الطبلون الالكتروني في الكابريس واللومينا 2004

[Caprice]

السلام عليكم
صراحة وانا اشوف صور كابريس ss 2005 اللي حطها الاخ العزيز التيما4 ايفر
وانا كنت فاضي وزهقان في نفس الوقت
نزلت الحوش وركبت السيارة وقعدت العب في حسبتها
المهم هذي الحركة بالخطوات

1-ضع المفتاح في السويتش دون اي تحريك وفي نفس الوقت حط اصبعين من يدينك :D على زر mode و set
2-حرك السويتش للاعلى وكانك تبي تشغل السيارة وخلك طول الوقت معلق على زر الmode و set
3-اترك اصابع يدينك وبالتالي ستفاجا بقائمة جديدة في كمبيوتر الطبلون

وهي تقوم بتحويل خصائص الطبلون الكترونيا
قم بالتنقيل بين الخيارات عن طريق زر الmode
وفيها العديد من الاختيارات مثل

قوة البطارية :)
رقم خاص بالسيارة (ماله اهمية)
كم تبقى من خزان الوقود بالليتر (الكترونيا)
السرعة (الطبلون الالكتروني)
عداد الضغط الكترونيا (هذي رهيبة)
واخيرا حرارة السيارة |1|
وكلها بالارقام بدال المؤشر اللي قد لايكون دقيقا في بعض الاحيان

فيه حركات مالها داعي في الكمبيوتر مثل اطفاءنور الفرامل هههههههه لكن ماعرفت اقفلها صراحة
او حركة تجربة الطبلون وخصائصه (هذي يمكن تخوفك اول شي وهي اصلا موجودة من الموديل السابق)

طبعا كل الخصائص السابقة يمكن المرور عليها عن طريق زر الmode وبالتالي توقف على اي اختيار يعجبك مثل الطبلون الالكتروني |1|

ملحوظة::: ترا الخط في الكمبيوتر اصغر من اللي في الصورة اللي حطها (التيما4 ايفر) لكن يمكن مع الوقت تكبر :D
وجميع هذه الخصائص تنطبق على لومينا 2003-2004-2005 وكابريس 2004-2005

واعذرونا على القصور واذا مافهمتو اي نقطة لاتتردد بالاستفسار ;)

[مستر مبسوط]

مشكور اخوي على مجهودك ^^

بس اخوي تعرف الحركه اللي تقوي سماعات المسجل؟

[كابـــSSـــرس]

يطولي عمرك يالغالي

والله ما ادري وشلون اشكرك

وانا الحين بنزل للقراج اجربها << حار بحار

وانشاء الله ارد لك خبر

وانشاء الله تصادفني خرابيط ثانيه مثل قوة المكينة وغيرها << شكله بكره بيطعله على سطحه ههههههههه

تحياتي لك

[xx_V8_xx]

اخوي كابرس اشكرك على الموضوع

موترك اكيد 2005 لان السرعه الالكترونيه والضغط الالكتروني هذه في 2005 فقط وليست في 2004 :)

تحياتي

[xx_V8_xx]

اوووه عفوا .... طلع كلامك صحيح .. لكن الحركه هذه تقدر تقول انها خاصه بالشركه والصيانه وليست لعامة الناس مو زي ال2005 يمديك تطلعها بشكل عادي بدون الحركه الي ذكرتها :)

حتى مهيب موجوده في الكاتلوج !!

[كابـــSSـــرس]

الله يعطيك العافيه يالغالي

طلعت عندي بس حركة الطلبلون من جد تخوف

واستفسار يالغالي وشلون اكبر الحجم لان السرعه يبيلها مكبر :eek:

يطولي عمرك يالغالي

وتحياتي لك

[مجروح]

لا خلاص ابروح لسيارت واحد من اقاربي رويال 2004 واسويها مشكوووووووور توني كنت ادورها ما تقصر

[المهنا بيك]

>>>>>>>>> ما فهم وخايف بنفس الوقت يسوي اي شئ


المهم مشكور وما قصرت :)

[NYC]

Caprice

وعليكم السلام ورحمة الله وبركاته

يعطيك الف عافيه على الشرح المفيد للجميع يالغالي

ونتمنى استمرار هذه المواضيع الرائعه منك اخوي

بالتوفيق

مع خالص الشكر

[Caprice]

منورين الموضوع جميعا

مستر مبسوط
خل المسجل مقفل
واضغط 1 مع on وبتطلع لك قائمة على الشاشة خيارات
اضغط على زر اللي يرفع ويخفض الصوت للتنقل في القائمة وبيجيك خيار اختصاره DDL واذا كان على on قم بتحريك زر رفع وتخفيض الصوت يمين او يسار عشان يصير off والصوت بيتضاعف قوته

حياك

كابـــSSـــرس
هلا وغلا
والله ماادري عن تكبير الحجم بس العوض ولاالقطيعة ولا وش رايك :D
مشكور على مرورك

xx_V8_xx
والله تقدر تقول انها للشركة والصيانة لكن مايمنع اننا نستفيد منها
بس مااظن ان كمبيوتر ال2005 صار فيه اختلافات
حياك الله

مجروح
جرب وقلنا وش صار عليك

المهنا بيك
ههههههه لا تخاف مافيها شي بالعكس تحس انك اكتشفت شي جديد
بس اذا صار لك شي مالي دخل ههههه

NYC
حيا الله مشرفنا العزيز
مشكور على المرور والتشجيع

:)

[TSS]

انا لومينا SS2005.... موجود الطبلون الالكتروني لكن الضغط ما ادري وين؟؟؟كيف؟؟

[abadi]

تسلم اخوى عل هالمعلومات القيمه

وانا جربت عندى فى سيارتى لومينا 2003 وحصلت فيها بس اللى ما فهمته اللى بالمسجل شو معناته لانى عندى ثلاثة اشياء بالقائمه فما ادرى اذا تعرف تشرحهم لنا او احد من الشباب ؟؟؟؟؟؟؟؟؟؟؟؟؟؟

والفائده عامه للشباب

ومشكور مره ثانيه

[ماهر ls]

العداد الالكتروني ما اعتقد انه موجود في 2004

انا معاي اس 2004 قريت الكتلوج صفحه صفحه مافي العداد الالكتروني

اما بالنسبة لصوت المسجل من زمان كنت ادور على شي يرفع صوت المسجل

وان شاء الله اجربها واردلكم خبر

[مطفوق]

انا معي كابرس 2004 حركة الرفع الصوت سويتها بس في نفس القائمه الجديده اللي تقول عليها مو في المسجل
بس صار يقطع الصوت احيانا اذا رفعت اخر شي بس قوي من جد صرت ما ارفع الصوت اخر شي اخليه على 60 او 61

اما حركة الطبلون الاكتروني تمشي مع 2004 انا مجربها بس زي ما قلتو الخط صغير

[ماهر ls]

جربت حركة المسجل

وصار تمام ومرة عالي

لكن بعض الاحيان تفصل السماعة اللي في اليسار مدري ليش

لكن سالفه العداد الالكتروني ما عرفتها

ياليت لو تعطوني الكلمة عشان نشغلها وبسرعة

ومشكورين

[أبو يوسف]

مشكور اخوي
.
أبو يوسف

[Blue Monaro]

يعطيك العافيه اخوي ع الموضوع

اخوي ماهر

السماعه الظاهر انها تتطفي اذا زاد عليها الضغط
قد طفت عندي مرة

بس عودت تشتغل ثانيه

[مؤيد اف1]

هذي الحركه خاصه بالصيانه والوكاله تقول ان تشغيلها يطفي الايرباج في حال حدوث حادث لاسمح الله :)

[مجروح]

اقول اخوي ما طلع شي دورت في الكاتلوج ولا طلع شي في طريقه ثانيه

[Caprice]

^
^
اي كاتلوج الله يحفظك؟؟
لو انها بالكاتلوج كان ماحطيت الخطوات وهي تعتبر حركة خفية
انت سو الخطوات اللي حاطها انا

مؤيد اف1
ماعليك منهم والله ماعندهم ماعند جدتي
كل يوم اسويها ولاصار شي :)

باقي الشباب يعطيكم العافية على الرد

[كابـــSSـــرس]

8
8

يالغالي مافيه طريقها تكبر الخط

يخوي راجت عيوني وانا اتبع العداد

[مؤيد اف1]

ماااتوقع فيه :)

[Caprice]

لا والله ماظنيت ان فيه طريقة :(