مين أحسن في الفورد الجراند ماركيز أم الكراون فكتوريا ؟

[gasem]

الف تحيه للشباب

يا شباب مين أحسن في الفورد الجراندماركيز أم الكراون فكتوريا


طبعا من ناحية الشغل والاداء وتحمل مشاق السفر الطويله دائما يهمني رايكم

[أمير الجزيره]

أكيد الكراون فكتوريــــا ومبروك مقدما..

[معاند الجرح2]

والله انا ماعندي خلفيه بذي الاشياء

بس الي اتوقعه الكراون فكتوريا حق كرف
والماركيز حق دلع

ولو تشوف التكاسي كلها فكتوريا في امريكا

[اهطيل]

gasemوالله والله والللللللللللللللللللللللللللللللللللللله الكراون فكتوريا والقراند مركيز نفس الشي في كل شي اللهم غير

الشكل الامامي والخلفي

والمركيز يجي مخشب الباب حتى في اقل نوع والكراون مايجي مخشب في الباب حتى في الفل كاااامل

وكلها ميه ميه ولا فراخ القمعيه وانا اشوف المركيز افضل حتى في البيع . والي يقول الكراون افضل من ناحية

الاستخدام والله ان ماعنده عند جدتي :o كلهم خوات والله يووووووووفقك وكل عام وانت بخير :cool:

[Blue Monaro]

انا اشوفهم ثنينهم نفس الشي

الاختلاف في الشكل بس

[عاشق الومينا SS]

كلهم نفس الشيء
بس الماركيز يشد اكثر من الفكتوريا وارسى من الفكتوريا الفكتوريا يجيها اوقات تحذف حذف جامد بس الماركيز على الخط يثبت احسن من الفكتوريا وشدته قويه ووقفته شامخه بين الناس والصراحه حق رزه يصلح

لولا اختلاف الارائ لبارت السلع

وسلام عليكم

[الطيب]

gasemوالله والله والللللللللللللللللللللللللللللللللللللله الكراون فكتوريا والقراند مركيز نفس الشي في كل شي اللهم غير

الشكل الامامي والخلفي

والمركيز يجي مخشب الباب حتى في اقل نوع والكراون مايجي مخشب في الباب حتى في الفل كاااامل

وكلها ميه ميه ولا فراخ القمعيه وانا اشوف المركيز افضل حتى في البيع . والي يقول الكراون افضل من ناحية

الاستخدام والله ان ماعنده عند جدتي كلهم خوات والله يووووووووفقك وكل عام وانت بخير

يعني حسب فلوسك

على قولة سواقنا الهندي

عندك كتير كتير خذ ماركيز عندك قليل قليل خذ فكتوريا

[الكاتب]

الفكتوريا اقوى من المركيز خط وقومه والله اني شايفهم اثنين من عيال الحاره والله ثلاث مرات ولافي فائده الكراون يطرح
والشئ الثاني الجراند مركيز :يقول صاحبه انه يفصل بعد 170 اما الفكتوريا يقول صاحبه انه يجيب 200
اما من ناحيه الدلع>>>>>>>>>>> الجراند
اما من ناحيه الكرف >>>>>>>>>كراون فكتوريا
ولو تبغى نصيحتي استخير الله

[gasem]

كنت في حيره اصبحت في حوسه جامده بين ارائكم لكن زي ما قال اخونا الله يحفظه ويحفظكم من كل مكروه قولو آمين لولا اختلاف الآرآ لبارت السلع وودي القى جواب لحيرتي لانه انا مو على قولة المثل المصري(اللي معاه فلوس بتحيره يشتري حمام ويطيره)
على العوم شكرا لكم الف شكر

[الـــفـــارس]

اخوي لحد يحيرك انا عندي الحل ؟؟
الفخامه المركيز افخم .
القومه والخفه الفرد خفيف وقومته اقوى شوي انا ماجربت لاكن واحد قالي.
المركيز يشرب بنزين بشكل قوي مثل الكابرسات موديل 92 لان مكينتة اقوى من الفرد الفرد يشرب بنزين بقوة لاكن مو اقوى من المركيز
المركيز يطرح الفرد في الخطوط السريعه
الفرد يفصل عند180 كيلومتر
المركيز؟؟؟؟؟؟؟؟؟؟؟؟؟ ماجربتة
قطع غيار المركيز غااااالية لانها فخمة
الفرد عمره طويل ((يعني يتحمل ويعيش معك)) الله يعطيكم العمر
بس هذا اللي اعرفة
وشـــــــــــــــــــــــــــــكــــــــــــــــــ ــــــــــــراً.

[أبـوأسـد]

أخوي كراون فكتوريا عملية أكثر من جراند مركيز:D

جراند مركيز أفخم من كراون فكتوريا :rolleyes:

[خــالـــد]

مثل ما قال الأخ كلهن نفس الشيء في الماكينا والجير تصنيع واحد

ولكن الماركيز شكل افضل وافخم ومخشب ويجي مواصفات افضل من الفكتوريا لذلك سوقه في البيع افضل من الفكتوريا

الفكتوريا هو الماركيز باختصار لولا فخامة الماركيز وتخشيبته والشكل الخارجي اختلاف بسيط

مافيه شيء اسمه قومة وخط ولا كرف كلهن مكينة وحده وقير واحد

خـــالـــد

خــالــد

[يزيـ عالي ـد]

بصراحه خالي معه جراند أنا أقول تأخذ جراند لانها فخمه جدا ولكن القطع زي ما تفضل الفارس تراك تروح فيها وأقول لك توكل على الله وخذ جراند .................لانها فخممه والا اذا كان تبي المطارحات والعلوم اللي أنت خابر خذ الفكتوريا .............

[الرائد]

سلام



بالنسبة للعزم... الماركيز والفيكتوريا المستوردين من أمريكا أقل عزما بكثير من نظيراتهما ذوات المواصفات الخليجية...

على ما اعتقد أن السيارتين حسب الموصفات الأمريكية قوتهما حوالي 224 حصان...

بينما نفس السيارتين بالمواصفات الخليجية تصل قوتها الحصانية إلى 265 حصان... ويقال أن الخليجي أكثر صرفية في البنزين..

عشان كذا لا حد يجي ويقول شاف فيكتوريا طرحت ماركيز أو العكس.. لأنه محتمل تكون احدى السيارتين استيراد امريكي...


من جهة أخرى عزم الفوردات بدءا من موديل 2000 أو 2001 على ما اعتقد أقوى من الموديلات السابقة...

لذلك لا اتوقع أن هناك فرق بين السيارتين من حيث القوة في حال توافق الموديل وتوافق المواصفات بحيثت ما تكون وحدة امريكية والثانية خليجية ... اللهم في حال اختلاف بسيط في الوزن قد يتسبب في تسارع أكبر في السيارة الأخف...


أنا عندي ماركيز موديل 98 استيراد امريكي... وأي استفسار أنا حاظر...

تحياتي

[mercury_sport]

السيارتين نفس الشي

[Night]

بالنسبه لرأي ..

اثنينهم ماشاء الله قوييين ،، لكن من ناحيه المظهر انا ارشح الكراون فكتورها :)



تحياتي لك


night

[NYC]

كنت في حيره اصبحت في حوسه جامده بين ارائكم لكن زي ما قال اخونا الله يحفظه ويحفظكم من كل مكروه قولو آمين لولا اختلاف الآرآ لبارت السلع وودي القى جواب لحيرتي لانه انا مو على قولة المثل المصري(اللي معاه فلوس بتحيره يشتري حمام ويطيره)
على العوم شكرا لكم الف شكر

كثر الكلام يضيعك :)

شوف اللي يعجبك واخذه ،، مافي فرق

نفس المكينه ايضا على اللنكولن تاون كار ، وهي افخم من الماركيز والفكتوريا

تاون كار : سعة 4.6 ليتر بقوة 239 حصان

كراون فكتوريا : سعة 4.6 ليتر ويأتى بقوة 224 او 239 حصان

جراند ماركيز : سعة 4.6 ليتر ويأتى بقوة 224 او 239 حصان

[اهطيل]

الفكتوريا والمركيز من 2001 وطالع 265 حصان كلام اااااااااااااااكيد

والي من 98الى 2000 227 حصان

[Grand MarquisLS]

مثل ماقال خوي اهطيل نفس الشي

بس عندي الماركيز احسن فخامة وقوه وكل شي

ولا تستهونوا الماركيز

والسلام.............

[NYC]

كما ذكرت عن قوتة الفكتوريا والماكيز انها نفس المحرك SEFI V8 بقوة 224 حصان ،، او 239 حصان للفكتوريا سبورت و ماركيز مع زوايد لانظمة الثبات

فورد كراون فكتوريا ، موقع وكالة فورد :

http://www.fordvehicles.com/cars/crownvictoria/features/specs/#per


الميركوري جراند ماركيز ، موقع ميركوري من داخل موقع فورد :

http://www.mercuryvehicles.com/vehicles/grandmarquis/specs.asp

[soso_ss]

نفس الشي
كلهم واحد