لكل من له تجربة بمراكز صيانه و ورش السيارات الالمانية يتفضل

[وسيم مكه]

السلام عليكم ورحمة الله وبركاته


اخواني الأعزاء


حابب اطرح عليكم فكره مقتبسها من احد المنتديات ولكن بصيغها بأسلوب جديد واحتاج مشاركة الجميع لكي ينجح الموضوع

انا فكرت اسوي الموضوع بعد لا دخت السبعة المدوخات على مكان اصلح فيه سيارتي بعيدا عن جشع الوكالات والشركات واسعارها اللي ما ترحم



الفكرة هي اننا نحط مرجع قوي ومتقن ومتين ومحدث بشكل مستمر لجميع مراكز الصيانة و الورش المتخصصة والمجربة لصيانة السيارات الألمانية في المملكة و الخليج



الهدف ان الكل يستفيد ويعرف فين يترك سيارته وهو متطمن بإذن الله ان سيارته بتنعمل لها المطلوب وبشكل مضمون



اهم شيء لإنجاح الموضوع هو الالتزام بالنقاط التالية وبشكل دقيق حتى يسهل الرجوع لها او البحث عنها



وفي حال ان احد الاخوان يتفق او لم يتفق مع آخر في ورشة معينه يعمل اقتباس للموضوع ويضيف تجربته عشان الباقيين يستفيدوا بإذن الله

النقاط المطلوب ذكرها كالتالي


- اسم المدينة


- نوع السيارة


- اسم المركز او الورشة اللي جربتها


- عنوان المركز او الورشة بالتفصيل


- اسم المهندس و ارقام اتصال للمركز او الورشة


- موجز عن الورشة و رأيك الشخصي بها



لازم ياجماعه نتقيد بالنقاط اللي ذكرتها عشان الكل يستفيد بإذن الله


وراح ابداء انا واكتبلكم تجربتي وأتمنى التفاعل الجااااااد من الاخوة الزملاء



- جدة


- سيارتي / بورش كايين اس


- اسم الورشة / كهربائي سيارات


- وانت جاي من مكه من طريق الحرمين وتطلع كبري فلسطين وأول ما تنزل من الكبرى عند اول اشاره تلف يمين وتطول الى اول يوتيرن بتلاقي في يسارك محطه بنزين فيها الورشة


- المهندس طارق ورقم جواله 0566936100


- بصراحه الورشة مش بطاله ويقدر يعملك صيانه عاديه مثل تغيير زيوت و قماشات وبطاريه و سيور لكن ما حسيت ان ممكن يفهم في السياره بشكل ممتاز مثل لو عندك مشكله بالمكينه لاسمح الله او المساعدات او مشكله معقده مع العلم ان لقيت عندو سياره اودي Q7 وبيصلحها لكن مجرد احساس



والآن أتمنى من الأعضاء الاندهار بتجاربهم وربنا يكسبنا جميعا الاجر