ايهما اختار كابرس ال تي زد ام هوندي اكورد ؟

[ewq]

السلام عليكم ايه الاحبه

اما بعد يا اخوتي انا طالب جامعي وقبل شهر حصلت على الاجازه والان اتت الساعه لاختار سياره التي سوف ءادي بها اعمالى من الذهاب الى دراستي واعمالى اليوميه وفي الحقيق تعبت كثير حيث كنت افكر في بادء الامر في الومينا اس اس ولكن اكتشفت ان للمجتمع نظره لقائد هذه السياره حتي ان البياع في الوكاله قال لى هذا ونصحني بالكابرس ال تي زد وقال فيها قوه وقريبه من مكينه الومينا اس اس حيث انها 290 حصان على ما اعتقد المهم دارات الايام ومن يوم الى اخر وجدت في نظري افضل سياره يابانيه مقبولت الشكل نوعا ما الهوندي اكورد

والصراحه انا الان محتار بينهما فالكابرس في نظري سياره للمستقبل لاني الان في وقت دراسه وهي سياره عائله قبل ان تكون سياره شاب جديد على السواقه

اما الهوندي اكورد فهي سياره للوقت الحالي وتنفع للمستقبل وصغيره نوعا ما في الحجم ولا ننسا انها يابانيه واقتصاديه وقطع غيار رخيصه

كل ما في الهوندي جعلني احتار رغم اني اميل الى الكابرس ولكن لا استطيع ان اختارها للقطع الغيار الغاليه نوعا ما والوقود لانها 8 سلندر


انا الان في اشد الحيره واريد رايكم في السياره التي سوف اختارها بعيدا عن التعصب واريد عيوب سياره الكابرس قبل مزايها حتي احسم العمليه

وشكرا

[ابوهديل]

اولاً انصحك بالكابرس ltz ولا أرى مقارنه بينها وبين الأكورد
وبعدين قطع الغيار للأكورد نار وليست رخيصة كما أسلفت
ولا تاخذ كابرس ltz V8 بل خذ كابرس ltz V6 اذا كنت خايف من صرفية البنزين وعلى ما أظن الشكل لايوجد به فرق والفرق بالمكينة فقط وقطع غيار الكابرس ارخص بكثير من هوندا أكور
........ ولاتنسى ان الصيانه والخدمه متوفره ومنتشره للكابرس بعكس هوندا

[NYC]

اخوي اذا تقدر تاخذ كابرس LTZ توكل على الله

وبالتوفيق

[الـصـقـار]

نصيحه خذ كابرس


ولكن فيه فرق بين 6 سلندر و 8سلندر بالمواصفات الداخليه

[# OMAR #]

اخوي اسمح لي بس موضوعك غلط ..
انصحك تحط موضوع عن الكابرس في الامريكي واخر عن الاكورد في الياباني ..
لان من الطبيعي ان اعضاء المنتدى الامريكي راح ينصحونك بالكابريس والعكس في المنتدى الياباني ..

عموما اخوي اذا تبي سيارة تعيش خذ لك هوندا اكورد ..
اذا تبي سيارة اربع سنين او اقل خذ لك كابرس ..

[ewq]

اشكركم يا اعزائي على الردود

على العموم هناك اكيد فرق من الداخل في الكابرس بين ال8 سلندر و 6سلندر حيث ان سعر الكابرس ال تي زد 8سلندر اصبح 8.300 مع الضمان اي تامين السياره هذا سعر اولى وربما هناك مجال اكثر

طبعا الاكورد تعيش لانها يابانيه ولا سيما ان لدينا اكورد القصه القديمه والله السياره ما فيها اشكال والدوسه لا يعلا عليها يعني تعطي ولكن شيء اكيد ماراح تكون من سياره 8 سلندر وثانيا لم نواجه اى مشاكل في الاكورد منذ ان اقتيناها ولم نبدل بها شيء
يعني اوكي ما فيها شيء

على العموم اشكركم يا اخواني

[كابـــSSـــرس]

يالغالي انا عندي كابرس LTZ 2004

وطلعتها يوم دخلت الجامعه

طبيعا المكينة 8 سلندر لاكن يالغالي الى يومك لم اشتكي من الصرفيه

ومن ناحية الرساوه هو اثقل من الهوندا وافضل وشف كمبيوتر الكابرس مهوب بسيط

فيه مواصفات كثيره وبعدين من ناحية التحمل والله يالغالي انا ماكل مطب على سرعة 150

توقعت اقل شي ان الزيت يخر والله ما تأثر

توكل على الله يالغالي ولو الكابرس ماهو زين كان ماشفته استحوذ على المبيعات

وماشفتاه ينتشر بهذي السرعه

تحياتي لك

[خــالـــد]

اذا بتاخذ كابرس ال تي زد او هوندا v6 فالخيار واحد بينهن

اما على الاكورد 4 سلندر مع الكابرس ال تي زد فهنا قف عند الكابرس ولا تتعداه

الا اذا كان اهتمامك للبنزين اولي فترجح كفة الهوندا

ومن حيث قطع الغيار فالكابرس ارخص بكثير

كان الله في عونك

خـــالـــد

[سيارة]

خذ لك هـــــــوندا V6 وارتح تعيش معاك اكثر من الكابريس

[alpacino]

تبي شي مايشتكي ومايتعبك ماتهتم فيه وعملي وقتصادي وكد ومد خذ الاكورد
شي فخم عائلي قوي خذ الكابرس
من وجهة نضري من باب الانسب لك تاخذ اكورد بما انك طالب وتوك خذ شي على قدك حلو ومايتعبك
الاكوررد وحتى من ناحية السعر وايد مناسب لك والموتر السنع خله ورى الدراسه |292|

[blackss]

نصيحه خذ كابرس


ولكن فيه فرق بين 6 سلندر و 8سلندر بالمواصفات الداخليه

[أكورد وبس]

أولا ، أسعار قطع الغيار متقارب

ثانيا .. صيانة ووكالة هوندا أفضل بمليون ألف ترليون مرة من الكابرس بجميييييع وكلائها

ثالثا ، الرساوة أنا جربت الكابرس SS على خط وفي المدينة وبين الحواري ن وأشوف أن الأكورد أرسى وأسهل في التحكم

رابعا .. الراحة ، الكابرس أريح بكثيييييييييييييييييير

خامسا .. الصرفية ، لا مقارنة

سداسا ، التحمل ، أيضا لا مقارنة

سابعا ، الفخامة ، فيه تفاوت بين السيارتين يحتاج تأمل

سابعا ن الصناعة ن والله فرق بين الياباني والاسترالي

عالعموم ، الكابرس مريحة وفخمة لكن عن نفسي ما أجد فيها بغيتي على العكس من الأكورد

واستخر ربك والله يوفقك :)

[M3-POWER]

نصيحه اخذلك ال تي زد
لا لا مجال للمقارنه بينه و بين الاكورد معه الاحترام لعشاق الاكورد
اول شي ميكنته مثل ما قلت 295 حصان يعني قريبه ل اس اس
و من داخل روعه حلوه فيها 6 سيديات و كمبيوتر قوي ميكيف محترم جدا
و اخذ لوون اسود تطلع سياره ملكيه
اسال مجرب و لا تسأل طبيب

[كابـــSSـــرس]

اخوي اكورد وبس تقول الرساوه ماهي لهناك

طيب انا ماخذ الفه الي عند حي السفارات ( الدائري )

على سرعة 140 والله ماحسيت بأي شي وللعلويمة كنت مثبت السرعه ورجلي على الفرامل

لاني كنت بجرب لا اكثر ولا اقل

[الكويتي17]

أنصحك بالكابريس...


سيارة مريحا جدا وعملية بشكل لا يصدق...ونفس الوقت فخمة بشكل خيالي ( 6 سيديات - تتحكم بثلاث ارباع السيارة عن طريق الازرار الي موجودة على المقود - مكيف الكتروني (المكيف عبارة عن ثلاجة متنقلة...مصمم خصيصا للخليج لا يوجد منه باي سيارة في العالم) - نظام كمبيوتر متطور مع ثلاث شاشات عند لوحة العدادات وشاشتين على اليسار - مساحة وااااااااااااااااااااااااااااااااااااااااااااااااا ااااااااااااااااااااااااسعة للارجل .....لن تصدق الا لما تركبها ..)


اما من ناحية السيارة على الطريق ( محرك جبار جدا - جير ناعم ومريح -فرامل قوية جدا "مقارنة بمنافسينها مثل الماركيز واللنكولن" )
وفيه شوية ميزات متفرقة عن تجربة شخصية :

- السيارة تعجبك بالمطبات :)
-االمقود "السّكان" ممتاز جدا ويعطيك شعور رائع وانت تسوق (هو اصلا رياضي ومصمم حق سيارات هولدن السبورت)
-المقاعد ايضا رياضية ومريحه جدا وتصميمها ذكي جدا (اتكلم عن المقاعد الامامية)
-السيارة سهلة جدا للصفطات بالمواقف وما راح تعاني ابدا


اما عيوبها علشان اكون صريح معاك : الثبات يقل في السرعات العالية (ما اعتبره عيب لانه نادرة ما تجد احد يضطر انه يسوق فوق ال 140-150...واذا صاحب السيارة قيادة ومتمكن ما يهم |245| ) - المقود "السّكان" رياضي يعني شوي ثقيل -(اعتبره ميزة بالنسبة لي |245| ) .


اما الاكورد سمعتها طيبة ومعروف عن سيارات هوندا الجودة العالية ولكن ما اقدر افيدك بميزاتها وعيوبها نظرا لعدم تجربة اي سيارة حديثه من هوندا (مجرب هوندا اكورد كوبيه 4 سلندر موديل 2000....وكانت متواضعه وتفشّل |314| )

[شفروليه]

على حسب رغبة الشخص اذا كان يبغى سيارة كرف واستعمال يومي ياخذ اكوووورد واذا كان يبغى سيارة كشخة ومشاوير بسيطة ياخذ كابريس(كيف نعيش بلا كابريس)هههههه

[أكورد وبس]

مشرفنا العزيز كابرس SS ، أنا أتكلم عن تجربتي فقط لا غير :)

أشوف إن الأكورد بطايس ما فيه فرق بينها وبين الكابرس SS بالرساوة ، مجرد تجربة شخصية !!

[كابـــSSـــرس]

8
8
وانا كذلك من تجربتي الشخصية

لان راكب مع صديق لي في الجامعة

ويوم جاب 180 الموتر يرتج

وبعدين يوم سئلتة قلت انت رحت بها خطوط

قال لي بالحرف الواحد :-

انا مهبول اروح عليها

وعقبها الاكورد نزلت من عيني لان هذا مجربها ومن اهلها

[أكورد وبس]

طبعا يرتج لأنه مركب جنوط تجارية ، والكفرات يحتاج لها ترصيص

مشرفنا الغالي

أنا رايح للشرقية مرتين كلها أمشي 220 والسيارة آخر حلاوة ، وأمسك الدركسون بيد وحده ، بس مرة كان فيه هواء قوي وكنت لازم أتحكم بالسيارة شوي

وعلى فكرة ، جنوط 15 وطيس ، وش رايك عاد :)

سنة وست شهور والسيارة معي ، والله من ناحية الرساوة رساوتها رائعة

وخلني أركب جنوط وتشوف كيف الرساوة

[كابـــSSـــرس]

لنكن واقعين الي يميز الكابرس والومينا انها تناسب اجوئنا

واختبارات التجربة تمت في الرياض( الصحراء ) ودبي ( الرطوبة ) والطائف ( الجبال)

على مدار 3 سنين والكل يعرف هذا الشي لذلك مبيعات الكابرس والومينا ( خصوصا الومينا )

غطت على السيارات اليابانية واصبحت اكثر انتشارا انا ما اشك الاكورد انتشرت

بس انتشار محدود يعني الومينا انتشرت بشك عام ( في الخليج)

يعني يوم اروح للامارات نص سيارتهم شفرولية لومينا

وكذلك الكويت والسعودية بدون شك شفرولية ( هولدن ) سيطرت

على عقول الشباب والسبب في قوة وجمال وتحمل سياراتها

وثانيا المكيف ياخي مكيف الاكورد ماهو لهذاك المستوي الى ان كان زميلي مركب

مكيف تجاري يعني عز الظهر والله مايسوي شي لكن اركب لومينا او كابرس وراح تشوف الفرق

على الاموم انا ما انزل من السيارات اليابانية لكنها مافيها قوة مكينة وبدي وعند السرعات العالية

تصبح غير راسية وهذا يالغالي كلام معروف ماهو انا اول واحد يقولة واذا ما انت مقتنع

نتواعد انا وياك يوم ونروح لوكالة هوندا ونسأل مندوب المبيعات ايهما افضل

هوندا اكورد او كابرس ال اس ؟

راح يقول لك بدون شك الكابرس افضل لكن لو لومينا ايمكن قولك اكورد افضل ( كما اجابني )

ويالغالي ترى كلها حديد والسالفة ماتسوي

وانا اتأسف لك واقول

الاكورد احسن من الكابرس بس اهم شي

انك ماتزعل لانك زعلك يزعلنا

تحياتي لك

[أكورد وبس]

لا والله

لا زعل ولا شي

بس ودنا نتناقش بهدوء

أما مسألة إن اللومينا غطت على الياباني فاسمح لي

امسك خط القسم أو الشرقية أو مكة وشف السيارات اللي رايحة واللي جاية ، تلاحظ إنها كامري سواء جديد وإلا قديم

مر على اي شارع بالرياض ، أي شارع ، ما يخلوا من أكورد حاليا

وقف عند أي إشارة ، وعد الأكوردات هناك

كل من شفته قال لي ، ياخي وش الانتشار الرهيب للأكورد ، فأقول له ما ألوم الناس

في ناس حتى الآن ما تعرف وش معنى هوندا ، مثل ما كنا قبل فترة

وإلا ، بأي شي تفسر لي أخي الكريم مشعل كون المكاين الأمريكية كبييييرة جدا وذات سعة كبيرة ومع ذلك ما تنتج قوة حصاينة موازية لحجم المكينة

مثال ، اللومينا 6 سلندر ، سعتها 3800 ، وما تولد إلا 209 أحصنة

والله عيب ، شف الأكورد سعتها 3000 وتولد 240 حصان

شف الماكس ، مع إنها قديمة ، سعتها 3000 وتولد 227 حصان

شف الألتيما سعتها 3.5 وتولد 257 حصان

وكل السيارات هذي 6 سلندر

يعني تحس إنها تقنية بالفعل

أما الأمريكان فيضطرون إنهم يكبرون المكينة بشكل هائل حتى يحصلوا على قوة حصانية معقولة

اللوميناSS ، سعتها 5700 ، وما تولد إلا 325 حصان ، ليييييييييييييش

يعني اللمبرجيني سعتها 6000 ، وتولد أكثر من 500 حصان ، وين القوة هذي في اللومينا

شف الـ S2000 ، قوتها 4 سلندر وسعتها 2.4 ، ومع ذلك تولد قوة حصانية هاائلة قدرها 240 حصان

ايش التقنية هذي

تدري إن كبر حجم المكينة يعني بالضرورة زيادة صرف البنزين !!!

يعني صرف بنزين على قوة ما تستاهل بصراحة

أعطيك مثال حصل قبل شهر لأحد الزملاء

اشترا لومينا LTZ 2004 قبل أشهر ، وقبل شهر حصل له حادث بطريق خريص ، وكانت المفاجأة إن الإيرباق ما طلع

طبعا ،زوجته كانت حامل بالتاسع ومات الجنين والله المستعان

قضاء وقدر ، ما قلنا شي ، لكن كل شي وله سبب

والسؤال ، ليش ما طلعت الإيرباقات ؟؟؟؟؟؟؟

مع إن التصادم كان بالواجهة ، وخوينا هو وزوجته صدموا بالزجاج الأمامي والطبلون ، وتأثروا من الحادث

طيب ، من يتحمل العيب الفادح هذا !!!

مثال آخر ، بالنسبة لمكيف الكابرس ، أنا بقول لك تجربتي وبكيفك تصدق وإلا ما تصدق ، انت حر

أنا يوم جربت الكابرس الـ SS موديل 2004 ، كنت مستعد لمواجهة سيارة من أعتى السيارات وأفضلها ، هكذا كنت أتصور

شغلت السيارة ، السيارة مرييييحة عالآخر ، وأريح وأوسع من الأكورد بمراااحل

مشيت ، شغلت المكيف الإلكتروني ، انتظرت الرياح اللي بالقطب الجنوبي ، ما جا شي

يعني ما فرق شي عن الأكورد ، والله هذا اللي حصل معي

مشيت بالسيارة ، طلعت من حارة لشارع رئيسي ، السيارة زحفت زحفة الله لا يوريك ، يمكني كنت داعس بقوة ، يمكن

لكن خذ الموقف هذا ، كنت أمشي على الشارع الرئيسي على سرعة 120 تقريبا ، إلا وجايك أبو هنود حفظه الله ورعاه وسدد خطاه يدر سيكله معه ، ويتمشى

طبعا ، تفاجأت ، وضربت فرامل ، السيارة لعبت بي بالخط ، وأول شي فكرت فيه وش أسوي مع راعي السيارة :D

المهم ، بقدرة قادر ورحمة من الله نجيت من الموقف هذا

والله بالأكورد - وهي سيارتي من سنة ونصف - ما يحصل معي الشي هذا أبدااااا

طيب ، إذا كان هذا بالكابرس ، أجل اللومينا وش بتسوي

ما أختف معك إن الكابرس واللومينا أجمل وأريح وأقوى من الأكورد الـ 4 سلندر ، لكن الكلام على اللي بالكبوت واللي تحت السيارة

وسبق إني مريت بتجارب مرة قاسية في السيارات الأمريكية ، وهذا اللي خلاني أكرهها إلى الأبد

طبعا ، ما زلت أعيش هذي التجارب عسى الله يخلصني منها

وانا ما يهمني إني أروح لمندوب مبيعات هوندا ، لان هذي آراء شخصية تختلفمن شخص لآخر

على العموم ، تيوتا الآن غطت على مبيعات فورد ن وأصبحت في المركز الثاني عالميا ، وهي في طريقها إلى إزاحة GM من عرش الصدارة ، هذا اللي يقوله الواقع ، ومبيعات تويوتا - بالذات - واليابانيين عموما في تزايد مستمر وملحوظ ومخيف ، بينما مبيعات الأمريكان تنخفض ، وهذي اللي تقوله الدراسات مهب أنا وأشكالي

وبعدين ، حبيبنا ، السالفة مهب سالفة حديد وإلا سيارت ، طز بالسيارات إذا صار فيها زعل ومهاوش

لكن ، مجرد طرح وجهات نظر وتجارب

وعن نفسي ، ما أحب الانحياز ، وترقب مني موضوع ( سنة ونصف مع الأكورد ) أذكر فيها تجربتي مع الأكورد ، مزايا وعيوب ووصايا ، إن شاء الله

وراح تعرف إني ما أحب التعصب ، على العكس من ملاك بعض انواع السيارات ، الله يهديهم

سرهتنا الله يهديك :D

تصبح على خير :)

[كابـــSSـــرس]

اخوي اكورد

جنرال موترز حسب الاحصائية تفوق مبيعاتها في عام 2004 في العالم

الربع الثاني اكثر من 6 مليون

وياتي بعدها فورد ب3.5 مليون ثم تيوتا ب2 مليون

( حسب جريدة الجزيرة - صفحة الخاصة بالسيارات )

وعن قريب يالغالي بيطلع الربع الثالث واما جنرال موترز فما اعتقد ان هناك شركة

ستزاحمها

ويالغالي هذي مجلة عندي وكتبت لك الي فيها :-


1- بعض سيارات BMW تستخدم ناقل الحركة الأتوماتيكي ذو الخمس سرعات التي تصنعه جنرال موترز..

2- هوندا تستخدم محركات الديزل المصنعة من قبل جنرال موترز..

3- قامت أحد المجلات بعمل مقارنة بين الكاديلاك فليتوود والرولزرويس وهذا يعتبر شيء خيالي مقارنة سيارة بأخرى أكثر من ضعف سعرها!!

4- نظام لكزس لينك هو عبارة عن نظام أوزن ستار الخاص بجنرال موترز مع تغيير الاسم!!

5- جنرال موترز الأكثر مبيعاً عالميا منذ الثلاثينات وإلى الآن!!

6- كانت كاديلاك وبويك رمزي الفخامة في الخمسينات والستينات وبإمكان الجميع التأكد من ذلك، وكمثال ذكر أحد مسؤولي BMW قبل ثلاثين عاما أنهم يطمحون بجعل BMW البويك الأوروبية!!

7- في آخر عدد لموتور تريند قاموا بمقارنة بين المرسيدس CLK55 AMG و البونتياك GTO (هولدن HSV GTO) واستطاعت البونتياك مقارعة المرسيدس في الكثير من النقاط مع العلم بأنها بأقل من نصف سعر المرسيدس..

8- كاديلاك XLR تتفوق على غريماتها من حيث خفة الوزن وعدد الأحصنة والتسارع والسعر!!

9- محرك فورتيك 4200 وللسنة الرابعة على التوالي ضمن أفضل محركات في العالم!!

10- شاحنات جنرال موترز الأولى في توفير الوقود والقوة الحصانية والعزم متفوقة على غريماتها وبإمكان الجميع التأكد من ذلك!! والإستدلالات تطول وتطول!!



وهذي معلومة تقول يالغالي

الومينا معدل قوة الحادث بسرعة 140 عند صدمتها في صبة خرسانية هو50% بينما الكامري معدل قوة الحادث بسرعة 120 عند صدمتها في صبة خرسانية هو75%

[أكورد وبس]

الملعومة الأولى أثبتوا في المنتدى هنا عدم صحتها

المعومة الثانية ، ما أدري هل هوندا تصدنع حركات ديزل أصلا وإلا لا !!!

المعلومات الباقية ما عندي خلفية عنها ، لكن ممكن اسم المجلة :)

[الصابونة الحمرا]

اخوي انا سمعت انا الكابريس 2005 فيه تحسينات ومواصفات امان كثيره ما ادري هل الكلام صحيح

[ACC-V6]

انا اول مرة اعرف ان فيه هوندا ديزل

يمكن في اوروبا
ومااظن يعجزون يصنعون محرك ديزل








وبالنسبة لرايي
اكيد بقولك اكورد
لاني انا احب الاكورد

لكن اهم شي عند اختيارك
تشوف السيارة اللي معجبتك وخصوصا من الداخل


يعني انا لو بتسألني اكورد مباشرة ولاافكر في كابريس

لكن غيري على العكس تماما

لذلك شف وش اللي معجبك شكله من الثنتين


واذا يهمك الجودة والعمر والصرفية
اكيد وبدون مناقشة هوندا اكورد

اذا تبغا سيارة كبيررررررررة وثقيييييييييلة وطويييييييلة بس معجبتك
خذ كابريس
بس اهم شي سواء اخترت اكورد او كابريس
اللون يااسود يابيض


وبالتوفيق

[Holden HRT]

حقا البي ام تستعمل قير بوكس تصنعه الجنرال موتورز


و لا خلاف على ذلك فالجنرال موتوز معروفه و هي غنية عن التعريف


خوي صاحب الموضوع انا عن نفسي احتار اكورد و الا الكابرس
لانه انت قلت تبغي صرفية بنزين قليله و تبغي سيارة للمستقبل
صرفية بنزين اكورد
سيارة مستقبلية الكابرس

انت فكر و اختار

بعدين انت قول لينا كم المسافه اللي تقطعها من البيت الى الجامعه؟؟؟

و بعدين مو صاحي الا يقارن ال GM بمنافسيها هههههههههههههههههههه
المشرف كفى ووفى

[Explorer9]

اخوي انا انصحك بالكابريس

المعروف عن السيارات الامريكية انها تتحمل اكثر من اي سيارات

وبعدين الكابريس لها هيبة كبيرة

وشكرا