ليش الكابريس الجديد فيه احتكاك مع الارض ؟؟؟

[مستشار التفحيط]

السلام عليكم
الكابريس من 2000 الى 2004 فيه
احتكاك كبير مع الارض
يعني وانت راكب تحس انك قاعد على الارض مو راكب سياره
وصوت التواير مع الارض احتكاك شديد
ليــــــــش
اجيبوني

في الانتظار

[لاندكروزر vxr]

أنا الحين ادور على حل معها

مني عارف ليه ؟؟

بس سألت أغلبيتهم يقولون من الإطارات ( قاسية )


وأنا ودي أعرف الحل لهذي المشكلة ضروري

تحياتي لك

[مستشار التفحيط]

مشكور اخوي
ويعطيك العافيه
مشكله غريبه والله

[Abu_habeb_SS]

سلام شباب الصوت فعلا من الاطارات بس اذا بغيت تتخلص من الصوت ركب كفرات مشلان ماراح تسمع صوت ابدا

انا عندي لومينا اس اس غيرت كفراتها الى مشلان مافي صوت ابدا


معلومه : سعر الكفر الواحد 531 ريال من الوكاله بره الوكاله اغلا

سلاااااااااام



نصيحه لاصاحب الومينا والكابرس ركبوا مشلان وراح تدعولي فرق شاسع



سلام

[TSS]

هلا شباب

اول مره اسمع فيها

لكن العضو كابرس اس اس عنده كابرس جديد اتوقع يعرف للمشكله

[لاندكروزر vxr]

هلا اخوي TSS_LUMINA SS

أنا معي كابريس LTZ موديل 2004 جديد مالي معه 4 أيام

ولاحظت صوت الأرض معي وأنا أمشي مع أني ما أتعدى الـ 80

العزل أوكي تمام بس تحس بالأرض لما تمشي .........

والأخ الكريم اللي قال عن الميشلان

ودي أركب بس مثل ماتفضلت السعر $$$

يعني سيارة جديدة أغيرلها كفرات على طول والواحد بـ 531 ريال

صعبة كثير


تحياتي لك

[BAssAM ss]

والله اول مره اسمع بي هاذا العيب . . .










غريبــــــــــــــه





تحياااتي

[CIA]

مو غريبة ولا شي

السيارة فاشلة استرالية

ايش تبغاها تعطيك غير الموت والخراب

[مستشار التفحيط]

مشكووووووووووووووور شباب
ويعطيكم العافيه
بس زي ماقال اخونا لاندكروزر
من الاطارات يمكن

مستشار التفحيط

[LuminaSS-2001]

الوالد معه كابرس ال تي زد 2002 ما فيه المشكله هذي !

غريبه والله اول مره اسمع بالشي هذا :confused:

جربت كابرس ال تي زد 2004 واس اس 2004 .. ما فيها ؟!

وكفراتها كانت يوكوهاما !




الاخ CIA :

تقول السياره فاشله وتعطينا موت وخراب ؟

والله صار لي 3 سنين وماشي 83 ألف كيلو بلومينا اس اس 2001 وما شفت لا موت ولا خراب بتوفيق الله .. ما شاء الله تبارك الله :)

والوالد كمل 45 ألف بالكابرس ولا شاف اللي تقوله :)


|3|

[عـاشقSS لوميـنا]

انا عندي لومينا اس اس تقريبا صارلي مطلعها اسبوع ومافيها هذا الكلام

وكابريس ولد جارنا جديد اليوم مطلعه وبرضوا مافيها هالشيء

[لاندكروزر vxr]

هذا الشيء طبيعي للي ساق سيارات الشيفروليه

بس اللي تنوع في سواقة السيارات يلاحظ صوت الأرض معه

بس أنا لاحظت أنه على حسب الشوارع

لمشيت بشوارع مثل شوارع الرياض ماتحس بشيء

بس لمشيت بشوارع تمهيدها ليس بالشكل المطلوب أو انبساطه مهو متناسق

يطلع صوت احتكاك الكفرات مع الأرض

على العموم هي طبيعية بالسيارة من موديل 2000 إلى 2004 ( الشكل الجديد )

أخ كيا لوسمحت لاتتدخل في شيء لايعنيك >>> محد طلب رأيك

وابعد عن الموضوع قدر الإمكان لأن ما عندك السيارة ولأنك كارهها

ابعد عن مثل هالمواضيع

تحياتي لكم

[ام حديجان]

صح موضوع جميل وغريب

حتى انا لما اسوق اللومينا احس ان المطبات اللي اخذها اخذها من قلبي


لكن مثلا لما اركب كامري اطيح في ارجل مطب والله ولا كأنه صار شي
وعلى قول البعض يمكن من الاطارات .. انه لازم تكون الدعسه فيها كبيره
يعني الدعسه الرياضيه تخليك تسمع صوت جامد في الارض
او من المساعدات


والله اعلم

[مستشار التفحيط]

مشكووووووووووووووووور
بس الغريبه ان هذه المشكله انا
حسيت فيها بالكابرس لكن اللومينا لا !!!!!!!!!!
غريبه والله
اخوكم
مستشار التفحيط

[corvette_z06]

انا عندي 2003 لومينا ما في احتكاك الا لما ادووووس