تحديد السرعة القانونية في الطرقات السريعة الى 140كلم/س

[ع البال]

صباح الخير يا شباب ويا شابات

بعد الاجازة وبعد السفريات وبعد السهر وقل النوم وبهالصيف الرهيب,نعود من جديد لمنتدانا الرائع ولأصدقائنا المتميزين فيه.
اول شي الاستيل الجديد للمنتدى هذا حلو وفيه نوع من الشفافية لكن مو درجة كبيرة على الأقل مجرد تغيير عن السابق.
ومن الأفضل للأفضل.
ثاني شي بمناسبة اليوم الدراسي الأول لهذا العام نتمنى للطلاب عام دراسي جديد حافل بالنجاحات وتحقيق الامنيات.

ندخل في صلب الموضوع.
اثناء الاجازة ومن خلال السفريات على السيارة خاصة اذا كانت المسافة حوالي 800 كلم/س والسرعة محددة
بـ 120كلم/س واذا زدتها (وهذا شي طبيعي)تشيل هم الرادار والتفتيش وغير ذلك.
ليش ما تكون أقصى سرعة مسموح فيها 140كلم/س بدلا من 120 ؟!
اظن الـ 120 سرعة بطيئة نوعا ما في طريق سريع مثل طريق الرياض /القصيم وطريق الرياض/الدمام السريع
وطريق مكة المكرمة/المدينة السريع وغيرها.
واكيد هم اخذين في الاعتبار انه اذا كانت السرعة محددة بـ 120كلم/س فاكيد السائق راح يتعداها الى 140 و150كلم/س
وهذا اللي حاصل الآن .
لكن اذا حددت السرعة القانونية بـ 140كلم/س فممكن ان السائق راح يتعداهى الى 160 ويمكن الى 180كلم/س
وهذا شي ممكن يعتادون عليه.

توافقوني يا شباب على هذا الاقتراح ولا تعارضون؟ولا تلتزمون الصمت :) .

[X-5]

والله يا اخوي الغالي اشوف ان معاك حق

خصوصا على الطرق السريعه ( الهايوي)




تقبل تحياتي

[أكورد وبس]

بس يمسكون على سرعة 130

يعني ما فيه فرصة

[BLACK_DENALI]

والله لو خلوها 200

الشباب بخلوها 240 تعرف لازم شعار خالف تعرف

[K I F Y]

والله لو خلوها 200

الشباب بخلوها 240 تعرف لازم شعار خالف تعرف

أخوي ابو سمر معك حق

[Shadow]

اهلا اخي ع البال

انا اتفق معك ....

لكن سرعة 120 كم هي السرعة التي يستطيع فيها السائق ان يتحكم بالسيارة كاعلى تقدير ..

عند سرعة 140 ومافوق يبدأ الخطر ....

ناهيك عن ذلك أمن الطرق عندنا لايعترفون بشيء اسمه سرعه محدده ....

أمن الطرق متى ماطقت براسه قسيمة عطاك اياها غصباً عليك ....انا معي 4 قسايم كنت أمشي 100كم .............. لكن قال اني امشي 140 ...........

واعرف شخص قيادته بطيئه جدا حتى اني اتحاشى اركب معه لان سواقته سواقة شياب ومايتعدى 110 ..

معه قسيمتين سرعه ..... عشان معه كامري ..... وهو يحلف انه ماسمع جرس السرعه في سيارته من يوم شراها ...

متى مالتزموا قطاع الطرق عندنا ... عفوا ... أمن الطرق في أنظمتهم هنا يمكن أم نناقش مسألة السرعه المحدده ..

لكن مادام أغلب مايقوم على عمل أمن الطرق مجموعه مـن عديمي الضمير..فسلملي على سرعه محدده ..... أجل مرة اشوف سيارة متعطله في عز الظهر وفيها عوائل يطلبون المساعده .... يوم وصلهم امن الطرق ابعد عنهم وطلع مع المخرج يخاف أنه يساعدهم في الشمس .............!!!!!!

شكرا لك أخي ع البال على الموضوع واشتقنا لمواضيعك الرائعه :)

[VIPER LoVeR]

انا معاك صراحه



بس لا تحلم كتيير



تحياتي : محب الفايبر

[Polite]

عدت يا غالي والعود أحمد .. :)
كلامك جميل يا ع البال ،
وفعلا 120 مملة لمن يمتلك سيارة تعشق السير بسرعات عالية ..

أظن 140 أو 150 خيار رائع وموفق ،
وعني أنا ..
في خطوط السفر أثبت السرعة على 149 |10| ..
والحمد لله عمري ما أخذت قسيمة . |1|



مشكور يا غالي على الموضوع ،
وعلى العودة الطيبة لأحبابك .

[أكورد وبس]

أخوي بولايت ، أنا أشد منك ، كنت ما أنزل عن 160 خصوصا إذا كنت لحالي ، وما قد أخذت قسيمة ، والمرة هذي قبل أسبوعين عطوني أول قسيمة على سرعة 135

[ع البال]

الأخ X-5
والأخ أكورد وبس
اشكركم على الرد والمشاركة

الأخ Black_denali
ل م ح السعوديه 7 7 7

مو كل الشباب مثل ما قلت,فيهم وفيهم.

[ع البال]

الأخ القدير Shadow
فعلا كلامك كله صحيح عن أمن الطرق أو (مرور الطرق)مشاكلهم كثيرة والأشخاص اللي انظلموا منهم اكثر واكثر.
والمفروض انهم يفتحون باب الاعتراض على اصدار المخالفات ( مثل تسديد الفواتير ) يعني يحق للشخص ان يعترض على اعطائه مخالفه بس مو يقولون سدد ثم اعترض !

اشكرك كثيرا على مشاركتك الرائعة
مع اطيب تحياتي لك.

----------------------

الأخ حب الفايبر
اشكرك على المشاركة
وان شاء الله نرى القادم افضل.

[ع البال]

عزيزي المبدع Polite

عدت لاشتياقي لك ولبقية الزملاء:)
ومصيرنا الرجوع لهذا المنتدى الغالي مهما ابتعدنا.

وفعلا 140 او 150 هو افضل شي في الطرق السريعة.

وان شاء الله ما تاخذ قسيمة ابد,الا عاد اذا زودتها:)
شكرا لك ولإطرائك.

[Initial D]

أحسن شيء لو يخلونها 150 كم


:( ألمانيا ماعندهم حدود للسرعه

[Accord V6]

وش رايكم بالصيف اللي راح


كنا مسافرين لجده


المهم معي جهاز كشف الرادار


وكنا سيارتين

انا طبعاً أمشي قدام الوالد لأننا كنا مسرعين نمشي 160 كم


اشتغل الجهاز وادق فليشر للوالد ويكبس لي ويهدي


صرنا نمشي 100 خلينا كل السيارات تهدي معنا


يوم وصلنا للتفتيش وقفونا كلنا ما عدا الوالد


قالي العسكري رخصه واستمارة


عطيته الرخصه وأوراق السيارة لأنها كانت إيجار

قالي بعد سيارة إيجار ومسرع وقف على جنب

وتعال


قلت ماراح أوقف ما اسرعت تعطيني مخالفه


قال وقف وتعال


واطفي السيارة وقلت ماراح اتحرك من هنا إلا بدون مخالفه ترى اللي تسويه ظلم


قال تعلمني شغلي


قلتله ترى انا رايح مكه وهذي الوالده معي والله لأخليها تدعي عليك وعلى عيالك


قال وش دخل أهلي ؟

قلت جاك العلم شوي إلا ويجي أبوي لأنه سبقني عند التفتيش قال وش فيه

قلت يبي يعطيني مخالفه


قال أبوي للعسكري من مديرك

قال العسكري شف الرقيب اللي يكتب المخالفات هذا مديري

طبعاً كل اللي كانوا ورانا خليناهم يهدون السرعه وأخذوا مخالفات


كلم ابوي الرقيب وقاله ترى هذا ظلم



يوم قال ابوي للرقيب عطني إسمك الكامل ورقمك وانا اخليك تشوف ظلمكم للناس


قال الرقيب ترى حنا هنا بعدين عن اهلنا وعيالنا


قاله ابوي تجلسون تظلمون خلق الله


يوم شاف الرقيب إن ابوي مستقعد له


عطاني الأوراق وقال الله يستر عليكم وترى بعد 80 كيلو في رادار خففوا السرعه هناك


ومشينا بعد ما أخذوا كل العالم مخالفات




تحياتي

[Ghonaim.a]

انا اللي احب اقوله اني ماخذ قسيمه سرعه 131 كيلو يعني انسى

لكن فكره جيده

[سيارة]

وش رايكم بالصيف اللي راح


كنا مسافرين لجده


المهم معي جهاز كشف الرادار


وكنا سيارتين

انا طبعاً أمشي قدام الوالد لأننا كنا مسرعين نمشي 160 كم


اشتغل الجهاز وادق فليشر للوالد ويكبس لي ويهدي


صرنا نمشي 100 خلينا كل السيارات تهدي معنا


يوم وصلنا للتفتيش وقفونا كلنا ما عدا الوالد


قالي العسكري رخصه واستمارة


عطيته الرخصه وأوراق السيارة لأنها كانت إيجار

قالي بعد سيارة إيجار ومسرع وقف على جنب

وتعال


قلت ماراح أوقف ما اسرعت تعطيني مخالفه


قال وقف وتعال


واطفي السيارة وقلت ماراح اتحرك من هنا إلا بدون مخالفه ترى اللي تسويه ظلم


قال تعلمني شغلي


قلتله ترى انا رايح مكه وهذي الوالده معي والله لأخليها تدعي عليك وعلى عيالك


قال وش دخل أهلي ؟

قلت جاك العلم شوي إلا ويجي أبوي لأنه سبقني عند التفتيش قال وش فيه

قلت يبي يعطيني مخالفه


قال أبوي للعسكري من مديرك

قال العسكري شف الرقيب اللي يكتب المخالفات هذا مديري

طبعاً كل اللي كانوا ورانا خليناهم يهدون السرعه وأخذوا مخالفات


كلم ابوي الرقيب وقاله ترى هذا ظلم



يوم قال ابوي للرقيب عطني إسمك الكامل ورقمك وانا اخليك تشوف ظلمكم للناس


قال الرقيب ترى حنا هنا بعدين عن اهلنا وعيالنا


قاله ابوي تجلسون تظلمون خلق الله


يوم شاف الرقيب إن ابوي مستقعد له


عطاني الأوراق وقال الله يستر عليكم وترى بعد 80 كيلو في رادار خففوا السرعه هناك


ومشينا بعد ما أخذوا كل العالم مخالفات




تحياتي



حلوة الاستقعاد للعسكري |311| .

تنفع بعض الاحيان زيي خويي مرة تهاوش هو و عسكري , العسكري بيكتب المخالفة وخويي خذا القلم من يدة ويدق على أخوة ضابط ويكلم العسكري والله ويمشية بدون مخالفة .( تنفع احياناً )

[سيارة]

بعدين أخوي سرعة 120 هذي سرعة معتدلة .

حسبناها مع مدرس فيزياء وطلع فيها توفير فى الوقود و الاطارات و سيطرة لسيارة لاقدر الله فى الظروف الصعبة ( يعني ما طلعوها عبث من روسهم )

[ع البال]

اخوي سيارة
سلملي على مدرس الفيزياء :)

[ابيكا المالكي]

والله انا ودي تكون اكثر بعد
لاني كل خميس وجمعه وانا بجده

[فواز]

يامرحبا بالغالي ع البال والحمدلله على السلامه :)

طبعا لو الموضوع بيدي كان خليت السرعه مفتوحه :D

في اوروبا اثناء السفر في الطرق السريعه تكون السرعه مفتوحه ولكن تكون هناك رسوم ( رمزيه ) لاستعمال هذه الطرق

بحفظ الله

[أبو وائل]

انا اشوف ان سرعة 140 او 150 مناسبة ومعقولة جدا خصوصا وان المسافات في بلادنا الغالية ( مسافات شاسعة جدا )

اخوي ع البال : مواضيعك كلها رائعة ما شاء الله عليك

[سيارة]

اخوي سيارة
سلملي على مدرس الفيزياء :)

يبلغ |312|

[Explorer9]

انا اقول انه السرعة لازم تتحدد حسب الطريق مثلا إذا الطريق 4 اقسام( او حارات) والاقسام واسعة والطريق مستقيم والناس ملتزمة كل واحد بقسمة ( او

بالحاره إلي هو فيها اتوقع انه السرعة تكون 150 او 160 .

وشكرا

[ع البال]

الأخ Initial D
150 كلم هي السرعة المناسبة في الطرق السريعة خاصة اذا كانت مساراتها واسعة.
ومعظم دول اوربا مافيها تحديد للسرعة(لكن مع ذلك اكثرهم ما يسرع)
----------
الأخ Accord V6
هذا موقف من المواقف المتكررة لظلم أمن الطرق للناس.
واشكرك على اضافتك.
-------------
اخوي CAM 717
وسع صدرك
وتفائل
----------------
اخوي سيارة
يا حبك للاقتباس .

[ع البال]

الأخ ابيكا المالكي
الله يعينك على المشاوير
ومشكور على المشاركة

------------------------------
الله يسلمك عزيزي فواز
اخر شي يفكرون فيه ان السرعة تكون مفتوحة لأنهم ماراح يستمتعون ويتلذذون باصدار قسايم السرعة عندنا اذا كانت السرعة مفتوحة
ومشكور على المشاركة

--------------------------------
اخوي القدير أبو وائل
مشكور على الاضافة
ومشاركاتك هي اللي رائعة
تحياتي لك..

--------------------------
صدقت اخوي Explorer9
المفروظ تتحدد السرعة على حسب الطريق
طريق مثل طريق الرياض/القصيم السريع كمثال شي صعب انك ما تتعدى سرعة 120 كلم/س,لأنه واسع ومستقيم.

[القلب]

ياعمي بال تحديد سرعة.

تخيل وانت ماشي في خط سريع 600 كيلو ماشي 120 ردد ياليل ماطولك.


شوف السرعة مش زينة بس ادعس 200 في خطوط طويلة واذا شفت دورية هدئ السرعة حتى تتعداها
وحط رجلك 200


خليهم يلحقونك عاد ( لاتتورط معاهم ترى راح يجبونك بالراحة الا اذا كان معك بورش وِ إلا فياغرا وإلا BMW )

[FIDO-DIDO]

أنا أؤيد خالف تعرف
لأنه كل الشعب السعودي الله يجزاهم خير يحبون هالشعار
واذا كان في أحد مايمشي عليه فأكيد أكله علقة قبلها
تحياتي

[saabXaero]

أنا برايي يكون على الخطوط الطويله مثل الدمام-الرياض 180 السرعة القصوى



والهايوي 140 السرعة القصوى



مع تحياتي

[ع البال]

اخوي القلب
200 كلم سرعة جنونية وصعب انك تتحكم بالسيارة لا صار شي لا قدر الله.
-----------------------
الأخ FIDO-DIDO
انت قصدك يعني اي سرعة يحددونها راح تزيد عليها؟ !
لو قالوا 200كلم كم راح تمشي انت :)
---------------------------
اخوي saabXaero
ايضا 180 كلم سرعة جنونية وخطرة.

أفضل شي يكون اسرع من 120 كلم/س بشكل قليل.

تحياتي للجميع..

[arab sniper]

لا يأخى أنا لست معك فى هذا

أخر سرعه للتحكم بالسياره جيدا هى 120
والضامن هوالله طبعا



ولكن أن ترفعها الى 140فهذا كثير !!!! لأن الشباب سوف يرفعونها الى 160 وهنا يكمن الخطر الحقيقى سلمنا وسلمكم الله:cool:




وعلى العموم عندنا فى مصر السرعه القسوى 100 فأحمد ربنا أنها 120 فى السعوديه أحسن يخفضوها أيضا:D

[Accord_4_ever]

أولاً مشكور على الموضوع اللي يهم فئة كبيرة من الشباب وخصوصاً أصحاب السفريات الكثيرة...

ثانياً أنا معاك أنهم يخلون السرعه القانونيه للخطوط السريعة 140 كلم لأن السيارات تقريباً كلها من موديلات حديثة لله الحمد ، أما السيارات التي من موديل 98 ونازل فالسرعة القصوى تكون 120 كلم .
وش رأيكم بها الإقتراح ...

Accord_4_ever

[د.هاني]

الحمد لله اني ماني عايش في السعودية .. وإلا لكنت اخذت نيسان 77 احسن لي ..

يعني العالم كله غلطان والسعودية على صح !!!!

كل العالم عندهم السرعة ماهي بدون تقييد ..

بصراحة انا ما احب السرعة العالية ,, بس في حدود المعقول .. يعني لما اقطع 900 كلم بسرعة 120 !!! وش ذا متى راح اوصل ؟؟؟

في الخطوط الطويلة انا امشي في نسبيا على 180 .. وكمان 180 ماتشعر انك سريع وانت على مرسيدس , صح ؟

بس في المدن عمري ماتخطيت الـ 100 ...

ويوم دخلت السعودية بالسيارة طفشت منها من اول مدينة .. عشان كذا شحنتها لجدة .. وانا ركبت طائرة .. وبلا دوخة الراس مع المرور ..

الله يكتب لكم الفرج من هالحبسة هذه .

[arab sniper]

حضرتك ممكن تقولى السرعه بدون تقييييد فى أنهى بلد؟؟؟؟؟؟؟؟؟؟؟

[Night]

شكرا عزيزي على المعلومه ..

عشان اصحاب السيارات الرياضيه ياخذون راحتهم بالتبديل :)


عموما لها ايجابيات وسلبيات .. والله يكفينا ويكفيكم شر الحوادث يارب ..



اخوك



night

[ملك الماركيز]

بعضكم معاه حق اذا دعس الطبلون ماياخذ ولا قسيمه بس اذا ركد زي مايبون عطوه الظاهر انه مايقدرون يلحقون اللي يدعس معي قسيمه 80ريال تعطيل سير مشيت 60 على طريق محدد 70 عطوني قسيمه تعطيل سير واحترت وياهم

[أنـــــس]

أؤيد وبشدة خصوصا على الطرق السريعة

تحياتي

[قوطي فاضي]

يارجال مايبون الا يبلعون دراهمنا باي وسيلة وباللي هي به ذبحونا

[vti-E]

انا اشوف انهم لو خلوها 160 على الطرق السريعة و140 على الدائري والطرق الرئيسيه داخل المدن راح نفتك من الزحمة وما اتوقع ان احد راح يخالف ...ولو مسكو احد ممخالف يستاهل دبل المخالفة ...والله قهر سيارات 8v ,12v تمشي على الخط 120
البانورما الجديد 7 تغييرات للقير لو امشي على النظام يمكن استخدم السيارة 10 سنين وابيعها مابعد حطيتها بالسابع
ونفس الشي في الكزس الجديدة اللي 8 تغييرات

وفي نفس الوقت ماودنا نشوف سيارات غير مؤهله للسرعة تسرع علشان ماتسبب حوادث واصابات للسائق ولمرتادي الطريق((متعوب على كلمة مرتادي))

اتمنى ان هالموضوع بكامل الردود والنقاشات يوصل لمسامع المسؤلين ويشوفون لنا حل

[نديم الطيف]

الي يسمع الشباب الي يبون السرعه يقول كلهم على سيارات المانية V12 وخايفين تكربن :confused:

رح تفرج على الحوادث باسعاف الشميسي شف الناس شلون تصيح وتون وشف الاهالي شلون واقفين عند العناية المركزة يصيحون على عيالهم واهلهم ورح تفرج على السيارات الي بالتشليح بسبب السرعة شف كيف متعجنة ورح صل اي وقت بمسجد الراجحي وشف عدد الجنايز الي يصلون عليها بكل صلاة واطلع لمقبرة النسيم بعد كل صلاة واسال عن وفيات حوادث السيارات وبعدين تعال هنا واكتب ردك

[نابولي89]

اتمنى ان يكون الحد الاقصى 120كم فقط
تحياتي

[أبوعصيدة]

ياشباب السرعة مو طيبة لاسمح اللة انفجر كفر تفقد القدرة على السيطرة على السيارة سواء كانت السرعة120الواحد في السفر بيسافر مع الاهل ويتمشى في الطريق وليش السرعة الزائدة معاك اطفال واهللك الواحد يوصل بالسلامة السعر اذا ذادت او اكثر خطرة على روح الانسان والروح عزيزة على النفس ياما فقدنا كم قريب وكم اخ بسبب السرعة وبالنسبة للسرعات في المانية او البلدان الاروربية اول شي الفرق في السيارات الى عندها فيها وسائل للسلامة بعد اللة وجودة الطرق ياخى شوف الفرق الى عندنا لا سيارت فيها مواصفات ومقايس ولا امن ولا جودة اولها الكامري لو انت ماشي بسرعة 120كيلو وزنها في الهواء 40كيلو لو انفجر عليك كفر انسي انها توقف وممكن تؤدي للانقلاب لاسمح اللة وهذا يدل على الجودة في السيارات المتوفرة لدينا وماركات المفروض تمنع هيئة المواصفات والمقاييس دخولها السيارات الرديئة في الصنع وانا من رايئ افضل سرعة للسيارة هي 135 لما فيها للراحة لمكنية السيارة وحتى في امكانية لتدرك المركبةو توفير فى الوقود و الاطارات و سيطرة لسيارة لاقدر الله فى الظروف الصعبة

[نابولي89]

كثير 140 المفروض ان لاتتجاوز السرعه 120 كم فقط
تحياتي واجازه اسبوعيه ممتعه

[ابو دانا]

اذا كنا نبي ننتظر في امل تغيير نظام السرعه فاقول
ارررررررررررقد ياحمار لين يجيك الربيع
خلنا على الحظ مره بقسيمه وعشر مرات بدون والرزق على الله مادام فيه رواتب مافيه خووووووووف
وأصحاب الكوامري اقولهم فيكم فيكم وانا اولكم
لكن افضل شيء الي يقدر ياخذ لكزس لو موديل 80 بس شعارها له هيبه عند امن الطرق اظمن له ماراح ياخذ ولاقسيمه
اذا طالت ونزلت معاهم ( قالك على مهلك السرعه بس 120 اوكي يالغالي ) عشان معاك سياره فخمه
ومشكوووووووووور على موضوعك

[maz3ooot]

بس يمسكون على سرعة 130

يعني ما فيه فرصة

يمسكون على 125

[نابولي89]

والله يااخي كلامك صحيح والناس لايعتبرون ابداً مهما كان النظام صارم حتى انهم اي الشرطة وضعوا سياره مصدومه من كل الجهات ومخفوسه تماما ومخفية المعالم من اثار الصدام بها ( كفانا الله واياكم ) عند اشارة في الخبر ليروها الناس ويعتبروا ولاكن لاحياة لمن تنادي

اعتقد تحديد السرعة 100 كم هو الانسب والافضل ومازاد فهو مخالفه
وتحياتي