رايكم ومشورتكم

[ايومي]

السلام عليكم ورحمة الله وبركاته

شحالكم؟ شخباركم؟

من شهر وانا ادور سيارة مستعملة آخذها بسعر مايتعدى ٣٧ الف :bigggrin:.. اباها حق استخدام يومي وتكون عملية وصيانتها مب غالية
والمشكلة انه كلما تعيبني سيارة واشاور يطلعولي فيها الف عله.. مثلا صيانتها غاليه او خراباتها وايد.. او شو هيونداي كجره
فكرت ف BMW .. Jaguar .. Crysler .. lexus .. تكون سنة ٢٠٠٩ مثلا
او hyundai

ابا اعرف اقتراحاتكم ولو مكاني شو بتختارون :c0214:

[flatne]

دور لك كيا او هونداي او تويوتا
بالمبلغ اللي معك بتحصل موديلات 2011 وانت طالع
ماانصحك بالسيارات الفخمه يبغى لها ميزانيه في الصيانه

[رحاااااال]

مسألت إلي يقولك هيونداي كجره

سامحني هذا جاااااااااااااهل جدا جدا في السيارات


خذ النترا موديل 2011 او 2012 ستاندر بتحصلها بهذا السعر ولا عليك من كلام أحد ابدا


بس الله الله ، تأكد ان فيها نظام الفرامل ABS


بالتوفيق إن شاء الله

[mohammed1368]

هوندا سيفيك 2011 قمة النظافة تصنيع اليابان فل بتحصلها 30 الف وممشى وسط

[ايومي]

مشكورين عالردود وماتقصرون

الحين افكر في

1) mazda 6 .. 2012
2) Hyundai sonata .. 2012
3) honda civic .. 2012
4) lexus IS .. 2007
5) BMW 3series .. 2009

:c0214:

[flatne]

مشكورين عالردود وماتقصرون

الحين افكر في

1) mazda 6 .. 2012
2) Hyundai sonata .. 2012
3) honda civic .. 2012
4) lexus IS .. 2007
5) BMW 3series .. 2009

:c0214:
لا تطلع عن اول ثلاث سيارات في القائمه
اما لكزس وبي ام موديلات قديمه وصيانتها راح تكون مكلفه لاتفكر فيها ابدا

[أبو ماجد البشري]

اهم شي عند شراء السياره هو المستعمل اللي قبلك وللأسف عندنا بالخليج إذا ماتعرف صاحبها معرفه تامه وليسى لديك خبره بالسيارات المستعمله معناه راح تنغش من جد لأنه لايوجد لدينا قاعدة بيانات للسياره ومراحل صيانتها مثل امريكا وغيرها من الدول الاوربيه ,لكن لو السياره مضى على صنعها سنتين تقريباً على الاقل تكون حديثه نوعاً ما ولازم تشيك عليها في ورشه متخصصه في مجال الفحص واهم شي المحرّك وناقل السرعه ,لكن من واقع تجربه سيارات هيونداي عمليه وقطعها الاستهلاكيه رخيصه وتمشي الحال مع الاستعمال الغير شاق ,,بعض السيارات ومنها هيونداي الانترا والاكسنت احيان تضعف طرمبة الزيت ويطلع صوت اثنا شغل المحرك على شكل تكتكه مثل صوت البلوف ولازم تغير الطرمبه لاكنها سهله جداً وغير مكلفه اما لو تجاهلتها راح تبوش بالمحرك بسرعه وهذا يحدث بكثير من السيارات الاخرى بس انا ذكرت هالمعلومه لمن يصادف صوت غريب بالمحرك لاينخدع بالمؤشر تبع الزيت او اللمبه وصاحب السياره لابد يكون عنده احساس وفطنه بهالأمر ولا راح يعاني من المشاكل وكثرة الصيانات المكلّفه..

[cover me]

مشكورين عالردود وماتقصرون

الحين افكر في

1) mazda 6 .. 2012
2) Hyundai sonata .. 2012
3) honda civic .. 2012
4) lexus IS .. 2007
5) BMW 3series .. 2009

:c0214:

انصحك ماتطلع عن اول ثلاث خيارات :xyxthumbs:

بس خل السوناتا رقم 1 طبعا ابحث عن النص فل عشان تضمن فيها ABS
سياره عميله جدا من تجربه ولد عمي لموديل 2011 توه يحط فيها اشياء استهلاكيه ماتتصور على مدى سنتين بشكل اسبوعي رايح الرياض 350 كلم و اوقات مرتين ف الاسبوع ثم يطلع 150 سلوى كم سنه بشكل دوري عشان تغطيه العمل غير مشاوير الدمام و الكويت و غيرها الصراحه اشوفها من افضل السيارات تحمل لانه رجله ثقيله شوي ع السياره

المازدا ممتازه لكنها مظلومه وقطع غيارتها يسلع شوي

سيفك صغيره مقارنه بالسابقات و كذالك قطع غيارتها يلسع لو تستبدلها بالاكورد ممكن افضل اذا انحديت على هذي الشركه

و الشباب اعطوك نصائح ممتازه و الانترا خيار ممتاز كذالك

لا تستعجل على الشراء و افحص و تاكد قبل لا تشتري سياره

و بالتوفيق ان شاء الله

[bo 3low]

مشكورين عالردود وماتقصرون

الحين افكر في

1) mazda 6 .. 2012
2) Hyundai sonata .. 2012
3) honda civic .. 2012
4) lexus IS .. 2007
5) BMW 3series .. 2009

:c0214:

نفس ماذكرو الاخوان اول ثلاث خيارات جدا ممتازة.


بالنسبة للباقي راح تكلفك صيانة.


بالتوفيق.

[ايومي]

مشكورين عالرد وماتقصرون

بغيت اسألكم شو ايجابيات وسلبيات الوارد الامريكي والكوري بالنسبة للخليجي
لانه لما بحثت عن سيارات هيونداي سوناتا المستعملة كان كثير منها وارد.. ولاحظت انه الوارد مواصفاته اكثر

[ARMADA xKINGx]

المازدا والهيونداي هم الأفضل