مشورتكم وهداية الله .. شرفونا

[الكومندر]

سلام عليكم ورحمة الله وبركاته ..
قبل كل شيء مبارك عليكم رمضان وجعلكم من صوامه وقوامه < متاخرين بس يلا

ومن العايدين والفايزين مقدماً

عندي موضوع طارح مخي .. اللي هو المعشوقة الكابريس اس اس

انا باذن الله ناوي اشتري 2012 من الوكالة ..

السؤال هل هناك فرق بينها وبين الـ 2013 ولا كلها اكسسوارات والـ 2011

والسؤال الثاني : ماهي اكثر العيوب في الكابريس عشان اتجنبها لاني ابيها تخدمني ياليت تقولون لي المشاكل ووش اللي اتفاداى عشان تدوم معي وبدون ورش وصيانات

وشكراً
أنتظركم .. :)

[boss~1]

2013 يجي بدون علامة الغزالة فقط علامة شفرلية
2012 يجي علامة غزالة

ما اتوقع فيه فروق ثانية والله اعلم


اما الكابريس اذا طلعتاه اصفار على يدك والله ما شاء الله تبارك الله ممتاز
انتبه من المطبات والحفر والتفحيط وان شاء الله كل امورك بالسليم
وشوية محافظة تسخن الموتر صيانات باستمرار تغيير الزيت بالمواعيد
وان شاء الله تستمتع


بس هذ في بالك كابريس 2014 نازل قريب ومتغير كثير
مواصفات جديدة تماما : كاميرا - وقوف الكتروني حساسات امامية - رادار خلفي لمراقبة حركة السير - نقطة عمياء - شاشة 8 انش لمس متطورة - بريك الكتروني - قزاز مدبل - دخول بصمة وتشغيل زر - ( احتمال يجي رادار وتحذير انحراف مسار ) - نظام صوتي افضل
وزنه اخف
نظام التعليق فيه افضل يعني الثبات افضل
الطارة كهربائيه يعني بيكون ممتع بالسواقة
جنوط 19 ( الحالي 18 )
مقاعد جديدة مره ممتازة مقارنة بالحالي

يعني لو بدالك انا انتظرت

[الكومندر]

^ هلا بالعيال .. بس متى تنزل وكم بيكون سعرها ؟ واللي تتكلم عنه هو الفل الكامل

[boss~1]

متى تنزل ؟
الله أعلم
لكن اتوقع بعد عيد الفطر
وإذا طولت مرة بعد عيد الأضحى

السعر الله أعلم
لكن حسب اللي اعرفه ان أسعار الكابريس في استراليا نزلت عن الموديل السابق بنسبة 15%
يعني اتوقع الاسعار عندنا تكون مثل الموديل السابق ما اتوقع تفرق كثير

وهذي صور للكابريس 2014 اس اس من ميناء في استراليا جاهزة للشحن الى الإمارات
هذي النسخة للتجربــة فقط في الإمارات قبل طرحها بالسوق
على الرابط هذا
http://www.assayyarat.com/forums/thread265062.html

[CAPRICE2008LTZ]

ماتوقع فيه فرق عن 2012 :c0038:
اخوي BOSS الكابرس 2014 ماراح ينزل :rolleyes1:
تحياتي لكــ

[boss~1]

ماتوقع فيه فرق عن 2012 :c0038:
اخوي BOSS الكابرس 2014 ماراح ينزل :rolleyes1:
تحياتي لكــ

إيش دراك هههههه

ان شاء الله انه نازل

حتى بالمواقع الاسترالية يقولون اللومينا ما حينزل لانه واقف تصديرة من سبتمبر 2011
والكابريس كاتبين انه بيصدر للخليج :xyxthumbs:

بنسبة 90% نازل

ومبيعات كابريس بالخليج وصلت لحدود +6000 سيارة في آخر سنة .. أكثر من مبيعاته بأستراليا :xyxthumbs:
يعني سوق مهم لهولدن مو ممكن الاستغناء عنه أبدا

[Road Lord]

فيه سيدان جديد حينزل من شفر بإسم اس اس في 2014

أتوقع راح يكون بديل أفضل لكابريس الأسترالي الهولدن

[allsystem]

اذا بتشتري كابرس والله ان تتعرف على اغلب الورش في المدينه الي انت فيها
ويمتلي سجل المكالمات في جوالك بارقام سودانيه في التشاليح
صدق من سماه ( **** ورش)

محدثك كان معه 84 ثم 2000 قلنا عدلو المشاكل واخذت 2006 ثم سلموني العمل 2008
اخر ثلاث موديلات جابتلي الظغط والسكر
خرابات كثيييييييررررر تطلع لك ماتدري من فين !!
قطع نار ياحبيبي نار اذكر ثلاجة الكابرس 2006 ب 3000 وشوي !!!! والكمبرسر بحدود 4000 الاف !!!!! وفيه نوع دولفي اسمه بالف ريال اسبوع ويخرب ركبته مرتين اخر حل رميته في السوق وبعته بيعه قهر
اما موديل 2008 من كثر اعطاله (كهرب,حراره فل والديتر ودبت المويه كل شهرين تظرب,مكيف,كمبيوتر,هربده,القزاز مايتقفل والشنطه ما تفتح اخر شي القير صار ثقيل وعلى ما كنت احب الكابرس وادافع عنه الا اني كرهته كره العماء سلمته لهم وفتكيت وشطبت عليه اكس مدى الحياه ... ونصيحه ابعد عنه ... واذا انت ملزم تذكر ردي هذا

[بو العابد]

والله زين إذا لقيت 2012 في الوكالة العادة مايجيبون إلا كم حبة فقط في كل دفعة

[boss~1]

فيه سيدان جديد حينزل من شفر بإسم اس اس في 2014

أتوقع راح يكون بديل أفضل لكابريس الأسترالي الهولدن


السيدان شفرلية اس اس 2014 هيه من هولدن وتصنع في أستراليا وهيه نسخة لأمريكا فقط .. ممكن نشوفها بالخليح الله اعلم

http://www.blogcdn.com/www.autoblog.com/media/2013/02/2014-chevrolet-ss-004-opt.jpg