اخوكم وده يشتري لومينا ويبي شوركم

[مساعد 88]

بسم الله الرحمن الرحيم

السلام عليكم ورحمة الله وبركاته

تحية لك عضو في هذا المنتدى الشامل والممتع

في الحقيقة لي نيه في شراء لومينا ال اس 2004 جنوط انشاء الله
من شركة العيسى طبعاً لان شركة الجميح كما هو معروف سيئة جداً في الصيانة والتعامل مع العميل على حد ما اسمع
اريد معرفة السيارة من جميع النواحي من حيث الصيانة لدى شركة العيسى وهل هي سيارة عملية وتخدمني من اربع سنوات الى خمس مع الصيانة الدورية طبعاً وتتحمل الكرف ومشاوير الرياض وعن صريفة البنزين وقطع الغيار وخدمات ما بعد البيع .... الخ وغيرها من هذه الامور
وهل هناك موزع لي لومينا اي معرض مشهور مثلاً في معارض النسيم يعني يتواجد لها معارض خاصة مثل نيسان وتويوتا وغيرها من السيارات بحيث كما هو معلوم ان سعرها يكون ارخص من الوكالة
في الحقيقة ما كتبت هذا الموضوع الا لكي استفيد من خبرتكم ومن اهل اللومينا خصوصاً
واريد معرفة ما تنصحونني فيه بهذا السيارة

ولكم جزيل الشكر

تحياتي لكم

[TSS]

هلا اخوي مساعد طبعا الومينا ال اس 215 حصان 6 سلندر ما تصرف بازين

وجميله مره فيه نوع يجي مثبت للسرعه وفيه لا

ومن ناحيه الصيانه روعه العيسى

قطع الغيار ماهي غاليه زي المرسيدس ولا هي رخيصه مثل التيوتا

سياره جميله وخاصه اللون الاسود

[مساعد 88]

TSS_LUMINA SS مشكور اخوي على ردك الكريم

ارجو المزيد من الردود والتعليقات

ولكم تحياتي

[TSS]

هلا اخوي مساعد

واللومينا LS تجي طيس من الوكاله

وتفرق عن ال تي زد كثير من ناحيه الفخامه

اما من ناحيه القوه فا LS & LTZ& S =215 {{حصان}}

اما SS 315 حصان

شكله يبي يتغير في 2006 وفيه ناس يقولون 2007

هذا الي عندي

[مجرد شخص]

هلا اخوي ...

انا عندي لومينا 2002
ياويلي عليها للحين عروسة .. ما افكر ابدا اني اعرس عليها ..

توكل على الله ...
بس ايش رايك تزيد شوي وتاخذ لك S
تصير احلى ...

[مساعد 88]

TSS_LUMINA SS مشكور اخوي مره ثانية
مجرد شخص مشكور اخوي على تعليقك
بس يا ليت تعطوني عيوبها مع مميزاتها وهل تتحمل الكرف مع الصيانه الدورية لها وتعيش اكثر من اربع سنوات

تحياتي لكم

[مساعد 88]

وعلى فكره مين الموزع لها بالمعارض ؟؟

او معرض مشهور يقوم ببيع لومينا

شكرا لكم

[TSS]

هلا اخوي

فيه محل اتوستار بطريق خريص محل جميل غير الوكاله

ومعارض النسيم لو تاخذ فره راح تلقى كثير

[مساعد 88]

TSS_LUMINA SS اخوي اوتوستار على ما اعتقد عنده مستعمل !!
وانا ابي جديد

مشكور حبيبي على حرصك

تحياتي

[مساعد 88]

شباب وينكم معقوله اكثر من خمسين واحد يخش للموضوع ولا يرد الا اثنين؟؟؟!!

الا هذي الدرجة اللومينا مهي زينه او ايش المشكلة؟؟!!

[TSS]

هلا اخوي مساعد

انا بالخدمه

وفيه ثلاث وكالات للومينا

العيسى و الجميح و التوكيلات العالميه

طبعا التوكيلات مب موجوده بالرياض

لكن العيسى وكاله روعه

LS تبدا من 58 الي 65 الف تقريبا

فيه لون مجيك جديد اكثر من لون بنفس الوقت

فيه اطياس وفيه جنوط مقاس 16

نوع يجي مثبت للسرعه ونوع لا

يجي مخشب على ما اعتقد وفتحه وجلد

فيه LTZ سياره روووعه الصراحه انا عاجبتني

مواصفات خارقه

LS سلندر 6 و 215 حصان والبانزين تقريبا 50 ريال فل

فيها زي CD لكن مافيها كاسيت على ما اعتقد

المكيف ماهو الكتروني طبعا في كل اللومينا

تجي بدون الكبوس او السكن او النور الي تحت لانه مصممه على عدم وجوده

هذي الانورا لو حطيته راح يطلع شكله ماهو مقبول

وفيه لون ابيض و اسود وعشبي ولو مجيك اكثر من لون ازرق اخضر

والسياره اوماتيك 4 سرعات اليه

هذا الي عندي

ان شاء الله

تعجبك

اخوك //// طلال

[ALMOURKY]

تعوذ من الشيطان وانحش عن اللومينا نصيحه لوجه الله

[ابو خليفة]

ياصاحبي
انا اقولك بكل صدق اللومينا موتر وقوي مواصفات حلوه وذكروها الشباب ولاااااااكن
انتبه خطيره.. جداااًجداااًً ..ولا منها امان.. يعني ماتضمن عمرك وانت فيها خذ كلامي وسئل مجرب...
وبتوفيق على كلاً..