المساعد الشخصي الرقمي

مشاهدة النسخة كاملة : استفسار سيارة بي ام دبليو 750


rh7al
09-01-2014, 11:16 AM
السلام عليكم ورحمة الله وبركاته

حبيت استفسر عن مشكله عندي في سيارة بي ام 750 موديل 2011 قبل مده كانت تجيني رساله اشحن البطاريه و تفريغ مستمر
المهم قعدت شهر لين جابو لي بطاريه وغيرتها قبل اغيرها باسبوع صارت المكينه تهز وهي واقفه والآر بي ام منخفض طبعا وهي معشقه تهز لكن اذا فضيتها او شغلت المكيف تزين
بعد ماغيرت البطاريه شيكو عليها من الالف للياء بالكمبيوتر مافيه اي ملاحظات طبعا ما تبدا تهز المكينه الا اذا وصلت حرارة المكينه النص
هذا وسلامتكم.
ماهرالحربي
09-01-2014, 05:11 PM
وعليكم السلام ورحمة الله وبركاته ....

كم ماشية السيارة ؟

إذا ماشية كثير يمكن واحد توربو عطلان (احتمال) ....

وإذا سيارتك تحت الضمان لاتتنازل عن حقك أبدا ....

أحيانا مايذكرون لك المشكلة ويأخرونك حتى ينتهي الضمان

وبعدها يجيبون لك فاتورة إصلاحات أو جريدة بالأصح :wink:
JoooJooo
11-01-2014, 02:29 PM
السلام عليكم اخوي :wavey:

حبيبي المشكلة راحت بعد ما تم تغيير البطارية صح ؟؟


اذا راحت و تم حلها لا تخاف << ( هذا من تأثيير البطارية التعبانة ):smile:
rh7al
11-01-2014, 08:53 PM
اخوي ماهر
السياره ماشية 38 الف لسا على الضمان

اخوي JoooJooo

للاسف انا غيرت البطاريه في فرع الضباب وللاسف ما راحت المشكله

بلغوني اوديها لفرع خريص وللاسف فرع خريص سيء للغايه اقل مشكله تاخذ اسبوع ومره 10 ايام عشان برمجه
ولازم انتظر سفره عشان ارميها عندهم .
S 80
11-01-2014, 10:45 PM
ما يعطونك سيارة بديلة اذا حطيتها عندهم؟
مافي الا انك توديها ويشوفون حل للمشكلة
JoooJooo
13-01-2014, 05:51 AM
ههه طيب دوبي فهمت عليك

هذا لازم تروح الشركة لتتم برمجة السيارة على البطارية >> هذي مهي يارس حتى تركب بطارية و انتهينا

هذي تركب البطارية و تبرمج السيارة و تخليها تعرف ان البطارية حجمها ١٠٠ امبير > مثال

المهم تحتاج برمجة ما تاخذ ربع ساعة

و اذا تأخرت في الرد اسف

ما ادخل هنا كثير
rh7al
26-01-2014, 02:52 PM
وديت السياره الوكاله خريص
وطلعت اربع بخاخات عطلانه والقطع طلبت من المانيا وزي ما كنت متوقع راح تاخذ السياره شهر وزياده عندهم وكالعاده لاتوجد سياره بديله
وكلموني فرع دبي وبلغتهم بعدم وجود سياره بديله والى الآن لي 10 ايام انتظر هالسياره البديله
سالم wj
26-01-2014, 05:40 PM
كيف اول فحصوها وطلع مافيها مشكله وبعدين طلعت البخاخات لاينصبون عليك يارجال
انا قد صارت معي على بي ام حجم 300 مكينه سته سلندر ثلاثه لتر وطلعت المشكله من الكويلات واحد من الكويلات خربان طبعا الكويل هو اللي يوصل الكهربا للبوجي
rh7al
27-01-2014, 09:52 AM
سالم wj

الفحص الاول تشييك سريع بالكمبيوتر

الفحص الي طلع المشكله فحص يدوي

ثانيا هي اصلا على الضمان ان شاء الله يغيرو المكينه
بس مشكلتي الوقت شهر كثير