أتمنى المساعدة في شراء أودي a8 2012

[Badrinho]

السلام عليكم ورحمة الله وبركاته

طبعا هذي اول مشاركة لي في المنتدى وأتمنى ألقى اجابتي عندكم

أنا ناوي اشتري أودي a8 2012
ولقيت وحده عرضت علي بسعر ممتاز
6 سلندر
الممشى 39 ألف

أنا مالي خبره في الاودي وهذي أول مره افكر اشتري فيها سيارة مستعملة
أخذتها امس لـ CarTech وفحصتها بـ 1000 ريال

وللأسف طلع فيها بعض العيوب :a120(88):
مثل :
العكوس الأمامية تحتاج إصلاح
كراسي المكينة تحتاج تغيير
تصفية المكينة
غيار بكرات
وزن الأذرعه
يوجد رش عالجانب الايسر ( البابين + الرفرف الامامي ) بسبب حكه
يوجد تربيط للأبواب اليمين
الرؤيه في الكاميرا الاماميه والجانبية غير واضحه

+
بعض الاكسسوارات فيها مشاكل مثل
الستاره الخلفيه معلقه
زر التكييف اليسار معلق
أحد ازرار التحكم بالشاشه معلق
ولاعة الدخان لا تعمل

هذي تقريبا العيوب

علما ان السيارة باقي عالضمان ( 6 شهور )
والصيانه المجانية باقي لها سنتين

استفساراتي :
1- هل العيوب هذي كبيره لدرجة تخليني اغض النظر عن السيارة ؟
2- هل جميع المشاكل هذي يشملها الضمان وتصلح مجانا ؟
3- هل في احتمالة تظهر لي مشاكل أخرى لاحقا بعد اصلاح المشاكل الحاليه ( كنتيجة للمشاكل الحاليه )؟
4- الي عنده خبره عن اسعار اصلاح المشاكل المذكوره وقطع الغيار ياليت يعلمني
5- بالنسبة لعقد الصيانه المجانية .. هل يحتاج انقله باسمي
او يكون على رقم الهيكل ؟


اسف جداااااااا عالاطالة

واتمنى القى من يفيدني .. شكرا

[S 80]

والله ياخي اذا كل هالعيوب والمشاكل فيها وهي ما كملت ٤٠ الف مشكلة
السيارة قطعها غالية وممكن تكلفك مستقبلا وواضح ان راعيها غير مهتم ولا هو محافظ عليها

[مايباخ اس]

كل هالمشاكل وهي للحينها ما مشت ٤٠ الف :confused1:

[السلطآآآن حسن]

يمكن اغراك بسعر البيع
لاكن السياره موديلها 2012 تعتبر جديده و ممشاها قليل و كل هالمشاكل فيها
أنصحك تبعد عنها
و صيانة الاودي اغلى من باقي الالماني
وصدقني دور غيرها بتلاقي انظف و بدون مشاكل والله يعوض عليك بقيمة الفحص
اللي دفعتها
ممكن تشوف ممشى اكثر لاكن خرابات اقل
لاتتسرع

[..][ ح ــياة التــم ــيز ][..]

لا يا اخوي ، نصيحتي لك ابعد عنها حتى لو سعرها ممتاز

روح دور لك وحدة نظيفة في المعارض ، لو زاد السعر ماهي مشكلة ( بحدود المعقول )
لكن اشتري سيارة نظيفة جداً، ما تحتاج شي

خصوصاً في مثل هذه النوعيات، أودي و مرسيدس بنز .

[Badrinho]

الله يسعدكم ويعطيك العافيه .. ما قصرتو
انا غضيت النظر عن السيارة بنسية 90%

بس اذا ما عليكم أمر ممكن تجاوبون استفساراتي الأخرى .. ممكن تفيدني لاحقا في شراء اي سياره

[ZEZ00-7]

وعليكم السلام , حياك ياغالي بين اخوانك ..

انا اتفق مع الأخوان تماما انصحك تبعد عنها , اذا فيها كل هالعيوب , وهي ماتعدت 40 الف كيف بيكون وضعها بعدين !!

اما بخصوص اسئلتك عن الضمان , اذا الضمان يجي بعقد الصيانه وانت تقول باقي عليه كم شهر , ف الوكالة ملزمة بالصيانة للموتر وتغير مايحتاجه من زيوت وفحمات ووزن الخخ , لأن الصيانة الشاملة تشمل جميع الأمور الى مادون ال 100 الف او بعد ال 5 سنوات على حسب علمي ,وانصحك تمرهم بنفسك وتستفسر منهم وبالتوفيق..

[رحاااااال]

نصيحة لوجه الله

ابعد عنها لأن صاحبها يبين عليه انه مهمل درجة اولى !!!!!

ياخي سيارة موديل 2012 وفيها كل هذي المشاكل ؟؟؟؟؟

سيارة ماشية 39 الف حالتها حاله ؟؟؟؟؟

لا ياخوي الله يعوضك خير منها ابعد وانا خوك

[رحاااااال]

الغالي إذا انت قريب من البحرين فا انصحك تجي تشوف وكالة بهبهاني للسيارات المستعمله أكيد بتحصل شي يعجبك من السيارات الألمانية ،، سياراتهم كلها جديدة تقريبا وممشاها قليل بعد وعلى ضمان الوكالة واسعارهم لا بأس فيها !!!!

الله يوفقك