ناوي ع التشالنجر و عندي استفسار

[rashed00]

بسم الله الرحمن الرحيم


مريت المتحدة للسيارات و لقيت عندهم عروض رمضان
التشارجر و التشالنجر (ستاندر) ابيض 96 الف الوان ثانية 99 الف

المهم التشالنجر اكلت راسي خصوصاً انها تركب 5 براحة وواسعة ودفع خلفي وحاجات كثير ... المهم كلمت الوالد قال اسأل عن اسعار القطع الاستهلاكية اهم شي فأنا بدوري بحثت لين تعبت في الاخير ماحصلت الجواب و اغلبها الشكل القديم

فطلبي لكم يا أهل الكرم

ابغا اسألكم كيف الوكيل هل صار احسن من قبل ؟؟؟؟
السؤال هذا بذات اتمنى اصحاب الدودج يجاوبون عنه انا ما احب (قيل وقال)فيه مثل يقول : اسأل مجرب ولا تسأل طبيب
الشي الثاني ابغا اسعار القطع الاستهلاكية حقت التشالنجر
(الاقمشة ، ...الخ)

واذا كانت لا و ماتنصحوني فيه ف الخيار الثاني هو الكادينزا
أفيدوني ... ان كان فييه بدائل

اتمنى اني ماطولت عليكم فلا تطولو علي في جوابكم
والله يبلغنا و يبلغكم رمضان

[ZEZ00-7]

وعليكم السلام والرحمة , حياك ياغالي ..

التشالنجر موتر بططل , ولكن ما انصحك بالسته ابد , ياتاخد تشالنجر ثمانية سلندر ( RT ) ولا انصحك بتشارجر السته افضل من وجهة نظري .

نجي لسالفة الوكالة /
الوكالة طال عمرك من تجربة وامتلاك لكرايسلر 2013 , ماقد احتجناهم الا مرة وحدة الحمد لله , وماقصرو معنا خلصونا بنفس اليوم , الوكيل اشكاليته لو تبي شيء مثلا ممكن يعطونك موعد اذا جاء الموتر خلل لاسمح الله , وقطع الغيار ( الغير استهلاكية ) احيانا يطلبها لك اذا ماتوفرت لكن بشكل عام مثل ماذكرت انا , ماقد احتجتهم الا مرة وحدة الحمد لله إلى يومك هذا , مع العلم إن استخدامنا للموتر مو بذيك المحافظة يعني يجي عليه تدعيس وسرعة لكنه يتحمل ماشاء الله ..

اما بالنسبة لقطع الغيار الاستهلاكية فهي اكثر من ممتازة الاسعار بالنسبة للكرايسلر ( واتوقع ان قطع غيار الكرايسلر بتكون اغلى شوي من التشالنجر ) ..

وهذه (http://lx-club.com/vb/t18905.html)قائمة (http://lx-club.com/vb/t18905.html)بالأسعار :-

فحمات أمامي 733 ريال
فحمات خلفي 646 ريال
مقصات أذرعة أمامي 414 ريال
سير 149 ريال
بواجي كامل 330 ريال

^
هذي تسعيرة الاسعار قبل مدة طويلة للكرايلسر واشوفها اكثر من ممتازة على اسم وفخامة ومواصفات السيارة !!

الزبدة ونصيحتي لك ياطويل العمر إذا بتاخذ السته ف انا اشوف التشارجر افضل , ولا يفرق بينهم بشيء الا الشكل والراحة اكيد بتكون للسيارة السيدان والمساحة الخلفية , وطبعا هم يتشاركون بنفس المواصفات والمميزات الخخ.

اتمنى اكون افدتك , وحاول تروح للوكالة وتجرب كل السيارتين وتطلب تجربة قيادة , وبعدها استخير وبالتوفيق ..

[مكتب استيراد]

http://images.conceptcarz.com/imgxra/Dodge/2014-Dodge-Challenger-Photo-01.jpg

[rashed00]

وعليكم السلام والرحمة , حياك ياغالي ..

التشالنجر موتر بططل , ولكن ما انصحك بالسته ابد , ياتاخد تشالنجر ثمانية سلندر ( RT ) ولا انصحك بتشارجر السته افضل من وجهة نظري .

نجي لسالفة الوكالة /
الوكالة طال عمرك من تجربة وامتلاك لكرايسلر 2013 , ماقد احتجناهم الا مرة وحدة الحمد لله , وماقصرو معنا خلصونا بنفس اليوم , الوكيل اشكاليته لو تبي شيء مثلا ممكن يعطونك موعد اذا جاء الموتر خلل لاسمح الله , وقطع الغيار ( الغير استهلاكية ) احيانا يطلبها لك اذا ماتوفرت لكن بشكل عام مثل ماذكرت انا , ماقد احتجتهم الا مرة وحدة الحمد لله إلى يومك هذا , مع العلم إن استخدامنا للموتر مو بذيك المحافظة يعني يجي عليه تدعيس وسرعة لكنه يتحمل ماشاء الله ..

اما بالنسبة لقطع الغيار الاستهلاكية فهي اكثر من ممتازة الاسعار بالنسبة للكرايسلر ( واتوقع ان قطع غيار الكرايسلر بتكون اغلى شوي من التشالنجر ) ..

وهذه (http://lx-club.com/vb/t18905.html)قائمة (http://lx-club.com/vb/t18905.html)بالأسعار :-

فحمات أمامي 733 ريال
فحمات خلفي 646 ريال
مقصات أذرعة أمامي 414 ريال
سير 149 ريال
بواجي كامل 330 ريال

^
هذي تسعيرة الاسعار قبل مدة طويلة للكرايلسر واشوفها اكثر من ممتازة على اسم وفخامة ومواصفات السيارة !!

الزبدة ونصيحتي لك ياطويل العمر إذا بتاخذ السته ف انا اشوف التشارجر افضل , ولا يفرق بينهم بشيء الا الشكل والراحة اكيد بتكون للسيارة السيدان والمساحة الخلفية , وطبعا هم يتشاركون بنفس المواصفات والمميزات الخخ.

اتمنى اكون افدتك , وحاول تروح للوكالة وتجرب كل السيارتين وتطلب تجربة قيادة , وبعدها استخير وبالتوفيق ..


اولاً الله يعطيك العافية
و الله يعطيك خيرها و يكفيك شرها

خليني اخذ كلامك حبة حبة :

- ميزانيتي ماتسمح لي أخذ 8 سلندر او rt

- الوكلاء في دول دول العالم تحصل فيه مشاكل موب بس عندنا
حتى اكبر وكيل (عبداللطيف جميل) ايضاً مشاكل مع العملاء
مافيه احد كامل

- بالنسبة لقطع الغيار رحت الصناعية و شفت قطع غيارها
الاقمشة الامامية و الخلفية تقريباً 1000 ريال و اكثر غير البرمبو الي واصل 2000 ريال بينما اختياري الثاني (الكادينزا) كلها 400 ريال
شفت الفرق كييف فالزبدة القطع تقصم الظهر وهذا مو معناته ان السيارة و الوكيل سيئ بالعكس

- بصراحة حتى التشارجر نفس التشالنجر في الكلام لكن سوف شكلي بصرف النظر عنها و اختار الكادينزا و الله ييسرهاا لي و لكم

[johncarbntr]

قطع غيار التشارجر والتشالنجر غالية جدا رغم جمال السيارتين لكن اسعار قطع غيارهم تخوف

[ZEZ00-7]

هلا فيك ياغالي ,,
بخصوص اسعار القطع انت متاكد ياغالي من ان اسعار القطع لفئة ( السته سلندر ) لأن هالاسعار فلكية وممكن تكون حقت الوحش SRT 8 !!
مرجعك بالقطع خذه من نفس الوكالة , ولا تاخذ من غيرهم لآنهم الاساس وممكن ان الصناعية استغلو الوضع ورفعو السعر !

عموما على حسب المعروف ومعرفتي بأن التشارجر قطع غيارها الاستهلاكية نفس قطع غيار الكرايسلر , والكادينزا ممكن يكون لك خيار افضل ,استخر وعسى الله يكتب لك الخير ..

[الضلعان]

التشالنجر 6 سلندر = تشارجر 6 سلندر
التشالنجر 8 سلندر = تشارجر 8 سلندر (R/T)

نفس المحرك ونفس الجير لكلا السيارتين , الاختلاف الوحيد الاولى بابين (شبابية) والثانية 4 ابواب (عائلية) , وبعض الاختلافات البسيطة بالتصميم

[yazeed -]

ليش ما تشوف التشارجر الفل هاوس تجي هيمي .. اشوفه خيار ممتاز وسعره حلو

[ابو عتب 99]

متى موعد وصول التشارجر 2015
الشكل الجديد

[i6rb]

نصيحه من اخو لاخوه لا تقرب منها اقسم بالله السياره كانت مع خالي قطع الغيار نار ياحبيبي نار
اعطيك مثال سالت خالي قبل مايبيعها قلتله ليه
قال صفاية الفرامل على ما اعتقد قيمتها في التويوتا ب (25 ريال)
اما تشالنجر وتشارجر (الي مع خالي ) ب 250 ولا طلبيه تجيك بعد اسبوع
السياره وحش ما اقول فيها شي لاكن (الوكيل )