اخواني ما هو bmw وارد اليابان

[shikween]

اخوان ممكن احد يشرح لي ما هو المقصود bmw وارد اليابان او ذو مواصفات يابانية وكيف اعرف ان هذه السارة ذات مواصفات او وارد اليابان؟

[B.M.S]

اخوي لازم تعرف ان كل منطقة لها خصوصياتها

ولها مناخها وذوق سكانها

مثل الماكسيما الموجوده عندنا

لو تناظر للمكسيما الامريكية شكلها غير مرة

وايضا في سيارات تنزل في مناطق ومناطق ما تنزل منها

مثلا يعني لو تجيب سيارة من الماني 99% ما تلقى فيها مراتب تبريد

مو مثل تجيب سيارة المانيه من وكيلها لانها جاية وعدله على مناخ الخليج

الحار ومناخ المانيا بارد

فالــبي ام هذه تخضع للمعايير اليابانيه

ويمكن من الخارج نفس الشكل

بس من الداخل تفرق لانها معاييرها غير

وقد تتشابه من الداخل اذا تشابهة الاذواق والمناخ وغيرها

[وليد_مرسيدس]

يااخي البي ام والمرسيدس وارد اليابان تكون دائما بمواصفات تقنية عالية جدا جدا , ولكن سؤالي لكل من يزور هذه الموقع .. لماذا دائما تكون السيارات الالمانية الواردة من اليابان ذات مقود من الجهة اليسرى , في حين وضع القيادة في اليابان هو من الجهة اليمنى ..... مع العلم ان جميع هذه السيارات الالمانية الاتية من اليابان ذات وضعية قيادة يسار اصلية وغير محورة (يمين الى يسار) .... الرجاء الرد لان هذا الموضوع بصراحة دوخني ...... مع الشكر

[zr1farsi]

كلامك صحيح وليد_مرسيدس
واتمنى تجاوبوا على سؤال وليد_مرسيدس
لأنه مهم للجميع

[shikween]

مشكور اخوي على الشرح وبالفعل اذا كانت وارد اليابان ليش وضع القيادة على اليسار

[أحمد مطر]

السيارات الألمانية وارد اليابان . فيه بي ام وفيه مرسيدس وفيه أوبل وفيه فلكس واجن وفيه أودي الخ من السيارات الألمانية .

أغلب هذه السيارات وصلت للسعودية عن طريق الشارقه ودبي . واليابان عندهم ولايات يسار وفيه منهم ولايات يمين .

لما توصل هذه السيارات الى سوق الشارقه ودبي التجار الخليجيين والعراقيين وغيرهم يشترون ذات اليسار . والتجار البقيه من الهند والسند يشترون ذات اليمين .

فيه معارض عندنا في الرياض تبيع هذا الصنف من السيارات وأخص بالذكر معرض فرسان النخبه بالشفا . وفيه ناس يجيبونها بشكل شخصي وتلقاها معروضة في برحة النسيم بالهبل .

أنا عندي واحده مرسيدس إستخدام ياباني . وجربتها أفضل من الجفالي وفيها مواصفات تفوق الجفالي .

كيف تعرف الياباني من الجفالي ؟
أفتح باب السواق وناظر لوحة المواصفات مسجله بالياباني . وتجد عليها استكرات مكتوبة بالياباني تحت غطاء المحرك وغير ذاك مكان .

هل هي قوية وعملية ؟.

من ناحية الحرارة والتكييف ممتازة . ومن ناحية الخدمة حمار شغل .

أرجو ان أكون قد أفدتك والسادة السامعين .
تقبل خالص تحياتي وبالتوفيق .

[أبوطه]

شكرا إخواني على هالمعلومات


.

[B.M.S]

مشكور اخوي أحمد على هذه المعلومات الطيبة

[Sonata GLS]

اتوقع مايحتاج اتكلم انا ماشاء الله عليكم وافيتوه بكل شي...

يعطيكم العافيه ...


تحــــــــــياتي..

[وليد_مرسيدس]

مشكور شكر جزيل اخوي احمد على هذه المعلومات القيمة والمفيدة .... تحياتي للجميع

[mohammad 902]

مشكورين وأحب أقول لكم انه عندنا مرسيدس وارد اليابان شريناها من فرسان النخبة
والله السيارة ما شاء الله استعمال نظيف وتقنيات عالية المستوى
بس سؤال محيرني ايش السبب في كون أغلب السيارات ماشية بحدود100000 كيلو
وأخيرا اليابانيين يهتمو بسياراتهم واللي يبي يشتري مرسيدس ياخذ وارد اليابان

[الازوري]

والله مادرى ياغالى
تونى اسمعها منك الحين

[Accord V6]

والله الشباب ماخلوا شي نتكلم عنه كفوا ووفوا

تحياتي