تفكير اهل الرياض اثناء شراء السيارات

[serag6]

السلام عليكم

ياليت تساعدوني في تحليل فكر واختيار اهل الرياض في تكفيرهم اثناء شراء سياره

افتكر بي عام 2004 ور2005 كانت سيارات الكامري مكتسحه السوق بلا منازع



ثم الهوندا كورد ولكنها لم تكتسح حب اهل الرياض مثل اهل جده

ثم جت الهمر وما ادراك ما الهمر .. استحوذت على مناطق في الرياض بأغلبيه مطلقه

والان الهمر مهدد بالانقارض

ثم و ثم وثم

ولكن هناك سيارات حافظه على وجودها

مثل الهايكسات و الجمس وفورد فكتوريا


نبغا تحليلكم اسباب التغير

وتحليلكم في اسباب ثبات وشعبيه بعض السيارات


تنويه .. كلامي كله مجرد تحليل وارد اني مخطء 100%

[عاشق المستو]

فعلا كلامك صحيح ممكن السبب في ان الاغلب مايحب يخاطر يشوف ولد عمه وخويه معه كامري وماشية تمام فيشتريها وغير كذا يمر على محلات القطع ويشوف كلها تويوتا يقول القطع متوفرة ويسأل شريطي عن سعر البيع يقول شيك في الجيب
ومايهتم بمواصفات السيارة وجودتها وأنظمة السلامة

[أبو مؤيد]

انا اشوف ان التشارجر منتشرة انتشار كبير في الرياض

[altimaemh]

عادي يالغالي
حاليآ اكتساح للهونداي النترا
واتحداك اذا عديت من تفتيش من دون مايوقفك للتفتيش الشخصي
اذكر قريبي اخذله كامري 2003 وتبهثل في تفاتيش المرور كل اشوي يلبق
واحدى المرات طفش من عسكري وقاله ببيعها اذا سيارة تجيبلي شبه
وقعد العسكري يحاول معه يشتريها منه ههههههه
ياعزيزي احسن وافظل ميزة انك تشتري سيارة منتشره في نقطتين :
1- راح تكون قطعها متوفره لان محلات الغيار يركزو على السيارات المنتشرة
2- اغلب الورش يشتغلو عليها ويفهمولها لكثرتها
تقبل تحياتي

[foxpic.com]

بسسب توفر القطع والصيانة فقط لاغير والا لما انتشرت بهذا الشكل

[اهيم شوقا]

ولو كنت اكبر شوي بتتذكر الماكسيا موديلات نهاية التسعينات كانت منتشره بقوه

[عطل طارئ]

اتوقع سبب الانتشار هو التعداد السكاني الكبير بالرياض

يعني ماتقارن جده ...بالرياض

ولا حتى أي مدينه أخرى

عشان كذا تشوف أي موديل بشكل زايد عن الطبيعي

وليس للفكر دور في الزياده

وجهة نظري .......والله يوفق الجميع

[ѕмѕм]

الشعب مع الخيل ي شقرآ + جهل

يشتري الاسم وما يطالع بالمواصفات ولا مقابل الريال اللي دفعو ايش بيآخذ !