اذكر كيف تعاملت معك شركة التأمين اثناء تعرضك لحادث؟؟؟

[CamSHAFT]

شباب ياليت اللي صارت لهم حوادث وكانو مأمنين سواء على الرخصة او على السيارة ياليت يذكرون لنا كيف كان تعامل شركة التامين معاهم وهل هناك مماطلة في دفع التعويضات؟؟؟؟
وياليت تذكر اسم الشركة
لكي تساعد اخونك في اختيار الشركة المناسبة

[DraGGeR]

الموقف صار لأخوي الكبير

بعد ما خلص الوراق و أخد التسعيرة .. راح على شركة التأمين (التعاونية)
الموظف: نعطيك شيك ب 3200 ريال و بعد شهر نكملك باقي المبلغ ( 12900)
أخوي:انا ما قاعد أتسول و هذا حقي لازم أخذه يا بل أدمية أو بل غصب
فالله يخليك وفر عليك و علي مشاكل وهات المبلغ...
الموظف: عندنا احنا المبالغ فوق 10000 ريال تندفع أقساط
رد عليه أخوي : بالنسبة لمبلغ الخمسة مليون الي في دعايتكم بعد كم سنة مستعدين تدفعونه؟؟!!!
الموظف: اسف ما أقدر اسوي شي

أخوي راح للمدير و قاله السالفة ... المدير طلع واحد حقاني و راح للموظف ... أخده على جنب و بهدله

الموظف: يا أخ طلال (أخوي) تعال استلم الشيك
أخوي: من أول كذا خليك متعاون
الموظف: لازم تعذرني ... لأنه كل ما حررنا شيك قلت فرصنا للترقية و الزيادة
أخوي: الله يعطيك العافية.... مع السلامة
++++++++++++++++++++++++++++++++++++++++++++++++


أسف ان طولت عليكم بس حبيت اطرح ما حصل مع أخوي و كنت متواجد معه
و انا لا أقول ان الشركة نصاب أو مماطلة و لكن ربك يعلم ما هي الحقيقية

تحياتي للجميع

[أكـورد]

أخوي أنا تعاملت مع التعاونيه للتامين وكان تعاملهم راقي لاقصى الحدود وكان تصليح السياره في احسن الورش تقريبا الا وهي التلمساني للسيارات.
أرجو أني قد أكون أفدتك.

[Caprice]

موضوع مهم

طيب ياشباب كم سعر التأمين سنويا؟
على سيارة كابرس 2001 خصوصا واني صادم بسيارتي قبل اسبوع وقلت لازم تأمين

[almustalej]

انا صار علي حادث قبل سنه وكان الخطأ علي 100% ولا كنت مأمن وصراحه تبهذلت و رفض يتنازل صاحب السياره ولا حتى ياخذ مبلغ التصليح يقول السياره مستاجره والساعه 1 بالليل فقال المرور لازم تشرف معنا للحجز ياناس ياعالم شوفوا غيرها والله لعطيه ريال على ريال قالوا مافيه اركب وركبت معهم و3 ساعات بالدوريه من حادث لحادث وركبوا معاي واحد بعد من ضمن الحوادث االلي مرينا منها وبهذله وحوسه الين وصلت المركز وكنت مكلم واحد من العيال بالمرور وماقصر ضبطلي كفاله قبل اوصل المركز وطلعنا انا وياه وخلصنا الشركة بعد ماجبوا تسعيرة المرور وكنت عارض على المستأجر مبلغ اكبر بس حمد لله فرجت.

وشوفوا الفرق صارلي حادث قبل 5 شهور تقريبا ماني متاكد بس كنت مأمن والله الخطأ مو علي بس المرور رفض لاني متجاوز من اليمين بس كل اللي طلبه صوره من التأمين وتوكل لبيتك .

والله التأمين نعمه.
لأني شفت الفرق ، إسأل مجرب ولا تسأل طبيب

[CamSHAFT]

اشكر الاخوان على ردودهم..............




الاخ Caprice
بالنسبة لسعر التأمين على السيارة فضروري تتصل عليهم وهم راح يعطونك سعر تقريبي ويعتمد السعر على اشياء كثيرة منها
سعر السيارة في السوق (مستعملة )
الاصلاح يكون في اي ورشة ولا تبغى عند الوكالة
هل يشمل الركاب والسائق ام لا
مناطق التغطية السعودية كلها داخلة بس هل تبغى الخليج-الشرق الاوسط
عموما هذا رقم التعاونية 8001249990

[CamSHAFT]

اين بقية الاخوان
؟؟؟؟؟؟؟؟؟؟؟؟









نبغى مشاركاتكم يا شباب

[M.A.D about u]

انا صارلي حادث قبل شهر تقريبا وكان الثاني غلطان علي 100% ومأمن بالتعاونيه والله قدرت وخلصت ورحتلهم قالولي بعد اسبوع تعال استلم الشيك وبالفعل اسبوع والفلوس بجيبي (( المبلغ كان 6000 ريال ))


يعطيكم العافيه

[CamSHAFT]

الأخ مرزوق:
الحمد لله على سلامتك وانشاء الله سلامة دايمة
بقية الشباب ننتظر مشاركاتكم

[الازوري]

ان شاء الله الشباب يفيدوك
لان ماعندى خلفيه عنها

والله يكفينا شر الحوادث

[فيروس $_$ الحب]

أنا والله صارلي حادث قبل العيد وكان اللي مأمن عند التعاونيه وما قصروا خلال اسبوع والشيك عندي


بس امان (( الشركة السعوديه امان للتأمين )) والله ثم والله ياشباب ان من ثاني عيد الاضحى صارلي حادث وتعرفون على ما تفتح الشركات وإجازة العيد المهم اول يوم افتحو فيه بعد العيد انا عندهم عطيتهم اوراقي واللحين صارلي شهرين ولين احين ماخذت الشيك وكل ما اروح لهم يقولون لي الاسبوع الجاي
والله الشركه هذي ما ادري شتبي فاتحه

[BAssAM ss]

الحمد لله . . . ...

ما قد صارلي حادث

ولا تعاملت مع شركات تأمين

وأشكرك على موضوعك









تحياااااااااااااااااتي

[New]

راجعنا بكرة

راجعان بعد اسبوع


الاوراق ماوصلت من الدروريات

اصبر


انت المخطي :D ... لا هو المخطي


يماطلون فيك ... ويذلونك ... ويكرهون بالسيارة


واخرتها تحصل ان سيارتك يبيلها اسبوع تتصلح ... وماتطلع السيارة إلا بعد ثلاث اشهر


وهذي حصلت مع واحد قريب لي


والظاهر من التعاونية

[CamSHAFT]

الله يكون في العون....
مالنا الا الشركات الاجنبية اذا دخلوا السوق..........

[Accord V6]

والله اللي أشوفه التعاونية أفضل شركة تأمين

انا قبل سنه أيام الكابريس صدمني سواق ووايت وكان غلطان 100 % علي
رحنا للمرور وعطوني أوراق قالوا عطها مكتب التعاوينه اللي عند المدخل والله ورحت وبعد أسبوع استلمت الشيك

تحياتي

[الولد المعدل]

انا والله ساكن في بريطانيا لان الوالد يشتغل بسفارة ما تمشي في الشارع الا معاك تأمين وذا سويت حادث يجنونك 6 شهور وهذا والغلط مو عليك ابس ايذا الغلط عليك
انسا انهم يطلعونك الا بعد 3 سنين


ومشكور اخوي على الموضوع

[الولد المعدل]

اقصد بدال جنونك يسجنونك ^^^

[مطفي النور]

والله الحمدلله كل الحوادث الي سويتها الحق معي وكلها متنازل... وهذا الكلام قبل مايحطون التأمين....
انا اللحين مأمن في شركة امان.. شرايكم فيها؟

[راعي الماكس]

مشكور اخوي على موضوعك

انا شفت موقفيت لاثنين من الشباب

الاول صار عليه حادث و كان الطرف الآخر عليه الغلط 100 %
و الحمد لله مأمن في التعاونيه و عطوا لخويي شيك بقيمه 14000 ريال دفعه واحده

الموقف الثاني

برضو الغلط كان على الطرف الثاني 100 % و مأمن

بس المشكله انه الشركه اللي مأمن عندها الطرف الثاني غير معروفه !!!

لا تسأل ليه

لانه ما بقينا شركه تأمين الا و دورنا فيها عن هذه الشركه ( ما يحضرني اسمها الحين بس باجيبه بعدين )

المهم دقينا على الاستعلامات و عطانا رقم هذه الشركه و المفاجأه انه طلع رقم بوفيه مو شركه تـأمين !!


و الى الان الاوراق معانا و ما لقينا الشركه


راعي الماكس

[CamSHAFT]

الأخ راعي الماكس:
الشكر لك ولبقية الاخوان لاثرائهم الموضوع..
الله يعين خويك