لوحة سيارتي .. الى من سبق وغير لوحة سيارته

[الياباني]

ياشباب وش يسوي اللي يبي ينقل لوحة سيارتة الاولة (القديمة ) الى سيارته الجديدة ولوحة سيارته الجديدة الى السيارة الاولة
والسبب لان رقم اللوحة للسيارة القديمة اكشخ بواجد من اللي على السيارة الجديدة
علما بان السيارة القديمة باسم الوالد والجديدة باسمي

[أبوجاســ2003ــم]

والله اخوي ما عندي فكره عن الموضوع

انت روح المرور واسئل هناك راح يفيدونك

[الياباني]

ابو جاسم انا ابي افهم الموضوع منكم قبل لاادخل في متاهات المرور

واكيد فيه ناس غيروا لوحات سياراتهم ومروا بالتجربة هذي
ياليت يفيدون او من عنده خبر او علم

[أكـورد]

اخوي تروح المرور وتسوي تسقيط للوحات القديمه الشغله سهله ومايبيلها شي.

[أبوجاســ2003ــم]

طيب وضح لينا الشغله السهله كيف

على شان نستفيد من تجربتك

[الياباني]

اي يابو جاسم افزع لي
تكفا وشلون الشغلة السهلة هذي

[AHMED900]

ينقل للمنتدى العام

[أبوجاســ2003ــم]

صاااااااااادوه

[أكـورد]

أخوي فيه نظام في المرور يعني اذا تبغى تبيع سيارتك ولوحاتها مميزه فتقدر تروح المرور وتطلب طلب تسقيط لوحات تعبي اوراق نوع السياره ورقم .....الخ بعدين تركبها على السياره الجديده انت رح للمرور وبتفهم الطريقه اكثر.

[المســــــــــك]

ماعندي خلفيه للموضوع

بس اعتقد كلام اخوي اكورد صحيح

والله اعلم

[abbodi]

نصيحتي لك....

سلم للمرور لوحه وحده بس وقول لهم انه الثانيه ضاعت...

[Polite]

أخي الكريم الياباني ،
الحقيقة ماعندي خلفية عن الموضوع ..
لكن أنصحك تروح للمرور .. وتروح لملازم أو ملازم أول ويكون ( مطوع ) |1| ،
وروح له بدري الساعة 8.00 أو 8.30 ..
أول شيء نفسه بتكون طيبة وتعامله راقي ،
وثانيا يكون توه جاي للدوام يعني مبسوط ومزاجه صافي ورايق ..

وأنا جربت هذي الطريقة لما رحت أطلب لوحات عريضة .
وطلعت طريقة ناجحة 200% ..

وأنصحك أيضا بمراسلة المشرف القدير لاندروزر vxr ،
لأنه قبل فترة غيـّــر لوحة سيارته ..
لعلي أنبهه للموضوع ويفيدك باللي يعرفه .


تحياتي لك يا غالي .

[الياباني]

اخوي عبوود ممكن اعرف ليش اسلم لوحة وحدة بس ؟؟؟؟؟؟؟

مستشارنا الغالي Polite
ماينفع اسلمها معقب من هاالمعقبين اللي جالسين عندهم واهو يتصرف لاني بصراحة اخاف من المرور ماعندي رخصة من يوم عرفت نفسي الى الحين ولا عندي نية اطلع


وحبذا لو نسمع راي اخونا لاندروزر vxr وجزاك الله خيرا على اهتمامك بالموضوع

[لاندكروزر vxr]

السلام عليكم ورحمة الله وبركاته

أنا طريقة موضوعي تختلف عن طريقة موضوعك أخوي الياباني

وسأعلمك بالطريقتين لفائدة الجميع

عن نفسي

أنا طلعت سيارة جديدة وطلعت معي أرقام عادية ل س و ؟ ؟ ؟

طبعا اللوحة مصدرها الدمام >>> لازم تعرف مصدر استمارتك ولوحتك

المهم دخلت مزاد المرور يوم الأحد بالمغرب ( مرور المنطقة الشرقية )

واشتريت لوحة مميزة ، وسلموا لي إيصال

أراجعهم الصبح ( مرور المنطقة الشرقية )

وأخذ ظرف به الأوراق المطلوبة من عندهم

وأذهب إلى المرور الذي أخرج لوحاتي >> كما ذكرت سابقا اللوحات السابقة خرجت

من مرور محافظة الدمام ....

طبعا أحتاج لصورة البطاقة الشخصية والأصل ( الاثبات )

عمل فحص دوري جديد للسيارة مع صورة لكل ورقة من أوراق الفحص الدوري التي

تستلمها ( علشان لاتتعب معه ويحصل طريقة يصرفك )

وطبعا الاستمارة القديمة

واللوحات القديمة

ولا ننسى الأوراق اللي سلموني إياها مرور المنطقة الشرقية

وطبعا تحمل المستندات اللي عندك وتذهب إلى مكتب مدير مرور الدمام

لاحظ المدير.... والمدير بيوقّع على بعض الأوراق وويوجهك إلى مدير قسم

الحاسب الآلي بالمرور نفسه وهو نفسه مدير الحاسب بيوقع على بعض الأوراق

ويرسلك إلى الوكالات ( قسم جديد بالمرور ) وهناك تعطيهم 400 ريال

ويسلمونك استمارة جديدة ويوجهونك على قسم الحاسب الآلي لإدخال البيانات

إلى الحاسب عند ذلك تنتظر طويلا حتى تنتهي معاملتك فعندما تنتهي تذهب

إلى مرور المنطقة الشرقية( مشوار ) ويوقع مدير مرور المنطقة الشرقية على ورقة

استلام اللوحات ثم يوجهك إلى المستودع أو مايسمى عند بعضهم بـ ( التموين )

تستلم لوحاتك وعليك التركيب

هذي طريقة اللوحات المميزة عن طريق مزاد المرور

نرجع لأخوي الياباني

أول حاجة تعملها أنك تعرف مصادر لوحات واستمارة سيارتكم

فلنفرض أن السيارتين التي تملكهم من مرور الدمام استخرجت استماراتهم

وعليك أن تجعل صاحب السيارتين واحد ( يعني يا أنت يا أبوك )

فتعمل فحص دوري للسيارتين وتصور أوراق الفحص

ثم تأخذ البطاقة الشخصية وصورة لها والاستمارتين

تذهب إلى مرور مدينة الدمام

اذهب إلى مدير المرور باسلوب طيب وسمح وجميل وأخبره عما تريد

فإذا وافق على ماتريد سيوجهك على الحاسب الآلي وهناك تتم معاملتك كاملة

ولكن الله يعينك على الانتظار

ملاحظة : في مشكلتك أخوي الياباني تحتاج إلى واسطة بسيطة لكي يسمح

مدير مرور الدمام بهذي الطريقة حيث أنها ستعامل كأنك اشتريت لوحة مميزة

دون الرجوع إلى مرور المنطقة الشرقية أما إذا لم تكن عندك واسطة فاتبع

ماقلته لك من التأدب والذوق أثناء محادثتك معه لأنه هو الذي سيحدد هل

ستمشي معاملتك أو سيكون مصيرها النسيان

للعلم ستدفع قيمة استمارتين أي 600 ريال لأن اللوحات لك

هذه الطريقتين من تجربة

فالأولى أنا الذي خضتها أما الأخرى فهو ابن خالي ومعاملته ما مشت الا بواسطة

يفضل إذا لم تتوفق بأمرك

أن تشتري اللوحات من المزاد فطريقتها أسهل وقانونية وأحفظ للنفس من الذل

فلاتحتاج إلى أحد

وأي استفسار أنا حاضر أخوي

تحياتي لك

[Polite]

ما شاء الله عليك أخوي لاندكروزر vxr ،
تسلم لي والله على الإفادة الطيبة ،
إن شاء الله الأخ الحبيب // الياباني // يكون أستفاد ،
وأنا أيضا أستفدت . :)

[abbodi]

الياباني
انت قلت انه لوحة السياره القديمه كشخه ...فاقتراحي لك انك تحتفظ بوحدة عندك وتستعملها اذا مسكت غلط في راسك..بس انا ما اتحمل النتايج,,

اذكر يوم غير لوحات الوالد كان معقب اللي سواها لنا...تصدقون انه جاب لي اللوحات الجديدة والاستماره واللوحات القديمه مابعد فكيتها من السياره..وطلعت بلوحاتها القديمه واللوحات الجديده في السياره من داخل...

[C_A_M_R_Y]

زي كلا م الاخوي أكورد

[الياباني]

جزاك الله خيراا اخوي اللاند كروزر بصراحة الاجراءات معقدة اكثر من اللزوم
وكنت احسبها اسهل من كذا بكثير
لكن تدري ........ ابشيل اللوحات القديمة واحطها على السيارة الجديدة واللي يصير يصير ....., امزح بس ترى يمكن اسويها ماتهون علي

[ابوميس]

ياخوي الياباني اول شي لازم تنقل السياره الثانيه باسمك او تحول سيارتك باسم الوالد
وتاخذ الاوراق وتطلع المعقب يومين والمعامله خالصه
لا تروح ولا تجي
والطريقه مجربه وناجحه 100%
ولافيها اي مشكله

[جمــ8100ــس]

انا غيرت لوحتي بس ما بدلتها رحت لم المرور و تنازلت عن اللوحه القديمه و عطوني اللوحه الجديده مع الاستماره

[b a d$b o y]

ماعندي خلفيه
بس روح المروور