ماهي اعلى سرعه مشيتها وبنشر عليك الكفر ؟؟

[max977ima]

السلام عليكم
كيفكم شباب انشاء الله مصحصحين |359|
الموضوع ومافيه انه ابي كل واحد يقول اعلى سرعه مشاها بسيارته وبنشر الكفر
انا عن نفس مره ماشي الساعه 3 الفجر والشارع فاضي اللي بالخبر وكنت ماشي 170 وبنشر الكفر الصراحه ما حسيت
بشي بس سمعت صوت وكأنه في القير بغيت امسك بريك بس الحمدلله شفت الكفر انصلخ وطلع للدريشه عندي ونزلت القير من 2 الى واحد لين وقفت والحمد لله ما صار شي لا فيني ولافي السياره والحمدلله طبعا السياره مكسيما
نبي اي واحد يدخل يقول السياره والسرعه اللي ماشيه وقت حدوث البنشر
وشاكر لكل من يشارك

[EsKiLaN]

الصراحة حبيت أضيف ردي إلي مختلف عنك

لكن عمره مابنشر عليا كفر والحمد لله

ومشكور على الموضوع

تحياتي لكم

[أمير الجزيره]

والله يالغالـــي أنا مشيت لحد 120 <<<مؤدب ما يسرع..

وبنشر علي...وعادي جدا جدا جدا....


ونزلت وزينته ورجعت ركبت سيارتي وروحت,,,,

[OPEL OMEGA]

انا كان معي Citroen وبنشر علي الكفر الامامي بسرعة 160 .. الكفر انصلخ علي وضرب المراية الجانبية وانكسرت ..

[M3-POWER]

الحمد الله ما بنشر عليي طول لحد الحين
بس لازك اغير الكفرات لانها مشدوخه لاني امس زلقت فيني السياره يمين يسار اربع مرات بس ثبتها

[نايف الفيصل]

سلاموووووو
والله يابو الشباب
انا واعوذ بالله من كلمة انا
بنشر علي وانا على سرعة 160
واخوك كان متجوز سيارات مسوي فيها سواق
ويوم تجاوزت سيارة اخوي انفجر الكفر الامامي وعلى الرصيف دايركت
المهم مالكم بالطواله ماصحيت الا بالمستشفى وبعد فتره طويله
المهم انها تجربه الله يكفيكم شرها ومن بعدها سرعتي 120كم
وتحياتي لكم

[Initial D]

190 km/h |568|

[أسير السيارات]

على سرعة 110 الكفر الخلفي
كورولا 97

الحمد الله ما صار شي
سمعت صوت من الخلف
والسيارة ما تمشي طبيعي
عرفت أنه الكفر بنشر عموما ما مسكت بريك خليت السيارة تخفف السرعة شوي شوي
جنبت
ولما جيت أغير التاير ما لقيت العدة

نحسسسسسسسسس
قعدت أنتظر لين صاحبي جابلي عدة وغيرت الكفر

الله يحفظنا

[msh3l1]

انا مره كنت رايح للجامعه و كان باقي 10 دقايق على المحاضره و اول ما دخلت الجامعه اصلخ علي

الكفر الخلفي الايمن على سرعة 90 و الحمد لله ما صار شي بس فاتتني المحاضرة |255|

[c5]

الحمدلله مرة وحدة وعدت كنت امشي 110وماصار شي الوضع كان عادي
تحياتــــــــــــــــــC5ـــي |3||3|

[سلطان زمانه]

وانا اخوك انا بنشر علي الكفر مره وانا امشي 290 على اودي اس 8 موديل 2001 وكان الكفر الأمامي على طريق الشرقيه وربك ستر ومره على ماكسيما وانا امشي 240 موديل 99 وشوي قطعت ام الشارع وهو الدايري في الرياض وحياتك ال\صبات اشتكت

[BLACK R/T]

هلا والله اخوي

انا الحمد للة ما سبق بنشر علي كفر

علماً بأن كفراتي ممسوحة من كثر التفحيط بس ربك ساترها

اخوك راعي الصني

[kmn]

انا على دسسن 180 وعلى مرسيدس بنز 160 ولا دريت عن البنشر

[العمليات]

يا شباب بلا سرعه انتو ملحوقين


ولا مستعجلين على الغدا



بنسبه لى اذا مستعجل وخلاص بايع الدنيا امشي60 واذا عادي مش مستعجل0000



مع تحياتي

[max977ima]

[CENTER] EsKilaN
مشكور على مرورك وما شاء الله عليك وانشاء الله تكمل
المسيره بدون بنشر |596|

ابو طريخم
مشكور على مرورك واصلا انت من زمان مؤدب توك تدري
وخلك دوم لا تتعدى 120 احسن لك |596|

OpEL OMEGA
الحمدلله اهم شي انت عسى ما صار لك شي والله يبعدك
عن كل سوء

راعي M3
الحمدلله انك مابنشرعليك ولا مره لانه اذا بنشربتكره حياتك
وغير الكفرات قبل ماتتزلق |101|

نايف الفيصل
الحمدلله على السلامه اخوي والله يبعد عنك كل مكروه

Initial D
190 الله يهديك وسمح لي مافهمت شي ومشكور |544|
على مرورك

اسير السيارات
مشكور على مرورك ومره ثانيه لاتنسى العده

msh3l1
مشكور على مرورك والله يبعد عنك البنشر مره ثانيه |214|

c5
مشكور على مرورك والله يبعد عنك كل سوء

سلطان زمانه
290 وش التهور ذا الله يهديك وما تبت وبالمكسيما 240بعد |293|
الله يهديك والحمد لله على سلامتك

[max977ima]

راعي الصني
شكلك زاحف غير الكفرات احسن لك
ومشكور على مرورك

Kmn
180 الله يهديك وبأم عزيز ربك ستر |32|
عالعموم الحمد لله على السلامه

العمليات

مشكور على مرورك ونصايحك الحلوه

[mazda3]

80 والمسألة كلش عادية... بهوندا سيفيك 93

[مطفي النور]

170 على سوناتا ..ماحسيت الا بعزم السياره طاح شوي.. ..هديت وشوي اشوف الكفر يمشي قدام خخخخخ كان (الكفر الخلفي),,,

[TSS]

انا الحمدالله ., ما بنشر على الكفر لكن اعلى سرعه 180 بالجمس حقي والله كاني بين الحياه والموت

من الخووف :d انا خايف وهي 180 كيف لو كانت 300 مثل الاودي .,

مشكور على الموضوع

[راعي الكراون]

انا الحمدالله ماقد ضرب عليا كفر
بس مره كنت راجع على بيتي وماسك خط عسفان وماشي180وابغا اوصلها ال200الا واسمع هاذاك الصوت والسياره تروح يمين يسار وانا ماسك الطاره والطاره تروح معايا وانا ماسك فيها واردها بنمر على بالي انه ضرب كفر المهم بعد ماجنبت السياره نزلت اشوف ايش صار الا اشوف الرفرف الداخلي نشب في الكفر
قلت هاذا رفرف كيف لو ضرب الكفر

وشكرا على الموضوع

[حبيبـ الامسـ]

230 .. والحمد لله ماصار شي حتى الماكسيما ماطلعت عن مسارها
خصوصا ان السياره كانت مهبطه

[max977ima]

والله ردودكم حــلوه تعطي الموضوع اكثر حلاوه

ومشكورين ويعطيكم الف عــافيه على مروركم الرائع ولاتحرمونا من طلاتكم دااااااااااايم

سلملم

[د.هاني]

الحمد لله ان ربك سترها معايا مرتين ..
المرة الاولى في الكفر الخلفي وانا في ملف طويل وكنت ماشي في حدود الـ 100 ... بس حسيت ان السيارة مو متوازنة .. علما بان الكفر كان ينسم الهواء عالسريع , يعني ما انفجر ..

المرة الثانية .. كان في الكفر الامامي وانا ماشي 180 في عز الظهر ولسة كنت ضاغط بجيب الـ250 .. بس فجأة انفجر الكفر الي قدام .. ومع صوت المسجل العالي ما حسيت فيه ,, بس ما اشوف الا و بقية الكفر تخبط في المرايا وتكسره .. واخوك ماهو عارف وش صار .. المهم لما كنت بجنّب و خطيت على العيون الفسفورية , وقتها حسيت اني كنت امشي على الجنط ..
والمشكلة ان عدة السيارة نسيتها في البيت .. في مدينة .. وانا في نص الطريق الى مدينة ثانية !!!!!!!

<<<<<<<<<< طوّل مرة ..

على العموم الله يحفظكم من كل شر ومكروه .

على فكرة السيارة في المرتين كانت المرسيدس ..

[كابريس2005]

انا اقول لكم سالفتيه

كنت بسياره لكزس2000

ومشيت لمن 220 وبنشر الكفر ونقلب خمس قلبات

وربك ستر تنومت في الانعاش ساعه وقمت بعدها صاحي ولله الحمد

وشكرا

[بندر بستن]

مشكور اخوي والله يكفينا شر انفجار الكفر وانصلاخه اثناء المشي

وعني انا انصلخ فيني مرتين

مره على هونداي كنت ماشي 80 ويوم انصلخ ماحسيت الا بصوت خبط الرفرف وعرفت انه الكفر هديت الدعسه ولبقت يمين وزينت الكفر وتوكلت على الله
والمره الثانيه على GMC 1997 سوبربان كنت على كوبري وانصلخ فيني واذكر نوع الكفر كان يوكوهاما اللي من بعده حلفت ماركبه كنت ماشي على الكوبري 120 وكان ملتف يمين وانصلخ الكفر الامامي الايسر انحرفت السياره لاكني عدلتها بالوقت المناسب وللاسف من الخرعه لاني ماكنت منتبه مسكت فرامل واللي انقذني الفرامل ونظام ABS مانع الانزلاق وقفت السياره على بعد سانتي متر من كنكريت الكبري والحمدلله يعني بغيت اجيب العيد

عشان كذا الواحد لازم يشيك على نقشت الكفرات اذا كانت رايحه يبدل الكفر

سلااااااام|3|

[silver_Accord]

السلام عليكمـ
يا شباب اخطر سيارة في انفجار الإطارات هي السوبربان وانصح اصحاب هذه السيارة بالصيانة الدورية للكفرات وتبديلها باستمرار
وبالنسبة لتجربتي الأولى مع انفجار الكفر كانت مع السوبربان
كنت ماشي 120 على خط الجبيل وفجأة حسيت بصوت إنفجار قوي وبدأت السيارة تتأرجح يمين ويسار وعرفت مباشرة انه الكفر الخلفي شلت رجلي عن البنزين وما اخذت بريك ابداً وجنبت السيارة ولاحظت انه خراطيش متمزعه وتسرب شي سائل ,و في البداية ظنيت انه زيت البريك غيرت الكفر وكان راسي يدور من شدة الشمس ,, حسيت اني راح افقد الوعي ,, المهم جربت البريك وكان 100% فمشيت فيها إلى ورشة قريبة وشيك عليها وقال لي اللي يسرب مويه من الرديتر وصلحها لي وكملت طريقي ,, الحمد لله على كل حال