رأيكم مهم بالنسبة لي ..

[Meshal.M.Y]

السلام عليكم ورحمة الله وبركاته

اخواني الاعزاء

حصل لي حادث قبل 3 اشهر وتحطمت سيارتي من نوع كابريس 2009 بالكامل

الله لا يوريكم مكروه

ومعروف ان الكابريس سيارة عملية ورائعه وبها كل المواصفات المميزة

والان صار الحمل على سيارتي الاساسية البي ام دبليو وزي ماانتم عارفين البي ام ماتنفع انها تكون عملية جداً خصوصا بأن بعض الاحياء والطرق ليست جيدة وينخاف على السيارة

يااخواني احتاج رأيكم بسيارة من 170 الى 220 الف

ويفضل انها تكون عملية وجودتها عالية

حاليا العين على كاديلاك ATS فل اوبشنز 2013 وكنت ناوي اشتريها لكن فكرت بالضيق الي على المقاعد الخلفية فخليتها على جنب قلت اشوف رأيكم ان حصلت افضل منها او اشتريها والله يوفق الجميع

بانتظار ارائكم :smile:

[Meshal.M.Y]

وبالنسبة للي حاب يشوف شكل الكاديلاك يتفضل

http://www.digitaltrends.com/wp-content/uploads/2012/11/2013-Cadillac-ATS-review-front-angle-3.jpg

http://www.auto123.com/ArtImages/151475/Cadillac-ATS-2013_003.jpg

http://stwot.motortrend.com/files/2012/12/2013-Cadillac-ATS-rear-three-quarters-1024x640.jpg

http://www.carversation.com/wp-content/gallery/2013-cadillac-ats/2013-Cadillac-ATS-Interior-1280x960.jpg

[majro7]

ياخوي الكاديلاك اشوفها مو خيار مناسب
يعني مو سياره كرف زي مو حابها تكون + سمعت الوكيل مو تمام

ارشح لك الكزس بهذي القيمه حلوه وفخمه وقد ميزانيتك وعمليه برضو

موفق يارب

[Meshal.M.Y]

ياخوي الكاديلاك اشوفها مو خيار مناسب
يعني مو سياره كرف زي مو حابها تكون + سمعت الوكيل مو تمام

ارشح لك الكزس بهذي القيمه حلوه وفخمه وقد ميزانيتك وعمليه برضو

موفق يارب

الكاديلاك بالعملانيه جداً ممتاز بالبيت 2 كاديلاك وماشاء الله تمام التمام

واللكزس فكرت ب ES لكن فكرت اني بدفع 210 الاف على سيارة ماتحسسك بهالقيمة وابدا غير ملفته مع ان مواصفاتها وشكلها جيدين لكن تدفع فوق 200 الف على سيارة مثل اي سيارة بالشارع مافيها تميز احس حرام

والجي اس هي الخيار الجيد لكن الله يكتب الي فيه الخير ومشكور على ردك وانتظر ردود الباقين

[xXmajeedXx]

حرام تشتري سياره زي هذي لات تنسا انك بتدفع قيمه مو قلييله وبالنهايه سياره زيها زي التكسي بنظرة الناس.

انا ارشحلك لكزس جي اس الجديد او بي ام 740 مستعمل او اودي اي 7 صحيح ممكن تشتريها مستعمله لاكن بالنهايه اسم ولها هيبتها بالشارع.

[Ahmad Al-Sabban]

بـ220 الف اتوقع الخيارات كثيرة وبما ان عندك سيدان كسيارة اولى ليه ما تاخذ كروس اوفر كسيارة ثانية

عندك الايدج من فورد سيارة شبابية عملية انيقة ووكيل سمعته جيدة واذا تبغى التميز شوف الفئة السبورت منها - او نسخة لنكن منها ...

لكزس عندهم الكروس اوفر الصغير RX جميل ايضا

بالتوفيق

[techmate]

تكون عملية جداً خصوصا بأن بعض الاحياء والطرق

يااخواني احتاج رأيكم بسيارة من 170 الى 220 الف

ويفضل انها تكون عملية وجودتها عالية




السلام عليكم
سيارات كرف بالسعر أعلاه


مرسيدس E300
لكزس RX350


وإذا تسمع كلامي, وإذا أنت بتستخدمها داخل البلد بدون سفريات وإذا ماعندك كاش وبتأخذها تقسيط, خذلك سيارة يستخدمونها الليموزين وأثبتت صبرها:
كامري SE
ألنترا فل أوبشن

[speeed1]

العملية لا تجتمع مع الفخامة من وجهة نظري

لكن حسب ما فهمت من موضعك انك راح تكرف السيارة فارشح لك اللكزس

ما يميز الكاديلاك ان صيانته مجانية فعموما الخيارين ممتازين من وجهة نظري

مبروك مقدما

[Meshal.M.Y]

حرام تشتري سياره زي هذي لات تنسا انك بتدفع قيمه مو قلييله وبالنهايه سياره زيها زي التكسي بنظرة الناس.كاديلاك مثل التاكسي ؟ مو قوية شوي ؟

انا ارشحلك لكزس جي اس الجديد او بي ام 740 مستعمل او اودي اي 7 صحيح ممكن تشتريها مستعمله لاكن بالنهايه اسم ولها هيبتها بالشارع.فكرة جيدة لكن املك بي ام الان وموجود سيارات فخمة بالبيت لكن احتاج سيارة للكرف


شكرا لك :)


بـ220 الف اتوقع الخيارات كثيرة وبما ان عندك سيدان كسيارة اولى ليه ما تاخذ كروس اوفر كسيارة ثانية

عندك الايدج من فورد سيارة شبابية عملية انيقة ووكيل سمعته جيدة واذا تبغى التميز شوف الفئة السبورت منها - او نسخة لنكن منها ...

لكزس عندهم الكروس اوفر الصغير RX جميل ايضا

بالتوفيق

والله فكرة جيدة واليوم كنت عند الجزيرة وشفت اللنكن الي بحجم الايدج جدا رائع وفخم بدرجه كبيرة جدا و عليه عرض جيد ... شكرا لك :)


السلام عليكم - وعليكم السلام
سيارات كرف بالسعر أعلاه

مرسيدس E300 جيدة لكن اغلى من هذا السعر
لكزس RX350 جيدة لكن بها بعض النقاط المنرفزة ببالي

وإذا تسمع كلامي, وإذا أنت بتستخدمها داخل البلد بدون سفريات وإذا ماعندك كاش وبتأخذها تقسيط, خذلك سيارة يستخدمونها الليموزين وأثبتت صبرها:
كامري SE
ألنترا فل أوبشن

الحمدلله الكاش موجود وميسر :)


شكرا لك :)


العملية لا تجتمع مع الفخامة من وجهة نظري

لكن حسب ما فهمت من موضعك انك راح تكرف السيارة فارشح لك اللكزس

ما يميز الكاديلاك ان صيانته مجانية فعموما الخيارين ممتازين من وجهة نظري

مبروك مقدما

تجتمع وعندك انواع كثيرة من السيارات الفخمة العملية و شكرا اخوي العزيز على رأيك :)

بانتظار البقية وشكرا لكم

[Ghadeem]

طيب و شرايك بالكرايسلر 300 ؟؟
او القراند شيروكي
و اذا كنت تبي تغامر الكيا كوريس

[heart darkness]

ارشح لك الكرايسلر 300 او اذا تبغى طرب خذ ال SRT
حجمها كبير وماكينها جباره

[FALLING UP]

اهلين اخوي

من قال ان ES350 مو ملفته ؟

انا املك السيارة وانا عارف انها منتشره واشوف انها ملفته جدا ومن الداخل رائعه وقيادة مريحة ومكينة ممتازة

وسعرها فل 198 واشوفها تستاهل لان حجمها كبير من الخارج ومن الداخل

وغير كذا اذا كنت تفكر في جيب ارشح لك رنج روفر ايفوك

[snickers]

كلايسلر srt8
او جيب srt8

كلها عمليه وحلوه

بس اعتقد الكزس اكثر عمليه

موفق ييارب

[Meshal.M.Y]

طيب و شرايك بالكرايسلر 300 ؟؟ ممتازة جداً واعجبني فيها الستاندرد اكثر شي فخامه و مواصفات جيدة بسعر اقل من المعقول
او القراند شيروكي
و اذا كنت تبي تغامر الكيا كوريس. شفتها جميله لكن والله احسها مغامرة مرعبة لو اشتري هيونداي سنتنيال اعتقد اهدى لانها مجربه وهذي جديدة


شكرا لك :)


ارشح لك الكرايسلر 300 او اذا تبغى طرب خذ ال SRT
حجمها كبير وماكينها جباره

ايه شفتها اعجبتني ولو اخذتها اعتقد باخذ 6 سلندر ستاندرد

وشكرا لك:)


اهلين اخوي - اهلا فيك

من قال ان ES350 مو ملفته ؟ انا :tongue:

انا املك السيارة وانا عارف انها منتشره واشوف انها ملفته جدا ومن الداخل رائعه وقيادة مريحة ومكينة ممتازة انا شايف السيارة وعاجبتني جدا لكن فكرت عميق فيها اني بدفع 210 الاف بسيارة ولكن لو اجيب جنبها تشارجر ب 90 الف اعتقد بتلفت الانتباه اكثر منها مع ان هالشي ماهمني لكن اني ادفع 200 والناس يحسونها سيارة عادية احس صعبه شوي

وسعرها فل 198 واشوفها تستاهل لان حجمها كبير من الخارج ومن الداخل - الي حصلتها ب 210 مدري اذا تغيرت الاسعار الان او لا وهي خيار جيد وافضل مافيها الوسع الي تفتقده الكاديلاك ATS

وغير كذا اذا كنت تفكر في جيب ارشح لك رنج روفر ايفوك . والله فكرة رائعه مافكرت فيها من قبل والي اعرفه ان عندهم عروض عليه ومن جد شكرا يااخوي انك حطيت ببالي سيارة مافكرت فيها وراح اروح للوكالة اشوفها بس فيه احد عنده فكرة عن الاسعار ؟



شكرا لك على الفكرة الرائعة :)


كلايسلر srt8
او جيب srt8

كلها عمليه وحلوه مااعتقد انها عملية هي رياضية اكثر من انها عملية

بس اعتقد الكزس اكثر عمليه صحيح

موفق ييارب

وياك يالغالي وشكرا لك :)

[plus]

انا اشوف خيارك مناسب لولا الضيق اللي فيها

يكفي اخذت جائزة افضل سيارة في امريكا الشمالية ف عام 2013

بس شوف الكرايسلر يمكن تعجبك

وبالتوفيق :bigggrin:

[سلطان ss]

شوف لكزس او كيا كوريس
خليك على الاسيوي
يتحمل كرف وكل شي
ولا شوف اودي اي 4 سعرها حلو ومعاها صيانة مجانية
اما الكدلك صراحه يخوف
وبسعر نفسه تقدر تاخذ جيب انفنتي اف اكس 2013 بي 183
كرف ولي تبي

[MPower4-Ever]

اذا كانت لك انت فقط ومايهمك من يركب معك القصد في المقاعد الخلفيه فعليك
بالكزس is رغم اني ما أنصح بالسيارات اليابانيه الا ان الكزس خيار موفق ورغم أني أنصح بقوى و أفضل بي أم دبليو الفئة الثالثة طبعا هب وكالة تأخذها.. خذها موديل 2010 أو 2011 عمليه وكرف وكد وأعتماديه وتتحمل .. طبعا اليديده أكيد أفضل بس انت تبا موتر يعزك ويخدمك وعحسب فلووسك.
أما اذا مالك في البي أم دبليو وعندك بي إم دبليو وتريد ماركة ثانيه ..عليك بالكزس is عملية وكرف وكد.
وموفق خوي.

[FALLING UP]

العفو

اسعار الرنج روفر ايفونك

هي ثلاث فئات كلها فل كامل ولكن تفرق في الجنوط ولون الداخلية وشكل الشكامين الخلفية

الفئة الاولى 220 الف ريال سعودي واسمها بيور
الثانية 230 الف ريال سعودي واسمها برستيج
والثالثة 240 الف ريال سعودي واسمها دايناميك وتجي بجنوط اكبر وداخلية لون احمر

واشوف فرق السعر مايستاهل لان كلهم بنفس المواصفات

[ابن العين]

المطلوب سيارة ذات اعتمادية عالية وللاستعمال المتواصل

اذا المطلوب ( الانفينيتي Q56 ) سيارة رائعة وأقرب السيارات اليابانية للسيارات الالمانية ومن الممكن تأخذ ( 6 سلندر ) وبمواصفات عالية والسعر ضمن الميزانية .

[Meshal.M.Y]

انا اشوف خيارك مناسب لولا الضيق اللي فيها

يكفي اخذت جائزة افضل سيارة في امريكا الشمالية ف عام 2013

بس شوف الكرايسلر يمكن تعجبك

وبالتوفيق

والله انها جداً رائعه وجميلة لكن ضيقها شي لا يوصف الاكسنت ينافسها بالوسع هههه


شوف لكزس او كيا كوريس الكيا حلوة بس 155 ستاندرد كثير على كيا
خليك على الاسيوي
يتحمل كرف وكل شي
ولا شوف اودي اي 4 سعرها حلو ومعاها صيانة مجانية مشكلتها احلى مافيها الشعار ولا السيارة ماتسوا
اما الكدلك صراحه يخوف ابدا مايخوف الكدلك رائع لكن يبيله اهتمام فقط
وبسعر نفسه تقدر تاخذ جيب انفنتي اف اكس 2013 بي 183 حصلته ب 178 بالمكينة الجديدة
كرف ولي تبي

ومشكور :)

[Meshal.M.Y]

اذا كانت لك انت فقط ومايهمك من يركب معك القصد في المقاعد الخلفيه فعليك
بالكزس is رغم اني ما أنصح بالسيارات اليابانيه الا ان الكزس خيار موفق ورغم أني أنصح بقوى و أفضل بي أم دبليو الفئة الثالثة طبعا هب وكالة تأخذها.. خذها موديل 2010 أو 2011 عمليه وكرف وكد وأعتماديه وتتحمل .. طبعا اليديده أكيد أفضل بس انت تبا موتر يعزك ويخدمك وعحسب فلووسك.
أما اذا مالك في البي أم دبليو وعندك بي إم دبليو وتريد ماركة ثانيه ..عليك بالكزس is عملية وكرف وكد.
وموفق خوي

مشكور ياخوي على رأيك ولكن البي ام دبليو الفئة الثالثه سعرها 90 الف عندنا رخيصة جداً فلا داعي للمستعمل لكن ودي اجرب غير البي ام :smile:


العفو

اسعار الرنج روفر ايفونك

هي ثلاث فئات كلها فل كامل ولكن تفرق في الجنوط ولون الداخلية وشكل الشكامين الخلفية

الفئة الاولى 220 الف ريال سعودي واسمها بيور
الثانية 230 الف ريال سعودي واسمها برستيج
والثالثة 240 الف ريال سعودي واسمها دايناميك وتجي بجنوط اكبر وداخلية لون احمر

واشوف فرق السعر مايستاهل لان كلهم بنفس المواصفات

مشكور ياخوي على الاسعار :) وهذي اسعار الاربعه ابواب ولا الكوبيه ؟



المطلوب سيارة ذات اعتمادية عالية وللاستعمال المتواصل

اذا المطلوب ( الانفينيتي Q56 ) سيارة رائعة وأقرب السيارات اليابانية للسيارات الالمانية ومن الممكن تأخذ ( 6 سلندر ) وبمواصفات عالية والسعر ضمن الميزانية .

مفكر فيها من زمان ورائعه جداً لكن عندنا مشاكل مع الوكيل والانفينتي يبيله انتظار 4 اشهر على بال ماتجي و شلتها من بالي

ومشكورين جدا يااخوان :)

[plus]

طيب تقدر تصبر الى نزول الCTS الجديدة ولا لا

لانها بجد خورافية

[FALLING UP]

اسعار الكوبيه والاربع ابواب نفس الشي

[mutasm]

اول شي الحمد لله على السلامه والله ستر عليك

الكاديلاك اللي اعرفه موديلات اول القديمه عمليه جدا وتعيش معاك عمر , لكن الجديده ما ظنيت لان واحد من الشباب معاه sts ومبهدلته المقصات والمساعدات عشان الشوراع السيئة ما تتحمل يعني . ومن فتره الى فتره تطلع له علامات بالطبلون. وحسب كلامه الزباين دايم يتهاوشون مع حقين الصيانه عندهم (الجميح)

انا اشوف مرسيدس e class مثلا أو جيب طوارق لان ذول الاثنين سمعتهم طيبة وعملية وقليله مشاكلها. او لكزس es اذا بغيت ياباني.

موفق

[you next]

الكاديلاك الـ ATS انيقة وفاتنه وانا بصراحه مفتون فيها , وتعجبني احجام هالسيارات صغيرة وتجمل معاك بالزحمه ورياضيه وفخمه بنفس الوقت , والكاديلاك الموديلات الحديثه تتشارك المحركات والقطع الميكانيكية مع شيفرولية وبيوك وغيرها من منتجات جنرال موترز ..

عكس موديلات التسعينات وبداية الالفية , محركاتها كانت نورث ستار واغلبها تجي دفع امامي ومشاكلها كثيره

يعني مثلا محرك الـ ATS نفس المحرك الي نازل على الكمارو الـ 6 سلندر وغيرها من سيارات شفر واعرف واحد معاه الكمارو لها سنتين ومبسوط عليها ولاتنسى ان عليها عرض الصيانه المجانية يعني ماراح تشيل هم المشاكل ان شاء الله

وعندي لك اقتراح ثاني , اللكزس الـ IS350 شفتها عند عبداللطيف جميل وكانت للعرض وراح يبدأ البيع بعد شهرين تقريبا اذا مانت مستعجل , وهذي صوره لها

http://im36.gulfup.com/GH3kl.jpg (http://www.gulfup.com/?zyZ52R)

السياره ع الطبيعه روعه وتصميمها هجومي والداخلية جدا جميله

[Meshal.M.Y]

طيب تقدر تصبر الى نزول الCTS الجديدة ولا لا

لانها بجد خورافية

اقدر اصبر بس بنفس الوقت ودي اشتري وافتك :)


اسعار الكوبيه والاربع ابواب نفس الشي

مشكور ياخوي وماقصرت الله يجزاك خير :)


اول شي الحمد لله على السلامه والله ستر عليك

الكاديلاك اللي اعرفه موديلات اول القديمه عمليه جدا وتعيش معاك عمر , لكن الجديده ما ظنيت لان واحد من الشباب معاه sts ومبهدلته المقصات والمساعدات عشان الشوراع السيئة ما تتحمل يعني . ومن فتره الى فتره تطلع له علامات بالطبلون. وحسب كلامه الزباين دايم يتهاوشون مع حقين الصيانه عندهم (الجميح)

انا اشوف مرسيدس e class مثلا أو جيب طوارق لان ذول الاثنين سمعتهم طيبة وعملية وقليله مشاكلها. او لكزس es اذا بغيت ياباني.

موفق

الله يسلمك ولا يريك مكروه

بالنسبة للكاديلاك عندنا 92 و 2003 جيدة جداً والحمدلله بالنسبة للخرابات نادره اذا تحافظ

و E-CLASS حلوة لكن بدري عليها ادفع 200 الف على ستاندرد 4 سلندر والمشكلة بأنها مو لدرجة جمال البي ام الفئة الخامسة

ومشكور اخوي العزيز :)

[Meshal.M.Y]

الكاديلاك الـ ATS انيقة وفاتنه وانا بصراحه مفتون فيها , وتعجبني احجام هالسيارات صغيرة وتجمل معاك بالزحمه ورياضيه وفخمه بنفس الوقت , والكاديلاك الموديلات الحديثه تتشارك المحركات والقطع الميكانيكية مع شيفرولية وبيوك وغيرها من منتجات جنرال موترز ..

عكس موديلات التسعينات وبداية الالفية , محركاتها كانت نورث ستار واغلبها تجي دفع امامي ومشاكلها كثيره

يعني مثلا محرك الـ ATS نفس المحرك الي نازل على الكمارو الـ 6 سلندر وغيرها من سيارات شفر واعرف واحد معاه الكمارو لها سنتين ومبسوط عليها ولاتنسى ان عليها عرض الصيانه المجانية يعني ماراح تشيل هم المشاكل ان شاء الله

وعندي لك اقتراح ثاني , اللكزس الـ IS350 شفتها عند عبداللطيف جميل وكانت للعرض وراح يبدأ البيع بعد شهرين تقريبا اذا مانت مستعجل

ATS والله فيها روعه كبيرة بس مشكلتها يوم جيت ابشتري لاحظت الضيق العظيم ولا كمواصفات و مكينة شي رائع بشكل

وال is حلوة لكن الجديدة من الامام حركة الشمعات تقهر بينهم قطعة من البودي :confused1:

ومشكور ياخوي على رأيك وماقصرت

[FALLING UP]

اقدر اصبر بس بنفس الوقت ودي اشتري وافتك :)





اصبر ياخوي لان هذي سيارة العمر وكونك دافع مبلغ فوق 150 هذا مو شي بسيط

انا استغرقت في شراء السيارة حوالي 6 شهور وكنت محتار وخطرت على بالي سيارات كثيرة وكنت مقتنع فيها والان احمد ربي اني ماخذتها

من ضمن هذي السيارات مرسيدس e وشكلة تغير الان والحمدلله اني ما استعجلت وخذته


لان الشخص يكون في البدايه متشتت ومايدري وش يشتري وبعد فتره يبدا كل شي يكون واضح بالنسبة له


وشكرا

[plus]

اصبر ياخوي لان هذي سيارة العمر وكونك دافع مبلغ فوق 150 هذا مو شي بسيط

انا استغرقت في شراء السيارة حوالي 6 شهور وكنت محتار وخطرت على بالي سيارات كثيرة وكنت مقتنع فيها والان احمد ربي اني ماخذتها

من ضمن هذي السيارات مرسيدس e وشكلة تغير الان والحمدلله اني ما استعجلت وخذته


لان الشخص يكون في البدايه متشتت ومايدري وش يشتري وبعد فتره يبدا كل شي يكون واضح بالنسبة له


وشكرا
اتفق مع كلام الطيب :bigggrin:

[محمد القحطاني]

هلا ومرحبا الف فيك اخوي
عندك كمان الفورد تورس تجي دفع امامي او دفع رباعي
ممكن تاخذ الفئه المتوسطه وعندهم عروض

[GoldenLion]

وعليكم السلام ورحمة الله وبركاته

سلامات ما تشوف شر والله يعوضك في الكابرس

ترشيحي انه تأخذ لكزس RX لأنه مرتفع وعملي ومريح
أما إن كان ولابد من السيدان فعندك GS خيار جميل وعملي

والله يوفقك

[Meshal.M.Y]

اصبر ياخوي لان هذي سيارة العمر وكونك دافع مبلغ فوق 150 هذا مو شي بسيط

انا استغرقت في شراء السيارة حوالي 6 شهور وكنت محتار وخطرت على بالي سيارات كثيرة وكنت مقتنع فيها والان احمد ربي اني ماخذتها

من ضمن هذي السيارات مرسيدس e وشكلة تغير الان والحمدلله اني ما استعجلت وخذته


لان الشخص يكون في البدايه متشتت ومايدري وش يشتري وبعد فتره يبدا كل شي يكون واضح بالنسبة له


وشكرا


اتفق مع كلام الطيب

كلامكم على عيني وراسي بس يااخواني الاعزاء الحمدلله سيارة العمر معي انا الان محتاج لي سيارة مكان سيارتي الكابريس لانها كانت الاساس كل المشاوير والشغلات عليها اما الان كل شيء على البي ام فصعبه اني اروح فيها لطرق محفرة و ردميات ومثلها


هلا ومرحبا الف فيك اخوي
عندك كمان الفورد تورس تجي دفع امامي او دفع رباعي
ممكن تاخذ الفئه المتوسطه وعندهم عروض

ايه شفتها اعجبتني والله وسعرها فل اوبشنز دفع رباعي ب 155 الف لكن افضل عليها سيارات الكروس اوفر


وعليكم السلام ورحمة الله وبركاته

سلامات ما تشوف شر والله يعوضك في الكابرس

ترشيحي انه تأخذ لكزس RX لأنه مرتفع وعملي ومريح
أما إن كان ولابد من السيدان فعندك GS خيار جميل وعملي

والله يوفقك

امين و الله يسلمك ولا يريك مكروه اخوي العزيز

اللكزس ار اكس حلو بس قيره الله لا يوريك والجي اس جداً جميلة وحاطها براسي

ومشكورين يااخوان :)

[Meshal.M.Y]

والان ياشباب

شفت اللنكن MKX 2013

جداً جداً اعجبني وان شاء الله قريبا اقتنيه

ابي ارائكم عنه وش رأيكم فيه ؟

[FALLING UP]

والان ياشباب

شفت اللنكن MKX 2013

جداً جداً اعجبني وان شاء الله قريبا اقتنيه

ابي ارائكم عنه وش رأيكم فيه ؟

ممتازة ولكنها نادرة ومايقتنيها الا اصحاب التميز

اشوف فخامتها حلوه وكيلها اشوفه ممتاز

وفي سيارات جيب المانية بنفس سعرها مثل

Audi Q5 2013

GLK 2013

ابحث عنهم يمكن ينالون اعجابك

[JoooJooo]

اقول حبيبي

ليش ما تجرب ال BMW X5 سيارة تسوي كل شي << ( بر , زفلت , تحميل ركاب , تحميل بضائع , سفر , راحة , فخامة , قوة , تحمل كرف , و لأنها جيب ف هي مع الشوارع المكسرة جيدة جدا ) و فوق هذا ارخص من التويوتا لاندكروزر

[Meshal.M.Y]

ممتازة ولكنها نادرة ومايقتنيها الا اصحاب التميز

اشوف فخامتها حلوه وكيلها اشوفه ممتاز

وفي سيارات جيب المانية بنفس سعرها مثل

Audi Q5 2013

GLK 2013

ابحث عنهم يمكن ينالون اعجابك

الاودي نازل من 2009 وصديقي يشتغل بالوكالة نصحني بعدم اشترائه لا كيو 5 ولا كيو 7

لان تغييرهم قرب

ومكينته 4 سلندر

والمرسيدس مااشوفه الا نادر واشوفه مع موظفين الشركات الاجانب

ومشكور على ارائك ياخوي العزيز :)


اقول حبيبي

ليش ما تجرب ال BMW X5 سيارة تسوي كل شي << ( بر , زفلت , تحميل ركاب , تحميل بضائع , سفر , راحة , فخامة , قوة , تحمل كرف , و لأنها جيب ف هي مع الشوارع المكسرة جيدة جدا ) و فوق هذا ارخص من التويوتا لاندكروزر

فكرت فيه وسعره رخيص 185 موديل 2013 بس بيتغير 14 مابقى الا كم شهر ويعلن عن الجديد

والجيب لا توصي حريص قادم ان شاء الله

ومشكورين وماقصرتو