سوناتا ام الكامري

[nothing100]

السلام عليكم ورحمة الله

ابي اشتري سيارة

سوناتا ام الكامري

علما الاسعار متقاربة جدا

[techmate]

الكامري أفضل لأسباب:
- موديل لسه نازل مقارنة بالسوناتا
- يوجد عرض الأن عند أبو جميل خصم 7000 ريال للكاش, ونفس سعر الكاش للتأجير
- خدمة مابعد البيع وسعر البيع بعد الإستخدام

تتميز السوناتا بوجود مقاعد جلدية وبانوراما وزينون (يمكن تركيبه للكامري) ونافيقشن (يمكن تركيبه للكامري)

إذا تهمك هالأشياء السوناتا أفضل لك

[هجير]

كامري وانحش عن الهونداي + كيا

[فتى الانتر]

سوناتا او اوبتيما و انحش من الكامري نصيحه اخ لاخوه
واحد اعرفه معه كامري 2013 كمبرسور خرب عليه ! ياهوه موتر وكاله ؟لسى طالع؟
طبعا اذا كنت ناوي تستخدم ولا همك تبيع .. مع ان السوناتا ماعليها
صارت تمسك سعرها مو زي اول يادوب تطيح 8 10 الف استخدام سنتين او 3 اشوفه شي جميل

[Cefiro]

خذ سوناتا فل كامل
يكفي فيها تبريد مقاعد !!

[عاشق تيوتا الام]

كامري

السوناتا السنة الجاية نازل شكلها الجديد الكامري باقيلها 3 سنوات حتى تتغير

ناهيك عن خدمات البيع و الكرف و المكدة

[اخاكم في الله]

السلام عليكم

سوناتا افضل والاسباب ( مواصفات اكثر + ثلاث وكالات + توفر قطع الغيار الاصلية بشكل كبير وبسعر ممتاز + عملية ويعتمد عليها ) وافضل شكل من الكامري من وجهة نظري

والله يوفقك ويسهل امرك

[مليّت]

لا كامري ولا سوناتا

مازدا 6 الجديدة لا تفوتك اذا كنت ذكي

[Faisal89]

انحش عن السيارتين وانا اخوك نصيحه
في نفس فئتها فيه سيارات افضل بكثيررر
عندك مازدا 6 الجديده + ماليبو + كورد فل مخمل
اتمنى تعيد النظر في خيارات ولو تركز على المازدا افضل لك

[KOERU]

لاهذي ولا ذيك خذ مازدا 6 اللي حطمت الكوري والياباني والامريكي مع بعض في فئتها

[cover me]

عن نفسي اذا انت حاصر نفسك بين السيارتين فقط
فارشح لك السوناتا بسبب تعطيك مواصفات مقابل الي تدفعه و سياره تعتمد عليها الصراحه و صبوره

عندي 2 عندهم سوناتا الاول 2010 الشكل القديم و كرف فيها كل اسبوع 170 كيلو رايح و 170 جاي غير مشاوير العمل و التنقلات

و الثاني 2011 كرفها على خط الرياض كل اسبوع رايح جاي غير التحركات و اوقات يروح و يرجع في نفس اليوم
و ماشاء الله تبارك الله عليها

و اعرف كم واحد عنده كامري الصراحه مايمدحونه ميزته يمسك سعره فقط
الي اعرفه عنده 2010 اعتقد اخر دفعه من الشكل القديم لما استشرته قالي ابعد عنه احسن لك

غير المشكله الي كثير يشتكي منها ولا احد يقدر ينكرها (طبعا في بعض اذا مو اغلب الكوامري )
وهي نقص زيت المكينه ؟ يعني تمشي 3000 تنقص علبه و من هنا الى الرياض يعبيها ربع او نص علبه
الي اعرفهم شيكو في الوكاله و مشاكل معهم و في الاخير الرد طبيعي !؟

و اعرف واحد ماشاء الله على كلامه مالاحظ هذي المشكله في سيارته لكنه يغير الزين كل 2500 اللى 3000

طولت عليكم وهذا مو تحايد او كره لسياره معينه لكن هذا الواقع الي انا ملاحظه الكامري يشفع له اسم الشركه و اسمها من قبل
و ان شاء الله اذا وقع اختيارك عليها ما تكون فيها هذي المشكله

اخوي انت ما حددت مزانيتك كم لان في هذي الفئه بالذات منافسين كثار و الواحد يحتار كثير في اختيار السياره المناسبه

بالنسبه الي يقول المازدا للخكاريه اقوله لو سمحت ارتقي باختيار الافاظ في هذا المنتدى الراقي
احنى هنا نفيد و نستفيد ولا في افاده في الي ذكرتها

و شكرا

[محمد 2005]

الكامري اعتماديتها افضل .. واسال اهل الليموزين يعلمونك اصحاب السوناتا كيف القطع ومين اللي تكد معهم ليل نهار هي او الكامري ,,

[صاحب النترا2011]

اخوي افضل لك السوناتا
الكامري تجميع ياخوي ماتصلح
والخيار الاول والاخير لك

[salehhd]

السلام عليكم

الاخوان ماقصور والسيارتين خيار جيد ايها تختار
اذا كنت تبحث عن المواصفات مقابل السعر والتصميم فعليك بالسوناتا
اذا كنت تبحث عن العراقة والسعر مابعد البيع فعليك بالكامري
وانصحك تستاجر السياراتين لمدة كم يوم وتحكم بنفسك
ولا تنسى الاستخارة
بالتوفيق ومبروك مقدماً

[Wissam]

اليوم وديت سيارتي للتصليح واخذت تكسي (كامري 2013) وسألت صاحب التكسي عن االكامري الجديدة كيف معاه ... قالي البريك احسن من القديمة بس لما تسرع مو ثابته ... يقول الموديل القديم احسن بالثبات

مثل ما نصحوك الاخوان حرام سوناتا لأن شكلها راح يتغير ... خذلك مازدا 6

[أبو ماجد البشري]

ترا الكوري يأخوان يتحمّل الكرف انا شريت للولد اكسنت اول دفعه من 2011 لأنه كان طالب والان توضف ويداوم يومياً 130 ماشيه الان 85000 كلم الحمدلله ماغيرت إلا زيت القير وبدلت القماشات فقط .السيور والبواجي والفلاتر شد بلد والمفروض كلهم يغيرون وساحب على ابو الوكاله ماجيتهم ,,امس رحت للمجدوعي بالأحساء لقيت السوناتا بــ81500 والأزيرا اغلا منها لكن الأزيرا افهم و6 سرندل والضاهر اني راح اشتري منهم ...بالنسبه للكامري مع ولد عمي 2009 تنقص زيت لكنه يكرف جدها ,

[bader bader]

سوناتا او اوبتيما و انحش من الكامري نصيحه اخ لاخوه
واحد اعرفه معه كامري 2013 كمبرسور خرب عليه ! ياهوه موتر وكاله ؟لسى طالع؟
طبعا اذا كنت ناوي تستخدم ولا همك تبيع .. مع ان السوناتا ماعليها
صارت تمسك سعرها مو زي اول يادوب تطيح 8 10 الف استخدام سنتين او 3 اشوفه شي جميل

لا تحكم بسرعه لان بتكون فيها خلل مصنعي
ولس معنى ان كل الكوامري يخترب الكمبروسر
اجل انا اول ما طلعت النترا ووكاله خرب علي حساس القير !!!!
وهذا الشهر رجعت المشكله
وابشر واحد عنده النترا جديد وكاله كان عنده مشاكل في كهرباء
وواحد عنده كيا اوبتيما اول ما طلعها خرب عليه كمبروسر بعد ممشى 20 الف كيلو

وشكرا

[camry boy]

انا كنت في وكالة هيونداي وقالي مندوب مبيعات سعودي
انا استغرب من بعض الناس يشتري سوناتا فل وسعرها قريب من الازيرا فرق 10000 ريال فقط
ومواصفات الازيرا تفرق عن السوناتا كثير وبالنسبة للكامري ولد عمي ماخذ له كامري وكالة
الفخامه الداخلية ممتازة الشكل الخارجي غير مقبول وبالنسبه لأداء الكامري صارت ثقيله بالحيل دعستها تعبانه ماعليها عزم جامد
مقارنه بالفخامه
ارجوا اني افدتك ولك حرية الاختيار

[فضه]

يا رجال والله الكوامري الجديده كلها خرابات

كامري 2013 فراملها تصفر ؟؟؟؟ والله سامعها بنفسي تصفر

وانا معي النترا 2012 لها سنتين واقمشتها ماشاء الله عليها زي اللوز ولا اشتكت

ثاني شي اذا تبغى نصيحتي خذ لك مازدا 6 كنت في الوكاله قبل اسبوعين قلي عليها عرض ب 95 ؟؟؟؟

ارخص منهم وداخليتها اقسم بالله تقول لكزس

غير كذا الشكل الخارجي الجبار

وشكرا ...

[khofisiz]

اكورد أو مازدا ثم الكامري

[فاهم عليك]

السيارتين خيار جيد ..

ويبقى الاختيار بحسب التفضيل الشخصي ..

بالنسبة لسعر ما بعد البيع فالسيارتين متساويتان تقريبا مع أفضلية للكامري ..

كامري فل كامل 2013 معروضة للبيع بـ60 الف مع ان ممشاها فقط 30 الف كيلو!!

المازدا كنت أسأل واحد من الربع كانت معه ..

وكان يمدحها جدا ويذكرها بالخير وكان كارفها الرياض - الخرج - حريملاء

غير المشاوير داخل البلد لأاهله وعماته الله يجزاه خير ..

الاحباب اللي يقولوا السوناتا مو للكرف ..

أقول التجربة خير برهان .. وأنا مجرب ^_^

[bader aaa]

بتدوخ وانت ماوصلت لجواب كافي .. الزبدة ( سوناتا كامري مازدا ) ناس بتمدح وناس بتذم .. الحل صلي استخاره وادعي ربك يبارلك بالشرا وتوكل على الله واشتري الي يرتاحلها قلبك وانتهت القصة .

[السلطآآآن حسن]

سوناتا
بسبب المواصفات و اشوفها اجمل بكثير من الكامري

[nothing100]

اللهم صل على محمد وال محمد

بعد مشاهدة الردود الاحبه

اشوف الكل يمدح ويذم ومو عارف شنو اخلص عليه

علما الكامري انتهى العرض ونزل 2014 يبدو الكامري مالي نصيب فيها

وكذالك السوناتا الشكل الجديد نازل

وانا ميزانيتي 90 الى 100 الف

[khofisiz]

أنا اشوف انك تاخذالكامري .. وميزانيتك تسمح حتى بالفل كامل ..

[وامـ]

خبرة التويوتا تشفع لها مع التحسينات العديدة التي تم ادخالها على الكامري الجديدة فهي اكثر جودة واتساعا وجمالا من ذي قبل وهي الاولى في المبيعات منذ سنوات .

شخصيا افضلها خصوصا بعد اهتمام تويوتا بتفاصيل الداخلية الجميلة والتي تشعرك بالفخامة . المحرك والمواصفات وابعاد السيارة جيدة جدا وبالنسبة للشكل الخارجي جيد الى حد ما .

ارى ان العديد من شركات السيارات اقتبست من شكل السوناتا وخصوصا الانوار الخلفية وذلك لجمال تصميمها الخارجي والداخلي ومواصفاتها ايضا المنافسة بجانب السعر.

الامر يبقى مجرد ذوق لتقارب كل شيء فهذا النواع من السيارات تجد لديك نطاق واسع من الخيارات .

مازدا 6 , ماليبو , التيما , اكورد , سوناتا , اوبتيما , باسات , كادينزا

جميعها ذو سعر ومواصفات متقاربة .

[ttoo]

اكورد او مازدا خليك على السيارات الاعتمادية

[ابوفارس1212]

اكيد كامري

[بوعبدالوهاب]

الكامري سيئة اقسم بالله انها تطامر بالطريق كأنها هايلكس اقل هزة بالشارع تقعد تنقز وتهز انا متأكد من هالكلام بنفسي وسيارة شحيحة مواصفات مواصفاتها تافهه
المميز فيها العزم بس هذا اللي عجبني اما مواصفات او شكل او ثقل وقلة اهتزاز ما فيه والله ما تسوى


ولا احد يفضل سياره على اخرى الا اذا جربها او ركبها انا ركبت السيارتين والكامري :c0038:

الناس يفضلونها عشان اسمها كامري وهي ولا بقرش حاولت اقارنها بالسوناتا والالتيما والاكورد شفت انها تجي بعدهم كلهم افضل منها

[Hosain21]

http://www.marhabi.com/?p=341

مواقع لمقارنة السيارات قبل الشراء
http://www.cars.com
http://www.intellichice.com
http://www.autotrend.com
http://www.motortend.com

موقع لمقارنة السيارات وفقا لميزة الامان
http://www.safecar.gov

موقع للمقارنة وفقا لاستهلاك الوقود
http://www.fueleconmy.gov

مقارنة السيارات وفقا لتكاليف صيانة السيارات
http://Autos.yahoo.com

[كابريس2005]

انا انصحك انك تبتعد عن سيارات تايوتا في الفتره الاخيره مشاكلهم كثرت واشكال سياراتهم اصبحت سيئه

[-][النمـ§ـر][-]

توكل على الله وخذ مازدا 6
ولن تندم
انا استاجرت السيارات الثلاثة
صراحة اعجبتني السوناتا
لكن اللي اعجبني اكثر منها بمراحل الازيرا
لكن بكل امانة مواصفات سلامة و صلابة و قوة وعزم ثابت و اغلب المواقع المختصة بالسيارات في الانترنت شهدت لها هي المازدا 6 الجديدة
سيارة جبارة ويابانية فعلاً .
كامري و اكورد صداماتهم والله غير تشوفهم طايرين عليك بخط سفر وانت ماشي 140 .
والله يكتب لك اللي فيه الخير