نصيحة للمهتمين تغير زيت المحركات بأسعار اقل

[أسرار السيارات]

هذه نصائح مهمة لتغير زيت محرك السيارات بأسعار اقل من محلات تغير زيوت المحركات وهذه راح توفر عليك مبلغ جيد وراح يستفيد منها اصحاب سيارات محركات 8 سلندر و 6 سلندر اللي هي V8 و V6 و I6 وخاصة سيارات الدفع الرباعي SUV تستهلك معدل زيت عالي واصحاب سيارات بمحركات 4 سلندر اللي هي I4 ماتغرق كثير الا في حالة واحدة انك تشتري كرتون زيت من محلات الجملة


اسعار زيوت المحركات مختلفة لو نضرب مثال عندنا في السعودية زيت كاسترول 10W-30 سعره عن محلات تغير الزيوت من بين 25-20 ريال سعره بمحلات الجملة يكون بين 14-12 ريال سعر الحبة 14 ريال مع الضريبة و اذا اشتريت كرتون يطلع سعر الحبة 12 ريال مع الضريبة و الكرتون فيه 24 علبة زيت تطلع مع الضريبة تقريبا 320 -337 ريال كذا انت توفر على نفسك مبالغ كبير وإذا كان عندك اكثر من سيارة في البيت راح توفر اكثر واكثر وخاصة سيارات SUV ذات الدفع الرباعي الحقيقي


تغير زيت المحرك سهل جدا أسفل السيارة تفك سرة الزيت بمفتاح لتحليل المسمار على شكل وردة و تحتاج مفك اخر لفك الفلتر ( سيفون زيت المحرك ) لإنزال الزيت وتحتاج حفرة او مكان مرتفع مع حوض لتجميع الزيت المفرغ جدا سهل


في حال انك تبي تغير الزيت بسرعة وبدون تعب تروح محلات الزيوت يغير لك الزيت 20 ريال بدون الفلتر او 30 ريال مع الفلتر ( السيفون ) كذا انت توفر على نفسك مبالغ كثيرة في المستقبل خاصة اصحاب السيارات الكبيرة و المحركات الكبيرة


‏https://a.top4top.net/p_10913kog30.jpeg (https://up.top4top.net/)


‏https://b.top4top.net/p_1091tlc9s1.jpeg (https://up.top4top.net/)


‏https://c.top4top.net/p_1091l6f742.jpeg (https://up.top4top.net/)


اذا نزلت الصورة معكوسة فكتابة الموضوع عن طريق الجوال

فرقت معي اسعار تغير زيت المحرك و خاصة في سيارات SUV

[flatne]

كلامك سليم بس المشكله في البناشر ماتقبل تجيب زيت من برا

[سكايبر| حروف للكتابه |]

كلامك سليم بس المشكله في البناشر ماتقبل تجيب زيت من برا

اذا كنت تقصد الرسمية (التابعة لشركات) فأظن ماله داعي ،البناشر الصغيرة انسب وشغل اليد علحسب نباهتك ممكن تدفع 10 ريال او 30 لاأكثر ..

.

[flatne]

اذا كنت تقصد الرسمية (التابعة لشركات) فأظن ماله داعي ،البناشر الصغيرة انسب وشغل اليد علحسب نباهتك ممكن تدفع 10 ريال او 30 لاأكثر ..

.

عندنا في خميس مشيط مستحيل تلقى اي بنشر يغير لك الزيت من برا
جربتهم قبل كم سنه وتورطت بكرتون الزيت حتى لقيت واحد الله يجزاه خير وافق يغيره

[VIP 111]

فيه كثير من البناشر الان يغير لك الزيت مقابل قيمة العلب فقط

لذلك اشوف ان المحصلة النهائية التي سيتم توفيرها لاتستحق العناء بتغييره في البيت

بالنسبة لشراء كميات كبيرة من محلات الجملة ، مفيدة اذا كانت المنتجات اصلية 100%

لان تم القبض على عدة عصابات تدير معامل تزوير علب زيوت بكميات كبيرة ونشرتها الجهات المعنية قبل فترة

شكرا لك

[khofisiz]

هي على حسب الشخص .. فيه ناس تحب تشتغل بنفسها وله مزاج لمثل هالامور

أما البناشر لازم تتابعه وتتاكد من شغله .. اغلبهم يكرب (يتيت) على السرة (صامولة الكرتير) بقوة تعدم السنون وأغلبهم يحط تيب أبيض وهذا خطأ .. السيارة من وكالته بدون تيب ابيض فقط الواشر (الوردة)

[محمد القحطاني]

كنت سابقا اشتري الزيت بالجمله واغير في البنشر اما الان بحكم انه لدي سيارتين موديلات حديثه فالصيانه مجانيه لمدة 3سنوات عند الوكيل او الصيانه السريعه التابعه للمتعاقيدين معه شكرا لك اخوي عبدالله

[بشير حسن]

شكرا لك اخوي ويعطيك العافيه

طبعا اللي شكل فارق معاك هو شراء كرتون وليس كمية من العلب بشكل مفرد لأنه أنا سبق وجربت شراء كمية من العلب اللي يحتاجها محرك سيارتي مع فلتر زيت أصلي من وكيل معتمد وبعد مارحت اغير الزيت عند اللي كنت متعود اغير زيت عنده تفاجأت أنه أنا طلعت خسران والحمدلله فرق الخسارة هو 10 ريال حتى هو بنفسه قالي أنت لو بدلت عندي راح يطلع المجموع كامل "عدد 6 علب + فلتر زيت + شغل يد" ب120 ريال وأنت الآن طلع عليك ب 130 ريال


شئ آخر ماذكره بعض اخواني في ردودهم أنه بعض البناشر وحلت تغيير الزيوت يرفض أو يأخذ مبلغ أعلى من غيره في حال انك انت اللي شاري الزيت مع الفلتر وهذا ملاحظته بنفسي لدرجة انه البعض يطلب مبلغ 40 ريال وهذا سعر مبالغ فيه في حين المفترض مايتعدى مبلغ 20 ريال

[مكارم الاخلاق]

شكرا لك و بالنسبة لي افضل اني اغير في البنشر ماعندي حفرة