااااااك نقول الحمد لله على السلامة ... وإن الحمد لله قدرنا نطلع من السيارة ,....

أما أسيطر على السيارة .... والله ما أدري ,,, السيارة زلقت ... قريب من الرصيف والعمود يعني مستحيل

ألحق نفسي وتعرف في المواقف إلي زي هذي ... ما تدري عن شيء وتفقد السيطره

وتسلم يالغالي ...
الزاحف الدولي
15-03-2005, 11:34 PM
Altima4ever هلا وغلا فيك يالغالي .....

الله يسلمك ويطول في عمرك وأنت الصادق والله أهم شيء النفس يا روووح ما بعدك رووووح

وأما الأرباقات ما أدري فيه من قال لي فيها مشكله وفيه من قال لي إنها سليمه

لاكن نقول الحمد لله ....

والعضه والعبره قبل كل شيء ....

وألف شكر على الرد على الموضوع ....

أخوك الزاحف الدولي
SaDSmiLe
16-03-2005, 12:48 AM
اولا الحمد لله على السلامه في المال و لا في الارواح

ثانيا الرجه الي صارت في البريك هذا هو نظام الABS و هذا مو معناه شل رجلك عن البريك
بل انه البريك صار يمسك و يفصل بحركه سريعه كي لا يقف الكفر و تفحط

زحفه السياره على 140 عاديه مره خاصه اذا كانت الكسره قويه

انقسام السياره الى نصفين غير طبيعي ابدا و من ملاحظتي للصوره ما الاحظ اي انقسام
الي الاحظه ان السياره من الجنب تعورت مره لانه في عامود اضائه و معروف ان عامود الاضائه حديد في حديد



و اهم شي سلامتك و عودتك سالم لنا والله يعوضك خير ان شاء الله
xx_V8_xx
16-03-2005, 01:39 AM
لا حول ولا قوة الا بالله

الحمدلله على سلامتك ... وصدقني ان دخلتك لبيتكم وانت سالم تسوى مليون لومينا اس اس 2005 ... واسألني انا , الاسبوع الماضي هج بي الكابرس حقي على 160 والحمدلله عدت على خير .

بالنسبة للرجه في الفرامل هذا الي يسمونه abs وظيفته يدبل لك فرامل مرات عديده في الثانيه الوحده عشان ما تزحف السياره

اما ليش ما طلع الا ايرباق واحد فهذا طبيعي لان كل ايرباق له حساس خاص والضربه جت في الجهه اليمنى يعني جهة الحساس تبع الايرباق الجانبي الايمن وهذه ميزه لان الايرباقات الباقيه مالها فايده اللهم انها بتخسرك في تصليحها .

لكن الي ماهب طبيعي ان السياره تزلق على 140 وعلى كلامك انك ضربت فرامل بقوة يعني يوم تزلق السيارة يمكن كنت تمشي 120 او 130 وهذه سرعه عاديه ما يهج عليها الموتر المفروض مهما كان !!!!

لكن الحمدلله على سلامتك والله ان قلبي عورني وانا اقرا الموضوع لكن الحمدلله انها عدت على كذا بس
مخربهـــــااا
16-03-2005, 01:49 AM
ما عليك من الزلقه الحمد لله على السلامه
Caprice
16-03-2005, 06:29 AM
شف يالحبيب
والله اني كنت ناوي ارسل لك على الخاص انت وطلال بحكم حط صور لسيارته قبل فترة بخصوص صورة سيارتك في التوقيع لكن قلت بيقول لي وش ذا الملقوف
هذي عيييييييييييييين
قبل سنة بعد اجتماع الاعضاء الاخير في الرياض كنت معهم وحطو صور سيارتي وكانت كابريس 2001 وبرضو لقطة مقاومة مع طلال (TSS)
وبعدها بعشر ايام خشيت بحادث احس اني كنت زي المنوم مغناطيسيا فيه وبرضو خشيت بعمود لمبة بس على سرعة بسيطة
وكلفتني 11 الف عند ورشة اي كلام

بعدها حلفت مهما كانت سيارتي اني ماحط صورة لها
وانا بعدها شريت كابريس ss 2004 ومع اني كنت فرحان زيك لكن حلفت اني ماحط صورة لها لاني داري بيجيها عين من اي جهة
وتعرف المنتدى مشالله رواده كثار وفيهم الصالح والطالح

والله يعوضك باللي احسن منها والحمدلله على سلامتك يالغالي
فواز
16-03-2005, 08:35 AM
لاحول ولا قوة إلا بالله

الحمدلله على سلامتك أخوي والله يعينك على مصابك وهذا قضاء وقدر

والمهم أنت ولا السيارة بدالها سيارات

بحفظ الله ياغالي :)
lkl
16-03-2005, 10:00 AM
الحمدلله على السلامة اخوي وزين يوم طلعت منها سالم

واذا على الزلقة تراها قضاء وقدر غيرك دخل منعطف قوي يمشي 160 وحذفت فيه لاكن مسكت السيارة في محلها<<<<يقصد نفسه:D


بس الظاهر عين وماصلت على النبي

عالعموم الحديد يجي بداله والحمدلله على السلامة|3| انتبه

تحياتي
الزاحف الدولي
16-03-2005, 11:13 AM
SaDSmiLe هلا وغلا فيك يالغالي ......

أشكرك على الرد والتوضيح وربي يسلمك ويطول في عمرك ..... ولا يحرمنا منك يالغالي

ومعك حق لأني في كم مره أحس بالرجه وأقول هذا عطل ولا نظام حق الفرامل كذا

أما الجزء إلي أنقسم من نصف باب الراكب من الجهه الثانية مع الشنطه كلها ....

وتشوف حتى ما فيه كفر خلفي ....

وتسلم يا قلبي

والله يطول في عمرك

أخوك الزاحف الدولي
الزاحف الدولي
16-03-2005, 11:18 AM
هلا وغلا أخوي xx_V8_xx ....

الله يسلمك ويطول في عمرك والحمد لله على السلامة أهم شيء لنا ولكم والله العظيم ما فكرت فيها ولا حتى مجرد لمحه

والصرااااحه يا طويل العمر ..... الأرباقات قالوا لي الشباب مثل كلامك لاكن الحمد لله

جتني ضربة في الراس في القزاز القدامي ....

لاكن الحمد لله كلها تخييييط وراح ينفك إن شاء الله

والفرامل ... الحمد لله توضحت لنا ....

ومشكور يالغالي ... وأنتبهوا من السرررعه

والناس والله عيونهم حاره وتحصل واحد طالع عليك من فوق وتحت ما تدري من وين ربي مطلعه


أخوك الزاحف الدولي ....
الزاحف الدولي
16-03-2005, 11:20 AM
هلا وغلا أخوي مخربهـــــااا ....

الله يسلمك ويطول في عمرك ....

ولا يحرمنا منك يالغالي .... والحمد لله على لسلامة في كل حال ....

أخوك الزاحف الدولي
الزاحف الدولي
16-03-2005, 11:26 AM
هلا وغلا أخوي Caprice ......

الله يسلمك ويطول في عمرك يالغالي ....... وتعرف إلي مكتوب على الجبيبن بتشوفه العين ....

وأنت صدقت والله .... لاكن الواحد ما يدري وش قدامه وكل شيء مكتوب ......

أما عيييييييين فأنا أشهد يالغالي .... والله تعرف الكتبة إلي على باب السيارة ...

رحت وشريت مثلها على أساس شفتها حلوه على سيارة أخوي TSS وقلت أركب مثله

والله يوم الحادث أشوف ناس يلمسونها ....... لا حول ولا قوة إلا بالله ...

ويا لييييييتك أرسلت ... لاكن نقول قدر الله وما شاء فعل ....

وأما عن كلامك فصحيح فيه الصالح والطالح .... وأقول لك الحمد لله على السلامة مؤخرا ,.,

والله الله إنتبه على سيارتك ....

والله يسمع منك يالغالي .....

وحرصوا يا شباب على أذكار المساء والصباح ترى مفيده

أخوكم الزاحف الدولي
الزاحف الدولي
16-03-2005, 11:29 AM
هلاوغلا أخوي فواز .....

الله يسلمك ويطول في عمرك ..... ولا يحرمنا منك يالغالي .......


ومعاك حق السياره بدالها سياره ...... ولا يا رووووح ما بعدك رووووح


أخوك الزاحف الدولي
الزاحف الدولي
16-03-2005, 11:32 AM
هلا وغلا أخوي lkl .....

الله يسلمك ويطول في عمرك ويخليك يالغالي ,,,,,,,,

وهذا قضاء وقدر .... لاكن نقول السلامة قبل كل شيء

والحديييييييد يتعوض ......

والله يسلمك ويطول في عمرك

أخوك الزاحف الدولي
ابيكا المالكي
16-03-2005, 11:58 AM
الحمد لله اخوي الزاحف علي السلامه الحديد ماعليه حسوفه

مادامك سلام هذي افضل شي لله الحمد
زحفه السياره على 140 عاديه مره خاصه اذا كانت الكسره قويه
مؤيد اف1
16-03-2005, 02:57 PM
الحمدلله على السلامه اخوك

والله انها عين مادام انك نشرت صورتها مثل ماصار لي بموديل 2004 بالضبط..كنت ماشي 140 وطلع علي واحد وارتبكت اول شي مسكت بريك قلت خليني اكسرها يمين والله وزحفت بي السياره لان غلط الواحد يكسر الدركسون وهو على سرعه 120 وفوق لان اقل رمل او اي شي راح يخلي السياره تزحف طبعا السياره لما زحفت راحت على الجزيره وكانت رفيعه شوي عن المحلي وانقلبت السياره 4 قلبات لكن الحمدلله جت سليمه وطلعت منها بدون اي اصابات حتى لما طلعت مانا حاس بالي صار لان هالشي ماتوقعته لاني سويت حركات اكبر من هالحركه |10| لكن حالة الشارع تاثر واجد..

والحين عندي 2005 وتراها افضل من 2004 وماعندي مع السياره اي مشاكل باستثناء ان بعض الاحيان يطلع صفير هواء من نافذة السايق بس الي فهمته ان هالشي عادي خصوصا اذا كان الهواء قوي..

بس عندي لك اسئله


كنت رابط الحزام؟ لاني كنت رابطه :)

السياره انطفت لحالها والقفول انفتحت لما استقرت السياره ؟ هذا الي صار لي :)


السياره اشوفها ثابته بس اذا تصرفت فجأه وياها هنا يبي لها الف حساب..

بس انت تقول السياره انقسمت ؟الصوره فيها شي ثاني وهذا شي عادي ان السياره تتعور لهالدرجه عشان تمتص الصدمه والي داخلها مايصير لهم شي..

الحمدلله على سلامتك على كل حال والله يعوضك


بس انت مامن ولا لا؟


طولنا عليك اسمح لنا :D


في امان الله
TSS
16-03-2005, 09:23 PM
لا حول ولا قوة الا بالله.
الله يكون في عونك وحديد في حديد مايهم اهم شي انك سالم.
والله يعيين والله يستر كثرت الحوادث.
والله ضاق صدري بدرجه خياليه.
الله يحمينا ويحمي الجميع.

بالتوفيق.
الكويتي17
17-03-2005, 01:16 PM
الحمد لله على السلامة وما تشوف شر يالغالي ..

وانا الصراحة الزحفة الوحيدة الي صارت لي باللومينا كانت على سرعة 80 وكان يوم مطر شديد ... بس الحمد لله عدت على خير ووقفت السيارة بوسط الشارع ...
المهنا بيك
18-03-2005, 01:51 AM
الصراحه الزلقه غريبه جدا جدا

والله ثم والله شفني احلف مو عشان السياره انا شاري مثلها وادافع عنها
معي لومينا ls 2004 يعني مو مثل اعتقد نظام امان ال ss المهم 140 وطلع لي واحد من اخوياي معاه كورلا مسوي يمزح معي :) والفها لفه قويه حتى انا وخويي سكتنا انا بالنسبة لي استنى الزحفه الحمد لله ما فيه اي شئ واللفه قشرا اللي لفيتها الحمد لله ما حصل اي حوادث ولا شئ


والحمد لله على السلامه ويمكن يكون فيه خلل في الشركه انه ما طلع الايرباق او ان الصدمه ما وصلت للإيرباق
الزاحف الدولي
18-03-2005, 09:44 AM
هلا وغلا اخوي أبيكا المالكي ,,,,,,

الله يسلمك ويطول في عمرك ... وربي يخليك .... وأما الزحفه أقتنعنا فيها والشكوى على الله

والطريق والله ما يساعد ... إلا ضيق وزحمه وأعوذ بالله ...


أخوك الزاحف الدولي
الزاحف الدولي
18-03-2005, 09:49 AM
هلا وغلا اخوي مؤيد أف 1 ....

الله يسلمك ويطول في عمرك ...... والحمد لله على السلامة يالغالي .....

وأما عييييييييييييييييييييييييييين .. وش أقول لك ... الله يستر بس ... زين العين جت على كذا

وطلعت سالم وأنا أخووووووك ولا الحديييييييد بدااااله حديد ....

وبرضوا كلامك صحيح كسره فوق 120 أحسها مخاطره ..... لاكن عاد هذا مكتوب ومقدر

وما نقدر نهرب منه ,.,,,,


وأما أسألتك ...... أول شيء الحزام الأمان ما كنت رابطه ... وش نسوي الواحد ما يدري

والسيارة صح تفتحت الأقفال وطفى كل شيء فيها .. وهذا شيء طيب ....

وأما مأمن ما أمنت ..... والله يعين في كل الحالاات .....

وخذ راحتك يالغالي ....

وتسلم على الرد وأحنا إلي طولنا عليك في الموضوع ..

أخوك الزاحف الدولي
الزاحف الدولي
18-03-2005, 09:51 AM
هلا وغلا اخوي TSS ....

الله يسلمك ويطول في عمرك يالغالي .....

والسيارات كثرت والحوادث كثرت .... والعين حق .... والسرعه زادت .... والله يستر من إلي جاي

والصراحه الحديييييييييد يروووووووح ويجي وما شلت همه ... وما نقول إلا سلامة الأنسان فوق كل شيء

وتسلم ... ياأخوي


أخوك الزاحف الدولي
الزاحف الدولي
18-03-2005, 09:53 AM
هلا وغلا أخوي الكويتي 17 ....

الله يسلمك ويطول في عمرك ويحفظك من الحوادث ....

والزلقات وش كثرها ... بس المشكله .,, لازم الواحد يعمل ألف حساااااااااب لكل حاجه

ولا والله ما ينفع الندم بعدين ...

أخوك الزاحف الدولي وأشكرك يالغالي
الزاحف الدولي
18-03-2005, 09:55 AM
هلا وغلا أخوي المهنا بيك .....

الله يسلمك ويخليك ... وأما من ناحية الزلقه ... أقتنعنا فيها والحمد لله ... على كل حال


وزي ما قلت لك ... مواقف عن مواقف تفرق ... ولازم الواحد يعمل ألف حساااب ...

وأما الأرباق .... فأكيد ما وصل للصدمه على كلام الأخوان وكلامك


أخوك الزاحف الدولي
HEMI
18-03-2005, 10:58 AM
http://www.al-wed.com/pic-vb/123.gif

الف الحمدلله على سلامتك اخوي الزاحف و خطاك السوء

قالوها الشباب..بالحديد ولا فيك..و صدقني راح يجي اليوم اللي تركب فيه سيارة احسن وافضل واحلى

بالنسبه للعين والله مادري شنو اقول..بس انا حاط مصحفين شريفين بكل سيارة من سياراتي بإذن الله راح يحميني من العين

http://www.mowjeldoha.com/mix-pic/borders/www.mowjeldoha.com-borders-50.gif
الزاحف الدولي
18-03-2005, 05:26 PM
هلا وغلا أخوي HEMI ....

الله يسلمك ويطول في عمرك ويخلييييييييك يالغالي .... والحمد لله على كل حال والسلامة قبل كل شيء وأنا أخوووك

وإن شاء الله ألله يسمع منك يالغالي ....


وأما بالنسبة للعين فنقول إنها حق .... ولا نقدر نقول شيء ...

وإن شاء الله ربي يحفظك من كل مكروه ومن العييييييييييييييين

والمصحف بأذن الله يقي من كل شيء

أخوك الزاحف الدولي
مؤيد اف1
18-03-2005, 06:03 PM
والله لو مامن احسن لك ...انا كنت مامن على ال2004 في التعاونيه وعطوني 99% من سعر السياره ;)


بس الحين لما جيت باأمن مره ثانيه قالو يبغو ضعف السعر ولا امنت عندهم :D
الزاحف الدولي
19-03-2005, 02:41 PM
والله التأمين بلشه وما لي شهرين من يوم طلعت السيارة .....

لاكن قدر الله وما شاء فعل ....

والتأمين والله هاليومين صار ضروري

وأشكرك يالغالي


أخوك الزاحف الدولي
abadi
19-03-2005, 04:34 PM
اخوى الزاحف الدولى سلامتك الف سلامه
ما تهون انت ولومينتك

بس نقول الحمد لله انه بالسياره مو فيك

والله بيعوضك بلى أحسن منها انشاء الله

والبريك مثل ما قالو اخوانى الاعضاء هو نظام ABS


والايرباج يطلع لما تكون الضربه بالحساس اللى على جهة الضربه

وعلى زحفة السياره فممكن لانك حاولت تتفاداه وانت على سرعه ولفيت الستيرينج بقوه

أهم شئ سلامتك
|3|
POWER STI
19-03-2005, 05:01 PM
البريك والسيارة زاحفة تصرف خطاء ويخليها تزحف زياده في اي سيارة كانت


حتى في مقطع لفيراري F50 زحف بنفس الطريقه وعلى سرعه ما تتجاوز ال 60 او 80 كلم


حمد لله على سلامتك

كل الأمور طبيعيه وهذا قدر مكتوب انا ما اقول اللومينا سيئه في التعليق

لاكنها مو افضل سياره في التعليق


وبالنسبه للقوه اللي فيها ( اس اس ) نتمنى في الوقت الجاي انها تكون افضل وافضل
_GTO_
19-03-2005, 07:09 PM
الحمد لله على السلامة والله الصورة محزنة جداا
kzn
19-03-2005, 11:11 PM
بصراحة اتحطمت لمن قريت الموضوع
لومينا SS 2005 وتوك مطلعها واصير الها كذي
لوأنا منك ماأدري ويش صار لي
عموما الحمدلله على سلامتك وهذا قدر
بس ماقلت ويش على السيارة بتصلحها ولا شلون؟


تحياتي لك kzn
الزاحف الدولي
19-03-2005, 11:22 PM
هلا وغلا أخوي abadi .....

الله يسلمك ويطول في عمرك يالغالي ..... وربي يخليييييك لي ... ولا يحرمنا منك

وتسلم والله وأهم شيء والله السلامة السيارة حديد في حديد يتعوض وعلى ربي الشكوى

وتسلم والله على التوضيح وكلامك ميه ميه ,,,,,, أنا زلقت وأنا على سرعتي

لاكن الحمد لله سلامتي أهم من كل شيء وأان أخوك

الزاحف الدولي
الزاحف الدولي
19-03-2005, 11:25 PM
هلا وغلا أخوي POWER STI ....

الله يسلمك ويطول في عمرررررررك ..... ومعاااااك حق وكلامك صحيح ميه ميه

لاكن والله العظيم في المواقف هذي ما تدري أنت عن نفسك ولا تقدر تتحكم في أي شيء قدامك

وتسلم يالغالي .... والله يسمع منك يا ربي


أخوك الزاحف الدولي
الزاحف الدولي
19-03-2005, 11:27 PM
هلاو غلا أخوي _GTO_ .....

الله يسلمك أخوووووووووووووي والله يطول في عمرك

والحمد لله على كل حال

مقدر ومكتوووب ...

أخوك الزاحف الدولي
الزاحف الدولي
19-03-2005, 11:37 PM
هلا وغلا أخوي kzn .......

الصراااااحه يا طووووووويل العمر مطلعها في تاريخ 27 / 12 / 1425 ....

وهذي هي رحت في شهر 2 .... ما أقول إلا أهم شيء إلي كاتبه ربي نقول الحمد لله علييييييييه

وأما يا طويل العمر وش تسوووووووي والله ولا شيء إلا ... إنك تقول الله يعوضنا خير

عنها ...... أما أني أصلح السيارة ما أظن تتصلح .. أكييييد راح أبيعها تشليح

وهذي صوره تبين القسم إلي أنقسم من الخلف وإلي يبين إن السيارة حتى ما تصلح تشليح

والله يعيييييين على خيييييير .....

http://nmanma125.jeeran.com/87878.JPG