استشاره ف شراء سياره فزعتكم اول سياره لي

[Rayan2015]

السلام عليكم..
كيفكم؟ أنا بحول لله أبي اشترى سياره ومحتاس بين سيارتين أكسنت 2014 وتويوتا يارس سيدان2014؟ وحاب اعرف ايش الأفضل للكرف وتستحمل مشاوير وسفر وتجلس معايا ودي اول سياره اشتريها ... وكم سعر كل وحده اذا احد عنده فكره الله يسعد اللي يساعدني...

[السلطآآآن حسن]

من وجهة نظري
اشوف ان الاكسنت اكثر تحمل و كرف ماتقول شي
من وجهة نظر بائع في معرض السيارات
كنت في زياره لأحد المعارض و سئلته
جاوبني بأن الاكسنت أشد و تتحمل أكثر
غير ان أحد الاقارب عنده يارس
استخدامه لها بسيط جداً ولا يمسك خطوط عليها و محافظ كثيرا
إلا اني قدتها في احد المرات و نهائيا ماعجبتني حسيت انها سياره مكروفه جداً
اتكلم عن المكينه
بنسبه للاسعار
ماعندي علم لآكنهم متقاربين جداً
و اذا تحب سياره كرف بمعنى الكلمه نيسان صني لاكنها غير مريحه

[ayagt]

أنا بتفق مع الاخ حسن "ان الاكسنت" أفضل أتمنى أن تأخد بنصيحته

[ѕмѕм]

الاكسنت افضل سعرها بالمعارض 40 ألف

[أبو ماجد البشري]

انا معي اكسنت 2011 شارها وكاله ولان ماشيه بحدود 150 الف الحمدلله تمام بس تحتاج انك تغير زيت القير على 60 الف و120 الف وتحافظ علا زيت المكينه والسياره ممتازه القطع رخيصه فلتر الزيت ب10 ريال والبواجي ب30 ريال والفحمات بحدود 100 ريال يعني القطع الاستهلاكيه رخيصه وسافرت عليها من الشرقيه للقصيم اكثر من 10 مرات ورحت لتبوك والشمال وكل مكان السياره ممتازه للي مايحب السرعه من 140 وجاي تتحمّل ..اما اليارس ماعرف عنها شي


بالتوفيق

[انا وسيارتي]

الاكسنت أفضل من اليارس لكن ماراح تلاقي 2014 جديد الا نادر جدا ...والمستعمل النظيف بيكون قريب من الجديد موديل 2015 ..

موديل 2015 تغير قيره وأصبح بنظام الـ CVT وشخصياً لا أنصح فيه حاليا حتى يجرّب !


أنصحك بكيا ريو فهي شقيقة الأكسنت وديكوراتها جميلة وعملية وصبورة ... سعرها جديد 2015 بحدود 41 ألف ريال تقريبا ...

فكر فيها :)

[techmate]

من ناحية الكرف والتحمل التويوتا أفضل من الهيونداي على وجه العموم

الياريس الجديدة تصميمها جميل خارجيا وداخليا

أرشح لك الياريس خاصة الهاتشباك

[رحاااااال]

الغالي لازم تنتبه حق شي مهم جدا

هو نظام الفرامل ABS هذا نظام مانع الإنغلاق عشان السيارة توقف باقصر مسافه ممكنه

المشكلة ان لا اليارس فيها هذا النظام ولا الأكسنت فيها !!!!!!!!!!!

انتبه يا خوي ترا والله إني سويت حادث قوي خسرت فيه الألنترا حقتي كلها (( الحمدلله على كل حال )) بسبب ان مافيها نظام ال ABS

نصيحه لوجه الله ،، شوفلك مازدا 3 ستاندر سعرها جدا جدا ممتااااااااااااز وفيها انظمة السلامه الضرورية

او خذ النترا وارد الوعلان نص فل فيها ABS

الله يحفظ الجميع من شر الحوادث

[bo 3low]

^^^

كلام سليم...

انتبه لهذي النقطة.