المساعد الشخصي الرقمي

مشاهدة النسخة كاملة : هل سمعتو بتضليل البدي ؟؟


AmEeR^aLa7zAn
16-09-2003, 03:56 PM
سلام عليكم
انا سمعت من واحد يقول ان فيه راعي بي ام مضلل البدي

بحيث ان التضليل هذا يحمي البدي ويحمي لون السياره من الشمس وعوامل التعريه


لكن اذا كان الكلام هذا صحيح
فأين المحل ؟؟ ارجو ان تحددون لي موقعه في الرياض او في الشرقيه :D
:D:D:D
راعي الاوديTT
16-09-2003, 04:33 PM
ما اعتقد ان في تضليل للبدي يحيه من الحرارة و باقول لك ليش ؟؟

التضليل اللي على قزاز السيارة ما يحمي القزاز من الحرارة

يعني اذا رحت في عز الظهر وحطيت ايديك على نافذة سيارة مضللة تضليل ( في كول )

بتلاقي الزجاج حار .

بس في مواد خاصة تطلا بها السيارات ( مادة خاصة ) وهي غالية جدا جدا

تحطها على البدي و تحمي السيارة من الحكات المصطنعة من الادوات و تحميها من ضربات الحجر اذا كنت تمشي على الخط و في نفس الوقت تكافح عملية الترميل و تخلي لون السيارة ما يتغير و لو بعد اربعين سنة كأنك توك مطلعنها وكالة

وهي موجودة عند زيبارت بس اكثر الناس يرشون البدي بالكويت و الامارات لانه ارخص
هناك تحصله يمكن 3000 و ممكن هنا تحصله ب 10000 ريال

على حسب نوع سيارتك ( كبيرة او صغيرة ) و على حسب الجودة اللي تبيها
عاشق الهلي2002
16-09-2003, 09:15 PM
انا شفتهم عندنا بيسوو تظليل على الخط حق الهيلكس على شان يحميه من الخدوش والتبهق ونوع التظليل هذا شفاف بس يعكس الالوان الطيف مع اشعه الشمس(اظنكم عرفتوه)
AmEeR^aLa7zAn
16-09-2003, 10:49 PM
مشكووووورين وماقصرتووو

بس ياليت لو تحدد لي موقع زيبارت وين ويحبذ لو يكون بالرياض لو سمحت يا راعي الاودي TT
وياليتك لو تحدد لي بعد موقع تضليل الفي كول بعد
وتسلم لي على الرد

انا ابروح هناك وابشوف الوضع عندهم
اذا كان غالي غالي مره يعني فوق 20 الف
فابقول مالوش لزمه
وان كانه يعني مقدور عليه حطيته


وآسفييين على الاطاله
راعي الاوديTT
17-09-2003, 10:25 PM
لا .. في تضليلات رخيصة . يعني مو لازم تركب لك ب 20 الف ريال .

انصحك انك تركب لك هذا التضليل من الامارات او الكويت .

و اذا تبي مواقع زيبارت او في كول .. ترا ليهم اكثر من محل في الشرقية و الرياض و جدة

وكل مكان .. اذا تبي اعطيك رقمهم تستفسر .. تراني حاضر
AmEeR^aLa7zAn
18-09-2003, 04:35 AM
ياليت والله
عطني رقم زيبارت ورقم في كول

واكوووووون شااااااااااكر لك
abbodi
18-09-2003, 07:16 AM
AmEeR^aLa7zAn
...............

Zibart اللي في الرياض تحصلة في طريق الجامعة وانت نازل لطريق الملك فهد بعد تقاطع الملك عبدالعزيز مع الجامعه.....

V-Kool تحصله على طريق مكة تقاطع طريق العليا العام...جنب العماره البنيه الجديده اللي فيها قبب صغيرة....

ولا تنسى تعلمنا وش اللي صار معاك....
AmEeR^aLa7zAn
18-09-2003, 08:54 PM
يسلموووووووو اخوي عبوووودي

والله لي حول شهرين وانا اسأل ولاحد جاوبني الا انت

جزاك الله خير :)
N.M.N
18-09-2003, 09:45 PM
اخوي AmEeR^aLa7zAn

انا ما سمعت عن هالشيء

لكن الي اعرف ان فيه طلاء شفاف يقي بدي السياره من الحراره ويحميها من الضربات

اما الي تقوله ما سمعته ...

تحياتي