هل انت مقتنع في هالنوعية من الزيوت ؟

[ACCENT2012]

السلام عليكم ورحمة الله وبركاته

فيه انوع من الزيوت تقدر تقطع فيها 10 الف او 15 الف او 20 الف كيلو ثم بعدها تغير زيت السيارة

لكن هل انت مقتنع بالهنوعية من الزيوت وتغير لسيارتك منها !!؟


بالنسبة لي بالمره مو مقتنع فيها واغير ابو 5 الاف وامشي

[MaiThooM]

بالنسبة لي اغير زيت بترومين A1 يمشيك 10 الاف كم
واشوف هالزيوت افضل خاصة بعد التجربة ..
والان بعض الوكالات صارت تستخدم الزيوت التخليقية بالكامل في نفس الصيانة الدورية

[Zabuza]

استخدم الزيت الموصى به حسب الكتيب الخاص للسياره لان بعض السيارات كل 5000 لازم تبدل اما بعض السيارات مثل الجموس والتاهو يكون التغيير كل 10 الاف ولا يضر بالسياره لكن الافضل هو استخدام زيوت ب 5000 بسبب ارتفاع درجات الحراره في بلادنا :rolleyes1:

[أبو ماجد البشري]

طبعاً الزيوت التخليقيه والنصف تخليقه افضل من التقليديه ولا فيه مقارنه لانها تتحمل ولا تتأكسد وتعمل طبقات كربون داخل المحرك لكنها غاليه نوعاً ما انا كنت اغيرموبيل ون وارتفعت اسعاره ولان اغير بترومينa1 وهو ارخص وامشي فيه 8000 كلم واغيره وهو لايزال ممتاز لكن الجو عندنا فعلا حار والواحد مايرتاح يطول اكثر لكن هي حسب السياره ودرجة اللزوجه الموصى بها ,,

[ACCENT2012]

شكرا للجميع للمشاركة

لكن اعتقد اكثر فئة تستخدم الزيوت ام 10 كيلو وفوق هم اللي يمسكون خطوط اسبوعيا

[ford 97]

لدي اكسبلورر

والزيت الموصى به في الكاتالوج 5w30

كنت استخدم كاسترول ماجنتيك 5w30

قمت بتغييره إلى كاسترول 10w30 لأني لم أجد 5w30 اضافة إلى أن كاتالوج السيارة لا يمانع في استخدام درجة لزوجة أقل..

لاحظت ضعف العزم والانطلاق وكذلك صرف البنزين بشكل اكبر..

بعد شهر قمت بالرجوع إلى 5w30 حتى وإن كان أغلى في الثمن الا أنه أفضل

[RbshH]

والله اذا قلبك يطاوعك تخلي الزيت الى 10000 كيلو هذا شي راجعلك
انا حتى الزيت ابو 5000 كيلو اغيرة كل 4000 كيلو
حافظ على السيارة تعيش معاك

[MaiThooM]

والله اذا قلبك يطاوعك تخلي الزيت الى 10000 كيلو هذا شي راجعلك
انا حتى الزيت ابو 5000 كيلو اغيرة كل 4000 كيلو
حافظ على السيارة تعيش معاك

أكيد قلبي يطاوعني .. اذا كانت الشركة المصنعة للزيت نفسه تقولي ان يمشيك 10,000
وطول هالـ 10,000 مهما شيكت عليه أشوفه لا زال جديد
بداية الـ 7500 أو 8000 كم أبدأ اشوف اثار على الزيت .. :bigggrin: