لخبراء الكورفيت

[THE CORVETTE]

السلام عليكم ورحمة الله وبركاته ،،،

ياشباب ابغى احد خبير في الكورفيت من ناحية خراباتها واسعارها

انا من عشاق الكورفيت وناوي اشتري لي وحده عن قريب انا من اهل الرياض لكن اللي مستغربه شي واحد اني لما في اروح في الرياض اشوف لامبرجيني وفيراري احيانا وموستنقات وكومارو وغيره وغيره لكن قله مااشوف الكورفيت فأنا اخاف انه تكون خراباتها كثير على عكس ماسمعت من الناس وعموما انا ادور على 2000 كشف لو احد يعرف لي واحد عنده هالمواصفات وافيدوني بالله عن الخرابات وانا سمعت انه اسعارها 80 او 90 او 100 في هالحدود وانا ماشفت الا واحده مو كشف صفراء ورصاصيه 99 كشف في البديعه اشوفها احيانا وفيه ناس يقولون انه موجود كحلي وبرتقالي واحمر بالعليا
واذا احد يعرف لي معرض يبيع كشف مايبخل علي بالله طبعا مستعمل استعمال نظيف وانا وماابغى الا كشف
احس اني غثيتكم صح؟ :D
يالله مااطول عليكم

[blue chevy]

والله الكورفيت ممتازه شكل ومكينه
والخرابات كان موديل 97 أول شكل جديد
وعدلوه
بس موديل 2000 كويس
بس ياخي يضيق خلقك لما تشوف موديل 2005 متغير
ياخي تكره سيارتك

انا والله كنت بشتري بس من نزل الجديد كرهت القديم

[xx_V8_xx]

كشف ! عسا ما شر :) تراك في الرياض منتب في لندن :)


بصراحه ما اعرف الا معرض واحد في النسيم يبيع سيارات رياضيه , ما اعرف اسمه بس اذا خشيت شارع المعارض بتلقاه على اليمين وفي والواجهه فراري فضيه ولمبرقيني .

بس صدقني جو الرياض ما يساعد ان الواحد يفكر يشتري كشف مهما كانت السياره

[بو العابد]

الكورفت موتر محترم وله مكانه عزيزه عندي لأن كان عندي واحد 94 والله إنه صاروخ وخراباته قليله وموتر حق زحف إذا شريت كورفت الناس تعرف إنك ماتلعب (you'r not fooling around) وأنا مثلك بعد كنت بشتري بس لمن نزل الجديد أفتر عقلي على الجديد
بس ولو إذا لقيت C5 قير عادي نظيف موديل 2002 وفوق أشتري لأن الحين بتنزل اقيامهم بعد ما نزل C6 وهم C5 علي هيبه وقطع التزويد متوفره له

وما أقول إلا الله يوفقك

على فكره قبل شهرين كان عندنا في الاحساء اثنين 97 احمر وأبيض كانو واقفين في صالة الغانم بيعوهم على 60 ألف بالنسبه حق C5 الصراحه قيمه ممتازه ..

[THE CORVETTE]

والله اذا تبي الصراحه الجديد شكله مو هذيك القوه اللي وخر عنها
لكن خلفيتها احلى

وانا عندي ان 20004 احلى
وبعدين اغلبيتها مو كشف وقير توماتيك اللي وصل عندنا على حسب ماسمعت و240.000 يبيلها كاش وانا اخوك واذا على الجديد فلو بأشتري 2005 ونزل 2006 شكل غيره بأتحسف
بس اللي يعرف كشف 2000 قير عادي مايبخل علي تكفون

[أبوحمد]

شواف اخوي الغالي

ماراح ازود على كلام الشباب

انت الحين قلته بفسك ما تحصل في الشوارع الاالي ذكرت دتدري ليش لان السيارات هذي قطع الغيار متوفر وخاصه( الموستنغ)gt

[بو العابد]

شوف أخوي إذا افلوسك جاهزه روح الإمارات ولا ابترجع إلا وعندك واحد



وإذا ما لقيت وهذا مستحيل روح الكويت و100% بتحصل إلي تبي وسلامتك

[THE CORVETTE]

تسلمون شباب ومشكورين على المعلومات لكن افهم من كلامكم انه مافيه هنا بالسعوديه
يعني ممكن القى بجده ولا الدمام

[بو العابد]

ممكن بس صعب انا البارح على كورنيش الخبر وشفت C6 :eek:
وفايبر GTS :eek:

وانفينتي G35 :eek:

خله على الله يا رجال وغيره وغيره إي إي بعد شفت بنتلي كونتننتيال جي تي :eek:

ولومينتين كوبيه كل وحده صوته أقوى من الثاني

وفي شباب بعد شفتهم امسوين تجمع موستنغات 5 موستنغات وبعد مرو يمي مجموعه مواطير 7 و 6


يا شيخ حسيت إني في امريكا مو في الخبر

سلام

[THE CORVETTE]

يؤ كل هالتجمع ؟؟؟؟؟

و c6 ????
والله انتشرت بسرعه

بس مو علشان انا بشتري كورفيت c5 لكن ناس كثير قالو ان c6 شكلها مو اقوى من c5 مع اني احب كل النوعين
لاتحطموني شباب شجعوني على c5 ترى افكر فيها من سنين :D

[THE CORVETTE]

شباب من الكو
يت ولا الامارات لازم جمركه الظاهر

[NYC]

لاتحطموني شباب شجعوني على c5 ترى افكر فيها من سنين :D

اخوي اذا انت مقتنع بالسياره فهذا شي راجع لك حتى لو كرهها الجميع

الكورفت مهما كان موديله فسيظل السفينة الحربية واجياله مستمره |1|

في ناس الحين تشتري كوارفت موديلات الثمانينات حتى لو قطع ترهيم بس المهم كورفت ، فما بالك لو طاح بايدك C5

بالتوفيق يالغالي

[THE CORVETTE]

مشكور اخوي

[الوليد الطائر]

الكورفيت سيارة صح وماعليها كلام اما بالنسبة للخرابات فهو تقريبا خالي من المشاكل

اذا تبي كورفيت صح ماعليك الا تجي المنطقة الشرقية وتشوف سيارات على مستوى واذا مالقيت اطلع الكويت بس الله يعينك على الجمرك اذا كان موديله اقل من 2003

[THE CORVETTE]

مشكور اخوي يعني بالشرقيه الكشف متوفر؟
ووين القاه؟

[الوليد الطائر]

دور عليهم يوم الخميس في كورنيشات القطيف والدمام" عند هارديز وكنتاكي" او كورنيش الخبر" عند داجن او ستار بوكس"

بس اذا تبغاه بسهولة شوف كورنيش القطيف اول وبعده الدمام لان الخبر الكورنيش كبير وزحمة صعبة تلقى السيارة

[THE CORVETTE]

انا اخبر القطيف اهل الكورفيت :)

[الوليد الطائر]

موجود في القطيف

[بو العابد]

هاذي صور من القطيف

http://s05.imagehost.org/0887/a1.jpg

http://s05.imagehost.org/0887/erf2.png

http://s05.imagehost.org/0887/erqwr.png

http://s05.imagehost.org/0887/NM.jpg

http://s05.imagehost.org/0887/POP.jpg

[بو العابد]

http://s05.imagehost.org/0887/TYU.jpg

http://s05.imagehost.org/0887/WDF.jpg

http://s05.imagehost.org/0887/bah_01.jpg

http://s05.imagehost.org/0887/UT.jpg

[الوليد الطائر]

ماشالله عليهم والله مواتر صح
معروفين اهل القطيف ما يحتاج هذا شي من لا شي عندهم

[THE CORVETTE]

ماشاء الله عليهم :)
والله انا معجبني الكورفيت االاحمر اللي اخر صوره لو يبيعه اشتريه منه وارشه اسود يطلع مجنون
والله قوي جدا

[CHARGER]

ماشالله عليهم
مايتقارنون بأهل الرياض
**********

[husain_2000]

اكيد ممكن تلقى بس تراعا غاليه شوي
انا شريت وحدة قبل ثلاثه شهور بحوالي 115 الف موديل 2000
و قبل ما اشتريها قالوا لي الشباب انهم شافوا وحده زيها بالظبط في جدة بس 2001 و قيمتها حوالي 135 الف بس قير عادي

[كوري و لكن]

هلا و الله أخوي


الكورفيت اللي في هاذي الصورة
http://s05.imagehost.org/0887/TYU.jpg
توهم بايعينه من شهر تقريبا و راعيه على حسب اللي سمعته إنه يبي يشتري C 6 أو ماشابهها

و تحياتي