مشكلة وحلها عندكم يا احلى من العسل

[سفاري 1992]

السلام عليكم

انا في حيرة مش عارف ايش اختار

عندي سيارةونفسي ابدلها بسياره جديدة بس المشكله اني بشتريها أقصاد

ونفسي اشتري لومينا ss بس في اكثر من واحد يقولي لا تشتري سيارة شبابية

لاني على وجة زواج وما يصلح ازف زوجتي بسيارة شبابية مثل لومينا ss ومع

العلم اموت فيها ونفسي اشتريها .

وينصحوني اشتري لكزس es300 او gs300

بس اكثر الشباب يقولون GS300

وانا مش عارف هل في تغير في الشكل الخارجي لمديل2004

لان وبصراحة ما ودي اشتري سياره بيتغير شكلها في الموديل الي بعده. ‍‍!

ابي منكم المساعدة الله يعيد الرمضان علينا وعليكم.

رأي خاص فيني اشتر لومينا SS مستعمل واذا قربت الخطوبة ابيعا واشتري سيارة ثانية.............:) بسم الله الرحمن الرحيم

[الغـــ07ـــامدي]

بسم الله الرحمن الرحيم

السلام عليكم ورحمة الله وبركاته ، هلا وغلا فيك أخوي الغالي (سفاري 1992) بين إخوانك في منتدى السيارات ، أولاً: أحب أبارك لك مقدماً "ألف مبروك" والله يوفقك في إختيار الزوجه الصالحه وفي إختيار السياره المناسبه.
ثانياً: ما عندي أي رأي في اختيار السياره المناسبه للزفه ولكن أنا أرى (لكزس ES300) أفضل ، ليه؟ ، ما أدري والله ولكن أحسها سيارة اثنين دوبهم إتزوجوا (ههههههههههه) أنا عارف ان كلامي زي وجهي ولكن هذا رأيي واذا كنت مصر على اللومينا SS فتوكل على الله ولا يردك شي.
أما عن ال(لكزس GS300) فما أعتقد ان شكلها مناسب لواحد بزفه!!
وما أدري عن شكلها الخارجي هل فيه تغير والا لأ وأكبر إعتقادي بأنه نفس الشكل وما فيه إلا تغيير بسيط وأظنه الجنوط (والله أعلم) وإليك هذا الرابط عن الصوره:
http://www.lexus.com/assets/models/gallery/photos/main_assets/gs/exterior/GS-440.jpg
والبعض الآخر يقول بأنه تغيير جذري وإليك هذا الرابط يوجد فيه صورة لها:
http://thehollywoodextra.com/lexus/GS300.jpg

-الله يهنيك ويرزقك ويوفقك في حياتك الزوجيه القادمه- وعقبالنا قريباً إن شاء الله...

أخوك المخلص/ الغــ07ــامدي

[Shadow]

هلا اخوي سفاري .. اولا مبروك على الزواج وبالرفاة والبنين .. والله يوفقكم دنيا واخرة ...
ومبروك مقدما على السيارة الي تبي تزف فيها شريكة العمر ...:)

انا مع اخوي الغامدي ... لكزس ES300 هي انسب سيارة ... ومايحتاج امدحها لك من الداخل جمال ولا اروع من ناحية الجلد والخشب وغيره مع العلم انه الجلد والخشب هو زي الخشب والجلد الي في LS430

توكل على الله واشترها والله يطعمك من خيرها ويكفيك شرها .....:)

[حسن ك]

انا اقول على راي الشباب خد لك لكزس

[المســــــــــك]

وانا بعد اقلك خد لك لكزس

لاكن لو تحتك فلوس وجيبك دافي طق لك BMW

لانها بصراحة رهيبه
مو مشكلة اي مقاس سواء 300 او 500 او 700 والله رهيبه مرة





لك تحياتي

[GMC]

اولا الف الف مبروك لك مقدما

وبالنسببه للسياره المناسبه لك فانا اضم صوتي مع اصوات الاعضاء الكرام خذ لك لكزسس احسن لك

وعلشان تكشخ فيها قدام خطيبتك( اكششششششششششخ ياعم)

[N.M.N]

اخوي سفاري 1992

مبروك عليك الزوجه ... والله يسعدكم ويرزقكم الذريه الصالحه

اما نوع السياره المناسب اللي مثل حالتك قريب من زواج افضل شيء لكزس ES300

ومن اجابيتها انها سياره شبابيه ونفس الوقت عائليه

وصيانتها قليله ... وسعرها جميل اذا جاء بالتقسيط

بالتوفيق ,,,

تحياتي

[المســــــــــك]

صدقوني البي ام اهدء

ولاودي خصوصا A8 موديل 2004

مررررررررررررة هادئه

[الغـــ07ـــامدي]

أخوي (musk) لا تنسف الرجال ههههههههههههههههه ، والله اللكزس راحه وأناقه وما قلنا شي عالبي إم ولكن قطعها غاليه جداً وأنا أشوف الES أفضل له من وجع الراس.

[سفاري 1992]

:)أشكر من شارك في الرد على هذا الموضوع

بس الشيئ الي فهمتوة غلط انا ماتزوجت بس ناوي يعني يمكن اليوم ويمكن بعد سنة

شكرا مرة ثانيه

[الغـــ07ـــامدي]

أخوي (سفاري 1992) ترا عارفين انك لسى ما تزوجت وما تشوفنا نكتب مبروك مقدماً؟! يعني عالنيه ، بس إحنا أعطيناك آرائنا وبس.