المساعدة ياخبراء القراند ماركيز [الأرشيف]

مشاهدة النسخة كاملة : المساعدة ياخبراء القراند ماركيز

المختبر

13-03-2005, 01:14 PM

ياشباب اتمنى ان تقبلو بي عضو جديد في المنتدى وتساعدوني في الحيرة اللي انا فيها ذحين

عرضت علي سيارة فورد قراند ماركيز موديل 2000 فل كامل عداد اليكتروني (ديجيتال) مقاعد جلد نظيفة مافيها اي صدمة حسب اعتقادي ومقاعد جلد وكل شي بطاقة جمركية توها واصله من امريكا

وسعرها * 43500 * ريال " ثلاثة واربعين الف وخمس مائة ريال " بس ماشية 86000 ميل يعني مايقارب 140000 كيلو متر

ماهي نصائحكم لي وايش رايكم ابغى استفتاء واللي عندة خلفية او نصيحة عن كيفية فحص السيارة واكتشاف الصدمات رجاء لا يبخل بها علينا .

وشكرا أخوكم المختبر .

الرائد

13-03-2005, 10:18 PM

والله بصراحة يا خوي أنا ما انصح بالاستخدام الأمريكي...

أنا سيارتي جراند ماركيز استعمال امريكي.... تبين بعد ما شريتها أن السيارة مصبوغة.... ومحتمل أيضا أنها تعرضت لصدمة أمامية...

وبعدين السيارة هذه ماشية 140000 كيلو يعني مقربة للـ 150 ألف كيلو... وعند الـ 150 ألف كيلو محرك السيارة محتاج لإعادة ضبط وتغيير بعض القطع والأجزاء...

أنا قبل حوالي 6 شهور دخلت سيارتي عند الحاج حسين علي رضا وكانت ماشية 150000 كيلو .... وكلفتني (قطع + شغل يد) 5600 ريال... تضمنت تغيير الثلاجة (قيمتها 2250 ريال) بحجة أنها مطابقة للمواصفات الأمريكية ولا تناسب أجواءنا...

اعتقد لو حصلت جراند ماركيز خليجي ونظيف وتأكدت بعد الفحص أن السيارة أوكيه راح يكون أفضل من الاستخدام الامريكي...

تحياتي لك،،

عذب الاحاسيس

13-03-2005, 10:53 PM

بسم الله الرحمن الرحيم

140000 والله كثيييييييييره مره والسعر مبالغ فيه جدااااااااااااااااااااا

راح اديك بعض الاشياء ان شاء الله تفيدك

اذا كان عداد السرعة 140 ميل فهي سيارة شرطة

واذا كان رقم الشاصي vin فيه p71 & p72 فهي سيارة شرطة اوتاكسي

وانتبه من السيارة من تحت اذا مافيها صدمة تلاقيها مصدية

وحط في بالك اكثر من 90% من السيارات اللي تجي مستعمله من امريكا مصدومه

ومشتريه من شركات التامين فاحذر

تحياتي
عذب الاحاسيس

سناري

14-03-2005, 03:48 AM

السعر غالي جدا

بخصوص حالة السيارة من قبل

بسيطة

جيب رقم الهيكل حقها و انا اجيب لك تاريخها من يوم ما خرجت من المصنع :)

مبدئيا اصرف النظر عن هذه السيارة و اذا يمديك تزود 10 الاف و تاخذ لك موديل 2003 لانه متغير بالكامل من تحت

و الله اعلم

المختبر

14-03-2005, 07:45 AM

مشكوريييييييييين يا اخوان على تواصلكم ونصائحكم اللي انشاء الله تكون فادت الكثير غيري لأن السيارات الأمريكية الأيام هاذي مجتاحة السوق بشكل رهيب جدا " .

أخوكم

فواز

14-03-2005, 10:32 AM

السعر مبالغ فيه جداً وأنا كذلك لا أنصح بالإستخدام الأمريكي خصوصاً أن هناك أختلافات في البرمجة

عموما ابحث عن ماركيز بمواصفات خليجيه أفضل بكثير

أيضا حاول أن تبحث عن موديل 2001 وفوق لأن موديل 2000 وتحت فيه مشكلة في ثلاجة المكينة وتحتاج تبديل بعد فتره وهذا عيب صناعي معروف

بالتوفيق :)