مهم جدًاجدًاجدًا للي معهم أوبل أوميغا أبي الفزعة

[khalid_1977]

مساء الخير للجميع
معي أوبل أوميغا 2002
القصة باختصار إن مفتاح السيارة قافل بالمرة مايتحرك ولايشغل السيارة
يفتح الابواب عادي بس السيارة مستحيل
جربت المفتاح الاحتياطي بس مافيه فايدة
أبغى المساعدة منكم وخاصة للي معهم أوبل يمكن مر عليهم مثل هالموقف
وتحياتي للجميع
أبغى رد بسرعة قبل مااستاجر سيارة
ومن شين الحظ مالقى يقفل المفتاح الا يوم الجمعة
تكفون الفزعة

[kfu]

الله يعينك ويساعدك إن شاء الله وينجينا وينجي الأخوة القراء ,,,

الله يستر بس ,,,

[B.M.S]

اليوم الاحد

اذا المشكلة موجودة الى الأن علمنا

[kfu]

طيب مو مهم أذا اليوم الأحد أو لا المهم ليه المفتاح ما يشغل السيارة عاد سواء أنحلت المشكلة أو لا ...... .؟

رجاء B.M.S أدلي بدلوك وخل الفائدة تعم للجميع.

تحيـــــــــــاتي KFU

[khalid_1977]

مساء الخير للجميع
جاء الردود متأخرة حيث انتظرت إلى وقت متأخر من مساء الجمعة
ومع ذلك شكرًا للجميع على الاهتمام ومحاولة مساعدتي
المشكلة انتهت ولله الحمد في ظهيرة يوم السبت
والحمدلله اني ماوديت سيارتي الوكالة (الجميح) مجموعة علي بابا
طبعا اتكلم عن فرع القصيم مدري عن الفروع الثانية ماابي اظلمهم
وعلى يد شاب سعودي يعمل في تصليح اقفال السيارات وماقالي مثل الوكالة جبها بسطحه وانتظر يومين او ثلاثة نشوف مشكلتها
جاء هو للسيارة ووفتح علبة الدريكسون كلها وفتح القفل وشغل السيارة واخذت السيارة للمحل ونظف القفل وركبها مرة ثانية وربي شغله احسن من الوكالة
مو باين اي اثر للفك والتركيب
نصيحة مني لكل اللي معهم اوبل او اللي وكيل سياراتهم الجميح لاتروح لهم تراهم مايدرون وش السالفة بس يبون يشفطون فلوس وبس
وخاصة الاوبل ياكلون فيها اكل
وتحياتي للجميع
وبصراحة صرت افكر ابيع سيارتي او استبدلها بهوندا مادام وكيلها الجميح
وبعد السيارة دلوعة شوي وحساسة
شكرًا

[مجنون أوميغا]

الحمد لله انها انحلت مشكلتك واسف ان ردي كان متأخر لاني والله من زمان ما خشيت المنتدي
بس حلوه كلمتك عجيتني( مجموعة علي بابا)
والله انك جبتها جيب