استفسار بخصوص الجاكوار XJ

[عبودها]

السلام عليكم

ياخوان انا بصراحه محتار بالجاكوار XJ بين موديل 2011 و 2013
طبعا الـ سته سليندر

عرض علي موديل 2011 نظيف جداوبسعر ممتاز بس قال لي موظف الناغي ان موديل 2011 فيه مشاكل بالعزل في فتحة السقف البانوراميه والشاشه تعلق وتخرب والمكينه تختلف من ناحيه عدد الاحصنه حيث ان موديل 2011 محركه فقط 240 حصان والقير 6 سرعات

وان في موديل 2013 تم تلافي كل هذه الاعطال والمشاكل بالاضافه الى ان القير تحول الى 8 سرعات وقوة المكينه 340 حصان

ياليت اهل الخبره والتجربه يفيدوني وينصحوني لوجهه الله ... انا محتار لي اسبوع ولا اعرف اصدق الموظف واشتري جديد ... والا اشتري المستعمله وااوفر مبلغ كبير ... مع العلم ان السياره المعروضه علي اخت الجديده

تحياتي ,,

[Ibrahim Aziz]

من ناحيتي بدون ادنى تفكير اختار الجديد ٢٠١٣

[Das Auto]

كم السعر للثنتين عشان نحكم

[VIP 111]

عليكم السلام ورحمة الله وبركاته

الجاكوار XJ من السيارات المظلومة في سوقنا ( ربما لتصميمها الخلفي ! )

لكن من ناحية الاعطال والمشاكل فقد تحسنت عن الاجيال السابقة بشكل واضح وملحوظ

في الحقيقة ودي تعطينا اسعار السيارتين عشان نحكم ، لكن القرار النهائي بيدك انت اخوي

افضل حل اشوفه انك تطلب تجربة موديل 2011 وتطلب تجربة 2013 ( بالنسبة للـ2013 فهي متوفرة للتجربة بوكالة الناغي فقط تجيب معاك الرخصة وبطاقة الاحوال وتكون فوق 21 او 25 ما اذكر )

وبعد تجربة السيارتين راح تتضح لك الرؤية وتقدر تقرر ، هل العزل فعلا سئ في موديل 2011 او انك راضي عنه

وهل يناسبك المحرك 240 حصان ويلبي احتياجاتك او انه ما ينفع لك مثل محرك الـ340 حصان

اما بالنسبة لعيوب السيارة الاخرى للاسف ماعندي خلفية عنها ( مسألة تعليق الشاشة واجهتني برينج روفر 2013 الشكل الجديد ، وكنت اعتقد انها مشكلة بنفس السيارة ، ولكن الظاهر انها مشكلة عامة بالرينج والجاكوار !! )

بانتظار مشاركات بقية الاخوة ، ولاتنسى صلاة الاستخارة

الله يوفقنا واياك .. اخوك محمد