استفسار عن كابريس2004-2006

[El_7aRbi]

السلام عليكم ..
شباب انا ناوي اطلع كابرس 2004 انشاءالله LTZ بس بعدل
التعديلات كالأتي
فلتر هواء رياضي من فرارام او كي ان
هدرز
دبة ماقنا فلو نظام كامل كات باك

بس جلست ادور في مواقعهم مالقيت كابريس 2004-2006
جلست ابحث وعرفت ان الكابرس كان مقطوع برا
والي عندنا سوتة شركة هولدن وبلا بلا

الزبدة لقيت ناس معدله سيارتها كوابرس2004-2006
ومستغرب انا جدآ كيف حصلو ع القطع

فسألت واحد قالي هي نفس مكينة الكورفت القديمة واحد قالي كمارو مدري ايش الزبدة انلحس مخي

ف مساعدتك ي شباب ودعواتكم لي بسيارة والله اني من كبيرين عشاقها =)))

[(fawaz)]

اخوي بنسبة لشركة الكابرس هي هولدن
وهي حاليا تابعة لجينيرال
بخصوص المكينة
نفس مكينة الكومارو من 98 الى 2002
ونفس مكينة الكورفت c5

للمعلومية ماراح تكون خدومة بشكل الي تتصوره

[Cefiro]

خردة خرابات على الاخر وبتخسر فلوسك وفي الاخير التيما او اوريون معدله تطرحك !!!
دور لك موستنغ نضيف وعدل على كيفك وتبغى شيء رخيص جدا كرسيدا او التيما قديمة مع مكينة تيربو نتائج
مذهله باسعار رخيصه !!

[El_7aRbi]

شكرآ ع المعلومة اخوي فواز واخوي كيفرو ، سلمات التيما قديمة ولا كرسيد مع احترامي الشديد لاذواق الناس
بس ي حبيبي التيما دفع امامي محد يعدل ع الدفع المامي م ينفع والتيما تتهربد سريع السريع واعطال ونعرف مجربين والكرسيدا شغل حرارة على طول كانت مع الوالد ايام 96 اخذها مستعملة بس كانت نظيفة ورغم ذلك كانت مشاكلها مشاكل ، وانا عمومآ ما احب اليباني ماعدا السوبارو بس انت ادرى باسعرها غالية ، وتصحيح لكامك الكابريس سيارة عملية حقت سفريات وروحات وجيات وكرف والدليل شوف الموديلات القديمة العايشة الى الان تشتغل على اكفئ مستويتها ، اسأل اصحابها بدال لا تفتي كذا لانها سيارة عريقة وقوية ..
وجزاكم الله خير عمومآ =))

[El_7aRbi]

خردة خرابات على الاخر وبتخسر فلوسك وفي الاخير التيما او اوريون معدله تطرحك !!!

شكلك تبيني ازعل منك ايش التيما واروين تطرح كابرس وين هههههههههههههههههه
الله يهديك ي شيخ
شكلك عاشق كبير لليباني

[Cefiro]

^^^
الهولدن غير والكابرس القديم الشفر الاصيل غير
الهولدن نزل باسم بونتياك GTO وكان تقييم الجودة سيء للغاية وكانو يشكون منها الامريكان
2007 الجودة تحسنت لكن ليست بجودة الامريكي الاصل مثل الامبالا الدفع الامامي
اما من ناحية القوة اشتر كابرس وححشوف بعينك النتائج !!
8 سلندر او عشرة سلندر القوة ماهي بالاحصنة القوة لها عدة عوامل وزن انسيابية نسب قير وكرونة
منحى عزم المحرك البرنقات ونسب الاحتكاك الخ ..

[El_7aRbi]

^^^
الهولدن غير والكابرس القديم الشفر الاصيل غير
الهولدن نزل باسم بونتياك GTO وكان تقييم الجودة سيء للغاية وكانو يشكون منها الامريكان
2007 الجودة تحسنت لكن ليست بجودة الامريكي الاصل مثل الامبالا الدفع الامامي
اما من ناحية القوة اشتر كابرس وححشوف بعينك النتائج !!
8 سلندر او عشرة سلندر القوة ماهي بالاحصنة القوة لها عدة عوامل وزن انسيابية نسب قير وكرونة
منحى عزم المحرك البرنقات ونسب الاحتكاك الخ ..
انا معك في هذي الناحية بس انا اعرف ملاك للسيارة كثير م يشتكون منها