باسات فل كامل 2013؟

[كابرس 8سلندر]

السلام عليكم

كيفكم ياشباب عساكم بخير؟
انا ان شاء الله نويت اطلع سياره من الوكاله وقلت مالي الا انتوا استشيركم

من يوم نويت اشتري وكاله حطيت في بالي ايدج 2013 لمتد 1 او نص فل الي تحتها .. لأني بالعربي ابغى سياره مرتفعه ولا ابي غير المرتفع

لكن لما شفت الباسات تغيرت نظرتي واصبحت في حيره ولكن انا مايل اكثر للباسات لأنها المانيه ومثل ما انتوا عارفين الألماني ماعليه كلام بالرساوه والخط والمتعه .. وبنفس الوقت اكتشفت ان قطع غيار الباسات جداً مناسبه ! لكن يعيبها الوكيل السيء جداً الي ممكن اتغاضى عن هالعيب

انا الي خلاني افكر بالإيدج ان الموتر مرتفع وفخامه للأمانه .. والباسات الماني وبرضو فخامه لكنه سيدان ..

فـ انا قلت لكم ليش ارغب بالإيدج وليش ارغب بالباسات .. للعلم انا بالإسبوع راح امشي بالسياره مالا يقل عن 450 كيلو او 500 ..

انتظر مشورتكم

ملاحظه : انا اقصد الباسات ماهي السي سي .. اقصد الشكل الآخر الفل منه .. والي عنده علم بسعر الستاندر السي سي والنص فل ياليت يقوله

انتظركم

[كابرس 8سلندر]

مآزلت انتظر ردكم ياشباب

[Das Auto]

الوكيل تحسن كثير جداً أنا سيارتي فولكس فاجن شيروكو ٢٠١١ ومرتاح معاه ضمان خمس سنوات مفتوح الصيانة كل ١٥ ألف ومجانية حتى ٤٥ ألف وصدقني السيارة قمة في الروعة وخل عنك خرابيط الفورد وأي استفسار أنا جاهز حتى لو تحب تكلمني جوال

[محمد]

الله يوفقك لاختيار السيارة المناسبة
للأسف ليس عندي خبرة بهذه السيارة أو الوكيل.

[Ibrahim Aziz]

ساماكو تحسن كثير كثير خصوصا بورشه

[rh7al]

الفورد الايدج رائعه جدا وخراباته قليله ووكيله ممتاز يمكن يكون افضل وكيل سيارات بالمملكه

الباسات رائعه قطع غيارها اغلى من الايدج بقليل ووكيلها اسوء وكيل سيارات بالمملكه

وعاد انت اطبع صورتين للسيارتين ثم نام وحط وحده على يمينك ووحده على يسارك واللي تقوم من النوم وصورتها
لازقه بخدك اشترها :bigggrin:

امزح معك والله يوفقك بالاختيار الافضل

[Ahmad Al-Sabban]

الباسات صناعة اميركية , واذا كانت تؤدي اغراضك فخذها لانها ارخص من الايدج وتوفر الباقي بجيبك ....

وبعض مواقع السيارات الاميركية اعتبروها من افضل سيارات السيدان باميركا ...

لكن وكيلها سمعته متاخرة عن باقي الوكلاء

الاسعار من موقع الوكيل والمواصفات للي يبغى يطلع عليها

http://www.volkswagen-saudi-arabia.com/en-vwme/models/Volkswagen-CC/trimlevel-overview.html

وهذه للباسات العادية

http://www.volkswagen-saudi-arabia.com/en-vwme/models/Passat/trimlevel_overview.html

كتجربة شخصية مااعرف احد معاه باسات الا واحد وموديل قديم من قبل 4 سنوات وما كان مرتاح معاها ...

الايدج منتشرة يعني معارفي اللي معاهم الايدج يوصلوا تقريبا 6 ومرتاحين معاها

بالتوفيق

[مستهام]

الي تقصدها فئة sport plus
وتفرق عن الي تحتها بالانوار الاماميه والخلفية ليد
والجنوط 18
ونظام نفيقيشن
وتسخين المراتب
يعني بصراحه ياتطلع السبورت ولا شوف سياره غيرها
السياره عمليه جدا والي يساعدها ضمان الشركه ممتاز
انا انشالله اليوم ولا بكره بروح الوكالة واتاكد اكثر
وشكرا

[DRcorolla587]

وعليكم السلام
الله يوفقك في الاختيارالمناسب ، أنا عن نفسي أخوي معاه فولكس واجن جيتا فل كامل اخت الباسات الاصغر ودايما آخذها مشاوير السيارة ماعليها خلاف وتحس انك راكب سيارة ماشاء الله فما بالك بالباسات !!

وكان لي تجربة للباسات ماشاء الله راسية وثابتة وصوت المكينة اكثر من رائع ، لكن عيبها الوحيد إنها قاسية جدا على الحفر الكبيرة فقط .

بالتوفيق

[cover me]

انا كنت بشتريها و سئلت واحد عنده نفسها لكن الشكل القديم
الصراحه مانصحني فيها و يقول ظيقه من الداخل مو واسعه !
انا بس ركبت فيها من الامام ماشفت المساحه الخلفيه لها و المعروف فيها قطعها مو ذيك الرخيصه ولا بذيك المرغوبه عند البيع
يعني تاكد انك راح تكدها على الاقل 5 سنوات

لكن الوكيل من تجربه صاحبي لما جا يغير اقمشه على حسب الصيانه المجدوله قالو له اقمشتها ممتازه ولا يحتاج تركب هم خليهم عندك لين نطلبهم جيبهم معاك
لو وكاله ثانيه كان حطوهم على جنب و قالو لك ركبناهم

[bmw 740-2012]

واحد من الشباب معاه باسات CC 2011 والرجال راح يبيعها الان بسبب كثرة الخرابات والصيانه السيئه... وعلى كلامه ان صيانة ال60 الف راح تكلفه اكثر من 5000 ريال

الرجال شرا ايدج 2013 سبورت راح يستلمه قريب

[أبو مؤيد]

الباسات 170 حصان ؟؟

[DRcorolla587]

^^^
نعم ، 170 حصان ألماني و2،5 و عزمها ماهو بطال ، وخمسة سلندر ، جربتها وصراحة من احسن الاشياء اللي اعجبتني صوت المكينة طرب كأنه صوت 8 سلندر. وهذا تسارعها :
من ال0 الى 100 بين 6 وال7 ثواني
http://www.youtube.com/watch?v=V5X4ApRmA_s

على فكرة صاحب الموضوع وينه؟؟؟؟