افكر في تقسيط دوج تشالنجر، لكن ما اعرف من وين ابدأ

[فلفول]

السلام عليكم

انا موظف في أرامكو صارلي حول السنتين الآن ورتبي الشهري مع البدلات بحدود 9 آلاف ريال مع البدلات وعزابي في الظهران وبعيد عن أهلي، يعني سيارة باب واحد راح تكون مناسبة لي وافكر اطلع دوج تشالنجر جديدة بالأقساط، لكن ما اعرف وشلون الدعوة تتم بالطريقة الصحيحة.

هل اخذ قرض من البنك واكيشها واسدد القرض او اقسطها مباشرة من الوكالة. من وين ابدأ. ما افقه اي شيء في البنوك والأقساط والسواليف ذي ابد، ابد، اعرف الصرافة بس اسحب راتبي وامشي وابي واحد فاهم يدلني على أفضل وسيلة للحصول على السيارة بأستقاط شهري معقول :confused1:

انا رجال اسافر بالسيارة كثير، مرات الكويت ومرات لقطر والامارات والكويت. أحب اسافر بالسيارة، فودي برؤيكم بالتشالنجر من هالناحية مع المحافظة على مواعيد تغير الزيت والماء و.... الخ هل هي مناسبة للخطوط؟

واحدة من احلامي من يوم كنت صغير اشري هالتشالنجر :rolleyes1:

[bo 3low]

وعليكم السلام


افضل طريقة لشراء سيارة اخذ قرض

افضل بكثير من الوكالات وشركات التاجير

الاجراءات:
اطلع للبنك الي ينودع راتبك فيه
وقول لهم ابي قرض وحدد المبلغ الي تبيه ويحسبو لك كل شي
ويعطوك كل المعلومات.

بالتوفيق اخي ولو تشوف الموستنق الجديد.
او تنتظر التشالنجر الهيل كات.

[فلفول]

انا ماني راعي سرعة. السيارة بشكل عام عاجبتني. كل الي ابيه انها تكون على الأقل 6 سلندر وفل كامل المواصفات.

خصائص رياضية و...الخ. ما احتاجها ولا ابيها.

الآن كم سعرها فل كامل الفئة الأقل رياضياً؟ توماتيك وفتحة وشاشة وبلوتوث و...الخ؟

[كايد الطِيب]

مادام انها حلم لك من يوم وانت صغير
فانصحك تاخذها
لانك لو اخذت غيرها كل مابتشوفها في الشارع راح تلتفت لها وتصير عندك عقدة وندم
الله يوفقك

[Silent Sea]

مثل ما قالو الاخوان .. افضل شي انك تاخذ قرض شخصي من البنك وتشتري السيارة كاش لانها بتتحول باسمك مباشرة كذا

واما الاساليب الثانية السيارة بتكون باسم الشركة او البنك وانت مجرد مفوض بقيادتها

اسال البنك عن الاوراق المطلوبة واطلبها من مقر عملك .. واعتقد المطلوب تعريفة بالراتب و خطاب تثبيت الراتب بحسث انه ما ينزل على بنك ثاني .. والطلبات الاخرى مقدور عليها في حينها مثل نسخة البطاقة الشخصية وما شابه



واشوف انك تسال عن اسعارها وماعندك فكرة عن فئاتها ... هل انها سيارة احلامك فعلا .. لوكانت كذا المفروض انك تعرف عنها معلومات كثيرة مو بس اسمها وشكلها مدام انك تهواها ومن فترة طويلة

انا ما عندي فكرة عنها وهن فئاتها لان هذي السيارات ليس لي اهتمام بها

امل من الاخوان موافاتك بالتفاصيل اللازمة عن اسعارها ومواصفاتها وفئاتها

[غسان حدادين]

بالنسبة للسفر مريحة جدا.انا عندي 2011 فكيتها وكالة.كقوة الموستنق اقوى بفارق بسيط.مقارنتي على الستة سلندر.