ما الافضل فورد ماركيز ولا فكتوريا >>> ضروري يا شباب

[السرعه والغضب]

بسم الله الرحمن الرحيم

السلام عليكم ورحمة الله وبركاته

يا شباب انا ناوي اطلع فورد من موديل 98 الى 2000

لكن محتار بين الماركيز والفكتوريا .

في السعر والقوه والخرابات وصرفية البنزين

وكم اسعارها للي عنده خبره .


ودمتم سالمين

[خــالـــد]

بسم الله

اولا في القوة كلاهما يحمل نفس الماكينة والقير فلا فرق

ثانيا السعر الماركيز أكثر سعر نظرا لكثرة الاكسسوارات فيه والتخشيب الداخلي .. الخ

ثالثا الخرابات يقال ان الماركيز اكثر خرابات من حيث الالكترونيات الداخلية والطبلون اذا كان اوتوماتيك ولكن لااعتقد فيهما فرق في الخرابات البته ولكن يمتاز الماركيز بأكثر اكسسوارات وأناقة وجمال

رابعا صرفية البنزين واحده يعني تقريبا 58ريال تفلل لك التانكي ويمشيك 450 كيلو لان تانكية صغير شوي

خامسا الأسعر موديل 98 من 35 إلى 40 اذا كان نظيف يصل 40 بالراحة
99 من 37 إلى 42 إذا كان نظيف يصل 42 بالراحة
2000 من 44 إلى 50 أذا كان نظيف يصل إلى 52 بالراحة

ونصيحتي إذا تدور اكسسوارات وفخامة اكثر وتخشيبة خذ الماركيز

اذا ما تهتم بالشكل الداخلي الالكتروني والتخشيبه وتحب سعر اقل مع عدم الاهتمام للاكسسورات والتخشيبه وخايف تتعب من كهرباء السيارة خذ الفكتوريا

خـــالـــد

[NYC]

انصحك بالماركيز


ونصحتك بالماركيز مثل ما قال الاخ / خــالـــد بسبب تواجد العديد من الاكسسوارات ولانها تتحمل المشاوير لاني قاعد اشوف منها سيارات اجره وتتحمل الكرف


وبالتوفيق

[السرعه والغضب]

مشكورين شباب على الردود

والله يعطيكم العافيه

[راعــي فــزعــه]

ماركيزززززززززززززززززززززززززز وانت مغمض

.

[LazorD]

هلا حبيبي

انا عندي ماركيز 2001 وماشاء الله عليه ماخرب علي الا خراب كان بعد الصيانه عند الوكاله
يعني هم السبب في خرابه

وانصحك بالماركيز
لانك راح تحس بالفخامه
وخاصه الملكي

وانت ليه محدد من 98 الى 2000؟

هذه الموديلات مافيها مكيف خلفي

المكيفات الخلفيه تبدأ من 2001 وانت طالع

وفي الاخير

زي ماقالو

جـــــراند ماركيــــز وانت مغمض

[سناري]

شوف هذا الرابط

http://www.assayyaratnet.com/forums/showthread.php?s=&threadid=49471

و على فكرة يا شباب

اغلب احكامكم عشوائية و تستند على سيارة واحدة فقط

[السرعه والغضب]

مشكورين شباب على المشاركات

وبالنسبه لك يا اخ لازورد

انا ما احب الموديلات الجديده

مثل شكل 2003

افضل القديم بكثييييير

................

وما قصرت اخوي سناري

والله يعطيك العافيه

معلومات رائعه

[خــالـــد]

ملاحظة اعتقد حتى موديل 99 الفل كامل يوجد بها مكيف خلفي وليس فقط من موديل 2001 للتنبيه على الاخ لازورد

وربما ما عنده فكره كلية عن موديلات ما قبل الالفين ولكن اختياره للماركيز افضل وشيء واضح ولا غبار عليه

خــالـــد

[السرعه والغضب]

شكرا لك اخوي خالد

ما قصرت

[LazorD]

العفو

بس يا السرعه والغضب انا اقولك شكل 2001 و 2002 يختلف عن 2003

والصراحه هو الاحلى الي 2002 وتحت


اما بالنسبه للأخ خالد
احتمال يكون مكيف خلفي

[خــالـــد]

هلا أخوي لازورد

مو احتمال أقولك سيارت صديقي مطلعها قبل او من شهر فل كامل تكييف خلفي

واذا بالرياض وتبي تشوفها ما عندي مانع

ولا اقولك حيك على الفطور يوم الأربعاء ومنها تشوف الموتر على الطبيعه

خـــالـــد

[MUSTANG-COBRA]

'انا سيارتي ماركيز 99 فل كامل مافيها تكييف خلفي

[اهطيل]

المركيز والكراون من 99 فيها مكيف خلفي حتى اقل فئه يوجد فيها

اما الامريكي مايجي مكيف خلفي

[MUSTANG-COBRA]

هيك يعني الامريكي مايجي فيها مكيف خلفي

[خــالـــد]

عاد براحتكم سيارة صديقي

اخذتها منه يومين وسافرت عليها الشرقية

فيها مكيف خلفي وبدون جلد هي مخمل وبدون فتحه بعد

ليه بس كده ليه

خـــالـــد