قمت على أودي S-6 قومه ساحقه :)

[LuminaSS-2001]

سلام عليكم ..

تقاومت مع اودي اس-6 (دفع رباعي 340 حصان) وقمت عليه 3 قومات ساحقه ومزلزله :)

ان شاء الله القومات الجايه معه بصورها فيديو ..

سيارتي الان في قمّة نشاطها :)

كان عندي مشكله في العزم (كمية الوقود اللي تدخل المحرك) والوكاله صلحوا المشكله والحين السياره ما شاء الله تبارك الله ..

الاودي هذا كنت اقاومه قبل كذا يطلع علي في القومه بفارق بسيط بعدين الحقه واتعداه .. واحياناً ما اتعداه اكون جمبه ..

لكن الان .. قومه .. وعلى مختلف التغييرات :)

[عاشق لوميـssـنا]

مبروك والله
بس انته معك ايش

[Chevy 4 ever]

كاتب الرسالة الأصلية عاشق لوميـssـنا
مبروك والله
بس انته معك ايش

[LuminaSS-2001]

عاشق اللومينا !!

شو هالحكي ؟

انت قريت الموضوع بس ما قريت اسمي؟

معي لومينا اس اس 2001

لوووووووووول

[KING-049-SS]

يا سلاااااااااام سيارتك نشيطة مرررررررررة يعطيك خيرها و يكفيك شرها
انا من كم يوم طلعت قومة ويا مرسيدسُُE320AMGطبعا انا عندي لومينا اس اس 2003 من الصفر طلع عليي بمسافة نص سيارة لان اللومينا حرقت كفرات من الصفر و بعدين طلعت وياه من الاربعين و عطيته مسافة نصف سيارة و استمريت قدامه لين ما وصلت السرعة230كلم و جا منعطف وخففت ;)
مع تحياتي|3|

[TSS]

هلا شباب

احلى لومينا

كل الموديلات الومينا the best

مشكوور

[ss_991]

مبرووووووك على القومة والخبر مو غريب
ونشالله نشوف الفيديو حقك

لكن بسألك شنو الخفايف اللي حطيتها بالمكينة؟
واذا عندك صورة للاودي حطها ماتقصر

[LuminaSS-2001]

المتحدي S :)

شكراً على الرد ..

ما حطيت شي في الماكينه .. كان فيه مشكله في استجابة المحرك لدعسة البنزين ..

يعني عزم السياره كان فرق عن أول ..

وصلحوا المشكله بالكمبيوتر سووا اعادة برمجه ..

ورجعت السياره كأني توني شاريها ما شاء الله تبارك الله :)

[أكورد وبس]

ما شاء الله ..

قومة عليها الكلام ..

بس كيف تقولون حنا ندعس ونقاوم والسيارة ما تخرب .. وأنت تقول إنك وديتها للوكالة وأعادوا البرمجة وكان فيه خلل في وصول البنزين للمكينة .. ؟؟

معليش .. لكن ودنا نصير واقعيين ..

[LuminaSS-2001]

هلا عزيزي اكورد وبس :)

شلونك ؟

حسب كلام الفني في الوكاله .. 90% من عزم السياره كان متوفر .. 10% رايح ..

لاني ما نظفت البخاخات من فتره طويله ...

السياره ماشيه 82 ألف كيلو ..

وش تتوقع ؟ اكيد البنزين ما راح يدخل الماكينه مضبوط لان البخاخات بتكون وصخه مع الاستخدام القوي ..

البخاخات المفروض تتنظف كل 20 ألف كيلو أو 25 ألف كيلو مع تصفية الماكينه ..

هل تسمي هذا خراب ؟

شي طبيعي البخاخات تتسدد اذا السياره مشت اكثر من 40 ألف كيلو بدون ما تتنظف ..

اعادة البرمجه الهدف منها فحص وظائف الماكينه :

1-شرارة التشغيل

2-كمية الوقود

3-معدل احتراق الوقود

واي سياره فيها كمبيوتر لازم بعد فحصها وتصفية ماكينتها يسوون لها نفس الشي ..

[معاند الجرح2]

حياتي يا LuminaSS-2001
قلي انت وينك
توك جاي المنتدي
والله انت اللي مثلك ندوره من زمان
في المنتدي ذا
اول شي الف الف مبروك على القومه
وثاني شي مشالله على السياره
وثالث شي الحمد لله انها تنظفت البخاخات وصارت تمام



فاصل

انا معاي 2004 SS ودي اجرب مع 2001
مع العلم ولاتنسي 2004 بقوة 328
و2003 بقوة 324

وتقاومت مع واحد 2002 وعطيته فرق لمبتين
ونبي نشوف ردك لاني اعرف برمجه القير حق 2001 مره قويه
ونبي رايك في الموضوع ذا اذا ممكن اخوي وذا تبي نطلع قومه
يله نطلع نجرب مو مشكله ونتعرف عليك اهم شي

[الازوري]

عبيت المنتدى ارااااانب
ههههههههههههههههههههههههههههههههههههههههه
تحيااتى وشوفلك مطار قريب

[boor05]

اودي ثقيله انا برينو كليو الاولى وثانى وثالث لحد 180 قدام اودي

[LuminaSS-2001]

سلام ..

الاخ boor05 :

انا اقصد اودي اس-6 .. 340 حصان دفع رباعي وليس اودي اي-6 ..


الاخ الازوري :

كلامك غير واضح ؟ بعدين استخدام كلمة (ارانب) يفترض ما تجي من واحد كبير .. لاننا كنا نستخدمها في وصف كلام الاخرين اذا ما عجبنا ايام الابتدائي ..



الاخ معاند الجرح2 :

كيف حالك عساك طيب :)

بالنسبة لموديل 2002 انا دائماً اقول انها أقل الـ اس اسات في القوه ..

كلن يقوم عليها !

اوكي بجرّب معك .. بس تراني ما ارحم في القومات ..

اضرب بيد من حديد :)



انا من الرياض ..

اذا تبي نتقاوم فيه اماكن كثيره حلوه :

1-شارع المقاومات (وانت ماشي مع الضباب باتجاه طريق الملك عبدالعزيز الاشاره اللي قبل اشارة الملك عبدالعزيز تروح معها يمين وتمشي طوالي وتاخذ اليوتيرن هناك دائماً يصير تجمع الاربعاء والخميس)

2-المنطقه المسانده (مطار الملك خالد) اول اشاره بعد ما تمسك خط المسانده ..

3-شمال استاد الملك فهد الدولي ..


عموماً خل نشوفك في المسنجر عشان نتفق على المكان والزمان !

مسنجري موجود في التوقيع حقي ..


سلام

[boor05]

ايوه هى نفسها اس 6 الرينو تقوم قومه وانا مجرب تجربه شخصيه

[مستشار التفحيط]

مشكووووووووووووور ومبرووووووووووووووك
اخوك
مستشار التفحيط

[مستشار التفحيط]

مشكووووووووووووور ومبرووووووووووووووك
اخوك
مستشار التفحيط

[LUMINA 4EVER]

ماشاءالله عليك من جد من جد ماتوقعت

لاني اعرف واحد من الشباب عنده اس 6 والله طياره قام على كوبيه 2003 ويستهزي فينا حنا كنا على مكسيما 2001 عادي كلن يشهدلها انها عزم‍‍‍‍!!!

يعني من جد انجااااز صراحه ...الله يعطيك خير ال2001 ويكفيك شره ولاتبخل علينا بمثل هالاخبار الحلوه...

[LuminaSS-2001]

هلا والله LUMINA 4EVER ..

قومتي على الـ اس-6 كانت مزلزله وقويه ..

حتى انه زعل هو لوووووووووووول

قبل ما انظف البخاخات كان يطلع على في القومه لكن عند الـ 80 اجيبه واتعداه واحياناً نمشي مع بعض ..

لكن الحين .. الموضوع محسوم 100%



لومينااا لومينااا هوووووووو هوووووووو