استفسار بخصوص شكل الكادينزا 2014

[Feras056]

بسم الله الرحمن الرحيم
السلام عليكم ورحمة الله وبركاته

ان شاء الله ناوي اشتري سيارة جديدة، ويوم شفت الكادينزا في المعرض دخلت مزاجي
ابغا استفسر عن حاجة، اللحين الكادينزا 2014 اللي حصل لها فيس لفت او تغيير كلي؟
لأن شايف نفس الجير والمكينة ع الموديل اللي قبلها
واذا كان فيس لفت متى راح يكون التغيير الجذري؟

الكادينزا موجودة على ما اعتقد من 2010

الين اللحين حاط لي بالقائمة 3 سيارات
كادينزا
أكورد V6
التيما V6
الكل 2014

اذا في أحد عنده مشورة تراني اتقبلها بصدر رحب، بس تكون في حدود ميزانية السيارت اللي فوق.

[فتى الانتر]

موديل 2014 الجديد فيس لفت "تغيير نصف جيل"
التغيير الكامل والله اعلم عام 2016

القير و مكينه نعم نفس الشكل السابق

و الشكل الجديد افضل كاداء و رساوه من الشكل السابق !!

انصحك فيها و بكل قوه و افضلها على الاكورد و الالتيما

[Feras056]

شاكر ردك اخي الكريم فتى الانتر

الصراحة السيارة خطيرة داخلية وخارجية، والمواصفات فيها حلوة
ممكن أسألك كم سؤال اخوي بحكم انك مالك للكادينزا من 2011
العزل فيها كيف، خصوصا العزل الأرضي؟
عزم السيارة؟
الراحة في السيارة؟ بالنسبة للمقاعد والمطبات هل هي قاسية أو لينة؟

آسف لو طولت عليك.. شاكر لك مقدما، جعلها في ميزان حسناتك.

[Feras056]

بالنسبة للأخ الكريم راعي موتر
م أقدر ارسلك ع الخاص، مشاركاتي قليلة
الميزانية 120-130

[لايف ستايل]

اذا يهمك الشكل عليك بالكادينزا واذا تبي سياره كد ومد عليك بالالتيما وبعدها الاكورد
هذه راي خاص اللي شايف الكوري تطور عن قبل وعنده راي مختلف انا احترم رايه لكن الواقع يقول العكس واذا السيارات الكوريه منتشره فهذا راجع للسعر والتصميم الحلو

[الـتـيـمـا]

وكيل كيا مايمدحونه ولا افتيك

السياره روعه بس الواحد يتخوف من قطع الغيار والامور هذي

الالتيما الجديده مالي خبره فيها

الاكورد خصوصا انها 6 انصحك بقوه

شكل جديد تمسك سعرها وجوده

[عشق هوندا]

مالي تجربة للكادينزا لاكـن مثل مااسمـع تتميز بمواصفاتها العالية والرساوة والعزل المميزين في فئتهـا اضافه للتصاميم الجميله للسيارات الكورية عموماً

لاكـن بميزانيتك توفر لك خيارات افضل واكبر مما ذكرت
كالامبــالا الجديده والتوريس 2013 عليهـا عرض من الوكيل نص فل ب 99 الف وغيرهـا
واعتقد بأن القيمة اللي عندك توفر لك ماكسيمـا جديده وبالطبع هي افضل من الالتيمـا

تحياتي لك

[أبو مؤيد]

الكادينزا روووعة لكن وكيلها بيخليك تندم انك اشتريت من عنده سيارة وخاصة اذا طلع فيها عيب مصنعي لاسمح الله
اذا تحتاج سيارة كرف وخطوط الأكورد
الالتيما ممتازة وأرخصهم ، سعر الفل كامل ١٠٧ الاف

[فتى الانتر]

شاكر ردك اخي الكريم فتى الانتر

الصراحة السيارة خطيرة داخلية وخارجية، والمواصفات فيها حلوة
ممكن أسألك كم سؤال اخوي بحكم انك مالك للكادينزا من 2011
العزل فيها كيف، خصوصا العزل الأرضي؟
عزم السيارة؟
الراحة في السيارة؟ بالنسبة للمقاعد والمطبات هل هي قاسية أو لينة؟

آسف لو طولت عليك.. شاكر لك مقدما، جعلها في ميزان حسناتك.
باك

العفو خيو

بالفعل تتميز بالمواصفات و التصميم المميز و الاهم من هذا كله الرساوه بالخطوط و بالمنعطفات راح تذهلك !!

كعزم السياره ماعليها كلام الافضل في العزم من بين السيارات المذكوره تسارعها جدا بطل من صفر لميه في 6.1 ثانيه

الراحه .. راحه كراسي الجلد افضل من المخمل للامانه

العزل جيد ولا اعتبره ممتاز او توب كعموم السيارات الي في هذي الفئه انت بالنهايه منت شاري الماني او كوريس او سينتينال مثلا

المطبات ناعمه و انعم من سيارات سابقه جربتها لهيونداي و تويوتا

بخصوص الجوده الكادي غيرت نظرتي تماما عن السيارات الكوريه

الحمدلله ماشاء الله تبارك الله وصلت بسيارتي ممشى كبير في ضرف 4 سنوات تقريبا 164 الف كيلو متر

"مالكها من شهر 6 عام 2010 " اول مازلت السعوديه

رغم اني كارف السياره و جالدها خطوط و تدعيس و مقاومات "سابقا" الله يبعدنا عنها

و الموتر بحاله ممتازه بصراحه و واضح انها راح تعطيني حتى 300 الف بدون مشاكل باذن الله الواحد الاحد

[فتى الانتر]

الالتيما و الاكورد فئه اصغر من الكادينزا فهي منافسين للاوبتما و السوناتا من طرف الكوري

الشي الاخر الالتيما الان وضع الوكيل حقها حرج ما انصحك ابدا فيها

الاكورد سعرها مرتفع جدا على ماتحصل من مواصفات و حجم و المصيبه الاكبر انها اغلى من المكسيما 134 الف ريال حرام في اكورد

[Feras056]

شايف ان أغلب الأصوات رايحة للأكورد، والأغلب يذم ف الجبر
والله شي محير الصراحة، مع ان الكادينزا سيارة من الآخر لكن موضوع الوكيل مقلق شوي
انا بصراحة ميال للكادينزا، يعني معطيتني مواصفات بسعر اشوفه مناسب
والأكورد سيارة تاريخها، وكلام ملاكها فيها م عليه غبار
والنيسان وكيلها لسا مو معروف وضعه

يوم سألت عن الكادينزا مو متوفر الا الستاندر، ومهم عارفين بالضبط متى تتوفر الفل
بالنسبة للألتيما، نفس الموال م في الا استاندر، وتبغا 6 سلندر طلبية
لسا م سألت عن الأكورد، اقرب فرصة ان شاء الله باتفرغ واريح دماغي من القروشة

[Feras056]

مالي تجربة للكادينزا لاكـن مثل مااسمـع تتميز بمواصفاتها العالية والرساوة والعزل المميزين في فئتهـا اضافه للتصاميم الجميله للسيارات الكورية عموماً

لاكـن بميزانيتك توفر لك خيارات افضل واكبر مما ذكرت
كالامبــالا الجديده والتوريس 2013 عليهـا عرض من الوكيل نص فل ب 99 الف وغيرهـا
واعتقد بأن القيمة اللي عندك توفر لك ماكسيمـا جديده وبالطبع هي افضل من الالتيمـا

تحياتي لك

بالنسبة للامبالا، سيارة حلوة.. بس ي خي انا متعقد من شفر
بالنسبة للتوريس انتهى العرض، يوم سألت الموظف م عاد بقي الا 2014
وبزيادة 14 الف
الماكسما طبعا من اوائل السيارات اللي جت ببالي، بس في مشكلتين
الوكيل مو موفرها، والشي الثاني الشكل قديم ع م اعتقد من 2008 او 2009 يعني على نهاية عهدها