يوم توقفني الدورية

[Accord V6]

بسم الله الرحمن الرحيم

السلام عليكم ورحمة الله وبركاته


أمس بعد صلاة العشا وديت أهلي لبيت جدتي

وانا راجع للبيت يوم قربت للبيت دخلت مع لفه حارتنا إلا والدورية يكبس لي

قلت غريبه وش عنده وش يبي

المهم وقفت إلا وينزل ويقولي رخصه وإستمارة عطيته علطول قالي افتح الشنطة

فتحت الشنطة فتشها

بعدين قالي من سيارته هذي ؟

يوم قال كذا قلتله وش مكتوب عندك بالإستمارة ؟

قال اللي باين لي لما الحين إنها بإسمك

قلت خلاص هذي سيارتي

المهم نزل العسكري الثاني ( التعزيز ) قال لخوية لا مو هذي الأكورد المسروقه

المطلوبه نفس اللوحه بس الأرقام تختلف ( طلعت سيارة تأجير مسروقه )


قال العسكري الأول ليش مظلل ؟

(( هل عسكري إلا يبي يلقى شي ))

قلتله عندنا شمس ما ترحم بالصبح


قال حتى لو ممنوع

فكها

قلت آسف

قال ايش ؟

قلت آسف ماراح أفكها

قال ليش ؟

قلتله انت موقفني بالبداية تبي تتأكد إن السيارة هذي اللي عليها البلاغ وطلعت لا

يعني بالقوه تبي تسوي أي شي


يوم شافني كذا حسيت إنه بيعند

قال العسكري الثاني (التعزيز ) خلاص هذي الرخصه والإستمارة وتفضل قال الثاني لا مايمشي لما يفك التظليلة

قلتله تبي تفكها انت ماعندي مانع وإلا انا ماراح افكها

يوم صار العسكري H

قالي ترى بعطيك مخالفه وأفكها لك

وهو مأتش

قلتله كل شي منك عسل

خلااااااااااااص قفلت معه


قالي خلاص توكل والله يستر عليك

يوم مشيت إلا ويكبس ثانية

قالي وين رايح الحين ؟

قلت البيت

قال أكيد ؟

قلتله تعال معي تقهوى أحسن

قال خلاص الله يستر عليك



هذي قصه حصلت لي امس

تحياتي

[MONDEO _05]

هههههههههه..
..
تحس العسكري فاضي .. ماعنده شيء .. بس على أقل شيء مخالفه وتوقيف ..
..
صدقني في عساكر زي الفل .. محترمين الى آخر درجه ..
..
تحياتي

[Accord V6]

إلا العسكري فاضي لأبعد الحدود


مشكور على ردك الحلو ياحلو


يعطيك ألف عافيه



تحياتي

[الغـــ07ـــامدي]

هههههههههههههههههههههه و الله قصه مأساويه ههههههههههه

تصير عزيزي دائما ً ، يبون يطلعون شي من تحت الأرض حتى لو حكه سألك: وين ورقة الإصلاح ؟؟

الله يكون بعونك و أحسن شي سويته

تحياتي و تقديري لك

[Accord V6]

مشكوووووووووور حبيبي الغـــ07ـــامدي على طلتك الحلوة


يعطيك ألف عافيه



تحياتي

[T O R N A D O]

هههههههههه ..

تورط الرجال ويبي يصرفها exit في التضليل ..

الله يعيننا وياك على التضليل ومشاكله مع الدوريات ..

[Accord V6]

المشكلة تظليلة سيارتي زيرو زيرو عازل SKC


مانقول إلا ياما حنشوف أشياء مثل كذا



مشكور على طلتك الحلوة أخوي TornadO oF DeatH




تحياتي

[GX-R]

والله إنـك قـوووووة .. وريتـه العيـن الحمـرة :) ..
تعجبـني والله .. أحسـه انحـرج قـدام خـويه ..

[Accord V6]

والله انا انقهرت منه



يقولي بلاغ على أكورد فضي مسروق نفس الحروف بس الأرقام تختلف

لا والمسروقه أكيد 4 سلندر عادي مره

وانا سيارتي 6 سلندر فل اوبشن


وماكان لي خلقه أبي أوصل للبيت أبي انام


على العموم نعيش وناكل غيرها

[toka2005]

الله يعينك ويعيننا عليهم

بس حركة منك زي العسل
من جد فللللله
هههههههههههه


تحياتي لك
تركي

[NYC]

انت لو اتسويها بالكويت ما تطلع

مع الشكر

[blue chevy]

هههههههههههههههه
الله يعين.
ترى لا تشوف نفسك انت محترم ترى في ناس عقد وأسلوبهم وسخ.

الشرطي يبيله أسلوب رجال.
يعني لو قالك ليش مغيم قول الشمس تحرق وتأذي الواحد (مثل ما انت تقول)
أو قول والله الأهل أقعدهم ورا ومثل ما تعرف الشباب الله يهديهم.

وكلمه وانت هادي صدقني بيصرفك.

أما تقول السيارة شكلها حلو بالتغييم ..............الخ
فهذا يعتبرونه بزر ويخالفونه

[Accord V6]

مشكووووووووور أخوي toka2005

انت العسل كله

---------------------------------------------------------------------------------

أخوي NYC
خلها على ربك ومشكورعلى طلتك الحلوة

----------------------------------------------------------------------------------


أخوي blue chevy

كلامك صحيح بس العساكر اللي عندنا والله بعضهم لو انت مخالف ووقفك

وعطاك المخالفه مستعد تقوله الله يعطيك ألف عافيه

وبعضهم إذا عطاك مخالفه إن تقعد تدعي عليه طول اليوم صح وإلا لا

وهذا يدل على إن العسكري عطاك مخالفه وكان تعامله معك عسل

وبعضهم والله يجيك بالقوه والتهديد هذا تقعد تدعي عليه وتسب فيه طول يومك

أما الاول إذا ذكرته تقول الله يذكره بالخير



تحياتي

[قرصان الجحيم]

هاه يا الاكورد

اشوفك صرت مجرم


ههههههههههههههههههههههههه


بس حلوة منك


و الاحلى لو انك ما وقفت لهم و على طول بالكراج |1|

[moody]

ههههههههههه





والله عسكري فاااااااااضي.........




وكمان ملقوف......



لا حول ولا قوه الا بالله........



مشكور اخوي ع الموضوع......




تحيات اخوك
moody

[Accord V6]

أخوي قرصان الجحيم
وش دعوى مجرم

حرام عليك

بس منقهر منه قلت والله مايردني إلا باب الكراج

ومشكوووووووووووووور على ردك الحلو

-------------------------------------------------------------------------------

مشكووووووووووور أخوي moody

من جد العسكري فاضي

مانقول إلا الشكوى لله


تحياتي

[جداوي بقوة]

والله بيني وبينك

العساكر صراحه بعضهم لبشه



بس هذا واجبهم

ولا زم نحترمهم مهما كان


يا سيدي تحمد ربك مرت على خير

[ACC-V6]

زين مشاك بدون زيادة خفة دم

بعضهم يستقعد لك ويستخف دمه
لين تقول عطني مخالفة وبفك التظليلة بس خلني امشي:D


الحمد لله على السلامة


على فكرة
انت احسن
من اللي يقولون له لاتجي لبيتكم مع ذا الطريق
هذا طريق بيتنا
ولو دور طريق ثاني:D:D

وش تسوي
تنتحر:(






عادي
لازم تتحمل

[أكوردـــ2002]

شكل الشرطي فاضي بقوووووة يعني تحس انه يدور شي،، بس احلى شي ردك عليه ،،
وصحيح انك لازم تحترم العسكري بس إذا جاك واحد فاضي زي هذا وش تسوي له
تحياتــــــــــــي
|3|

[ع البال]

فعلا مشكله
نعاني كثير من فضاوة هالعساكر بالشوارع.
يضنون ان لهم سيطرة ويفرضونها بالقوة على الشباب خاصة.
وفيهم فضول العالم كله يبون يعرفون بس من أنت ووش اسمك ووش تكون.
وبمجرد انك شاب ومعك سيارة جديدة هذا بحد ذاته يعتبر مخالفة.

[Accord V6]

أخوي جداوي بقوة
ماقلنا شي هذا واجبهم

بس يوقفني ويقولي في بلاغ في أكورد فضي ونفس الحروف بس الأرقام تختلف

لاالمفروض يتأكد أول بالجهاز قبل لايوقفني

يقدر يتابعني لما يتأكد بالجهاز وإذا صرت المطلوب يوقفني

صح وإلا لا

على العموم مشكور على ردك الحلو


==============================================

أخوي ACC-V6

مشكور على طلعتك الحلوة

=============================================


أخوي أكوردـــ2002

العسكري إذا كان محترم نفسه غصب عليك راح تحترمه بس إذا جاك يستعرض عضلاته عليك وش تسوي له ؟


ومشكور على ردك بالموضوع

===============================================

أخوي ع البال
مشكور على ردك الحلو


تحياتي

[almustalej]

وش تقول وش تخلي

عندنا خاصة بالرياض اشكال وتعامل تقهرررررررررر من قلب

انا كنت مركب استكر على الكبوت
ومريت 1000 تفتيش ولا قالوا لي اي شي
ومريت تفتيش بالعليا ومادريت الا يقول الرخصة والاستمارة
عطيته اياها وقالي على جنب
قلت: ليييييييييييه
قال: فك (اللصقة)
قلت: ماتنفك الا بالطقاق وبعدين استكر هذا وش المانع
قال: وقف وتعال
قلت: زيييييييين
وقفت ورحت للدورية وحصلته يكتب المخالفة ( بسررررعة)؟!؟!؟ (بالعادة يقعد 2/1ساعة)
يعني يوم وصلته كان على وشك يخلصها
انتظرت الى ان انتهى من الكتابة راح اخونا مدخل الرخصة والاستمارة والقسيمة بالدفتر ودخلها بالدورية !!!!
قال:روح فكها
قلت: ماتنفك الى بصعوبة لأن فيها غرا
قال: زين لاتفكها(أنا فرحت قلت بهالسهولة اقتنع)
اخذ اللاسلكي وطلب سطحة!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!
قلت : سطحة؟؟؟؟؟؟؟
قال: ايه انت تقول ماتنفك
نوديها للحجز وتجيب واحد يفكها بعدين تاخذ سيارتك!
ويتكلم من طرف خشمة (وهو يبغاني أترجاه وأحب على راسه)
وبعد 100000 محاولة من خويي أقنعه يكنسل السطحة وقال العسكري اذا ماتنفك خربشوا فيها يعني شوهوها وتعالوا
رحنا للسيارة وحسنا ابو الاستكر يوم جيناه
قلنا (خربشناها)
قال انتظروا على الرصيف ونقعد 4/1 ساعة وأروح له وقلت خلصنا قال رجاءا لاتعطلني (قلت أنت معطلني) نظر في نظرة زي اللي يقول تبي تضارب !!!
ومادري الى خويي يسحبني بقوة ويرجعني للرصيف ويقول تحمل حنا ماصدقنا يفك سيارتنا من الحجز.
وبعد فترة تنازل معاليه وعطاني القسيمة والرخصة والاستمارة.

القسيمة : تغيير معالم السيارة!
قلت زيها زي الاستكارات اللي على سيارات المطاعم
قال: أنت مطعم؟
قلت:النظام يشمل الكل
قال: تعلمني بشغلني
قلت: قولي البند اللي يفرض علي قسيمة ولايعطي المطعم قسيمة
قال:(وهو مايدري وش يرد) شكلك فاضي
وأنا عرفت انه ماعنده سالفة ، سفهته ومشيت .

المشكلة ميييين يصدقك ولمين تشتكي (لخوياه بالمرور؟!؟!؟!؟)
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

[Accord V6]

قصتك مأساوية


الله يكون في عونك

[ع البال]

شباب
الوضع فعلا مزري ولا ينسكت عليه
الى متى راح نتحمل هالمهازل من بعض ضعفاء النفس من رجال المرور ؟ !
ليش ما نكتب وثيقة او عريضة نشتكي من هالأمر ونطالب فيها شوي احترام لنا (حتى لو صدر منا مخالفة ) والعمل بمبدأ "النصح والإرشاد قبل العقاب" ,ومعاملتنا على اننا أوادم ونرسلها للمسؤولين,يمكن يفتح الله علينا وعليهم ؟!

-نسخة من هذا الموضوع الى مدير الإدارة العامة للمرور..

[msh3l1]

قلتله كل شي منك عسل

الله يرجك و الله انك منسم

بس و الله ما ينفعلهم الا كذا

[Accord V6]

ماينفع لهل أشكال إلا كذا وش نسوي


مشكوووووووور على مرورك أخوي msh3l1



تحياتي

[almustalej]

انا مستعد أخوي ع البال أني أرسل موقفي معهم
وعلى استعدادا ارسل عنواني ولو يبغوني احضر ماعندي مانع لأني حسيت بإضطهاد حينها وأطلع اللي مسكوني من ألف شخص.

ومشكور أخوي Accord V6
على المواساة

[M.S.2]

عيوني اكورد ...
الله يعينك بس
حبيت اسائلك انت مضلل عازل حراري ؟؟



واحب اقولك قصة شرطي والله زي العسل كنت مكتم السياره كلها كااااااااااتم مرررررررره وفاك اللوحه اللي قدام وانا ماشي صفرت الاشاره وحمرت قطعتها لان صعبه اوقف وقفتني دوريه جاني يبتسم قال مشاء الله وش ذا الزين تغسيل وتضليل بس خربها بقطعة الاشاره .؟..
قال ماراح اقولك شى على التضليل ولا على فك اللوحه بس على قطعة الاشاره يعني لو صدمت وجاك شى ..
قلت معليش اسف قال خلاص امش وانتبه لنفسك ..
والله بعدها ماعمري قطعت إشاره علشان كلمته لي ..

[Accord V6]

والله عسكري محترم


انا تضليلي SKC



تحياتي

[M.S.2]

كاتب الرسالة الأصلية Accord V6
والله عسكري محترم


انا تضليلي SKC



تحياتي
وين ضللته فيه
وبكم
وشرايك فيه
اتعبتك بالاسئله

[المســــــــــك]

ما اقول غير ههههههههههههههههههههههههههههههههههههه

والله فضاوه

[LONDANY]

ههههههههههههههههه


عندنا وعندكم خير

حتى حنا بالكويت اذا وقفك ومالقا عليك شي

راح للتواير وقال مسحكه او يدور صدع بالجام اللي قدام ويقول هذي مخالفه او حتى يشوف حزام خوييك

يعني مخالفه مخالفه مافكو فكه

:)

[NASSER_SS]

تمام تعجبني

وريته العين الحمرااا




تحياتي.,.,.,