الحقوني يا شباب جبت العيدي في سيارتي الجديدة

[حسين 2022]

السلام عليكم ورحمة الله وبركاته
اخواني
ساعدوني انا عليمي وجبت العيد في الانترا 2014 مالتي
كنت بوقف سيارتي بين سيارتين وانا داخل الموقف من الجنب ماقدرت ادخل لان المكان ضيق وعلقت بين السيارتين
فرجع تلورا واهو كاسر الطاره
فخش صدام الجيب من الي يمي في الباب من الجنب وهو عالق مو عارف كيف اطلع
يروح لقدام والصدام يحك في الباب
وارجع واحك واقدم واحك وارجع واحك الى ان عرفت اطلع !!!

وطلعت لكن بعد ماعملت الهوايل في السيارة !!
حكيت امها امها حك كبير وكثير وطعجتها ودخل قطعة كبيرة من البابين لداخل لكن مو بشكل عميق وكبير يعني

وديها محل خليتها يلمعها والحمد لله البوية ماتاثرت واثار الحكة السودة راحت
لكن بقت الصقعة واثر الطعجة ودخول البابيبن
شنو اعمل له الحين
عندي حلين

1- يفتحون ديكور البابين من داخل ويحاولون يعدلونه بمطرقة وسوف تبقى اثار من الحادثة لن تزول

2- ولا يسمكرون لي البابين كامل ويرشون بوية من جديد مع العلم سيارتي ماصار لي شهر وانا ماخذها !!



فما رايكم



وعندي كم استفسار بخصوص السمكرة كاملة

هل لازم ورقة اصلاح

وهل شغلها طويل ومكلف

هل يقدر يخلص لي السيارة في ساعات





انتضر ردكم بفااااااااااااااااااااااااااااااااااااااارغ الصبر فليس لدي غيركم

[super_safari]

و عليكم السلام و رحمة الله و بركاته

الطعجة على حسب وضعها , لو تقدر ترفع صورة أحسن.
ورقة إصلاح من المرور ما تنفع لأن لازم يكون حادث بين طرفين.
و أنصحك تخبر صاحب السيارة المتضررة تبرئةً لذمتك , لأنها بصراحة غلطك , و لازم تعلمه.

[حسين 2022]

اخي الكريم الشخص الذي حكيت فيه يعلم بذلك واصلا لم يحدث له شيء مو سيارتي التي كانها ورق !!

وهذه صور توضيحية للسيارة
انتضر ارائكم

http://download.chatalkhaleej.com/uploads/13805522181.jpg (http://download.chatalkhaleej.com/)
http://download.chatalkhaleej.com/uploads/13805522182.jpg (http://download.chatalkhaleej.com/)
http://download.chatalkhaleej.com/uploads/13805522183.jpg (http://download.chatalkhaleej.com/)

[speeed1]

حرام ترش الابواب لانها بعد فترة بتغير لونها او بتتقشر 3-5 سنوات حسب الورشة ونادر ما تحصل ورشة مضبوطة وبالنسبة لي ماقد شفت سيارة مرشوشة 100% صح

الدقة خفيفة واذا انت من الرياض فيه محلات اصلاح سمكرة بدون رش ابحث عنها والظاهر من الصورة جدا سهل تعديلها سواء بالشفط او بفك بطانة الباب واللي ما تتعدا 5 مسامير باغلب السيارات

وما تشوف شر

[JoooJooo]

^^^^^^^^^^

+1

[ابوفارس1212]

حرام ترش الابواب لانها بعد فترة بتغير لونها او بتتقشر 3-5 سنوات حسب الورشة ونادر ما تحصل ورشة مضبوطة وبالنسبة لي ماقد شفت سيارة مرشوشة 100% صح

الدقة خفيفة واذا انت من الرياض فيه محلات اصلاح سمكرة بدون رش ابحث عنها والظاهر من الصورة جدا سهل تعديلها سواء بالشفط او بفك بطانة الباب واللي ما تتعدا 5 مسامير باغلب السيارات

وما تشوف شر

كلام الرجال سليم 100%
ماعمري شفت سياره مرشوشه صح

[super_safari]

أتفق مع speeed1
الطعجة مو قوية و ما تستلزم سمكرة أو تغيير باب
و محلات الشفط الآن كثرت , فتحل مشكلة.

[حسين 2022]

طيب سمعوا اللي صار لي |200|
هذا ثالث يوم ساحب على الدراسة وعلى اختبارين وقاعد احوس في الورش
ورحت اليوم اوديها اشفطها
حاولوا يشفطونها ماعرفوا حاولو حاولو لكن بدون فايدة والقهر احس خربوها اكثر في قطعه رضت تطلع بعد ماشدو عليها لكن طلعت لبرى زيادة !!
والله اني ميت قهر بشكل ما تتصورونه

والله مادري شسوي الحين
احس حرام حيل اسمكر وكلامك عن الرش صحيح
ولو بسمكر بكم يطلع علي لاني طفران وومذا تقصد يا اخي بان اسمكر بدون رش هل بالطق ؟
وهل اقدر اسمكرها وتخلص في 6 ساعات السيارة
اشعر الطق بيخربه بعد وا ويشوه السياره احس حرام بعد اطقها

والله محتار شسوي بس مابي اخليها كذا ابدا

فارجوووكم ساعدوني مالي غيركم يبخني بافكار

[حسين 2022]

اخوي ما ابي اخليها كذا اجل شكلي بسمكر لان مافي حل ثاني و
بس عندي كم سؤال
وكيف بيسمكرونها هل بيقلعون الباب عن محله ؟؟
طيب هل بعد السمكرة يروح علي ضمان الوكالة
هل في احد يسمكرها ب500 واقل
وهل يقدر يخلص لي السيارة في 7 ساعات لو كان بيشتغل فيها على طول
اريد اجابة على هذه الاسئة كاملة حتى اعرف هل اسحب بكره على المدرسة وادور ورشة ام لا

[S 80]

صدقني ما تسوى تصلحها شكلها من الصور خفيفة
شي بسيط لا تضيق صدرك وتشيل هم عشانه

[ابـو الـخـل]

انا اشوف انها خفيفه جدا ومب واضحه خلها على حالها

واذا تبي تصلحها اجازه العيد بعد اسبوع

[عاشق كيـا]

تعلم كيف تصفط السيارة قبل لا تسمكر

[فاهم عليك]

بصراحة خفيفة و مو مستاهلة تضيع دراستك واختباراتك عشانها :(

الله يهديك ..

وحط في بالك لو سمكرتها أي كلام ورش أي كلام بيكون منظرها أبشع من الحالي ..

[khaled490]

حسين 2022

اولا لازم تعرف ان الي صار مكتوب قبل ما يخلق رب العالمين السماوات والارض بخمسين الف سنة.
والله العظيم ان صحتك اهم من كل الي صار بالسيارة حتى وان وديتها تشليح وماعندك تأمين.

ثانيا السيارة ضربتها جدا بسيطة ولاتشيل هم ابد. دراستك اولى بكثير من انك تروح تدور ورش وتترك دراستك.

عندك بكره من بعد العصر تدور عالاماكن الي تصلح سيارتك وبعد عند يوم السبت كامل.

ياعزيزي حسين لاتشيل هم ابدا .. والله الدنيا اكبر بكثير من مجرد سيارة

[حسين 2022]

يعطيك الله الف عافية اخواني
والله انكم ماقصرتوا
وانا اعرف ان الصقعة خفيفة بس لكن السيارة جديدة
ولو شافها احد اهلي ولا معارفني والله العضيم ما في احد يفكني منهم ومن لسانهم وهذا غير اذا ما انسحب مني السيارة
وانا اعرف ان ماحدث لي قضاء وقدر ونعم بالله لكن ستنقلب حياتي سوداء اذا اهلي شافوها

وايضا ماراح اوديها أي ورشة علشان مايعدمها
بوديها افضل محلين عندنا يرجعها كانها وكالة وضمان سنة
محتار بينهم
واحد اسمه دايمون
والثاني كار كير
واثنينهم نفس العر 1500

[أكورد.]

ماتسوى يارجال
شف اذا ماينفع معك شفط بدون ماتلعب في البويه ولا خلها على حالها

[حسين 2022]

ماتسوى يارجال
شف اذا ماينفع معك شفط بدون ماتلعب في البويه ولا خلها على حالها

وديتها شفط عند محلين وما نفع ابدا ابدا ومافي محل رحت له وقال لي غير السمكرة !!:smilie20:
وماودي اخليها كذا ابد

والله قبل اسبوع متشقق من الفرح والوناسه
والحين متحطم ومنقهر ومنهد حيلي بشكل ما تتصوره :blue:
اخخ يالقهر
لكن الحمد لله على كل حال
ولو كان عندي حل غير السمكرة كان سويته
:blue::blue::blue::blue::blue::blue::blue::blue::b lue::blue::blue::blue::blue::blue::blue:

[ابـو الـخـل]

عنديلك حل

قل لاهلك انك يوم طلعت من المدرسه لقيتها محكوكه :smilie16:

[حسين 2022]

اسف يا اخوان اتعبتكم معي لكن هذا اخر شي

يا اخوان انا طالب مدرسة وماعندي الامكانية اسمكر البابين

فقررت اني اسمكر باب واحد
فما رايكم أي باب اسمكر

؟

[حسين 2022]

والله ربعي حطموني :smilie20:
قالو لي لاتسمكر لانك اذا سمكرت مارح تجيب لك شي ابدا ابدا اذا قررت اني ابيعها
وقلت له ارجعها وكالة وقالوا ماينفع والكال قالي كذا
فشالحل مابي اخليها كذا

طيب

ابي اعرف لو افتح الديكور واعدلها عند مكان معروف مو بو طقة اعدلها بمطرقة هل تبقى اثار وينعرف انها معدلة بمطرقة او لا

[super_safari]

ياخوي السمكرة الباردة قلنا لك أفضل خيار. يعني شفط بدون رش بوية.
هذا أحسن حل و أوفر عليك.

[حسين 2022]

انا يالغالي جربت الشفط عند اكثر من محل والله العضيم
وما نفع ابد حتى الطعجات ماطلعت !!!

[speeed1]

الرش السريع راح يكون اي كلام بزيادة واحتال يقلب اللون اصفر بعد فترة و الورش الرخيصة عاد بتشوف العجب كانه معلم بوية جدران

انت جربت تفك بطانة الابواب ؟

اكتب بيوتيوب

Paintless dent removal

بتلاقي طرق كثييرة و لو تفك بطانة الباب سهل تصليحها اذا ما خربتها اكثر زي ما قلت بالرد الثاني !

لكن صدقني تحتاج بعض الادوات وتقدر تصلحها بنفسك بفك البطانة

[سوناتا V6]

يا ابن الحلال أهم شيء سلامتك و ترى كلنا معرضين للحوادث في أي وقت

الدقشات و الضربات ما تفرق بين سيارة جديدة ولا قديمة و لا بين غالية أو رخيصة

مع العلم أخي أن الضربات خفيفة وماهي واضحه أصلاً

لكن إذا هي مضايقتك بالشكل هذا

رأيي انتظر لما تتحسن أوضاعك شوي و غير البابين و كالة بدون سمكرة و ريح بالك

و أهلك لازم يعرفون أن هذا أمر مكتوب و مقدر من الله سبحانه و تعالى

و غير متعمد أكيد

و ممكن لأي واحد أنه يتعرض لمثل هذا في أي لحظة لا سمح الله


بالتوفيق ،،،