استفسار عن المرسيدس E300

[الحب يكبر]

السلام عليكم


انا الحمدالله بتري السياره الي كنت احلم فيها :bigggrin:

موديل 2014 طبعا وعارف بيتغير شكله بس ماقدر عليه لاني باخد مستعمل وعندي مبلغ 170 الف وبشد الرحال الى الامارات لانه الموصفات هناك اكثر من الي عندنا بالسعوديه

بس في شي كنت ودي فيه الرادار هو طلبيه ولا يجي بفئى معينه

حصلت كم موتر وماشي قليل بس مو موضح انه فيه رادار عن طريق البحث بالنت

وعندي شي ثاني خارج الموضوع السياره الي معي كامري 2001 شاريها 26 سمعت انها اذ نظيفه تمسك سعرها

:c0214: هي فيها بس الخيمه هههههه اقصد القماش الي بسقف السياره وتلميع وبس :bigggrin: ولا الموتر سليم ولازم ابييعها

[mohammed1368]

انتبه خاصة من الامارات سبب رخص السعر هو تجيك ملعون خيرها ويلفقونها لك اي شغل وتطلع رخيصة وهذي بتجننك باعطالها الي ماتنتهي فدور النظيف يلمع وجربه وتأكد وارد الخليج عشان يكون يتحمل مناخنا وافحص عند الوكالة وشدد عليهم لا تدور واحد تعرفه او شيء البنز غير افحص عند الوكالة وشخص تعرفه في الوكالة ثقه وشد عليهم وجرب السيارة ولا تدلعها العن خيرها عشان تتأكد فيها بلاوي ولا لا واذا طلعت فيها مشكلة حتى لو بسيطة وقالك تصلحه ارفض ابعد عنها وراها بلاوي دور نظيف مافيه شيء وخاصة الامارات مافيها مزح يلعبون لعب في المواتر وبالنسبة للكامري شيك بالجيب لاتخاف وبالتوفيق

[السلطآآآن حسن]

اتوقع والله العالم و لو كنت غلطان أحد يصحح لي
أن في E500 يكون الرادادر قياسي و باقي الفئات بالطلب
طبعا تستطيع سؤال البائع خصوصا لو كنت تشتري عن طريق مستخدم وليس معرض فهو ادرى بسيارته من غيره

[أبو مؤيد]

أنا بفيدك في الكامري

كانت عند خويي موديل 99
اشترى تاهو وباعها ب 18 الف ماشاء الله

الكامري اذا بعتها بتجيب لك 24 اذا نظيفة

[قاقا]

يالغالي مانصحك تروح الامارات وتقروش نفسك فلوس السكن حق الامارات حطها بسياره من السعوديه افضل من القروشه
وزياده على كذا وتصحيح لمعلوماتك مواصفات الجفالي اكثر من مواصفات الخليجي بشكل عام
خذلك لفه بسعودي سيل والحراج وبتحصل طلبك ام شاء الله مع اني ماافضل احط المبلغ هذا بمستعمل مهما كان عشقي له

شف الرابط تحت
http://www.saudisale.com/SS_a_car.aspx?carid=47006