ما معنى كلمة "تنسيم"

[ARR]

السلام عليكم و رحمة الله و بركاته
اخواني قبل فترة كنت اشوف اشخاص يشتكون من سيارة معينة يقولون ان فيها "تنسيم" ولا عرفت وش تعني .
يا ليت احد يشرح لي و اكون شاكر لكم .

[دكتور / مجنون]

الهواء بالكفر اذا قل بين فتره وفتره.. يسمونه تنسيم هوا
المكيف اذا بدا مايبرد زين.. يقولون شكل الفريون ينسم..

يعني الشئ اللي بمكان محجوز يلقى له مخرج المفروض مايخرج منه

[الزمن المر]

8 8 8 8

حسب مافهمت من السؤال ..
بعض السيارات بها تنسيم : يعني تنسيم هواء لداخل السياره , لما تكون ماشي احيان على سرعات عاليه تسمع صوت هواء يدخل السيارة مثل التصفير ..<< وصف بليغ


ان شاء الله اكون افدتك

وشكرا‘

[ARR]

الله يجزاكم خير
طيب انا قريت ان الاكورد الجديدة يقولون انها فيها تنسيم على السرعات العالية عندكم اي خلفية عن الموضوع ؟

[أبو مؤيد]

الله يجزاكم خير
طيب انا قريت ان الاكورد الجديدة يقولون انها فيها تنسيم على السرعات العالية عندكم اي خلفية عن الموضوع ؟

2013 فيها من جهة باب السائق

2014 يقولوا تم تعديلها وافضل انك تجربها

[ARR]

يعني لما اسرع فيها اسمع صوت هواء يدخل , صح ؟

[أبو مؤيد]

يعني لما اسرع فيها اسمع صوت هواء يدخل , صح ؟

بتسمعه عند السرعات العالية

[ARR]

اها .. شكرا و جزاك الله خير و البقية بعد

[فادي السليمي]

تنسيم دخول هواء الى داخل السياره وغالبا يصدر صوت مزعج مثل التصفير

[speeed1]

تبي تريح راسك كل السيارات فيها تنسيم فوق 100 باستنثاء الفخمة جدا و فيها شفط

[مايباخ اس]

لازم تحدد تنسيم شلون، فيه سيارات منسمه سواء كفر ولا عزل
وفيه سيارات مرجوجه بعد سواء كفر ولا رجه بالمكينه
وفيه سيارات تدخن
وسيارات تصرف
وسيارات تهرقل
وسيارات تحذف

كلهن اشياء لها علاقه بمشكله معينه بالسياره،

[khofisiz]

السلام عليكم و رحمة الله و بركاته
اخواني قبل فترة كنت اشوف اشخاص يشتكون من سيارة معينة يقولون ان فيها "تنسيم" ولا عرفت وش تعني .
يا ليت احد يشرح لي و اكون شاكر لكم .

عذرا لو كان في سؤالي نوع من التطفل
ولكن انت من اي منطقة من مناطق المملكة الحبيبة