مشورتكم يا اصحاب BMW 530 or 523 خليجي او امريكي

[غيـ الناس ـر]

السلام عليكم ورحمة الله وبركاته

اللهم صل على محمد واله ومن اتبعهم باحسان

الزبدة يا اخواني

اني ناوي اشتري سيارة وتقريبا قررت على BMW الفئة الخمسة 6 سلندر
من مديل 2006 الى 2008
احد الاحجام التالية 530 او 523 ...سته سلندر

وحسب بحثي بالنت وتجربة احد اصحابي
بان السيارة قوية وعملية وبعضهم يقول تبع كرف
وانا اريد سؤال اصحاب هذه الفئة... هل هي فعلا تتحمل طويلا اريد اعرف النقاط التالية

*عضلات( مساعدات وربل مقصات واذرعة ) مع شوارعنا الجميلة ؛ساحة اختبار قدرات مو شوارع
*حرارة وتعلمون عندنا الحرارة توصل 52 درجة مئوية في عززز الصيف.
*مكيفها في هذا الحرارة خاصة في الوقوف والانتظار .
* الاعطال الكهربائة والكمبيوتر، لاني لاحظت بعض المواضيع بالنت تتحدث عن سلك وحساسات و العقل او ما يسمونه الكمبيوتر.

سؤال: بالنسبة لفتحة USB في اي موديل او فئة تكون موجودة هذة الفتحة ؟
انا لقيتها في موديل 2008 امريكي تكون بالدرج اللي به الثلاجة ولكن لم اعرف الحجم...او الفئة


ثالثا : اريد اعرف اسعار القطع الاستهلاكية وهل تختلف بين 530 و 523 وايضا بين الامريكي والخليجي وهل القطع الامريكية متوفر ام لا ؟

- المساعدات الامامية والخليفه ؟
- البريكات او القماشات والهوبات ؟
- الزجاج الامامي؟
- شمعات الزينون؟

واذا في اي احد غير قطعة معينه يا ريت يذكرها لنا وسبب خرابها وسعرها في الوكالة او الموزعين ؟


اخيرا هل تنصحوني فيها ....؟ محتاج مشورتكم يا جماعة

[SHADOW V6]

وعليكم السلام

والله انصحك فيها وبقوه وأنا من ملاك هذه السياره الجميله ,, عمليه وتتحمل وناادره خراباتها

أبعد عن الأمريكي ,, وخذلك خليجي

أسعار القطع لاتحاتيها ابداً لأن نفس الأسعار العاديه لكن بإختلاف المده الزمنيه

مثال : السيارات العاديه كل شهر تغير زيت أو كل 5 آلاف كم بـ 120 ريال مثلاً ,, سيارتك بتغير زيتها كل 20,000 الف (تقريباً كل 6 شهور) بـ 450 ريال فقط

وانت احسبها وشوف من الأوفر !!

القماشات الأماميه : 650 ريال كل 60 الف كم
القماشات الخلفيه : 480 ريال كل 50 ألف كم
فلاتر المكيف : 350 ريال كل 100 ألف كم
البواجي : بـ 850 ريال كل 120 الف كم
المساعدات :ماااعرف لأن لي سنتين والحمدلله السياره إلى الآن لم تشتكي

أنا شخصياً انصحك بالـ 530 موديل 2008 عزمها جيد مقارنة مع السيارات الأخرى ويكون ممشاها قليل

إن شاء الله اني أفدتك وبالتوفيق

[أبو سعود Q8]

وعليكم السلام عزيزي
ومبروك عليك السيارة مقدما


مثل ما ذكر الأخ Shadow الأفضل انك تاخذ مواصفات خليجية
عشان يكون تكييفها بارد وتتحمل حرارة الصيف


بس في نقطة ، انت متأكد ان سيارة 523 تجي 6 سلندر ؟؟؟؟
:c0214:
تأكد من هذي المعلومة لأن الي اعرفه انها تكون 4 سلندر
ونصيحتي لاتاخذ 4 سلندر لأنها بتكون ثقيله
اخذ 6 سلندر أفضل


والله يعطيك خيرها ويكافيك شرها

[غيـ الناس ـر]

الف شكر لكم اخواني على المعومات المفيدة

بالنسبه لـ 523 انها 6سلندر وايضا تجي 4 سلندر حسب المواصفات
لكن اللي ودي اعرف في اي احجام تكون فتحة USB موجودة في مديلات 2008
استغرب بعضهم موجود والاخر لا