الكمارو الاحمر(عاصفة سيهات) يبي منافس

[AmjadZ28]

اول شي سيارتي بتشتغل انشالله يوم السبت الجاي بالكثير وعلى بال ما امرن المكينه حول 5 الى 10 ايام بتكون جاهزه للمقاوم
وهذي لسته بالغراض اللي عليها عشان مايقو واحد اني غشيته
كام شافت كومبتشين مع مستلزماته يفتح 1800 ويقفل 6200
روكرات 1.6
بساتن ضغط 12:1 فورجد
ذرعان الحجم نفس الاصلى بس اقوى
كرنك الاصلي
هدرز هوكر
ثروتل بدي 58 هولي
بخاخات 32
رام اير
كلش سنتر فورس
كارونه 3.73 يعني 11
كفرات 16-50\255 ستريت سليك
والاهم نيتروز
الاغراض مره ثانيه بالانجليزي عشان اللي مايعرف اسامي الاغراض بالعربي
CompCams CAM 1800 to 6200 power range
rocker arms 1.6
12:1 compresseion ratio pistons
stock length forged connecting rods
stock cranck
holley headers
holley 58 throttle bodey
32 injectors
cold air induction
center force clutch
3.73 ring and pinion
16-50\255 street slicks
and most important NITROS
واوعد اخوي bad95killer اني اسوي لسته بالقومات اللي قمتها بسيارتي يوم كانت ستاندر
والله ماكن عليها ذيك الايام الا رام اير و مبرمج الكمبيوتر وانا ماعندي شي اخاف منه لاني اقوم عشان احرك الساحه وادي رياضه مثل اي رياضه ولو كنت باخبي كان خبيت الاغراض اللي على السياره الحين مو الاول
راجع عشان ارد

[saihat 4 ever]

حياااااااااك أخووي أمجد

انا أدري بثلاث أرباع الاغراض اللي ذكرتهم في القائمه

وانا أقووولك على الأغراض اللي فيها لازم تجرب مع بورش ودوج فايبر

حق ترفع أسم سيهااااااات عالياً

وحق أهل الدمام والخبر يعرفووون انا في سيهات مواتر مو سياكل

والى لقاء غريب ان شاء الله|3|

[saihat 4 ever]

وياريت تقووولي امجد سيارتك كم حصان اللحين؟؟؟؟؟؟؟؟؟؟:eek:

[bad95killer]

تسلم حبيبي أمجد وماقصرت وأنا في انتظار اللقطات واللسته ماشاء الله مرتبة وشغل حلو والله يوفقك وان شاء الله اكلم كم واحد ونحرك الساحة ونشوف منافسين اوكييييه سيو anytime علشان هالكلمة الوحيده اليي تقراها بالإنجليزي هههههه لوووووول أوكيه أمجد مثل ماقلت اليي شوف ولد اختك وخليه يجيب اليي الشريط علشان ابدي اشتغل فيه .


تحياتي===========> حسينوووه المجرم

[SeSo_2003]

ممكن صور الي سيارك

[محارب]

اخيرا في موتر جهز
الف الف الف مبرووووووووووووك
امجد مستعد تجرب معنا على موستنغ؟؟؟؟

[bad95killer]

اوه أول متنافس ظهر اليك يا أمجد وبموستنج يالله ان شاء الله هادي أول kill story اليك بالموتر.............. :)


تحياتي=============> حسينووووووه المجرم

[LS1-EDIT]

ولله الموتر مزبوط شكله ....
لا تروح بعيد حق الفايبر جرب مع شي اقوى عندك الانديانا بولس جرب معاه ....ولا اقول لك ابدء بالدور من الصغير لين الكبير
او جرب مع كورفيت بو مراد .؟؟؟؟؟ ولله ايش رايكم يشباب ما اتوقع الاخوان انهم يمانعون انهم يقوموا معاك (( كورفيت بو مراد ))
وفتحي مشاره سيارة قويه

يالله ياشباب نبيى نشوف قومه حلوه ....

وبالتوفيق للجيمع

[AmjadZ28]

انا اقول حياك الله يا محارب ارسلي رقم تلفونك واسمك على الايميل [email protected] عشان نتفاهم

[saihat 4 ever]

يا أمجد ما رديت على


اللحين موترك كم حصااان بالاغراض اللي فيها

[bad95killer]

اوكيه شباب نتمنى منكم اذا بيصير قومات او شيء اعطونا خبر في المنتدى وماقصرتوا.


تحياتي لأمجد ===============> حسينووووووه المجرم

[المســــــــــك]

الله يبارك فيك اخوي AmjadZ28



بس ياريت ترفق الصور مع الموضوع


لك تحياتي

[AmjadZ28]

اخوي موستنج سيهات السيره بدون نيروز وبروس شد بلد اللي عليها الحين حول 380 حصان واذا ركبت الروس الثانيين بتوصل حول 460 حصان
النايتروز هو السر اللي ما باقول كم على العموم اذا تبي تعرف تعرف ةين تلقاني واذا تبي تشوف المكينه مو مشكله (انا شاك ان اول حرف من اسم شهرتك ت عدل ولا انا غلطان
قواك الله bad95killer
اخوي musk انا متفق مع bad95killer انه بيضب لي فيديو فيه بعض القومات لموتري اول مايجهز بنحطه في الموقع
القومات الاكيد بتكون في الفيديو
1 مع كوبرا 97 عليه اكزوز كامل SVO رام اير و بكرات( حق أشرف من القطيف)
2 مع لومينا 2001 حق السنيدي (رجال طيب من الدمام)
3 مع كمارو 98 ذهبي من القطيف (ستاندر)
4 مع موستنج الزحمه من الدمام (الزحمه احسن واحد قمت وياه من ناحية الروح الرياضيه والاخلاق قبل وبعد القومه)
5 التيما زكي من القطيف اخضر 4 كام توربو من القطيف
وسيارات اتقدمت علي مثل
كمارو 97 احمر من الخبر عليه فورتك
كورفت عماد قيرعادي من الخبر (انكسر علي الكلش في القومه بس اعترف موتر عماد اقوى من موتري بعد الثلاثمية متر) كان ممكن يعطيني حول نص لمبه لو صارت القومه عدل
انا قاعد ادور الحين كم فيديو عشان اضيفها بس المشكله اني بالموت اصيد اشرطة القومات

[AmjadZ28]

اوه نسيت اقول موتري كان عليه رام اير وبرمجه بس ذاك الوقت واذا كان احد يقول غير كذا فهو يقول كل الجماعه اللي فتشو سيارتي قبل القومه غشم
قبل اي قومه اقومها يفتشون سيارتي
في قومتي مع الكوبرا جابو الانجنير حق البحرين وناصر بوسرور
مع عماد عماد بنفسه ويا اخوياه فككو السياره تفكيك
مع الكمارو اللي فتش ودور في السياره من القطيف نذير الشاخوري
مع الزحمه الزحمه فتش سيارتي وما رضى يفتح الكبوت قدام الناس عن الحسد
وزكي الرجال الخوش ادمي فتش بنفسه (والله زكي رجال ينحط على الجرح يطيب وخساره انه ترك القومات بعد ما تزوج)
لا احد يستهين بسيارتي مافيها الا حول 380 حصان انا اقول ركب اللي يقدر عليه قبل ما يجي وسلامتكم

[تويتي 86]

اولا خوي امجد الف مبروك على طلعتك بالسياره لاكن مانبيك تجرب معا الفايبر نبي بالتدريج فاهم مو فايبر ولا دوج انت تقدر لكن نبي اول شي معا الكورفت الاحمر مال الدماام وانتتعرف اقصد من لازم هادا اول واحد فاهم وبعدين سو وقوم معا الي تبي صحيح الاغرض تغطي عليه لاكن ماايهم نبي انشوف الحمران واقفين تحت بعض وسلامتكم

[QATIF_altima_HKS]

كاتب الرسالة الأصلية AmjadZ28

وزكي الرجال الخوش ادمي فتش بنفسه (والله زكي رجال ينحط على الجرح يطيب وخساره انه ترك القومات بعد ما تزوج)


:D اشكرك على الروح الرياضيه اخوي امجد
ويقولك زكي لاتنسانا عاد لان شاف الرد :D

[bad95killer]

اوه تمام أمجد والله ومبارك عليك مقدم على السيارات اليي بتقدم عليها لوووووول واهمشي نبغى قومتك مع كورفيت عماد ابو طيور لأنه بصراحة شيء رهيب موتره وعليه قوة ونشاط اللهم لاحسد بـ LT4 والله يهنيه به وبعدين القومات بتزيد وان شاء الله كلها من صالحك بس اهمشي تعطينا خبر بالقومات ومتى بتصير علشان التصوير لايفوتنا والإخراج يضيع اوكيه ويالله سيو بعد شوي فيه مهرجان في النادي باقوم اكمل تعديل في السيارة وان شاء الله انشوفكم هناك بيباي.


تحياتي==========> حسينوووووه المجرم

[SS_CAMARO_SS]

مبرووووووووك على هلسيارة القوية
الصراحة احسن في اختيارك السيارة
والشياء الي مركبها عليها خطيرة


ويلا باي

[read 94 cam]

ممكن تقول لنا وش اللي صار في قومة نبيل
وقومة انور حمد
اذا مافيه احراج او ازعاج

[تويتي 86]

السام اولا read اولا نبيل ماجرب معا انور ولا كان بيجرب

[المجنط]

اخوي امجد

انا جيت يوم بيتكم وشفت سيارتك مع جشي اذا تذكر

على العموم الف الف مبروك على خروج السياره

وسلم على جشي وقله يقولك مصطفى الف مبروك على الموستنغ

[محارب]

خلاص يا امجد ولا يهمك
انا بضيفك على الماسنجر وهناك تنفاهم على كل شي
سلااااااااااام

[AmjadZ28]

اخوي Qatif Altima HKS الله يبارك فيك سلم لي على زكي وقوله والله دايم على البال
مشكور اخوي bad95killer وبالنسبه لموتر عماد اتمنى اجرب معاه مره ثانيه وانشالله الله يوفقنا ويوفقه
مشكورcamaro4everوحيا الله اهل البحرين كلهم
بالنسبه لقومتي مع نبيل وانور
اول شي قمت مع انور جاني انور وكنت توني شاري لسيارة انور ومن فلوسي غطا ديلكو واسلاك بواجي وقال لي ابي اجرب موستوى السياره بعد ما صفيتها بيني وبينك قلت له اوكي انا بادور بالسياره واذا شفتني نزلت بموتري الكبري وطلعت الحقني عشان لحد يشك انه في قومه (لاحظ هو اللي قال يبي يجرب مستوى موتره بيني وبينه بس) والله جيت بموتري بعد ما خذت فره وطلعت رحت شارع ميد الا امة لا اله الا الله هناك عطيت احمد خليفه يسوق السياره ورحت قعدت مع انور عند ميد اسولف معاه مايرد علي ومسلم كان يسوق سيارة انور صفو على كلام احمد انه اول ثاني اتقدم الكمارو ما شاف الا موتر انور فز بقوه واتغير صوته وجاله بقوه قام احمد وشال رجله
جاني عند ميد وسألني انت فتشت سيارة انور قلت له لا لانه يبي يجرب عزم الموتر بس قال احمد تراه مركب غاز رحنا الكوبري واول مانزلت من السياره الا انور يقول لي هذي مثل ما نكبتني وركبت غاز في قومتي الاوليه معاك
وللعلم والله اني ماكنت مركب غاز معاه في القومه اللي معاه بالرصاصي حتى انه هو في الاولى كان الاتفاق انه يربكب غاز لان الرصاصي ما كان يمشي ومسلم هو اللي فتش في القومه الولى سيارتي
بالنسبه لنبيل
بعد اسبوعين جاني واحد يقول ان نبيل يتحداني بموتر اخوه زد بخاخ قلت له خله يجيب موتره اذا كان يبي يقوم معاي مو البخاخ يطنز علي جاب موتره الاسبوع اللي بعده وكنت حتى والله ما صفيت السياره وتوني جاي من الرياض قبل اقل من نصف ساعه من القومه صفينا وعلى موتر نبيل درغ سليك وفز علي فرق نصف سياره ويوم اتعدينا ال600 اتقدمت عليه بشهود الحاضرين لكن الاتفاقيه كانت 600 متر وكانت القومه صفر وانا بكفرات عاديه يوكوهاما
ويسللم كم جميعا تويتي والمجنط ومحارب
اسف لاني طولت بالكلام

[devil hill]

ايوه حان وقت الرد علا كل من تكلم وغلط في حقك |142| يا أمجد وانا ادري انك اذا قلت كلمة ماتنزل الأرض . نبغاك تعلمهم ايش يعني تعديل وتزويد السيارة علمهم ايش يعني NOS
ابغى اشوف علامة !؟ |108| علا وجوه بعض الناس . بس علا فكره شوي شوي عليهم لابعدين تجيهم ازمة قلبية او يعتزلون القومات . ولا اسو في نفسهم شي|214|
ملاحظة :
غلطة طلعت وراها ناس ماتفهم بس شتقول اييييييههههه الله اعينا علا هل البلوه والي
علا راسه بطحه يتحسسه .
بس ولايهمك يا أمجد صحيح الي قال :
غلطة الشاطر بألف ....وانت مشكلتك الوحيدة انك غلط وعطيتهم الفرصة بس كلشي
بأوانه حلو والحركة احلى وطيحته وهو كبير أقوى من اهوه صغير.....وسلامتك.
أخوك و زميلك و مشجعك الدائم ..(DEVIL HILL)..

[saihat 4 ever]

بالتوفيق يا أمجد وان شاء الله نوشفك على خير |3|

[read 94 cam]

يعني السالفة زي مافهمتها من قبل
وفي قومة نبيل يقولون غلطت التعشيق هذا اللي خلا نبيل يقدم
عموما ترا الموتر واو استاندر كان الكل يضرب له الف حساب
فما بالك الحين
عموماً الله يكت اللي فيه الخير
اخوي تويتي ماقصد قومة حقنبيل مع انور لا
اقصد امجد مع نبيل
وامجد مع انور

[read 94 cam]

امجد
انت سويت اشغالك على الماكينة القديمة ولا ماكينة ثانية

[MUSTANG COBRA]

اقول خوي امجد
اذا ركبت الروس الثانيه بجيك زاير بحريني
ونصيحة
(ركب بخاخات 24 لانه 32 غلط مع الماج تبعك)

[saihat 4 ever]

هاه أمجد وووويش فيه قومه ولا ويش اللحين

من زمان ما شفنا قومااااااااااات ويش فيه ولا


يقووولون سيارتك اشتغلت صحيح ولا ؟أشاعات


واذا فيه أي شيء جديد قولو لنا لأحد يبخل علينا :D

[sporty]

حاضرين يبا وين موتركم

[AmjadZ28]

مشكورين اخواني
اخوي MUSTANG COBRA انا معاك ان بخاخات 32 كبار على ال 380 حصان لانه بمعادلة حسب حجم ابر البخاخ 24 (اللي تجي عالكمارو 94+ شد بلد) يغذون مكينه الى حد 400 حصان اذا كانت تتنفس طبيعي (بدون سوبر تشارجر او غاز) لا حظ انها نظريا عمليا اللي يصير ان البخاخات او ابر البخاخ يفتحون بأقصى قدره او مقاربه لها عند اال380 حصان الشي الثاني انا شاري هذي الابر عشان تمشي مع الباكج الكامل وتكون السياره اكثر من كذا بالرؤوس الثانيه والكمبيوتر مبرمج على هذي الابر
من الاشياء اللي حطيتها في بالي ان ال tuning حق مكاين عليها نيتروز يختلف عن المكاين اللي تتنفس طبيعي وآخر شي ابغاه ان المكينه ينقصها بنزين
وحياك الله وقت اللي تجي تبي تقوم او ضيف وحيا الله اهل البحرين كلهم على العين والراس
للاسف المكينه ما اشتغلت لحد الحين بس الوعد النهائي يوم الثلاثاء
لحد الحين في اتفاق(شبه اكيد) بيني وبين محارب على قومه يوم الخميس اذا خلصت سيارتي والرجال ما قصر وعطاني مهله وقال الاتفاق لما تشتغل السياره

[تويتي 86]

اهمشي ترفع الراس يامجد

[saihat 4 ever]

ويش أمجد يعني فيه قومه يوم الخميس حق موترك

ياريت تقووولي محارب هذه وش عنده من موتر حق بتجرب معاه |3|

[devil hill]

ياشباب هدو اللعب شوي امجد يقول ان شاء الله بيخلص الموتر بعد كم يوم وانا اعرف
ان امجد قعد فتره طويلة يشتغل على هذي المكينه يعني فتره على حسب علمي تتجاوز السنه ونصف لذلك انا اقترح ان تأجل القومة الى وقت لاحق عشان نعطي الكل فرصة
وكل واحد يتأكد من موتره. والسبب يرجع الى الأحباط اذا قالوا تأجلت ولا اخترب الموتر, نبغى يكون الشي مؤكد عشان مافي اي واحد يتعذر بعد كده.
ملاحظة:
لاتستعجل على رزقك بعدين تتندم |131| .

............................. (DEVIL HILL) .......................

[QATIF_altima_HKS]

يالله امجد جهز روحك حبيبي نبغاك ترفع الراس

وقولنا متى القومه وتاريخ كم علشان نحضر

اوكي حبيبي مو تنسانا عاد ترا حبايب

[BLACK HORSE]

ارفع الراس يا امجد وبتطلع مع من
بسيارته ولا مع موستنج

[bad95killer]

ألحين ودي أعرف القومة اليي بتصير بين أمجد (عاصفة الصحراء) VS ????????


تحياتي===========> حسينووووووه المجرم

[AmjadZ28]

مشكورين شباب والله القومه على كلام محارب انها مع موستنج حق واحد اسمه فيصل
محارب عنده موترين الاول كمارو 96 قير عادي والثاني موستنج كوبرا قاعد يضبطه عشان يخش فيه النادي
بس القومه زي ماقلت مع موستنج فيصل بالنسبه للوقت والمكان اكيد بعطيكم خبر

[محارب]

عشان اصحح معلوماتك انا ماعندي موستنغ حبيبي امجد
زد تون تيربو كوبرا 94
امجد متى ماجهز موترك بالسلامه ارسل لك رساله على الايميل ولايهمك

[قرصان الجحيم]

لكنهم مجتمعين في انه كوبرا :D

[QATIF_altima_HKS]

كان كوبرا كان كومارو مالنا دخل اهم شي نبغى قومه

امجد لاتخيب املي فيك ابغاك ترفع راسنا

[bad95killer]

اوه تمام والله يالله أمجد شد الهمه وروينا قوة الموتر وان شاء الله ترفع الراس يارب


تحياتي===========> المجرم حسينووووووووه

[تويتي 86]

يالله يامجد يبجي العيد والموتر ماشفناه لمتىىىىىىىىىىىىىىىىى