التأجير المنتهي بالتمليك حلال ولا حرام ؟!!!!!!!!!!!

[سالم wj]

السلام عليكم
ياشباب انا ودي اشتري سياره لكن الشكوى لله الكاش موب متوفر
مافيه خيار عندي الا نظام التاجير صحيح ينهبونك لكن المهم هل هو حلال أم حرام؟؟؟؟؟؟؟
انا اشوف بالاعلانات مكتوب مجاز من الهيئه الشرعيه ولا ادري وشهي هيئتهم الشرعيه ذي وهل يوجد بديل لنظام تأجير متوافق مع الشريعه

[..][ ح ــياة التــم ــيز ][..]

فيه هناك اقساط و من البنك و ايضاً التاجير مع وعد التملك ..
موضوعك هذا يبي له فقيه يفهم في هذه الامور بشكل كبير يجاوبك عليه :)

[speeed1]

مر البنك و اطلب من نسخة من موافقة اعضاء الهئية الشرعية عندهم و موافقتهم على النظام

[أبو ماجد البشري]

تركه اولى ولا يأتي بخير اما الافتاء لايؤخذ من المنتدى

[AR_REEM]

حكمه عند الفقهاء والمشايخ

وإذا تبي أقل فوائد خذ السياره عن طريق البنك

سواء بقرض منهم وتشتري السياره وتكون بأسمك ( الافضل )

أو البنك يشتري لك السياره ويقسطها عليك وبكل الحالتين

الفوائد بتكون أقل من الوكاله بفرق عظيم

[كوكو 99]

يا رجال حرام يشق الوجه

انا سيارتي تأجير منتهي بالتمليك والله اني ما ارتحت ابدا .. كأنك ماخذ سيارة جارك و قاعد تستخدمها .. ولا تقدر تتصرف فيها ابدا

انا سألت احد المشايخ المعروفين و عضو في هيئة الافتاء

قال لي ( حرام ، لانها تجمع عقدين في عقد واحد .. وهو عقد التأجير و عقد التملك)

سألته ما الواجب فعله ؟
قال اتركها؟

طبعا انا ما تركتها و والله اني ما ارتحت ومافيها بركة و كل شوي القاها محكوكه وهي واقفه.

انا الحين تعلمت الدرس و ان شاء الله ما اطلع سيارة والا الاستمارة بأسمي



اسف تحمل كثر القرقره مني

[مساعد المدير]

يا رجال حرام يشق الوجه

انا سيارتي تأجير منتهي بالتمليك والله اني ما ارتحت ابدا .. كأنك ماخذ سيارة جارك و قاعد تستخدمها .. ولا تقدر تتصرف فيها ابدا

انا سألت احد المشايخ المعروفين و عضو في هيئة الافتاء

قال لي ( حرام ، لانها تجمع عقدين في عقد واحد .. وهو عقد التأجير و عقد التملك)

سألته ما الواجب فعله ؟
قال اتركها؟

طبعا انا ما تركتها و والله اني ما ارتحت ومافيها بركة و كل شوي القاها محكوكه وهي واقفه.

انا الحين تعلمت الدرس و ان شاء الله ما اطلع سيارة والا الاستمارة بأسمي



اسف تحمل كثر القرقره مني

اتفق مع كلامك اخوي

ربنا يبعدنا عنه