لكزس RX او GS او جينيسيس 2016

[brinsees]

السلام عليكم اخواني

بصراحة حاولت من جميع الجهات والمقارنات الا اني محتار جداً بالاختيار المناسب

لكزس RX باطلالتها الجديدة ونوع SUV فاخر وشكل السيارة يناسبني كثيراً

لكزس GS رائعة ولكن ماعندي خلفية كثير عنها

جينيسيس .. مواصفات جبارة مقاربة للالمانية ان لم تكن تجاريها وضمان 5 سنوات

الاسعار متقاربة جميعها .. وش رايكم ؟ وارجوا منكم الحيادية

[Bu_hadi9]

السيارات الثلاث رائعة بمعنى الكلمة و اهنيك على ذوقك الرفيع

عمر سيارات لكزس اطول و العلامة التجارية افضل و لها رغبة في السوق اكثر و سيارات رفاهية بكل فئاتها

الجينيسس سيارة بمواصفات عالية و داخلة بقوة في السوق و بسعر اقل و بباقة صيانة رائعه جدا


العيوب .. لكزس ما شا الله سيارة كاملة من جميع النواحي و عيوبها جدا طفيفة او معدومه

جينيسس ,, كثير يتكلمون عن مشاكل فيها و اقل عمر من اللكزس


انا شخصيا اختار لكزس كعلامة تجارية بصراحة ......و تحديد الفئة يعتمد على رغبتك انت مع العلم اني احب الجي أس اكثر خصوصا وان حصل لها فيس لفت مؤخرا


اتمنى اني فدتك يا غالي

[brinsees]

اشكرك على ابداء رأيك في الاختيار .. ماقصرت وفعلا اميل للكزس اكثر

[مسلوقه]

اختار لك RX لأنها مرتفعه وفخمه (طبعا الكل فخم ) ولشوارعنا الجميله لا تنفعلها السيارات السيدان العاديه فكيف الفخمه، وبرضه يمديك تروح بالRX التراب الخفيف ولو قدر الله انك مثلا كنت رايح مع الأهل سفر وقابلتوا نفود (تخيل لو انك بجنسيس او gs)
المختصر: ماينفع في شوارعنا إلا السيارات المرتفعه، وايضا احتماليه دخولك في نفود في اوقات حرجه فأنت بحاجه لسياره تمشيك جميع الضروف اللي انت راح تمر فيها وماتنحشر وقتها.

[flatne]

RX شكل جديد وفخامه ومرتفعه

[AR_REEM]

الــ rx فئه مختلفه عن البقيه

الــ gs و الجنسيس منافسين لبعض

gs علامه فاخره مميزه , أعتماديه بشكل ممتاز , وكيل ممتاز , خامات عاليه جدا لفئات الفل

الجنسيس سياره فاخره بسعر مميز , أكبر مساحه داخليه , مواصفات أكثر , صيانه مجانيه


افضل حل هو التجربه ثم الأستخاره

[abdoking]

لكزس rx
العيوب
ماهي سيارة بر ولا ممتعه في القيادة على السرعات العاليه مقارنة بالسيدان ومكينه ٣٠٠ حصان وعزم ٢٦٠ سيئه
سعرها ٢٢٣ الف ريال ومافي الا خرائط وبانوراما وكميرا ٣٦٠
المميزات
شكل جديد وجميل وقدامه ٦ سنين لتغير الشكل
الاسم ممتاز ولكن لايقارن بالالماني

لكزس Gs
شكل قديم وممل له ٥ سنين وباقي سنتين تقريبا ويتغير الشكل وسعرها يطيح مقارنة ب es
ابدا ماينفع لاتفكر نهائيا تاخذ هذي سياره ولو مصمم خذها مستعمله ٢٠١٢ بارخص سعر ممكن

جنسيس
العيوب
الاسم غير معروف بين الناس
باقيلها ٣ سنين ويتغير شكلها
المميزات
١٩٠ الف ريال ٨ سلندر متعة قيادة معظم المواصفات الموجوده بالالماني موجوده في الجنسيس صيانة مجانيه

[أبو مؤيد]

أكيد ال RX
تصميم خرافي وشكل جديد

[mohammed1368]

لكل سيارة عيوب
اولا بقارن الجينسيس باللكزس gs
المواصفات اي شيء تبيه يجي على الاثنين فخمة كل شيء تحصله
الي يميز اللكزس شكلها احلى وكيل صيانة قطع انتشار سعر البيع ضمان اعلى جودة واعتمادية سواقتها ممتعة حقت كرف
الجينسيس شكلها حلو مشاكلها كثير وبصراحة اشوف اشياء مخيفة منهم تعليق الهاند البريك والحذفه على يمين خفيف والتحبيل والسيارة تحترق السبب كثرة الكهرباء من غير اختياط امان وجودة منخفضة وغير كذا الصيانة جدا عالية وتفوق ابو جميل واضح حلو يعني ارشح لكزس gs
طيب الحين نقارن rx و gs
سيدان اكثر راحة ومتعة ورساوة
الي يميز rx ارتفاعه يمشي على رمله على خفيف
بصراحة لا مجال عيب في لكزس rx عدم الراحة
ارشح gs وبالتوفيق
ولو تبي تضيف خيار عندك كاديلاك cts v6 تنفس طبيعي او تاخذ v6 توين تيربو بسعر 240 الف وسلام عليكم

[ARMADA xKINGx]

RX
شكل جميل
وأفضلهم برأيي

[اوتشيها مادارا]

انا ما اعرف للـ RX

لكن نفس الحيرة طحت فيها لما بعت البي ام دبليو 535 وقررت اني اشتري شي فاخر متوسط الحجم وقوي وممتع بنفس متعة الفئة الخامسة


وقع اختياري على سيارتي اللي هي الجي اس 350 والجينيسيس G80

طبعا اللكزس لما رحت للوكيل لاني ما احب اشتري الا من الوكيل علشان استمتع بالمميزات كاملة من صيانة مجانية وغيره

وكالة عبداللطيف :

مواصفات اللكزس :

1- فتحة سقف

2- القير 7 سرعات

3- الشاشة الكبيرة في المنتصف

4- نظام التحكم بنمط القيادة

5- المحرك 305 حصان مع خفة وزن .

6- الضمان 3 سنوات او 150 الف كيلو متر فقط .

7- كاميرا خلفية مع حساسات.

8- تبريد وتدفئة المراتب .

9- جلد طبيعي

10- تخشيب ولا اعلم هل هو طبيعي او لا

11- السعر 245 الف



الجينيسيس :

1- سقف بانوراما ( غير موجود باللكزس )

2-القير 8 سرعات افضل من اللكزس

3- شاشة 9 انش اصغر من اللكزس

4- نظام التحكم بنمط القيادة .

5- المحرك 420 حصان .

6- ضمان خمس سنوات مفتوح الكيلومترات مع صيانة مجانية لمدة خمس سنوات او 100 الف كيلو وهو الافضل حتى الان من بين جميع الوكالات.

7- النقطة العمياء

8- تنبيه عند الخروج من المواقف

9- كاميرات موزعة بالكامل مع حساسات .

10- التنبيه عند الخروج من المسار

11- التوقف الطاريء التلقائي وهذه مهمة لي لاني انشغل بالجوال كثير.

12- خفض قوة الاضاءة الامامية تلقائيا اذا جت سيارة مقابلة لك على الشارع الاخر .

13- تبريد وتدفئة المراتب .

14- تحريك الكراسي الخلفية

15- السيارة اكبر وتوحي بانها من فئة السيارات الكبيرة مثل الاس كلاس والفئة السابعة في الحجم .

16- الرادار يعمل حتى ايقاف السيارة تماما وتتحرك السيارة لوحدها اذا زالت الزحمة يعني لاتحتاج ان تقود بنفسك .

17- جلد النابا الطبيعي .

18- سقف شمواه .

19- سيارة بديلة طوال مدة الخمس سنوات في حال الصيانة بالاضافة الى خدمة المساعدة على الطريق طوال مدة الخمس سنوات مجانا.

20- خشب طبيعي تماما .

21- السعر 180 الف ريال



انا اخترت ومعروف باني لا احيد عن الياباني ولا الاوروبي لكن مع هذا اخترت جينيسيس

جربها وستعلم بانها المانية اكثر من انها كورية

[MADI1]

يا غالي حسب احتياجك

إذا تبغى متعة قيادة و ثبات و أداء رياضي ، الـGS الأفضل بهذه الناحية لكن بشرط ، خذها خليجية + الفل ،، عدا ذلك ابعد عنها > الفئات الأقل ملعوب بخاماتها و هذا سبب مشكلة بالعزل - لا أعلم ان صلحوها مع الفيس لفت -

إذا تبغى سيارة للعائلة و ما تهمك متعة القيادة أو الأداء الديناميكي بشكل عام ، فعندك خيارين مناسبين :

الجينيسس ،، تعطيك الأفضل مقابل ما تدفع من فلوس - مواصفات مقابل سعر - + واسعة مقارنة بالـGS

إذا تبغى سيارة مرتفعة و واسعة فالـRX أفضل خيار ، لكن مجددا الفل + خليجية ،، فيه تقرير تقني لها أعديته مسبقا موجود رابطه بتعليقي ، بامكانك ترجع له .

نقطة مهمة بالنسبة للـRX فهي سحب أمامي أساسي و ليست دفع رباعي دائم ،، يعني السيارة طبيعيا 100% دفع أمامي ، المحور الخلفي يتدخل فقط إذا حدد كمبيوتر السيارة حاجة لذلك ، مثل القيادة على أراضي زلقة بالبر أو ظرف الطقس السيئة عندما يكون هناك نقص بالثبات باستخدام الدفع الأمامي فقط ،، عندها فقط تصل طاقة للمحور الخلفي لتصحيح هذه الظروف .. عدا ذلك السيارة تعمل على الدفع الأمامي فقط ،، إذا كانت تهمك مسألة الدفع و تظنها دفع رباعي دائم ..

بالتوفيق لك ...


انا ما اعرف للـ RX

لكن نفس الحيرة طحت فيها لما بعت البي ام دبليو 535 وقررت اني اشتري شي فاخر متوسط الحجم وقوي وممتع بنفس متعة الفئة الخامسة


وقع اختياري على سيارتي اللي هي الجي اس 350 والجينيسيس G80

طبعا اللكزس لما رحت للوكيل لاني ما احب اشتري الا من الوكيل علشان استمتع بالمميزات كاملة من صيانة مجانية وغيره

وكالة عبداللطيف :

مواصفات اللكزس :

1- فتحة سقف

2- القير 7 سرعات

3- الشاشة الكبيرة في المنتصف

4- نظام التحكم بنمط القيادة

5- المحرك 305 حصان مع خفة وزن .

6- الضمان 3 سنوات او 150 الف كيلو متر فقط .

7- كاميرا خلفية مع حساسات.

8- تبريد وتدفئة المراتب .

9- جلد طبيعي

10- تخشيب ولا اعلم هل هو طبيعي او لا

11- السعر 245 الف



الجينيسيس :

1- سقف بانوراما ( غير موجود باللكزس )

2-القير 8 سرعات افضل من اللكزس

3- شاشة 9 انش اصغر من اللكزس

4- نظام التحكم بنمط القيادة .

5- المحرك 420 حصان .

6- ضمان خمس سنوات مفتوح الكيلومترات مع صيانة مجانية لمدة خمس سنوات او 100 الف كيلو وهو الافضل حتى الان من بين جميع الوكالات.

7- النقطة العمياء

8- تنبيه عند الخروج من المواقف

9- كاميرات موزعة بالكامل مع حساسات .

10- التنبيه عند الخروج من المسار

11- التوقف الطاريء التلقائي وهذه مهمة لي لاني انشغل بالجوال كثير.

12- خفض قوة الاضاءة الامامية تلقائيا اذا جت سيارة مقابلة لك على الشارع الاخر .

13- تبريد وتدفئة المراتب .

14- تحريك الكراسي الخلفية

15- السيارة اكبر وتوحي بانها من فئة السيارات الكبيرة مثل الاس كلاس والفئة السابعة في الحجم .

16- الرادار يعمل حتى ايقاف السيارة تماما وتتحرك السيارة لوحدها اذا زالت الزحمة يعني لاتحتاج ان تقود بنفسك .

17- جلد النابا الطبيعي .

18- سقف شمواه .

19- سيارة بديلة طوال مدة الخمس سنوات في حال الصيانة بالاضافة الى خدمة المساعدة على الطريق طوال مدة الخمس سنوات مجانا.

20- خشب طبيعي تماما .

21- السعر 180 الف ريال



انا اخترت ومعروف باني لا احيد عن الياباني ولا الاوروبي لكن مع هذا اخترت جينيسيس

جربها وستعلم بانها المانية اكثر من انها كورية

يا غالي أحسنت الإختيار ، المواصفات المذكورة بالجينيسس كلها موجودة و زيادة بالـGS لكن حبيبنا أبو جميل كعادته ناتفها نتف تقول كامري :a1120(121): ،، و بالفعل إذا بتشتري من الوكلاء فقط فالجينيسس تمنحك أفضل بكثير مقابل ما تدفع ..

لكن اسمحلي أصحح هذه النقطة ، قير الـGS يتكون من 8 سرعات و ليس 7 ،، مجموعة تويوتا كاملة ما عمرها أنتجت قير 7 سرعات ..

تحياتي لك .. :xyxthumbs:

[brinsees]

احتمال كبير استبعد الـ GS بسبب تغيير شكلها بعد سنتين على حسب على كلام احد الاخوة هنا وهذا يفرق معي بصراحة.

الـ RX مافهمت الاخوان يقولوا مافيها راحة .. ما ادري عن نوعية الراحة هل بداخل السيارة او اثناء قيادتها ؟ .. وبالنسبة للدفع الامامي غير مهمة بالنسبة لي.

الـ جينيسس .. ضمانها مغري جداً ومواصفاتها العالية مقابل سعرها الرائع ... لكن الخوف مابعد البيع ومشاكلها الكثيرة وبيتغير شكلها بعد 3 سنوات "حسب كلام الاخوان"

[Achilles]

والله يالغالي أنا مثل حالتك بالظبط محتار بين هالسيارتين ( أر أكس - جينيسس ) وشاب راسي وانا افكر ...؛

كمواصفات ومزايا اشوف الجينيسس أفخم بس الخوف من الجودة والخرابات ..،

بالنسبة لي الار أكس جودة بس مواصفات عادرية بالنسبة للسعر 240 الف ريال !! ( الفل كامل )

وعلى حسب اللي سمعته واعرفه صيانة اللكزس تقص الظهر يعني لين توصل 100 الف كيلو

الى وانت دافع ربع قيمة السيارة حق صيانة بس ... فا والله شي يحير ويجيب الصداع ...؛

ساعات افكر في الكاديلاك CTS ضمان وصيانة مجانية 5 سنوات او مليون كيلو .... واريح راسي

لكن مشكلة الكاديلاك داخليتها فاااااضية ولا تعكس قيمتها 240 الف ريال !!

خلاصة جرب تست درايف لسيارتين وجربها وحط لك جدول مميزات وعيوب لكل سيارة وشوف اللي يناسبك

والله يرزقك السيارة اللي تريحك ؛)

[ARMADA xKINGx]

شباب اللكزس كمواصفات ما عليها كلام
مافي شيئ بالجنسيس يفرق بشكل عملاق
بس هذا الخليجي أما السعودية فالله أعلم ما أدري وش مسوي فيها عبد اللطيف جميل

[Mr.lOoOl]

اعتقد ان اللكزس
هي المفروض تفكر فيها اولا

ياتي بعدها

هل تاخذ RX او GS


اعتقد والخيار لك
ان RX

افضل

[speeed1]

جنيسيس او RX

[myayh]

لكزس RX