للمرة الثانية يا خبراء الاوميغا

[ahmed1420]

وش حل الصوت الصادر من أرضية السيارة على سرعة 40 كيلو مع العلم اني قرأت المشاركات السابقة لهذه المشكلة ولكن لم أجد إجابة صريحة من الجميع البعض يقول :
1. خلل تصنيعي بالذراع .
2. المشكلة بالكفرات وكفرات مشلان بالذات.
3. وبعضهم يقول وزن للأذرعة .

يا ليت إلي حصلتله نفس المشكلة او يعرف أحد حل هذه المشكلة ما يبخل علي .

ومشكورييين وأنتظر الرد على أحر من :o

[ahmed1420]

الفزعة يا أصحاب الاوميغا .

[Accord V6]

للأسف وبكل فخر لا أملك أوميغا
أملك الدلوعة أكورد بكل فخر

تحياتي

[omega2002]

باختصار المشكلة من الكفرات.......
انا غيرت الكفرات وراحت المشكلة.......
كفرات برجستون........

[ahmed1420]

يعني المشكلة من الكفرات بس وتضبط إن شاء الله ولا أذرعة ولا شيء مع العلم يا أخي omega2002 إن السيارة عندي ولله الحمد ما تحذف عشان كذا ما ودي ألعب بالأذرعة .
إن شاء الله ابغيير الكفرات وأشوف
بارك الله فيك

بس ولا عليك أمر وش رقم موديل الكفرات إلي ركبت وكم سعر الحبه لا هنت.

[ahmed1420]

قل آمين يا أخوي Accord V6 الله يستر عليك ويعطيك من خير سيارتك ويكفيك شرها.

[omega2002]

طبعا نفس المقاس ...
لظاهر ان اسم موديلها تورنزا والسعر للواحد من 400 ال 450
وفيه عندك كفرات هانكوك الحبة بـــ330
ولايهمك انه كوري تراهه ممتاز جدا ...ومجربه بسيارة ثانية 3 سنوات ومن احسن مايكون..احسن من الميشلان اللي قاسي مرة وفيه اصوات وانسلخ علي الكفر مرتين..
...........
عموما الصيني والكوري لايستهان به........واسأل مجرب.

[ahmed1420]

السعر جيد و ما قصرت يا اخوي omega2002.
وعقبال ما أسألك بكفرات bmw. إن شاء الله .

[مساعد 88]

مرحبا

هل هذا الصوت في جميع الموديلات او فقط 2002 وانت نازل
يعني 2003 فيه صوت بالنسبة لي الجنط 17

لاني قريب انشاء الله راح اشتري اوميجا 2003 نصف فل وهي جنوط 17

ارجوا الرد السريع ولكم الشكر

[مجنون أوميغا]

انا الي معي لا فيها صوت ولا شي
والي معي 2003 نصف فل ابشن
بس فعلان كفرات المشلان مشاكلاها كثيره
وانا مركب الحين كفرات صناعتها انجليزيه
لا ما اعتقد ان اسمها ستار او ما شابه
قيمة الواحد 380 ريال

[(#) ديزل (#)]

حبيبي لي تعقيب على كلامك وش دخل إم الأذرعه بالأصوات إذا كانت السياره تمشي بالله جاوب؟؟؟
مالها دخل إلا إذا كانت تحذف أو الأصوات تصدر إذا أدرت الدركسون لجهات مختلفه.

وبعدين الأوميغا فيها مشكلة بالكفرات وهي إنها مائله لكي تصبح راسيه بالخط لكن هذا عليه ضرر بنفس الكفر لأنه يتمسح من جهه وجهه جديد باقي
وأما الصوت خويي عنده أوميغا ونفس الصوت اللي تقول لكنه بالكارونه وهو طبيعي من نفس السياره كذا شدبلد
وأنصحك بغير الأوميغاء وأنت بكيفك عاد
تحياتي

[ahmed1420]

جزاك الله خير يا (#) ديزل (#) السيارة معي له ثلاث سنوات والصوت توه بادي يطلع وشلون تكون المشكله شد بلد واحد من الأعضاء يقول غيرت الكفرات واختفت المشكلة وش دخل االكارونه بالصوت.

[مساعد 88]

ahmed1420
مرحبا يا الغالي

بما ان السيارة لها معك ثلاث سنوات ممكن تعطيني سلبياتها الي واجهتك
ارجو الرد في اقرب فرصة لني بأذن الله ناوي على السيارة نص فل بس متردد شوي

تحياتي لك

[ahmed1420]

السيارة جيده ومشاكلها تختلف بين شخص وآخر وهي ليست مثل السيارات الياباني والكورية هي مثل الأوربي تحتاج صيانة دورية كل سنة حسب مشيك.
وبالنسبة للقطع فهي تتفاوت مثال :
الفحمات الأمامية : 300 ريال
الخلفية : 280 تقريبا
فلتر الزيت : بالوكالة 23 ريال ومحطات تغيير الزيت 35 ريال نصب عيني عينك
وهذي أغرب حاجة : لوحة أزرار فتح النوافذ للراكب الأمامي 80 ريال .
فلتر بانزين :25 ريال
فلتر هواء : 52 ريال.
بواجي : تبدأ من 120 إلى 180 للطقم 6 حبات حسب قوة الماكينة.
حساس مكيف: 12 ريال .
لكن يعيب السيارة الوكيل دائما زحمه وتبي تغيير حاجة بسيطة لازم يومين
ثانيا السعر عند البيع .
يعني اذا كنت من الناس إلي يغيير على فترات متقاربه لا تشتري وخذ إلي يبون الناس.
واذا كنت من القوم إلي يشتري جديد ويكرف الموتر مدة طويلة فأقولك خذ إلي يدخل مزاجك وتستمتع بقيادته.
وترى صلاة الاستخارة تنفع وانا أخوك .
وموفق

[(#) ديزل (#)]

طيب ليش الصوت طلع في هذا الوقت بالذات يعني لوهو من الكفرات كان يطلع من البدايه
أبسألك سؤال هل خرطت الهوبات يوم غيرت الفحمات ؟؟
لانه قد تكون من الهوبات
والكفرات إذا موترك 6 سلندر ترا مثل ماقلتلك خويي معه وحده والكفرات الأماميه مائله علشان تكون راسيه بالخط لكن عليه ضرر بالكفر