استفسار عن التشارجر

[turky1995.1]

السلام عليكم
كيفكم اخبارك ومبارك عليكم الشهر
عندي كم استفسار ياليت القى لها اجابه
انا شاب ناوي على التشارجر ومتخوف من مساله قطع الغيار والصيانه ,فنصيحتكم هل اشتري تشارجر ولا اخذ سياره غيرها والي عنده راي او نصيحه لايبخل علينا وشكرا لكم مقدما

[..][ ح ــياة التــم ــيز ][..]

السيارة ممتازة للغاية , عملية و قطعها متوسطة .
لكن المشكلة في توفر قطع الغيار ( أقصد توفر فروع الوكيل ) , الوكيل أنتشاره محدود للأسف .

لكن كسيارة هي ممتازة للغاية , أنا أحبها كثير :bigggrin:

الخيارات الأخرى عندك :

فورد توروس 2014
شفرولية إمبالا 2014

[turky1995.1]

47مشاهده ورد واحد !!!! وينكم ياشباب انا في حاجتكم

[Nathing]

اخوي اذا انت بتستحمل الخرابات و الاصوات الي بتطلع فالسيارة خذها و اذا عندك سيارة بديلة خذها
لان الوكالة اذا عندك خراب بسيط يلطعونك اسبوع الى اسبوعين \ اذا انت همك راحة البال خذ لك امبالا ولا تورس

[ZEZ00-7]

وعليكم السلام والرحمة , وحياك ياغالي ..

شف طال عمرك التشارجر خيار ممتاز كسيارة دفع خلفي ومواصفاته مقابل السعر جيدة , و مع الاحترام للأخ : Nathing , السيارة مثبته نفسها والشوراع وانتشارها يثبت هالكلام ..
بخصوص الوكيل فعلا لك عليه اتفق معه ..

لكن بخصوص الخرابات والكلام الي بدون تجربة صراحة ماعتبره ولا اعترف فيه , و من تجربة لشقيقتها الكرايسلر من 2013 الى يومك هذا الحمد لله ما شكت من شيء , وما قد إحتجت الوكالة الا مرة وحدة مع العلم بأن الموتر بصراحة استخدامه شبابي واخوي ياخذه ( فيه حقه ويجي عليه سرعة وتدعيس ولكن الحمد لله الموتر مثبت نفسه..

عموما انصحك بتجربة السيارة , ولو تبي رأيي اقولك انتظر 2015 الفيس لفت بينزل وبتكون مميز والشكل بيميزك عن الموديلات السابقة لها.

وفيه خيار اخر ممتاز الجينسيس 2015 موتر محترم فخامة ومواصفات ممتازة مقابل السعر , ولاتنسى الاستخارة وبالتوفيق ..

[Nathing]

وعليكم السلام والرحمة , وحياك ياغالي ..

شف طال عمرك التشارجر خيار ممتاز كسيارة دفع خلفي ومواصفاته مقابل السعر جيدة , و مع الاحترام للأخ : Nathing , السيارة مثبته نفسها والشوراع وانتشارها يثبت هالكلام ..
بخصوص الوكيل فعلا لك عليه اتفق معه ..

لكن بخصوص الخرابات والكلام الي بدون تجربة صراحة ماعتبره ولا اعترف فيه , و من تجربة لشقيقتها الكرايسلر من 2013 الى يومك هذا الحمد لله ما شكت من شيء , وما قد إحتجت الوكالة الا مرة وحدة مع العلم بأن الموتر بصراحة استخدامه شبابي واخوي ياخذه ( فيه حقه ويجي عليه سرعة وتدعيس ولكن الحمد لله الموتر مثبت نفسه..

عموما انصحك بتجربة السيارة , ولو تبي رأيي اقولك انتظر 2015 الفيس لفت بينزل وبتكون مميز والشكل بيميزك عن الموديلات السابقة لها.

وفيه خيار اخر ممتاز الجينسيس 2015 موتر محترم فخامة ومواصفات ممتازة مقابل السعر , ولاتنسى الاستخارة وبالتوفيق ..

سقف الكلايسر يطلع اصوات و لا مركب زين و كل الي عنده كلايسر يقوله لا سرع ولا يمشي خفيف مابين 40 - 60 يسمع اصوات من فتحة السقف و يوم فكه شافه انه مو ثابت عدل و دقيقة في مشكلة ثانية في كلايسر الاصطبات تتكثف و هذه جديدة !
و الستارة الي ورا من كثر ماتنزل فيها و ترفع تخترب اعرف واحد اختربت عنده في شهر و رائحة البنزين الي داخل سيارة
غير الرجة في فرامل لما تمسك بريك و هذه المشكلة واجهت الكثير و السيارة توها جديدة ما رآيك بهذه المشاكل الذي يشتكون منها اغلب ملاكها ؟

[Laramie]

كل البانوراما يطقطق

كان معي E-class 2010 بانوراما

انواع الازعاج

ماخليت وكاله ولا ورشه

يضبطوها وترجع تطلع اصوات

لين ماقشعت بالموتر وافتكيك
:bigggrin:

وفكرة البانوراما اشوفها تسويقيه ومالها داعي في السيارة
الفتحه تكفي وتوفي
:xyxthumbs:

[ZEZ00-7]

سقف الكلايسر يطلع اصوات و لا مركب زين و كل الي عنده كلايسر يقوله لا سرع ولا يمشي خفيف مابين 40 - 60 يسمع اصوات من فتحة السقف و يوم فكه شافه انه مو ثابت عدل و دقيقة في مشكلة ثانية في كلايسر الاصطبات تتكثف و هذه جديدة !
و الستارة الي ورا من كثر ماتنزل فيها و ترفع تخترب اعرف واحد اختربت عنده في شهر و رائحة البنزين الي داخل سيارة
غير الرجة في فرامل لما تمسك بريك و هذه المشكلة واجهت الكثير و السيارة توها جديدة ما رآيك بهذه المشاكل الذي يشتكون منها اغلب ملاكها ؟


^^
هلا بك عزيزي , الحمد لله المشاكل ماعانيت منها إلا بخصوص الرجة في الفرامل , وهذي حلها طال عمرك بسيط رحت ورشة وخرط لي الهوب بمبلغ بسيط مع تغييري للفرامل لأني ركبت فرامل بوليسية , والموتر الحين الحمد لله راحت الرجه هي كانت تجي على السرعات العالية اذا مسكت فرامل وأي شخص يروح للوكالة يخرطونها له مجانا , لكن كخرابات على قولك واعطال مافيش والحمد لله ..

[ZEZ00-7]

كل البانوراما يطقطق

كان معي E-class 2010 بانوراما

انواع الازعاج

ماخليت وكاله ولا ورشه

يضبطوها وترجع تطلع اصوات

لين ماقشعت بالموتر وافتكيك
:bigggrin:

وفكرة البانوراما اشوفها تسويقيه ومالها داعي في السيارة
الفتحه تكفي وتوفي
:xyxthumbs:

^^
والله ياغالي فعلا مشكلة اصوات البانوراما لاحظتها في اغلب السيارات , واذا كانت حتى المرسيدس إي كلاس شنقول بعد هيك ! خخخ

طبعا اتمنى تكون فيه خيارات من الشركات بالفتحة مثلا لك الخيار بالبانوراما أو الفتحة عادية , اعرف واحد من الشباب شرى جينسيس 2015 وعنده هالإشكالية فيها صوت البانوراما !
واذكر الازيرا 13 اول نزولها شرى اخوي وحده ماشكت من شيء بخصوص البانوراما , والاغلبية من ملاكها يشكون منها , ولكن على قولتهم السيارات حظوظ وتوافيق , وعسى الله يوفق الجمييع ..

[Nathing]

^^
هلا بك عزيزي , الحمد لله المشاكل ماعانيت منها إلا بخصوص الرجة في الفرامل , وهذي حلها طال عمرك بسيط رحت ورشة وخرط لي الهوب بمبلغ بسيط مع تغييري للفرامل لأني ركبت فرامل بوليسية , والموتر الحين الحمد لله راحت الرجه هي كانت تجي على السرعات العالية اذا مسكت فرامل وأي شخص يروح للوكالة يخرطونها له مجانا , لكن كخرابات على قولك واعطال مافيش والحمد لله ..

ليش اخرط الفرامل و السيارة توها جديدة

[ZEZ00-7]

ليش اخرط الفرامل و السيارة توها جديدة
^^
ياعزيزي الفرامل ماتخرط ! خخخ , الهوب فقط , وعموما ماتعتبر اشكالية تمنع الشخص من شراء السيارة , دامها ماتعاني من خرابات واعطال على قولتك ! ,, وسلامتكم ..