رايكم بين مازدا 6 استاندر و فورد فيوجن استاندر

[khalid2022]

السلام عليكم
مساء الخير يالأخوان
بغيت رايكم يأهل الخبرة
رايكم بين مازدا 6 استاندر و فورد فيوجن استاندر
او كيا أوبتيما استاندر .. ؟؟
تقريبا ميزانيتي 75 الف ريال وبغيت موتر يخدم ..
شكراً ..

[bo 3low]

المازدا سيارة ممتازة


بس اتوقع بميزانيتك تجيب اوبتيما فل او انزل من الفل بدرجة بالمعارض

واذا ماحصلت اوبتيما بالمعارض نص فل او فل بفلوسك.

انصحك بالمازدا المازدا ستاندر مواصفاتها ممتازة وياحبذا لو كانت فل .

[الصـاعدي]

المازدا يابانية 100% و كانت خيار أول لي لكن المشكلة إنها تجي تقريبا بعد شهر من طلبها من الوكيل و تلقاها في المعارض بزيادة 5 أو كثر عن الوكيل و سعرها عند الوكيل 66666 لكن ستاندر و الفل 95000 (ما فيه إلا نوعين) رأيي المازدا لكن استخير

[رحاااااال]

عليك بالمازدا بعد الإستخارة

سيارة أثبتت وجودها وجودتها بعد

[السلطآآآن حسن]

الفيوجن لو كان فل و باللون الرمادي مع جنوط رماديه يطلع جنان
لاكن لو ستاندر يطلع بشع للغايه
عموما ارشح لك المازده على ميزانيتك

[ѕмѕм]

مازدا صح سعرها كويس بس مشلحه مواصفات لو تزود 5 الاف فوقها

تاخد سوناتا 2015 الشكل الجديد فيها كاميرا وحساسات ومكيف خلفي < بـ 72 ألف بصراحه السعر مره حلو

[mazda62005]

مازدا صح سعرها كويس بس مشلحه مواصفات لو تزود 5 الاف فوقها

تاخد سوناتا 2015 الشكل الجديد فيها كاميرا وحساسات ومكيف خلفي < بـ 72 ألف بصراحه السعر مره حلو

المازدا على الاقل فيها مواصفات السلامه كامله من 6 ايرباقات + ABS + EBD + BA + نظام منع انحراف المركبه ESP ونظام الاتراكشن كنترول اما السوناتا يا دوبها فيها ايرباق واحد هذي المواصفات اهم من كمرا خلفيه وحساسات.

[speeed1]

مازدا صح سعرها كويس بس مشلحه مواصفات لو تزود 5 الاف فوقها

تاخد سوناتا 2015 الشكل الجديد فيها كاميرا وحساسات ومكيف خلفي < بـ 72 ألف بصراحه السعر مره حلو

ما اتوقع فيه افضل من المازدا كسيارة استاندر وبذا السعر

جنوط + بصمة + ايرباقات + تراكشن + ABS + تحكم من الطارة ب 67 الف

بالنسبة للمكيف معرف اذا 2015 فيه مكيف خلفي

لكن مكيف المازدا افضل بمراحل من السوناتا

مكيفات الهيونداي بالصيف ما تجمل مقارنة بالياباني الاصيل ومنها المازدا

بالنسبة للفيوجن جربتها وكانت اقل من المتوقع من سيارة امريكية

انصحك تجربهم الاثنين ايجار