موضوع للفائده : تجاربكم للكفرات

[ضيف عابر]

مساكم الله بالخير

حاب نستفيد من تجاربكم للكفرات من حيث الاعتماديه والهدوء والتماسك
و كل واحد يكتب مقاس الكفر عشان نخلي الموضوع مرجع للكل


معي ماليبو و مقاسها 245\45\18
كان عليها كفر بريجستون و كان تماسكه حلو وهادي بس حجر و اعدم علي الديكور الداخلي لان المنطقه اللي انا فيها شوارعها مكسره

بدلت إلى هانكوك hankook ventus s1 evo2
الكفر ناعم وهااادي لحد اول 5 شهور و بعده بدت ام كلثوم تغني و كل مره تتحمس و يبدا صوتها يرتفع
الكفر صار قاسي و مزعج بعد 5 شهور وماظن بيطول معي لاني ابحث عن الهدوء قبل التماسك بحكم ان سواقتي راكده

ياليت الكل يفيدنا بتجاربهم للكفرات

[أبو مؤيد]

جربت برجيستون وجوديير وهانكوك

الأفضلية كالتالي:

1- هانكوك
ناعم ويتحمل

2- برجيستون
يتحمل لكن قاسي

3- جوديير
ناعم جداً جداً
كنت ادرفت فيه بالسوبارو وهي دفع رباعي والكفر جديد

[KOERU]

- يوكوهاما ياباني

ناعم وهادي جدا لكنه مايتحمل ماكمل سنه الا وهو منتهي

- ميشلان ( صناعه رومانيه ) سعره غالي 480 للواحد جنط مقاس 16

جلس معاي ثلاث سنوات ولسا كويس ماشاء الله عليه
قاسي شوي ومتماسك على الملفات وماشكيت منه في اجواء الامطار


- بريدجستون تورانزا ( صناعه يابانيه جاء مع سيارتي مازدا 6 )

اقسى من ميشلان ولكنه ممتاز جدا على المنعطفات ومااشتكيت منه في اجواء الامطار , ولكن بالتحمل على المدى البعيد جربته على سياره اخرى , الميشلان افضل منه يعيش معاك فتره اطول


شكرا لك على الموضوع الرائع

[sale77]

سالين صيني 215-60-16

ب 190 ريال

جلس معي سنتين ونصف

وما شفت منه الا كل خير

مشكلته ضعف التماسك

وبدلتهن بنفس الشركة قبل اربع شهور

والحمد لله

[techmate]

ثانيا: بغض النظر عن ماركة الإطارات اللي تستخدمها, إبعد ما أمكن عن الجنوط الكبيرة المقاس لأن الإطارات بتحبل وتودع خلال سنة من تجربة المرسيدس إللي معي بسبب صغر خلوص الإطار بين الجنط والشارع.

أولا: نرجع لموضوعنا, أكثر شيء جربته يوكوهاما جيد, ثم ميشلان بس مايتحمل الشوارع المشققة مثل اليوكوهاما.

[أبو ماجد البشري]

انا جربت الماكسس تايلندي ممتاز ركبته للجمس وسياره كابرس وله الان 3سنوات ممتاز المشكله اللي واجهتني البلف حق الكفر بالسياره الكابرس تشقق وواحد منهم نسم هواه وغيرته الكفرات ممتازه بالنسبه للهدوء والتحمّل ولا يوجد رجّه اطلاقاً لكن بعد السنتين ونصف يبداء الكفر بالقساوه وهذا طبيعي اما التشققات فهي قليله وطبيعيه بحكم المده

[bo 3low]

بالنسبة لي جربت كثير انواع بس نفس البرجستون ماجربت

كفرات صلبة صحيح انها قاسيه ولكن صلبة وقوية وتتحمل,,

ثبات السيارة افضل شي لي مع كفرات برجستون,,,

مشيت على سيارتي وضفط الهواء بالكفر 0,5 مشيت فيها حدود 50 كيلو ولم تتاثر وماتغيرت قيادة السيارة,,

[KOERU]

ثانيا: بغض النظر عن ماركة الإطارات اللي تستخدمها, إبعد ما أمكن عن الجنوط الكبيرة المقاس لأن الإطارات بتحبل وتودع خلال سنة من تجربة المرسيدس إللي معي بسبب صغر خلوص الإطار بين الجنط والشارع.

أولا: نرجع لموضوعنا, أكثر شيء جربته يوكوهاما جيد, ثم ميشلان بس مايتحمل الشوارع المشققة مثل اليوكوهاما.



صدقت عندي جنط 19 ع المازدا بالنسبه لشوارعنا والمشي على سرعات قليله مزعج الجنط الكبير قساوه اكثر من غيره

لكنه ينفع بالسفر و تماسك على المنعطفات


وعندي مشكله كفرات مازدا مقاسها نادرا تحصله بالسوق واكثر شي مو موجود 19-45-225

[ضيف عابر]

ثانيا: بغض النظر عن ماركة الإطارات اللي تستخدمها, إبعد ما أمكن عن الجنوط الكبيرة المقاس لأن الإطارات بتحبل وتودع خلال سنة من تجربة المرسيدس إللي معي بسبب صغر خلوص الإطار بين الجنط والشارع.

أولا: نرجع لموضوعنا, أكثر شيء جربته يوكوهاما جيد, ثم ميشلان بس مايتحمل الشوارع المشققة مثل اليوكوهاما.



تحبيل الكفرات يعتمد على نوع سواقتك
البرجستون عندي ع نفس المقاس جلس معي سنه ونص , والهانكوك له سنه عندي الحين و ما زالت نقشته جديده ولكنه صار مزعج

و ياليت من يرد ع الموضوع يذكر مقاس الكفر اللي استخدمه